Morgunblaðið - 07.06.2004, Blaðsíða 28

HESTAR
28 MÁNUDAGUR 7. JÚNÍ 2004 MORGUNBLAÐIÐ
RAÐAUGLÝSINGAR
FUNDIR/ MANNFAGNAÐUR
Fundarboð
Aðalfundur Fjárverndar verðbréfa hf., kt. 410301-
2880, verður haldinn á skrifstofu félagsins á
Suðurlandsbraut 30, 4. hæð, Reykjavík,
miðvikudaginn 16. júní nk. kl. 11.00.
Dagskrá fundarins fer fram samkvæmt 18. gr.
samþykkta félagsins.
Ársreikningur félagsins, ásamt dagskrá, liggur
frammi á skrifstofu félagsins viku fyrir
hluthafafund.
Stjórnin.
FÉLAGSLÍF
Sálarrannsóknarfélag
Íslands,
stofnað 1918,
sími 551 8130,
Aðalfundur SRFÍ verður hald-
inn í Garðastræti 8 fimmtudag-
inn 10. júní kl. 20.00.
Venjuleg aðalfundarstörf.
Stjórn SRFÍ.
mbl.is
ATVINNA
SVO virðist sem teygni gæðinga-
dómskalans sé ekki söm og verið hef-
ur í kynbótadómum undanfarinn
áratug og gott betur. Einkunnir yfir
níu heyra til algerra undantekninga í
gæðingakeppni í dag . Síðast tóku
gæðingadómarar góðan kipp á
landsmóti 2000 í Reykjavík. Á fram-
anverðum tíunda áratugnum virtust
dómarar voga sér að teygja á skal-
anum einsog þegar Gýmir setti ein-
kunnamet á hvítasunnumóti Fáks
svo dæmi sé tekið. Spurning er í dag
sú hvort bestu hestarnir nú standi
stjörnum þessara ára að baki eða
hitt hvort skorti á djarfleika dóm-
aranna til að nota skalann líkt gert
var. Um það skal ósagt látið enda er
hæð einkunna kannski ekki aðalat-
riðið. Brekkan vill fá að sjá góða og
vel sýnda gæðinga í jafnri og spenn-
andi keppni og eftir einkunnum á fé-
lagsmótum undanfarið að dæma hef-
ur spennuþátturinn fylllilega verið
til staðar.
Á gæðingamóti Harðar á Varm-
árbökkum þurfti til að mynda bráða-
bana til að knýja fram úrslit í A-
flokki gæðinga þar sem stóðhestur-
inn og rýmisbankinn Ófeigur frá
Þorláksstöðum með Atla Guðmunds-
son við stjórnvölinn sýndi að hans
jöfnu og háu einkunnir í kynbóta-
dómum fyrir hæfileika eiga fyllilega
við rök að styðjast. Höfðu þeir betur
í keppni við Prins frá Syðra-Skörðu-
gili og Sigurð V. Matthíasson sem
voru litlu síðri þótt ekki væri beint
um líkar hestgerðir að ræða. Gæð-
ingaval Harðar sem fer á landsmót
virðist allþokkalegt þótt ekki sé á
þessari stundu hægt að sjá fyrir sér
sigurkandídat í þeim hópi.
Hjá Fáki fyrir rúmri viku sýndi
Óskar frá Litladal á sér nýja hlið og
Logi Laxdal sýndi eiganda Óskars
hvernig á að ríða til sigurs í A-flokki
en hann stökk á klárinn fyrir Sig-
urbjörn í úrslitum þar sem Sigur-
björn var með Kolskegg frá Oddhóli
og hefur sjálfsagt talið hann væn-
legri til sigurs. Gæðingakeppni Fáks
var nokkuð dæmigerð fyrir þá jöfnu
keppni sem virðist víða vera á boð-
stólum þessa dagana. Eftir að röðun
hafði verið lesin upp virtust knap-
arnir langt í frá vera vissir um hver
hefði borið sigur úr býtum.
Sigur Rökkva frá Hárlaugsstöð-
um var mjög öruggur í B-flokki en
knapi á honum var Þorvaldur Þor-
valdsson en þeir voru hinsvegar í
öðru sæti að lokinni forkeppni. Hvað
viðkemur gæðingavali Fáks má
kannski segja að það sama og um
Harðarliðið að þar eru ekki sjáan-
legir sigurvegarar nema ef vera
skyldi Rökkvi.
Geysir í Rangárvallasýslu mun
tefla fram mjög sterku liði í A-flokki
gæðinga því þar voru fjórir efstu
með yfir 8,60 í einkunn og þar fór
fremstur hinn mikli stóðhestur Sær
frá Bakkakoti sem Hafliði Halldórs-
son sýndi að venju. Hlutu þeir 8,72.
Ekki virðist B-flokkurinn þar
síðri. Efstur stóð sá kunni Nagli frá
Þúfu með 8,77 og á hæla hans tölt-
hryssan hágenga, Hylling frá Herr-
íðarhóli með 8,73. Þórður Þorgeirs-
son sat Nagla en Vignir Siggeirsson
Hyllingu. Þriðji er svo stóðhesturinn
Suðri frá Holtsmúla með 8,68 en Olil
Amble sat hann að venju. Þetta er
frumraun Suðra í gæðingakeppni og
verður fróðlegt að sjá hvernig muni
takast til á landsmóti og þá sérstak-
lega með hans stórbrotna brokk.
Um næstu helgi halda áfram úr-
tökur víða um land auk þess sem val
á kynbótahrossum stendur sem
hæst á Gaddstaðaflötum.
Úrtökuspennan í algleymingi hjá hestamannafélögunum
Morgunblaðið/Vakri
Þórður Þorgeirsson lumaði á trompi í erminni þegar hann sýndi Akk frá
Brautarholti á yfirlitssýningu í kynbótadómi í Hafnarfirði á dögunum þeg-
ar hann lagði klárinn á skeið og tryggði sér efsta sætið í flokki stóðhesta
sex vetra og eldri.
Stígandi frá Leysingjastöðum kominn á landsmót í B-flokki ásamt Elíasi
Þórhallssyni þótt ekki tækist þeim að sigra í B-flokki hjá Herði.
Útlit fyrir jafna
keppni gæðinga
á landsmóti
Hart er slegist um að koma hrossum á landsmót og geta þau hjónakorn
Hinrik og Hulda vel við unað. Gekk vel hjá Fáki og síðan hefur Hinrik rað-
að inn slatta af hrossum og hér laumar hann kossi til konu sinar enda búinn
að vinna fulla körfu af Prins Póló í verðlaun hjá Fáki á dögunum.
Linda Rún og Aladín frá Laugardælum unnu góðan sigur í flokki unglinga
hjá Herði og góðan farmiða á landsmót.
Sigurbjörn Bárðarson segir gott að leita til Loga Laxdal þegar mikið ligg-
ur við og það sannaðist vel þegar sá síðarnefndi reið Óskari frá Litladal til
sigurs í A-flokki hjá Fáki en Sigurbjörn varð játa sig sigraðan á Kolskeggi
frá Oddhóli.
Úrtökur fyrir landsmótið standa sem
hæst þessa dagana. Allt virðist stefna í
jafna keppni þótt ekki hafi neinar
stórstjörnur skorið sig úr.
Hæsta hryssan
í sláturhús að
loknum dómi
HÆSTA hryssa sem komið hefur til
dóms var sýnd á Gaddstaðaflötum á
dögunum og mældist hún 149 senti-
metrar á stöng sem þýðir 157 senti-
metrar á bandmál. Taldi Ágúst Sig-
urðsson hrossaræktarráðunautur
nokkuð víst að aldrei hafi hærri
hryssa mætt til dóms. Sú sem hér um
ræðir hét Áróra og var frá Feti og
hér er skrifað í þátíð því hún mun
ekki lengur á meðal vor. Þótt hér
færi feiknamyndarleg hryssa góðum
hæfileikum búin var sá galli á gjöf
Njarðar að geðslagið var fyrir neðan
allar hellur enda fékk hún 6,5 fyrir
vilja og geðslag en í skýringum með
einkunninni stóð kaldlyndi, við-
kvæmni, óþjálni. Ræktandinn,
Brynjar Vilmundarson, sagði hana
hreinlega geðbilaða og var hann bú-
inn að panta pláss í sláturhúsi áður
en húskarl hans Ævar Örn Guð-
jónsson hafði lokið sýningu hryss-
unnar. Endir sýningarinnar var
nokkuð táknrænn því Áróra kvaddi
dómara og sýningarbrautina með
því að strunsa í gegnum nærliggj-
andi grindverk. Þar með hafði hún
kveðið upp sinn eigin dóm.
Brynjar kveðst alltaf hafa vitað af
því að hún yrði hálfrugluð. Tók hann
eftir því strax á folaldsvetri að hún
vildi ekki þýðast manninn en hann
hefur það fyrir sið að binda folöldin
nokkrar vikur til að kynnast þeirra
andlega atgervi. „Þetta var réttur
dómur. Áróra var helvíti myndarleg
og gat mikið þegar sá gállinn var á
henni en staðreyndin var bara sú að
hún var geðsjúk og það er lífsins
ómögulegt að eiga við svona hross
og hvers vegna skyldi maður reyna
að selja hross sem maður getur ekki
hugsað sér að eiga sjálfur?“ sagði
stórræktandinn Brynjar á Feti og
bætti við að til væru nokkur alsystk-
in hennar og hálfsystkin sem væru
öndvegishross með gott geðslag.
Nýjung í úr-
slitum barna
EINN þáttur í úrslitakeppni barna
er að hleypa á hratt stökk. Er það
framkvæmt þannig að hver kepp-
andi fer einn síns liðs meðan hinir
bíða á mótum skammhliðar og
langhliðar þar sem sá er hleypir
endar sprettinn. Á móti Harðar um
helgina varð fyrir einhverja til-
viljun til ný útfærsla. Upphafið var
að forráðamenn barnanna létu þau
stilla sér upp á miðri langhlið og
síðan var þeim leyft að hleypa upp
á þá hendi sem þeim þótti henta
hverjum hesti og knapa því vel
þekkt er að hestar eru oft betri upp
á aðra höndina en hina.
Þulur sem einnig var mótsstjóri
sagðist ekki vita hvort hér væri um
löglega útfærslu að ræða og dóm-
arar gerðu ekki athugasemd en all-
ir voru ánægðir með þessa skipan
mála og töldu að hér væri komin
góð hugmynd að betri útfærslu á
þessum þætti úrslita barna.
Hleypt undir í
gæðingakeppni
FRÓÐLEGT er oft að sjá hvernig
menn nýta sér kringumstæður til að
hjálpa til í harðri keppni. Á ónefndu
hestamóti þar sem gæðingur var
tekinn til skeiðs í keppni A-flokks
gæðinga hagaði þannig til að reið-
vegur er samhliða nokkrum metr-
um frá skeiðbrautinni en nokkrum
metrum lægri en sjálf brautin. Um
leið og gæðingnum var hleypt af
stað var hjálparknapi og hestur
staðsettir á reiðveginum og hleyptu
þeir með alla brautina á enda í þeim
tilgangi að örva gæðinginn enn
frekar á sprettinum og ná þar með
hugsanlega hærri einkunn.
Að sjálfsögðu er bannað að
hleypa undir eins og það er kallað
þegar gæðingar eru sýndir í gæð-
ingakeppni en spurning er hvort
þetta sleppi og sé í lagi?