Morgunblaðið - 08.11.2004, Qupperneq 48

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 MÁNUDAGUR 8. NÓVEMBER 2004 VERÐ Í LAUSASÖLU 220 KR. MEÐ VSK.
Áskriftarsími 881 2060
Í FORMI
LIFANDI
VÍSINDI
Áskriftarsími 881 4060
LAUNANEFND sveitarfélaganna
mun óska eftir því við kennara að
þeir fresti verkfalli fari svo að miðl-
unartillaga ríkissáttasemjara verði
felld en fastlega er reiknað með að
svo verði, samkvæmt heimildum
blaðsins. Verkfall hefst þá að nýju í
skólum landsins á morgun, þriðju-
dag, að óbreyttu.
Launanefndin greiðir atkvæði um
miðlunartillögu ríkissáttasemjara í
kennaradeilunni klukkan 10 í dag.
Talning atkvæða kennara hefst að
því búnu, klukkan 13, og reiknað er
með að niðurstöður liggi fyrir síð-
degis eða í kvöld.
Samkvæmt heimildum blaðsins
lítur kennaraforystan svo á að laun
þurfi að hækka um 6% til viðbótar
við það sem boðið hefur verið til að
tilboðið teljist viðunandi. Að auki er
megn óánægja með að ekki er gert
ráð fyrir starfsaldurstenginum í
samningum við kennara, heldur séu
launaþrep og launaflokkahækkanir
tengdar lífaldri og kennitölum.
Þannig séu byrjunarlaun 47 ára ný-
útskrifaðs kennara 30% hærri en 23
ára kennara í sambærilegri stöðu.
„Heyrist mest
í ákveðnum hópum“
Að sögn Finnboga Sigurðssonar,
formanns Félags grunnskólakenn-
ara, eru um 400 milljónir króna eftir
í verkfallssjóði kennara sem fleytir
þeim „eitthvað áfram“ ef til áfram-
haldandi verkfalls kemur. Nú sé hins
vegar beðið eftir úrslitum úr at-
kvæðagreiðslunni og ótímabært að
fullyrða um útkomuna. „Það er alltaf
þannig að það heyrist mest í
ákveðnum hópum og þessi þögli
meirihluti er nú stundum ekkert að
láta á sér bera, þannig að ég treysti
mér ekki að fullyrða neitt um úrslit-
in.“
Að sögn Ásmundar Stefánssonar
ríkissáttasemjara er ótímabært að
spá um hvenær viðræður hefjast að
nýju eða með hvað hætti þær verða,
ef tillagan verður felld. Ljóst sé ein-
göngu að ef hún verði ekki samþykkt
eigi menn „óunnið verk við að finna
flöt á samningsgerðinni“.
Mjög stór hluti atkvæða hafði bor-
ist ríkissáttasemjara í gær, á milli 3
og 4.000 atkvæðaseðlar en hátt í
5.000 grunnskólakennarar greiða at-
kvæði um miðlunartillögu ríkissátta-
semjara.
Líkur taldar á því að miðlunartillaga ríkissáttasemjara í kennaradeilunni verði felld
Óskað eftir að kenn-
arar fresti verkfalli
Morgunblaðið/Sverrir
Launanefnd sveitarfélaganna sem í eiga sæti níu manns hittist á fundi í
gærkvöldi til að fara yfir stöðuna, áður en gengið verður til atkvæða um
miðlunartillögu ríkissáttasemjara í dag. Frá vinstri: Jakob Björnsson, Karl
Björnsson, Gunnar Rafn Sigurbjörnsson formaður (fyrir miðju), Birgir
Björn Sigurjónsson og Steinunn Valdís Óskarsdóttir.
ELDGOSI í Grímsvötnum er lokið. Að sögn
Magnúsar Tuma Guðmundssonar jarðeðlisfræð-
ings, sem flaug yfir gosstöðvarnar í gær, er lík-
legt að gosinu hafi lokið á föstudagskvöld eða
snemma á laugardegi.
Virkni var ennþá á gosstöðvunum á föstudag
en ekki er lengur unnt að greina óróa frá bak-
grunnsgildum á línuriti Veðurstofunnar. Goslok
verða skoðuð betur á næstu dögum. Að sögn
Magnúsar Tuma gátu jarðvísindamenn í fyrsta
sinn kannað allt svæðið í gær og kom þá í ljós að
nýr sigketill hefur myndast suðaustan við Gríms-
fjöll, á að giska 10–20 metra djúpur og hálfur
kílómetri í þvermál. „Hann er nokkurn veginn á
þeirri leið sem vanalega er farin úr austri á
Grímsfjall og hefur myndast í umbrotunum. Við
höfðum séð óljósar sprungur en nú staðfest að
þetta er sigketill,“ segir Magnús Tumi. Ekki er
vitað hvernig sigketillinn myndaðist en talið er
að það hafi gerst snemma í gosinu. Að sögn
Magnúsar Tuma er ekki ráðlegt að ferðamenn
fari á Grímsfjall á næstunni úr austri nema í
góðu skyggni. Þá náðu jarðvísindamenn mynd-
um af upptökum Skeiðarár í Grímsvötnum en
vatn rennur meðfram Grímsfjalli og myndar
foss. „Þarna rennur yfirleitt ekki vatn en núna
sjáum við það,“ segir Magnús Tumi.
Eldgosi í Grímsvötnum lokið
Ljósmynd/Magnús Tumi Guðmundsson
Í umbrotunum hefur opnast rás meðfram Grímsfjalli að norðan og eftir henni rennur á, bræðsluvatn úr eldgosinu, eða efstu upptök Skeiðarár.
Nýr sigketill hefur myndast og sést í upptök Skeiðarár
AFSÖKUNARBEIÐNI vegna sam-
ráðs olíufélaganna kom í gær frá
tveimur félaganna, Olíuverzlun Ís-
lands hf. og Olíufélaginu hf.
Einar Benediktsson, forstjóri Olís,
sendi frá sér yfirlýsingu þar sem við-
skiptavinir félagsins og aðrir lands-
menn eru beðnir afsökunar á því sem
miður hefur farið í starfsemi félags-
ins. Segir Einar að sú erfiða ákvörð-
un hafi verið tekin innan félagsins að
tjá sig ekki að sinni í fjölmiðlum um
skýrslu Samkeppnisstofnunar um
meint ólögmætt samráð olíufélag-
anna.
Olíufélagið Esso hefur líka beðist
afsökunar vegna málsins og er heil-
síðuauglýsing frá félaginu birt í
Morgunblaðinu í dag þar sem stjórn,
stjórnendur og starfsmenn harma
þátt olíufélagsins í samráði íslenskra
olíufélaga á árum áður. /6, 7
Esso og
Olís biðjast
afsökunar
SVEITARSTJÓRAR Reykhóla-
hrepps og Hólmavíkurhrepps eru
sammála um að sveitarfélögunum
beri að sameinast, frekar en að
Reykhólahreppur sameinist Dala-
byggð. Af þeim sökum sé nýr vegur
um Arnkötludal afar brýnn, 15–20
kílómetrum styttra verði þá fyrir
íbúa á Reykhólum að fara til Hólma-
víkur en í Búðardal.
Sameiningarnefnd félagsmálaráð-
herra hefur lagt til að Reykhóla-
hreppur sameinist Dalabyggð. Einar
Örn Thorlacius, sveitarstjóri Reyk-
hólahrepps, segir slíkt sveitarfélag
verða landfræðilega of stórt og ekki
nógu fjölmennt til að rísa undir
þeirri stærð, rétt ríflega þúsund
manns.
„Við lítum á okkur sem Vestfirð-
inga,“ segir Einar og telur hreppinn
eiga frekar samleið með Hólmvík-
ingum og öðrum Strandamönnum.
Með nýjum vegi um Arnkötludal fyr-
ir um 700 milljónir króna fari líka
saman hagsmunir íbúa á sunnan-
verðum Vestfjörðum og norðanverð-
um.
Ásdís Leifsdóttir, sveitarstjóri
Hólmavíkurhrepps, segir að með
vegi um Arnkötludal takist að skapa
eitt atvinnu- og búsetusvæði. Sam-
eining við Reykhólahrepp sé álitlegri
kostur heldur en að sameina alla
hreppana í Strandasýslu, líkt og
sameingarnefnd ráðherra hefur lagt
til. Segist hún ekki sjá ávinninginn af
þeirri sameiningu. Við fyrstu snjóa
lokist Árneshreppur og samgöngur
þaðan verði greiðari flugleiðina til
Reykjavíkur heldur en landleiðina til
Hólmavíkur.
Fram kemur í máli sveitarstjóra á
sunnanverðum Vestfjörðum og
Ströndum í Morgunblaðinu í dag að
samgöngubætur séu eitt brýnasta
verkefnið í atvinnu- og byggðamál-
um á svæðinu. Þannig segir Ásdís að
samgöngumál brenni heitt á
Strandamönnum, það sé í raun til
skammar að árið 2004 sé ekki enn
búið að leggja bundið slitlag á veginn
milli Hólmavíkur og Drangsness, svo
dæmi sé tekið.
 Brýnasta/12–13
Sveitarstjórar á sunnanverðum Vestfjörðum og Ströndum ræða sameiningu
Reykhólar sameinist Hólmavík
VEIÐILEYFI Stangaveiðifélags
Reykjavíkur lækka á helstu ársvæð-
um næsta sumar. Í samningum
SVFR um leigu veiðisvæða er nær
undantekningalaust ákvæði um að
leiguverðið taki mið af almennum
verðlagsbreytingum. Vísitöluhækkun
milli ára er 3,4%.
Mesta verðlækkunin er á Eld-
vatnsbotnum í Vestur-Skaftafells-
sýslu eða13,4% umfram vísitölu.
Norðurá í Borgarfirði hækkar hins
vegar um 4,5% umfram vísitölu og er
það eina hækkunin sem eitthvað
kveður að samkvæmt upplýsingum
SVFR. Dagurinn kostar frá 16.100 til
55.900 næsta sumar.
Verð á Elliðaánum verður óbreytt
en meðal þeirra áa sem lækka eru
Hítará II (-6,1%), Fáskrúð (-4,9%),
Gufudalsá (-5,8%), Sog-Syðri-Brú
(-6,0%) og áfram mætti telja.
Að sögn Bjarna Ómars Ragn-
arssonar formanns SVFR er vilji
stjórnar félagsins að sporna gegn
verðhækkunum í samfélaginu og von-
ast hann til að lækkunin muni verða
til þess að fleiri kaupi sér veiðileyfi.
Veiðileyfi
lækka
í verði
♦♦♦