Morgunblaðið - 14.07.2004, Side 10

FRÉTTIR
10 MIÐVIKUDAGUR 14. JÚLÍ 2004 MORGUNBLAÐIÐ
LOFTFERÐASAMNINGUR milli
Íslands og Makaó var undirritaður í
Ráðherrabústaðnum við Tjarn-
argötu í gær. Siv Friðleifsdóttir um-
hverfisráðherra og Ao Man Long,
ráðherra flutningamála og opinberra
framkvæmda í Makaó, undirrituðu
samninginn fyrir hönd þjóðanna.
Samningar við S-Kóreu og
Hong Kong í undirbúningi
Að sögn Katrínar Einarsdóttur í
utanríkisráðuneytinu var leitað eftir
slíkum samningi í kjölfar þess að
gerður var loftferðasamningur við
Kína. Segir Katrín að í ljósi vaxandi
umsvifa íslenskra flugfélaga í Asíu
hafi verið gert átak í gerð loftferða-
samninga við ríki Asíu og samningar
við Suður-Kóreu og Hong Kong eru í
undirbúningi.
Makaó er smáríki undir yfirráðum
Kínverja og búa þar tæplega 450
þúsund manns en Makaó var undir
yfirráðum Portúgala til ársins 1999.
Þar er stór fraktflugvöllur og er
mikið flogið þaðan til Kína, að sögn
Katrínar.
Loftferðasamningur
gerður við Makaó
Morgunblaðið/Árni Torfason
Loftferðasamningur milli Íslands og Makaó undirritaður. Siv Friðleifs-
dóttir umhverfisráðherra og Ao Man Long, ráðherra flutningamála Makaó.

  



 




UTANVEGAAKSTUR hefur ekki verið mjög al-
varlegt vandamál á hálendinu í sumar og ætla
má að skemmdirnar sem unnar voru í friðlandi
að Fjallabaki hafi verið einstakt tilfelli. Þetta er
mat þeirra starfsmanna Umhverfisstofnunar
sem Morgunblaðið hafði samband við.
Vélhjólaíþróttaklúbburinn (VÍK), hagsmuna-
félag þeirra sem keppa og ferðast á torfæruvél-
hjólum, sendi frá sér tilkynningu í gær þar sem
þeir sem bera ábyrgð á landspjöllunum eru
hvattir að gefa sig fram við lögreglu og hvetur
einnig þá sem vita hverjir þarna voru að verki
til að hafa samband við lögreglu, eða umhverf-
isnefnd VÍK.
Segja landverðir það helst gerast að fólk
keyri út af vegarslóðum þegar það mæti öðrum
bílum og telji það stundum réttlæta vissan út-
úrdúr frá veginum. Þó sé utanvegaaksturinn
ekki alvarlegur í ár. Landverðir segja það venju
að hvetja og aðstoða ökumenn við að bæta þann
skaða sem þeir valda með utanvegaakstri. Lög-
reglan á Suðurlandi telur þó utanvegaakstur á
hálendinu hafa aukist nokkuð undanfarið.
Sigþrúður Stella Jóhannsdóttir, þjóðgarðs-
vörður í Jökulsárgljúfrum, segir utanvegaakstur
ekki hafa verið stórt vandamál í sínu umdæmi,
en þó megi ekki slaka á umhverfisfræðslu og
fræðslu um náttúruvernd, þar sem auka þurfi
virðingu fyrir náttúrunni. Átak til aukinnar um-
hverfisvitundar skili árangri og því sé nauðsyn-
legt að viðhalda slíkum aðgerðum.
Vítaverður verknaður
VÍK hefur fordæmt þá umgengni við landið
sem greint var frá í frétt Morgunblaðsins í gær,
enda sé slíkur verknaður vítaverður. Innan VÍK
starfar umhverfisnefnd sem hefur það að mark-
miði að stuðla að ábyrgri og góðri umgengni vél-
hjólaökumanna umumhverfi sitt og tillitssemi
við aðra hópa er stunda útivist. Umhverfisnefnd
stendur fyrir umræðu og fræðslu til eflingar á
vitund félagsmanna í þessum efnum og hvetur
til ábyrgrar umgengni um náttúruna. Gunnar
Bjarnason, talsmaður umhverfisnefndar VÍK,
segir að um þúsund torfæruhjól séu skráð á Ís-
landi og þrjú hundruð þeirra séu innan VÍK. Þó
þurfi aðeins einn óupplýstan einstakling til að
valda slíkum usla.
Utanvegaakstur er eitt af viðfangsefnum lög-
reglunnar í þremur umdæmum Suðurlands, Sel-
fossi, Hvolsvelli og Vík, sem standa að sameig-
inlegu hálendiseftirliti í sumar. Að sögn Gils
Jóhannssonar, varðstjóra hjá lögreglunni á
Hvolsvelli, hefur enn ekki borist tilkynning eða
kæra vegna utanvegaakstursins. „Við sáum
þetta fyrst í blöðunum í morgun,“ segir Gils, en
að hans mati er utanvegaakstur vaxandi vanda-
mál uppi á hálendinu. „Fólk heldur sig ekki á
merktum slóðum og hálendisvegum. Það þarf
alltaf að fara út fyrir eitthvað til að snúast. Ef
fólk vill fara út fyrir merkta slóða á það að nota
fæturna og ganga. Oft er þetta óhugsað. Það
getur líka vel verið að fólk sé að elta gamla
ímyndaða slóða og geri þá illt verra.“
Sanngjarnt að bæta landið
Gils segir svo virðast sem bifhjólaeign lands-
manna hafi aukist eitthvað og samfara því ferða-
lög á hálendinu á bifhjólum og öðrum farartækj-
um. „Í flestum tilfellum hefur okkur sýnst fólk
fara eftir vegslóðum, en sumir freistast til að
fara út fyrir slóða og keyra upp í brekkur og
skemma þannig landið svo það verður örótt eft-
ir. Það er erfitt að ná í þessa menn, því þeir
skilja ekkert eftir sig nema sporin og örið,“ seg-
ir Gils og bætir við að lögreglan bendi fólki á að
reyna að ná niður skráningarnúmerum öku-
tækja sem það sér stunda slíkt athæfi. „Þá get-
um við haft samband við þessa aðila og rætt við
þá.“ Þá bætir Gils við að eitthvað sé um að menn
séu í torfæruakstri á hálendinu á óskráðum öku-
tækjum, sérstaklega bifhjólum, en slíkt sé ólög-
legt og ótækt með öllu.
Þórhallur Haukur Þorvaldsson, fulltrúi sýslu-
manns á Hvolsvelli, segir viðurlög við utanvega-
akstri í friðlandi vera fjársektir, en þó kunni
menn að vera bótaskyldir gagnvart landeiganda.
Hann segir þá leið landvarða að fá utanvega-
akstursmenn til að lagfæra skaðann vera sann-
gjarna gagnvart landeigendum og landinu. „Þó
mönnum sé það ekki skylt, þá gæti það verið
ágætis regla að bæta skaðann á landinu,“ segir
Þórhallur.
Hvetja þá sem bera ábyrgð til
að gefa sig fram við lögreglu
Fulltrúi sýslumanns á Hvolsvelli segir viðurlög
við utanvegaakstri í friðlandi vera fjársektir auk
hugsanlegrar bótaskyldu gagnvart landeiganda.
Vélhjólamenn fordæma utanvegaakstur sem veldur spjöllum á hálendinu
SKRÁÐAR voru 15.415 breyt-
ingar á lögheimili einstaklinga
í þjóðskrá á öðrum ársfjórð-
ungi 2004 skv. upplýsingum
sem fengust frá Hagstofu Ís-
lands. Þar af fluttu 8.610 innan
sama sveitarfélags, 4.573 milli
sveitarfélaga, 1.355 til landsins
og 877 frá því. Á þessu tímabili
fluttu því 478 fleiri einstakling-
ar til landsins en frá því. Brott-
fluttir Íslendingar voru 169
fleiri en aðfluttir, en aðfluttir
erlendir ríkisborgarar 647
fleiri en brottfluttir. Að þessu
sinni komu langflestir erlendir
ríkisborgarar frá Portúgal, eða
414 manns, og 90 komu frá
Ítalíu.
512 aðfluttir umfram
brottflutta á Austurlandi
Á þessu þriggja mánaða
tímabili voru aðfluttir til höf-
uðborgarsvæðisins 113 fleiri en
brottfluttir. Þar munaði mest
um Hafnarfjörð en þangað
voru aðfluttir 142 fleiri en
brottfluttir. Af landsvæðum ut-
an höfuðborgarsvæðisins voru
tvö með fleira aðkomufólk en
brottflutta. Austurland með
512 einstaklinga og Suðurland
með 39. Á Austurlandi var
einkum um að ræða flutninga
frá útlöndum. Aðfluttir um-
fram brottflutta í flutningum
milli landa voru 525 á öðrum
ársfjórðungi 2004. Aftur á móti
voru brottfluttir heldur fleiri
en aðfluttir í innanlandsflutn-
ingum til Austfjarða eða 13.
Fleiri
flytjast
til Íslands
en frá því
ætlaður til kortagerðar heldur fyr-
ir allar framkvæmdamælingar í
landinu sem séu mjög nákvæmar.
Endurtaka mælingarnar á 10
ára fresti vegna flekareks
Endurtaka þarf mælingar sem
þessar á tíu ára fresti vegna fleka-
reks Ameríku- og Evrópuflekanna
og staðbundinna jarðskorpuhreyf-
inga víðsvegar um landið.
Reikna má með að skekkja í
grunninum sé víða um 20 sentí-
metrar í dag, að sögn Þórarins.
Að hans sögn kann þó að fara
svo að mælingar á borð við þessar
verði óþarfar eftir tíu ár en mark-
miðið sé að setja upp svokallað
jarðstöðvanet með 10–15 stöðvum
sem myndu ganga allan sólar-
hringinn og uppfæra hnitin sjálf-
virkt á viku til mánaðarfresti.
Flest ríki Evrópu utan Ísland hafi
þegar tekið upp slíkt kerfi.
Umfangsmikil endurmæling á GPS-grunnstöðvaneti
Reikna með allt
að 20 sm skekkju
LANDMÆLINGAR Íslands
áforma að endurmæla GPS grunn-
stöðvanet landsins dagana 3. til 15.
ágúst nk. í samvinnu við á fjórða
tug stofnana og sveitarfélaga.
Að sögn Þórarins Sigurðssonar,
forstöðumanns mælingasviðs
Landmælinga Íslands, er þetta í
fyrsta sinn sem Íslendingar sjá al-
farið um undirbúning og fram-
kvæmd jafnviðamikilla landmæl-
inga. Undirbúningur að verkinu
hefur staðið frá því í október í
fyrra en að því koma Veðurstofan,
Landsvirkjun, Vegagerðin, auk
fleiri stofnana og um 20 sveitarfé-
laga.
Um 40 manns starfa samtímis
að mælingunum og nota til þess
um 35 GPS landmælingartæki og
fartölvur, 15–20 bíla og annan bún-
að.
119 mælistöðvar
heimsóttar
Núverandi grunnstöðvanet
byggist á 119 mælistöðvum sem
mældar voru með GPS-mælingum
í ágúst árið 1993 með aðstoð frá
þýskum landmælingastofnunum. Í
mælingunni nú er landinu skipt
upp í fimm „blokkir“ og allar
stöðvar mældar samtímis í samtals
tvo daga. Kostnaður við verkið var
upphaflega áætlaður um 50–60
mkr.
Að sögn Þórarins er það lögboð-
in skylda Landmælinga Íslands frá
árinu 1999 að byggja upp og við-
halda íslenska grunnstöðvanetinu.
Grunnurinn sé ekki einvörðungu
Morgunblaðið/GG
Núverandi GPS-grunnstöðvanet landsins byggist á 119 mælistöðvum sem
mældar voru með GPS-mælingum árið 1993 með aðstoð frá þýskum land-
mælingastofnunum. Í mælingunni nú er landinu skipt upp í fimm „blokkir“
og allar stöðvar mældar samtímis í samtals tvo daga.