Morgunblaðið - 27.05.2004, Síða 65

ÍÞRÓTTIR
MORGUNBLAÐIÐ FIMMTUDAGUR 27. MAÍ 2004 65
SUÐUR-KÓREUMAÐURINN Kyung Shin-
Yoon, Gummersbach, varð markakóngur
þýsku 1. deildarinnar í handknattleik sem
lauk um síðustu helgi. Yoon skoraði 254
mörk, þremur fleiri en danski landsliðsmað-
urinn Lars Christiansen sem skoraði 251
mark fyrir meistara Flensburg. Í þriðja sæti
var Jan Filip, hornamaður Nordhorn, með
230 mörk.
Af íslensku leikmönnunum varð Guðjón
Valur Sigurðsson, Essen, markahæstur en
hann skoraði 126 mörk, einu marki meira en
Snorri Steinn Guðjónsson, Grosswallstadt og
Jaliesky Garcia, Göppingen. Gylfi Gylfason,
Wilhelmshavener, skoraði 110 mörk, Gunnar
Berg Viktorsson, Wetzlar, 96, Einar Örn
Jónsson, Wallau, 84, Sigfús Sigurðsson,
Magdeburg, 85, Róbert Sighvatsson, Wetzlar,
64 og Rúnar Sigtryggsson, Wallau, 22 mörk.
Guðjón Valur
skoraði mest
AXEL Stefánsson hefur verið ráð-
inn þjálfari handknattleiksliðs Þórs
á Akureyri á næstu leiktíð. Hann
tekur við af Sigurpáli Árna Að-
alsteinssyni sem stýrt hefur liðinu
undanfarin ár en hann hefur nú
tekið að sér að vera yfirþjálfari
yngri flokka Þórs. Þá hafa Þórs-
arar endurheimt Lettann Aigars
Laizdins og verður hann aðstoð-
armaður Axels við þjálfun liðsins
auk þess sem hann mun leika með
því. Laizdins lék með Þór um nokk-
urt skeið við góðan orðstír en hélt
til Lettlands á ný fyrir ári. Hann
getur bæði leikið sem leikstjórn-
andi og skytta vinstra megin.
Laizdins æfir nú með landsliði
Letta sem mætir Spánverjum í
tveimur leikjum í undankeppni
heimsmeistaramótsins um næstu og
þar næstu helgi.
Þórsara gera sér vonir um að
halda þeim leikmönnum sem voru í
herbúðum þeirra á síðustu leiktíð
að því undanskildu að Jónas Stef-
ánsson markvörður er á ný fluttur
suður. Leita Þórsarar fyrir sér um
þessar mundir að markverði utan
landssteinanna, eftir því sem heild-
ir Morgunblaðsins herma.
Örvhenti hornamaðurinn Goran
Gusic er einn þeirra leikmanna sem
Þórsarar gera sér góðar vonir um
að halda. Austurrískt félag hefur
borið víurnar í Króatann sem mun
liggja undir feldi um þessar mundir
og hugsar málið.
Axel ráðinn þjálfari Þórs
– Laizdins kemur aftur
FJÖLNISMENN, nýliðarnir í 1. deild karla í knattspyrnu, hafa
fengið mikinn liðsauka frá Serbíu/Svartfjallalandi. Þrír leikmenn
þaðan komu til landsins í fyrrakvöld, eru komnir með leikheimild
og spila að öllu óbreyttu með Fjölni gegn Njarðvík í 3. umferð 1.
deildarinnar annað kvöld. Þremenningarnir heita Mladen Ilic, 28
ára, Slavisa Matic, 24 ára, og Dragan Vasiljevic, 33 ára, og er um
sóknarmann, miðjumann og varnarmann að ræða. Steinar Ingi-
mundarson, þjálfari Fjölnis, fór til Serbíu/Svartfjallalands fyrir
skömmu og sá þá spila þar með sínum félagsliðum.
Vasiljevic, sem er hávaxinn varnarmaður, lék þrjá leiki með
Hammarby í sænsku úrvalsdeildinni árið 2000 en áður spilaði
hann með Radnicki Nis í júgóslavnesku úrvalsdeildinni.
Fjölnir hefur tapað tveimur fyrstu leikjum sínum í 1. deildinni,
gegn HK og Haukum, en með þessa þrjá leikmenn innanborðs
vonast Grafarvogsmenn eftir því að lið þeirra nái að halda sæti
sínu í deildinni.
Þar með eru fimm serbneskir knattspyrnumenn í röðum Fjöln-
is. Tvær landsliðskonur þaðan leika með kvennaliði félagsins í úr-
valsdeildinni í sumar, þær Ratka Zivkovic og Vanja Stefanovic.
Þrír Serbar komnir í
raðir nýliða Fjölnis
FÓLK
 HADDUR Stefánsson hefur verið
ráðinn þjálfari kvennaliðs KA/Þórs
í handknattleik fyrir næsta tímabil
og hann tekur við af Magnúsi Egg-
ertssyni sem stýrði liðinu í vetur.
Haddur hefur þjálfað yngri flokka
hjá KA undanfarin ár. Samkvæmt
vef KA leikur Cornelia Rete áfram
með liðinu næsta tímabil en hún var
aðalmarkaskorari liðsins í vetur. Þá
er sagt að líklegt sé að Þórsteina
Sigurbjörnsdóttir frá ÍBV gangi til
liðs við það.
 RÍKHARÐUR Daðason skoraði
100. mark Skagamanna í leikjum
þeirra við Fram í Reykjavík á Ís-
landsmótinu í knattspyrnu frá upp-
hafi. Því miður fyrir Ríkharð sendi
hann boltann í eigið mark en hann
er ættaður frá Akranesi, dótturson-
ur Ríkharðs Jónssonar, leikmanns,
þjálfara og mesta markaskora Ak-
urnesinga um langt árabil.
 NORÐMENN báru sigurorð af
Portúgölum, 26:24, í vináttuleik í
handknattleik í fyrrakvöld en Norð-
menn eru að búa sig undir leikina
við Ungverja um sæti á HM. Borge
Lund var markahæstur í liði Norð-
manna með 6 mörk.
 STAÐFEST var í gær að Kevin
Blackwell yrði nýr þjálfari enska
liðsins Leeds United. Blackwell
kom til liðsins frá Sheffield United í
fyrra og gerði kappinn tveggja ára
samning.
 ANDRIY Shevchenko, framherji
AC Milan, hefur framlengt samning
sinn við félagið til vorsins 2009.
Þetta var gert í framhaldi af því að
spurnir bárust af því að rússneski
auðmaðurinn Roman Abramovich
hygðist kaupa Úkraínumanninn
markheppna til Chelsea í sumar.
Shevchenko hefur verið í herbúðum
AC Milan í fimm ár. Hann varð
markahæsti leikmaður ítölsku A-
deildarinnar á nýliðinni leiktíð,
skoraði 24 mörk.
AÐ venju verða stigamót ársins
fimm að tölu og þeir kylfingar
sem standa best að vígi að lokinni
mótaröðinni verða stigameistarar
ársins. Heiðar Davíð Bragason
GKj og Ragnhildur Sigurðardóttur
GR eiga titil að verja á þessu sviði
en þau urðu stigameistarar á síð-
asta keppnistímabili.

Fyrsta mótið fer fram á Korp-
úlfsstaðavelli um næstu helgi þar
sem leiknar verða 36 holur með
höggleiksfyrirkomulagi.

Annað mót ársins verður í Vest-
mannaeyjum og hefst það laug-
ardaginn 12. júní. Þar er einnig
keppt í höggleik en leiknar verða
54 holur eða þrír hringir.

Þriðja stigamótið fer fram í
Leirunni, heimavelli Golfklúbbs
Suðurnesja, og hefst það 26. júní
þar sem leiknar verða 54 holur
með höggleiksfyrirkomulagi.

Fjórða stigamót ársins er sjálft
Íslandsmótið í höggleik sem fram
fer á Garðavelli á Akranesi dag-
ana 22.–25. júlí. Um er að ræða 72
holur eða fjóra hringi. Birgir Leif-
ur Hafþórsson GKG og Ragnhildur
Sigurðardóttir GR eiga þar titil að
verja.

Fimmta og síðasta stigamót árs-
ins er jafnframt Íslandsmótið í
holukeppni og fer það fram í Graf-
arholti. Mótið hefst 6. ágúst og
þar eigast við 64 efstu kylfing-
arnir í Toyota-mótaröðinni, miðað
við fyrstu fjögur mót ársins. Har-
aldur Hilmar Heimisson GR og
Helga Rut Svanbergsdóttir úr GKj
sigruðu á þessu móti fyrir ári á
Leirunni.
Heiðar Davíð og Ragnhildur eiga titil að verja
NÝJAR reglur verða notaðar við
útreikning á stigagjöf á stiga-
mótum ársins í Toyota-móta-
röðinni. Notast verður við sama
fyrirkomulag og notað er í at-
vinnumannamótaröðum í Banda-
ríkjunum og Evrópu.
Alls verða 1000 stig í pottinum
á hverju móti. Sigurvegarinn fær
16,67% af heildarstigunum, sá
sem verður annar fær 11,11%,
þriðja sætið gefur 6,26%, fjórða
sæti 5% og það fimmta 4,24%.
Kylfingar sem enda í neðstu
sætunum fá 0,75% af stigunum.
Ef miðað er við síðasta keppn-
istímabil hefði Birgir Leifur Haf-
þórsson GKG staðið uppi sem
stigahæsti kylfingurinn í karla-
flokki en Heiðar Davíð Bragason
GKj fékk flest stig samtals á
stigamótum síðasta árs.
Nýjar reglur í stigagjöfinni
Íslandsmeistarinn í kvennaflokki,Ragnhildur Sigurðardóttir, verður
með um helgina á „öðrum“ heimavelli
sínum en hún og Her-
borg Arnarsdóttir úr
GR eru með næst-
lægstu forgjöf þeirra
sem keppa í kvenna-
flokki, eða 0,6. Þórdís Geirsdóttir úr
GK er hins vegar með lægstu forgjöf-
ina, eða 0,4. Það má búast við því að
Ragnhildur, Herborg og Þórdís verði
í fremstu röð á fyrsta stigamóti ársins
en þríeykið úr Kili Mosfellsbæ, þær
Katrín Dögg Hilmarsdóttir (3,2),
Nína Björk Geirsdóttir (2,6) og Helga
Rut Svanbergsdóttir (4,4) gætu einn-
ig blandað sér í baráttuna um efstu
sætin. Tinna Jóhannsdóttir úr GK er
með 4,3 í forgjöf og þar sem aðeins
eru leiknar 36 holur geta óvæntir
hlutir gerst á fyrsta móti ársins.
Þess má geta að Herborg lék afar
lítið á síðasta ári þar sem hún var í
barnsburðarleyfi og gat því ekki varið
Íslandsmeistaratitilinn frá árinu
2002.
Í karlaflokki vantar a.m.k. þrjá af
öflugustu kylfingum landsins sem
keppa allir á erlendri grund um
næstu helgi. Íslandsmeistarinn Birgir
Leifur Hafþórsson úr GKG keppir á
móti í Sarpsborg í Noregi um helgina
og sigurvegarinn í Toyota-mótaröð-
inni á síðastliðnu keppnistímabili,
Heiðar Davíð Bragason úr Kili í Mos-
fellsbæ, keppir á Opna breska áhuga-
mannamótinu ásamt Erni Ævari
Hjartarsyni úr GS. Mótið hefst þann
31. maí á St. Andrews-vellinum í
Skotlandi.
Björgvin Sigurbergsson úr GK er
með lægstu forgjöf þeirra sem keppa
í Korpunni, eða -2,6. Alls eru 11 kylf-
ingar með minna en 0 í forgjöf og má
búast við að þeir kylfingar verði fram-
arlega þegar uppi verður staðið í
mótslok. Ólafur Már Sigurðsson úr
GK er með -2,3. Magnús Lárusson
GKj er með -2 líkt og Sigurpáll Geir
Sveinsson frá GA. Ekki má gleyma
Íslandsmeistaranum í holukeppni,
Haraldi H. Heimissyni, sem er á
heimavelli að þessu sinni en hann er
úr GR og er með -1,8 í forgjöf.
Aðsókn að stigamótunum er mis-
jöfn og að öllu jöfnu komast kylfingar
sem eru með 5 eða hærra ekki inn á
mótin. Að þessu sinni er hæsta for-
gjöfin í karlaflokki 7,2 en að venju er
forgjöfin í kvennaflokki nokkuð
hærri, en 13,9 er hæsta forgjöfin í
kvennaflokki að þessu sinni.
Heiðar Davíð Bragason GKj og
Þórdís Geirsdóttir GK sigruðu á
fyrsta stigamóti síðasta keppnistíma-
bils en það fór einnig fram á Korpúlfs-
staðavelli. Þar setti Heiðar Davíð vall-
armet á fyrsta hring þar sem hann
notaði aðeins 66 högg og bætti vall-
armet Haraldar H. Heimissonar frá
árinu 2001 um fjögur högg.
Þórdís hafði mikla yfirburði í
kvennaflokki og var 5 höggum betri
en Ragnhildur Sigurðardóttir.
Birgir Leifur Hafþórsson GKG og
Anna Lísa Jóhannsdóttur GR sigruðu
á öðru stigamóti ársins 2003 sem fram
fór á Garðavelli á Akranesi.
Haraldur H. Heimisson GR og
Helga Rut Svanbergsdóttir GKj sigr-
uðu á þriðja stigamóti síðasta árs,
sem jafnframt var Íslandsmótið í
holukeppni.
Ragnhildur Sigurðardóttir GR og
Birgir Leifur Hafþórsson GKG sigr-
uðu á fjórða stigamóti síðasta árs,
sem var jafnframt Íslandsmótið í
höggleik í Vestmannaeyjum.
Birgir Leifur hélt uppteknum
hætti á næsta stigamóti sem fram fór
í Grafarholti en mótið átti upphaflega
að fara fram á Akureyri. Sömu sögu
er að segja af Ragnhildi Sigurðardótt-
ur úr GR sem sigraði í kvennaflokki.
Á fimmta og síðasta stigamóti árs-
ins 2003 sigraði Helgi Birkir Þórisson
GS í karlaflokki og Tinna Jóhanns-
dóttir úr GK sigraði í kvennaflokki.
Fyrsta stigamót ársins í golfi fer fram um helgina á Korpúlfsstaðavelli
Herborg Arnarsdóttir, GR, í upphafshöggi.
Herborg
er mætt til
leiks á ný
FYRSTA stigamót ársins hjá Golfsambandi Íslands, í Toyota-
mótaröðinni, fer fram um helgina á Korpúlfsstöðum en að venju er
keppt í höggleik án forgjafar í kvenna- og karlaflokki. Alls hafa 110
keppendur skráð sig til leiks en skráningu lauk sl. mánudag. Í
kvennaflokki eru 16 keppendur og 94 keppa þá í karlaflokki.
Eftir
Sigurð Elvar
Þórólfsson
Mánudaginn 31. maí annan í hvítasunnu.
18 holu höggleikur.
Verðlaun fyrir 1., 2. og 3. sæti
með og án forgjafar.
(Ath.: Einn flokkur, karlar 55+ gulir teigar,
konur 50+ rauðir teigar).
Nándarverðlaun á 2/11.
Rástímar frá 8.00-10.00 og 13.00-15.00
Skráning á golf.is - Þátttökugjald kr. 2.500
Nesvöllur
PINSEEKER opið öldungamót
Styrktaraðili