NT - 19.12.1985, Side 8

Málsvarl frjálslyndis,
samvinnu og félagshyggju
Útgelandi: Nútíminn h.f.
Ritstj.: Helgi Pétursson
Ritstjórnarfulltr.: Niels Árni Lund
Framkvstj.: Guömundur Karlsson
Auglýsingastj.: Steingrímur Gíslason
Innblaðsstj.: Oddur Ólatsson
Skritstotur: Siðumúli 15, Reykjavik.
Simi: 686300. Auglýsingasimi: 18300
Kvöldsímar: Áskrift og dreifing 686300, ritstjórn
686392 og 686495, tæknideild 686538,
r Setning og umbrot: Tæknideild NT.
W Prentun: BlaSaprent h.f.
f J^j Kvöldsimar: 686387 og 686306
Verft i lausasölu 35 kr.og 40 kr. um helgar. Áskrift 400 kr.
r
Sjávarútvegsráðherra
á þakkir skildar
■ Stjórnarstefna Halldórs Ásgrímssonar, sjávarút-
vegsráðherra nýtur meiri stuðnings á Alþingi en búist
hafði verið við.
Það er ekki síst að þakka einarðlegum vinnubrögðum
og dugnaði ráðherra sjálfs að svo er. Hann hefur verið.
óþreytandi að útskýra mikilvægi þess að stjórnun fisk-
veiða sé forsenda þess að við getum treyst á sjávarútveg-
inn sem undirstöðuatvinnugrein þjóðarinnar svo sem
verið hefur. Aukinn afli um stundarsakir og stjórnleysi í
fiskveiðimálum er dýrkeyptur gróði sé til framtíðarinnar
litið.
Enda þótt frumvarp sjávarútvegsráöherra njóti stuðn-
ings yfirgnæfandi meirihluta þingmanna skiptust þó
flokkar í afstöðu sinni til frumvarpsins. Athygli vakti að
viðskipta- og samgönguráðherra Matthías Bjarnason
kaus að greiða atkvæði gegn því enda þótt um stjórnar-
frumvarp væri að ræða.
Á það hefur fyrr verið bent að búast mætti við því að
skammsýni og von um nokkur atkvæði réðu meira en
skynsemi hjá einstaka þingmönnum en alvarlcgt er það
þó þegar ráðherrar standa ekki saman í jafn viðamiklum
málum og sjávarútvegsmálum.
Pað er ekki síður alvarlegur hlutur en þegar einstaka
þingmenn lýsa sig andsnúna stefnu utanríkisráðherra í
kjarnorkumálum. Spurning er hvort ráðherra sem lýsir
sig andsnúinn stefnu meirihluta stjórnarinnar hafi nokk-
uð lengur að gera í ríkisstjórn.
Pá vakti það einnig eftirtckt að Skúli Alexandersson
þingmaður Alþýðubandalagsins mótmælti jákvæðum
undirtektum sinna manna við frumvarpinu með því að
segja sig úr iðnaðarnefnd. Auðvitað liggur þarna meira
að baki. Með þessu er þingmaðurinn að lýsa yfir and-
stöðu sinni við orkustefnu flokksbróður síns og fyrrver-
andi iðnaðarráðherra Hjörleifs Guttormssonar. Sú
skammsýna og einstrengingslega stefna sem hann rak í
sínum ráðherradómi hefur reynst þjóðinni dýr og enn
sér ekki fyrir endann á þeim skuldahala sem í hans
ráðherra tíð var stofnað til. Verulegur hluti af skattpen-
ingum almennings fer í að greiða niður lán sem tekin
voru vegna óraunsærra hugmynda hans. Þetta vita Al-
þýöubandalagsmenn en hafa ekki risið gegn orkustefnu
flokksbróður síns fyrr en nú. Telja má víst að hin ák-
veðna afstaða sem Skúli Alexandersson tók gegn honum
eigi eftir að draga dilk á eftir sér.
F*að er því ekki aðeins að sjávarútvegsráðherra hafi
fengið þingmenn til að haga sér skynsamlega í sjávarút-
vegsmálum heldur einnig fengið þá til að líta uin öxl og
endurskoða afstöðu sína til annarra mikilvægra mála-
flokka.
Úrsögn úr BSRB
■ Ljóst er, að úrsögn kennara úr Bandalagi starfs-
manna ríkis og bæja veikir samtökin verulega. En að
þessu hlaut að koma. Kennarar hafa verið afar óánægðir
með kjör sín og átt erfitt uppdráttar innan samtakanna í
kjarasamningum. Þeir koma nú fram sem ein heild í
starfsgreininni og það hlýtur að styrkja stöðu þeirra í
samningum. Tap BSRB er því sigur okkar allra, því von
er til, að stjórnvöld geti tekið á kjaramálum kennara sér-
staklega eftir úrsögn úr heildarsamtökunum. Sigur okk-
ar felst í því, að hæfir kennarar halda áfram að sinna einu
þýðingarmesta verkefni með hverri þjóð, kennslu ung-
viðisins. Það er langt í frá, að það hafi verið metið að
verðleikum.
rn r Fimmtudagur 19. desember 1985 8
Lu L 1 tíma og ótíma
Kaffið er uppsett
og kóngur vor
dáinn...
■ „Kaffið er uppsett og kóngur
vor dáinn.
komið í Danmörku beljandi stríð.
Fiskur í netunum, sagt er, við
sjáinn.
Samt mun á Nesjunum bágindatíð.
í mars og apríl sagt er með sönnu,
sextán og tuttugu dauðir í sjó.
Póstskipið ókomið, eru tvö önnur,
akkerum bundin í Reykjavík þó.“
Svona lýsti fátækur bóndakarl
ofan úr Borgarfirði ástandinu á ís-
landi árið 1864 í ljóðabréfi heim til
sín, en hann var þá í Reykjavíkur-
ferð. Friðrik 7. var dauður, Danir
rétt einu sinni að frelsa hertoga-
dæmin undan Prússunum, prísinn á
kaffinu að verða óviðráðanlegur,
siglingaleysi, hallæri í Keflavík og
Höfnunum, Grindavík og Garðin-
um, fiskitregða og sjódrukknanir
fjölda manna. Nei, ekki var það
glæsilegt. En gamli maðurinn var
svo sem ekki að kvarta yfir neinu.
Svona var það bara og ekki um
annað betra aðgera fyrir lítilmagna
á eyskeri norður í úrgum sæ, en að
fá sér í nefið, - áður en tóbakið
hækkaði iíka. Það dugði hcldur
ekki neitt að vera að fárast yfir því
óviðráðanlega.
Nú er aftur bágindatíð á Fróni.
Og aftur er svo sent ekkert hægt að
gera nema fá sér í nefið. Fjöldi
kónga liggur sálaður á viðhafnar-
beði verðbréfamarkaðarins og ekki
er friðvænlegt kringum ríkisarfana.
Beljandi stríð geisar og sannar-
lega steðjar nú vá að mörgu
hertogadæminu, þar sem ungu
prinsarnir áður undu á golfvelli og
hlýddu kliði gullfuglsins. Herirnir
rekast aftur og fram um vígvöllinn
og hriktir í mörgu gömlu virki og
skansi. Þá er það svo sem ekki
efnilegt með siglingarnar. Akker-
um bundnar liggja þær í Reykja-
vík, ryðgnoðirnar, sem fyrir náð
hafa loks fengið að snúa stafni til
heimahafnar eftir langvarandi arg-
þras suður í Hollandi, þar sem þeir
vildu gera upptækan farm og knör
og helst áhöfn líka, ef takast mætti
þannig að lúka skuldum, fornum
ognýjum. Núfaradrukknanirfram
á þurru landi.
Samt vantar ekki að það hefur
verið fiskur í netunum, eins og
1864. En líkt og þá kemur það nú
fyrir lítið. Þessir sporðar renna
eina slóð í skuldahítir erlendis,
flestir hverjir, og stefnir í að þeim
fari enn fjölgandi.
Til allrar hamingju fæst þó enn í
nefið. Kaffið neitar maður sér ekki
um heldur, þótt það sé uppsett eins
og annað sem við á að éta. Það eru
því enn nokkrir huggunargeislar í
þessu öllu saman, þótt margt sé
ekki efnilegt. í bágindatíð á Suður-
nesjum er þó altént að rísa þar
myndarleg flugstöð. Svo er ár-
gæska í ýmsum atvinnugreinum,
eins og hjá rannsóknarlögreglunni,
sem sér ekki út úr verkefnunum og
það er eins gott að menn séu ekki
með támyrru eða líkþorn, sem ger-
ast stefnuvottar hjá fógetanum.
Þar þurfa þeir að geta sprett úr
spori þessi dægrin.
Já, það er ekki eins og allt sé að
stöðvast. Þannig er gaman hjá
mörgum sem eru að efna í eitthvað
yfir hausinn á sér að skondra milli
bankanna að skæla út meiri lán og
til lögmannsins um nýjan uppboðs-
frest. Sveltur sitjandi kráka en fljúg-
andi fær, segir máltækið og ef allt
um þrýtur auglýsa þeir Metúsalem
og Pétur í smáauglýsingum blað-
anna alls konar kjör á snöggredd-
ingum. Ef það klikkar líka er út-
gönguleiðin í gegn um brennivíns-
búðina og Víðihlíð.
Nema menn taki allra besta
kostinn, - fái sér bara í nefið!
Eigum við ekki að ljúka þessu á
vísu úr brag Ögmundar Sívertsen
og leggjum hana í munn einbýlis-
hússeigandans, sem gerði fokhelt á
dögunum:
„Nú hef ég í nóg horn að líta,
naumast þori út til að dríta.
Lánadrottnarnir eru um alit.
Einn á fyrsta sal mig spyr um.
Annar gægist inn úr dyrum.
Þriðji og fjórði fóru galt.“
Etc. Etc.
Atli M.
Aðvinna bugáfeimni
■ Út er komin bók um feimni hjá
bókaútgáfunni Iðunni eftir dr. P.G.
Zimbardo sem sérhæft hefur sig í
rannsóknum og meðferð á feimni.
Bókin er gefin út í sama flokki og
bækurnar Elskaðu sjálfan þig og
Vertu þú sjálfur.
Ótrúlega margir líða fyrir feimni
einhvern tíma ævinnar en þessi bók
sem ber einfaldlega heitið FEIMNI
sýnir á aðgengilegan hátt, að hægt er
að brjóta af sér feimnifjötrana ef ein-
lægur ásetningur og vilji eru fyrir
hendi. Höfundur leitar svara við or-
sökum feimni og lýsir áhrifum
hennar, hvernig vanmetakennd og
áhyggjur af áliti annarra litla hegðun
og tilfinningar. Seinni hluti bókar-
innat fjallar um hvað gera skal.
Raktar eru ítarlegar og greinagóðar
leiðbeiningar, heilræði og æfingar
sem hver og einn getur beitt og
^IPhUip 6. Zimbardo
Fmmni
reynst hafa áhrifaríkar til að sigrast á
feimni. T.d. er fjallað um hvernig
skilja megi sjálfan sig betur, byggja
upp sjálfstraust og efla jákvætt
sjálfsmat, kynnast fólki og halda
uppi samræðum.
Það liggur ekki alltaf í augum uppi
hver er feiminn. Höfundur vitnar í
margt frægt fólk og lýsir hvernig það
hefur glímt við feimni, komist yfir
; hana eða jafnvel notað sér hana til
: framdráttar í starfi sínu.
Dr. P.G. Zimbardo hefur stundað
umfangsmiklar rannsóknir á feimni
og tekið til meðferðar, ásamt starfs-
fólki sínu við „feimnideild" Stan-
fordháskólans í Bandaríkjunum,
mikinn fjölda einstaklinga sem líða
af feimni. Bók þessi ber reynslu og
skilningi höfundar glöggt vitni og
hefur alls staðar hlotið mikið lof.
Þetta er tímabær bók sem áreiðan-
lega á eftir að verða mörgum að liði.
Álfheiður Kjartansdóttir þýddi.
Auglýsingastofan Octavo hannaði
kápu. Oddi hf. prentaði.