NT - 19.12.1985, Blaðsíða 1

Fimmtudagur 19. desember 1985 - 304. tbl. 69. árg.
Verðbólgan tvöfalt
meiri en í fyrra
■ Vísitala framfærslukost-
naðar hækkaði um 2,6% í
nóvember og var komin í 159
stig í desemberbyrjun.
Hækkunin frá desember
1984 til desember 1985 er
35,9%, en var aðeins 18,8%
árið á undan, þ.e. desember
1983-1984.
Af þessari2,6% hækkun í
síðasta mánuði stafa 0,4%
af verðhækkunum á mjólk-
urvörum, 0,4% af verð-
hækkunum á fatnaðarlið,
0,4% af hækkun húsnæðis-
liðar og0,2% afverðhækkun
áfengis og tóbaks þann 15.
nóvember s.l. Pau 1,2% sem
eftir eru stafa af hækkunum
ýmissa vöru- og þjónustu-
liða.
Hækkun lánskjaravísi-
tölu, sem Seðlabankinn
reiknar út, varð heldur minni
en framfærsluvísitölunnar
eða 2,02% og gildir vísitalan
1364 fyrir janúarmánuð 1986.
Tólf mánaða hækkun láns-
kjaravísitölunnar er hins
vegar nær sú sama og fram-
færsluvísitölunnar eða
35,6%. Hækkun lánskjara-
vísitölu árið á undan var
18,9%. Verðbólgan hefur
því verið nær tvöfalt meiri á
árinu 1985 heldur en á árinu
1984 mælt á tvær framan-
greindar vísitölur.
ASÍ fundar með ráðherrum:
Lítið svigrúm
—til kaupmáttaraukningar, segja ríkis-
stjórnin og vinnuveitendur
■ Fulltrúar ASÍ áttu fund
með þeim Steingrími Her-
mannssyni, forsætisráðherra
og Þorsteini Pálssyni, fjár-
málaráðherra sl. þriðjudag og
kynntu fyrir þeim kröfur
samtakanna í komandi
samningum, auk þess sem
ráðherrunum var gerð grein
fyrir því til hvers ASÍ ætlast
af stjórnvöldum, að verð-
hækkunum verði haldið í
skefjum og að einhliða yfir-
lýsingar séu ekki nægjanleg
kaupmáttartrygging, því
reynslan sýni að slíkar yfir-
lýsingar séu lítt marktækar.
Ásmundur Stefánsson,
forseti ASÍ, sagði við NT að
stjórnvöldum hefði verið
gerð grein fyrir að í komandi
samningum verði ákveðin
kaupmáttartrygging að vera
með rauðum strikum og
uppsagnarákvæðum. Pessi
ákvæði eru sett inn til að
veita stjórnvöldum aðhald,
þannig að þau gleymi ekki
loforðunum strax og þau
hafa verið gefin, því stefnt er
að því að ná 8% kaupmáttar-
aukningu með sem minnst-
um verðhækkunum.
Pá var ráðherrunum gerð
grein fyrir hvaða félagslegar
úrbætur verkalýðshreyfingin
leggur áherslu á.
Að sögn Ásmundar feng-
ust engin skýr svör á fundin-
um og bentu ráðherrarnir á
að lítið svigrúm væri til kaup-
máttaraukningar. Ríkis-
stjórnin er hinsvegar reiðu-
búin til viðræðna um kröf-
urnar.
Viðbrögð vinnuveitenda á
fundinum á mánudag, þegar
ASÍ kynnti VSÍ og Vinnu:
málasambandinu kröfur sínar,
voru lítil og að sögn Ás-
mundar lítið annað en þessi
venjulegi barlómur um
slæma stöðu atvinnuveg-
anna. „En venjan er sú að
þegar dregur að samningum
fara atvinnurekendur að
barma sér stíft
Ásmundur sagði að þeir
gerðu sér Ijósa grein fyrir að
hluti af atvinnuvegunum eigi
erfitt um vik um þessar
mundir, en yfir heildina geti
þeir vel borið þessa kaup-
máttaraukningu.
Var samstaða um á fundin-
um að gefa vinnuveitendum
svigrúm til að skoða kröfurn-
ar og fara yfir þær og var
næsti fundur með þessum að-
ilum ákveðinn upp úr ára-
mótum.
NEWS SUMMARYIN ENGLISH SEEP. 7
Óljóst um áhuga á sam-
eiginlegri blaðaútgáfu
- Ekki verið haft samband við SÍS og launþegasamtökin
■ Ein af þeim luigmynd-
um, sem komið hafa upp,
við sameiningu Blaðaprents-
blaðanna, er að hafa sam-
starf við lauþegasamtökin og
Sambandið. Enn hefur þó
ekki verið haft samband við
þessa aðila um slíkt
samstarf.
NT hafði samband við
forsvarsmenn þessara sam-
taka í gær og spurði þá hvert
þeirra álit væri á slíku sam-
starfi um sameiginlegt dag-
blað og jafnvel aðra fjölmiðl-
un.
Valur Arnþórsson, stjórn-
arformaður SÍS, sagðist ekk-
ert geta sagt um hvort Sam-
bandið hefði áhuga á slíku
samstarfi, því þetta hefði
ekkert verið rætt, hinsvegar
bjóst hann við að SÍS hefði
áhuga á að vera með ef fjölda-
samtök eins og ASÍ og
bændasamtökin ætluðu að
gerast aðilar að slíku sam-
starfi.
Bæði Ásmundur Stefáns-
son hjá ASÍ og Kristján
Thorlacíus hjá BSRB, svör-
uðu því néitandi þegar þeir
voru spurðir að því hvort
rætt hefði verið við þá og
sögðust því ekkert hafa um
þetta að segja á þessu stigi.
Útgáfufélag Þjóðviljans
fundaði um þessi mál í gær
og samþykkti ályktun þar
sem segir að enn hafi engar
hugmyndir komið upp sem
gefi ástæðu til breytinga á nú-
verandi útgáfu Þjóðviljans,
og leggst félagið aífarið gegn
því að Þjóðviljinn vcrði lagð-
ur niður. Hinsvegar cr félag-
ið til viðræðu um stóraukna
samvinnu Blaðaprentsblað-
anna.
Þá segist útgáfustjómin vera
viljug að taka þátt í viðræðum
við NT og Alþýðublaðið um
stofnun nýs fjölmiðlafyrir-
tækis.
■ Þessi mynd er ekki birt til að minna ykkur ú að nú séu síðustu forvöð að póstleggja kort eða pakka til vina og kunningja eða skyld-
menna og annarra vcnsiamanna, því í gær var síðasti dagur til að senda jólapóstinn, svo nú verðið þið sem alltaf dragið allt fram yfir
síðustu stundu að naga ykkur í handarbökin eða eyða dýrmætum bensíndropum í að skutla kortinu sjálf ú úfangastað.
NT-mynd: Svurrir
Isfilm:
Reykjavíkursjón-
varp á næsta ári
- SIS hefur enn ekki tekið ákvörðun um hlutafjáraukningu,
néhvortþaðverðiáfram iísfilm
■ ísfilm fyrirhugar að hefja
rekstur svæðisbundinnar
sjónvarpsstöðvar snemma á
næsta árí. Gert er ráð fyrir
innlendri dagskrárgerð;
fréttum, fréttaskýringum,
viðtalsþáttum og annarri
ódýrri dagskrárgerð sem tek-
ur mið af Reykjavíkursvæð-
inu.
Haft var eftir Indriða G.
Þorsteinssyni stjórnarfor-
manni ísfilm í DV í gær að
fyrirhugað væri að allir
hlutafjáraðilarnir sex ykju
hlutafé sitt í 8 milljónir en að
sögn Vals Arnþórssonar
stjórnarformanns SÍS hefur
stjórn Sambandsins ekki enn
tekið ákvörðun um hluta-
fjáraukningu sín megin.
Spurður sagði hann að ekki
væru áform um það að taka
ákvörðun um hvort Sam-
bandið verði áfram aðili að
ísfilm eða ekki.
Hjörleifur B. Kvaran
framkvæmdastjóri ísfilm
sagði í samtali viö NT að ís-
film hefði á þessu ári aðal-
lega fengist við auglýsinga-
gerð og gerö fræöslu- og
kynningarmynda fyrir fyrir-
tæki og stofnanir. Það væri
ásetningur aðilja að fara út í
sjónvarpsrekstur og því
þyrfti að auka hlutafé upp í
48 milljónir svo hægt yrði að
kaupa nauðsynleg tæki til
þessa. Ómögulegt væri að
segja til um hve stór þáttur
innlend dagskrárgerð yrði af
starfseminni en hann sagðist
vona að ísfilm næði 30% eins
og hlutfallið hjá Sjónvarpinu
væri. Erfitt væri að keppa við
Sjónvarpið, því það fjár-
magnaði 2/3 starfseminnar
með afnotagjöldum á meðan
þeir í ísfilm þyrftu að trcysta
fyrst og fremst á auglýsinga-
tekjur. Hjörleifur sagðist
ekki gera ráð fvrir því að
fréttaflutningur lsfilm sjón-
varpsstöðvarinnar yrði
hægrisinnaður því þeir hlytu
að sníða sér stakk eftir út-
varpslögunum nýju en í þeim
væri áskilið að menn gættu
hlutleysis og að ólíkum
skoöunum yrði komið að í
mikilsverðum málum.
„Þegar Sambandið stofn-
aði ísfilm ásamt fleirum var
meiningin að fara út í mynd-
bandaframleiðslu. textun og
auglýsingagerð og ef út-
varps- og sjónvarpsrekstur
yrði gefinn frjáls, færi ísfilrn
út í slík, eftir því sem að-
stæður leyfðu. Ef tæknin
væri orðin svo háþróuð að
hægt yrði að sjónvarpa um
allt land, væri það að sjálf-
sögðu æskilegasti hlutur-
inn,“ sagði Kjartan P. Kjart-
ansson fulltrúi SÍS í stjórn
ísfilm aðspurður um hvort
Sambandið hefði eitthvað að
gera í rekstur Rekjavíkur-
sjónvarpsstöðvar.