NT - 18.08.1985, Blaðsíða 2

NT - 18.08.1985, Blaðsíða 2
NT Sunnudagur 11. ágúst 1985 2 Norræn vefjarlist Textíltriennalinn hefur staðið af séröllél í 11 ár Appelsínugulur morgunn eftir Þórdísi Sigurðardóttur sem er sérstakur gestur sýningarinnar. Ljósm. Guðm. Pétureson ¦ Guðrún Gunnarsdóttir. Straumar. Vefur. 210x286 cm (tveir hlutar) ¦ Urn bessar mundir stendur yfir merkileg sýning á Kjarvalsstöðum í Reykjavík. Hér er um að ræða fjórðu Norrænu vefjarlistarsýninguna en það er farandsýning eins og hinar fyrri og verður henni komið upp á öllum Norðurlöndunum á þessu ári og því næsta. Sýningin kemur hingað frá Noregi, þar sem hún hóf göngu sína í júní síðastliðnum. Þegar henni lýkur að Kjarvalsstöðum mun hún fara til Færeyja og þaðan til Danmerkur, Finnlands og að lokum verður hún sett upp í Norrbotten í Svíþjóð snemmsumars á næsta ári. Þessi fallega en hljóðláta sýning er gott dæmi um samnorrænt átak og sönnun þess að þær þjóðir, sem að baki henni standa, eiga samleið á vegferð þjóðanna. Á sýningunni gefur að líta um 80 verk og mun sýningarnefndin hafa staðið í ströngu því alls bárust á sjötta hundrað verk víðs vegar að frá Norðurlöndunum sem síðan var valið úr. Við val myndverkanna var lögð áhersla á það að sýningin gæfi sem besta mynd af öllu því sem væri á döfinni í norrænni vefjarlist í dag. í vandaðri sýningarskrá, sem þó ber þess merki að hafa ekki verið prentuð á íslandi segir Hildur Há- konardóttir meðal annars: „Ósk okkar um að vernda oe efla textíllist má aldrei verða til þess að einangra hana. Á þessu ári höfum við stigið markvisst skref til að opna þennan vettvang verkum sem hafa yfir sér meiri tilraunablæ og eru verr hamin á vegg og hafa því ekki fallið að formi farandsýningarinnar. Sérhvert það land sem sýningin gistir mun fyrir sitt leyti kanna hvað er á döfinni í þessum efnum og hefur því tækifæri á því að koma á framfæri er Tríennalinn stendur yfir. Með þessum hætti von- umst við til að fylgjast stöðugt með breyttum tímum jafnframt því að standa vörð um fyrri hefðir og vera sönn loftvog þess sem efst er á baugi innan textíllista." Að sýningunni standa fjölmargir listamenn frá öllum Norðurlöndun- um. Fyrir íslands hönd sýna þær Guðrún Gunnarsdóttir, Guðrún Mar- inósdóttir, Hólmfríður Árnadóttir og Sigurlaug Jóhannesdóttir. Állar eiga þær að baki langt starf þar sem myndvefnaður hefur verið í fyrir- rúmi. Auk þessara kvenna hefur Þórdís Sigurðardóttur frá Sámsstöð- um verið boðið að sýna eitt verk sem sérstakur gestur sýningarinnar. Það kallar Þórdís „Appelsínugulan morgunn" og er um að ræða um- hverfisverk sem komið hefur verið upp sunnan undir húsinu. Samnorræni Textíltríennalinn er styrktur af Norræna menningarmála- sjóðnum og mennta- og menning- armálaráðuneytum landanna. Svn- íngrstaðirnir sem sýninguna hýsa munu einnig fella niður leigu auk þess sem þeir í sumum tilvikum styrkja sýningun á annan hátt. Á flestum hinna Norðurlandanna á vefjarlist sér langa sögu. Eins og svo oft þegar að baki liggur árhundraða hefðir í handverki hefur vefnaðurinn verið á mörkum iðnaðar og lista. Á íslandi erþessu nokkuð öðru vísi farið því hefðin er ekki eins rík og meðal nágrannaþjóðanna. Þeir sem unnið hafa brautryðjendastarf í þess- um efiium her á landi hafa allir verið í tölu listamanna og má þar meðal annarra nefna Barböru Árnason. Jú- líönu Sveinsdóttur, Vigdísi Kristjáns- dóttur og síðast en ekki síst Ásgerði Búadóttur. Það er full ástæða til að hvetja listunnendur til að skoða sýninguna að Kjavalsstöðum að þessu sinni en henni lýkur 25. ágúst. JÁÞ. ¦ Hólmfríður Árnadóttir. Landslagstema. Pappír-textíl. 5 verk: 67x52 cm ¦ Sigurlaug Jóhannesdóttir. In memoriam. Blönduð tækni. 50x205x10

x

NT

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: NT
https://timarit.is/publication/305

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.