24 stundir - 22.02.2008, Blaðsíða 16
16 FÖSTUDAGUR 22. FEBRÚAR 2008 24stundir
Í LAUSASÖLU 200 ÁSKRIFT 2800 HELGARÁSKRIFT 1700 PDF Á MBL.IS 1700
Það er meira
í Mogganum
í dag
Sævar Daníel Kolandavelu, sem
einnig gengur undir nafninu Poet-
rix, hefur sent frá sér sína fyrstu
plötu. Fyrir lengra komna.
» Meira í Morgunblaðinu
ReykjavíkReykjavík
Fundinn hefur verið upp og smíð-
aður í hinu landlukta Sviss bíll sem
er jafnvígur á láði sem legi.
» Meira í Morgunblaðinu
Bílar á föstudegi
Föstudagur 22. febrúar 2008
Hann er hluti af þjóðarsálinni,
þessi kolsvarti, stóri fugl sem birt-
ist stundum fljúgandi einhvers
staðar nálægt okkur, krunkandi
eins og hann sé að reyna að segja
okkur eitthvað.
» Meira í Morgunblaðinu
Daglegt líf
Veruleg fjölgun leikskólaplássa
er eitt af því sem nýr meirihluti
boðar í 3 ára áætlun Reykjavíkur,
gott ef satt væri.
Það sem blasir við er niður-
skurður á fyrri áætlunum um leik-
skólaframkvæmdir. Ekki er gert ráð
fyrir fjármagni í nýjan leikskóla á
Valssvæðinu og fjármagn til upp-
byggingar í Úlfarsfelli hefur verið
skorið niður og framkvæmdum
frestað.
Það er því með ólíkindum að
nýr meirihluti berji sér á brjóst við
kynningu á þriggja ára áætlun
borgarinnar og haldi því fram að
áhersla sé lögð á að fjölga leikskóla-
plássum. Framkvæmdir í leikskól-
um samkvæmt þriggja ára áætlun
halda ekki í við fólksfjölgun í
Reykjavík og aukna fæðingatíðni.
Innantóm orð
Þó þessi staða liggi fyrir talar
borgarstjóri í ræðu sinni við fram-
lagningu þriggja ára áætlunar um
„fleiri valkosti foreldra og barna“
og að „fjölga þeim þjónustuúrræð-
um sem í boði eru fyrir yngstu
Reykvíkingana“. Ekki er frekar út-
fært hvað átt er við með þessu,
málefnasamningur Sjálfstæðis-
manna og Ólafs F. varpar heldur
ekki ljósi á fyrirætlanir meirihlut-
ans en einasta setningin um leik-
skólamál sem finna má í samn-
ingnum segir: „Þjónusta leikskóla
og grunnskóla verði aukin og fag-
legt og fjárhagslegt sjálfstæði þeirra
styrkt.“
Lengri biðlistar
Það eina sem hönd á festir um
það sem koma skal í leikskólamál-
um er fyrirliggjandi þriggja ára
áætlun en miðað við það fjármagn
sem þar er gert ráð fyrir í fram-
kvæmdir við leikskóla mun ekki
takast að halda í horfinu og tryggja
börnum sem orðin eru 18 mánaða
í september leikskóladvöl, eins og
staðan var við upphaf þessa kjör-
tímabils.
Ef þriggja ára áætlun Sjálfstæð-
isflokks og Ólafs F. Magnússonar
nær fram að ganga verður yfirstand-
andi kjörtímabil fyrsta kjörtímabilið
af fjórum þar sem staða í leikskóla-
málum verður verri við lok kjör-
tímabils en í upphafi þess. Reykvísk-
ar fjölskyldur eiga betra skilið.
Höfundur er borgarfulltrúi
Afturför í leikskólamálum
UMRÆÐAN aSigrún Elsa Smáradóttir
Fram-
kvæmdir í
leikskólum
samkvæmt
þriggja ára
áætlun
halda ekki í
við fólksfjölgun í
Reykjavík og aukna fæð-
ingatíðni.
Það hefur verið dapurt að horfa
upp á hversu forráðamenn ýmissa
fyrirtækja hafa komið illa fyrir í
fjölmiðlum að undanförnu þegar
þeir hafa gert grein fyrir því hvers
vegna erfiðlega gangi í rekstrinum.
Þeir hafa lent í vörn og þurft að
klóra sig út úr vandræðum eftir
eðlilegar spurningar fréttamanna.
Á undanförnum velgengisárum
voru samskiptin við fjölmiðla auð-
veldari. Nú eru nýir tímar runnir
upp. Það er eins og athafnamenn
hafi ekki vitað að eftir skin kemur
oftast skúr.
Það er ómetanlegt tækifæri að
komast í fjölmiðlaviðtal til að gera
málefnum fyrirtækisins og rekstr-
arhorfum þess góð skil. En þá
verða menn að vera vel undirbúnir.
Það er ekki vænlegt til árangurs að
treysta á guð og lukkuna og láta
undirbúning lönd og leið. Ég tala
nú ekki um ef reynt er fegra stað-
reyndir með hálfsannleika. Þá hef-
ur viðtalið oftast skaðleg áhrif á
ímynd viðkomandi og ásjónu fyr-
irtækisins.
Nauðsynleg samskiptatækni
Nýjasta dæmið var viðtal við Jón
Ásgeir Jóhannesson, stjórnarfor-
mann Baugs, sem býr yfir mikilli
fjölmiðlareynslu. Í viðtalinu tókst
honum að orða svar sitt um stöðu
bankanna það illa að menn skildu
það sem svo að þrír stærstu bankar
landsins gætu orðið gjaldþrota.
Ímyndartjónið var mikið, bæði
innanlands og utan. Leiðrétting var
birt degi síðar en fréttin var farin í
loftið og skaðinn skeður. Jón Ás-
geir, sem hefur ráðgjafa í almanna-
tengslum hér á landi og í Bretlandi,
hefði átt að vita að hann þyrfti að
móta svörin sín fyrirfram til þess
að þau skiluðu sér rétt og skýrt í
viðtalinu. Það er samskiptatækni
sem nútímastjórnendur þurfa að
tileinka sér.
Fyrir skömmu birtist ítarlegt
viðtal við fyrrverandi forstjóra FL
Group í Morgunblaðinu, eftir að
hann tók pokann sinn. Það eina
sem menn muna úr því viðtali var
að forstjórinn fyrrverandi kvartaði
undan því að hann hefði verið illa
launaður miðað við hina „stór-for-
stjórana“. Tækifærið til að skýra
slæma stöðu fyrirtækisins fór fyrir
lítið. Sömu sögu má segja um frá-
farandi forstjóra Icelandair sem lét
hafa sig í Kastljósviðtal. Það sást
glöggt að hann var illa undirbúinn
og það má spyrja af hverju hann lét
hafa sig í sjónvarpsviðtal á þessum
tíma.
Annað dæmi um skelfileg mis-
tök á þessu sviði var illa skipulagð-
ur blaðamannafundur fyrir Vil-
hjálm Þ. Vilhjálmsson í Valhöll
nýverið. Sá fréttamannafundur
verður skólabókardæmi til fram-
tíðar um það hvernig hægt er að
eyðileggja ímynd og ásjónu á
augnabliki.
Dýrmætur tími
Það eru engin ný vísindi að í
sjónvarpi fá viðmælendur oft að-
eins fáeinar sekúndur til að koma
máli sínu til skila. Það er óend-
anlega dýrmætur tími sem auðvelt
er að eyðileggja ef undirbúningur
er lítill sem enginn. Það er líka
þekkt staðreynd að í ljósvakavið-
tölum eru viðmælendur heppnir ef
þeir koma að 2-3 aðalatriðum. Þá
er líka eins gott að vita nákvæmlega
hverju þarf að koma á framfæri.
Tilbúin svör
Margir forstöðumenn fyrirtækja
og stofnana hafa þegar lært hversu
mikilvægt það er að undirbúa sig
vel fyrir mikilvægt fjölmiðaviðtal.
Þeir velta fyrir sér öllum hugsan-
legum spurningum og hvernig best
er að svara þeim svo réttar upplýs-
ingar komist til skila. Ýmsir nýta
sér möguleika á að æfa sig fyrir
framan myndbandsvél með spyrli
til þess að ná tökum á aðalatriðum
og helstu staðreyndum sem þeir
verða að greina frá. Oft eru búnir
til listar með spurningum og svör-
um yfir allt það sem hugsanlega
gæti borið á góma í viðtalinu. Fyrir
skömmu heyrði ég Hreiðar Má Sig-
urðsson í ljósvakaviðtali í útvarpi
þar sem hann talaði um afkomu
Kaupþings og það var auðheyrt að
hann hafði „lært“ heima og var
með öll svör og tölulegar upplýs-
ingar á hreinu. Sigurjón Þ. Árna-
son, landsbankastjóri, komst einn-
ig vel frá kynningu á síðustu
afkomutölum bankans.
Ófyrirsjáanlegar afleiðingar
Fyrir nokkrum árum tók ég þátt
í að leysa krísumál í alvarlegu og
umfangsmiklu fjárdráttarmáli. Í
því tilfelli voru samdar 120 spurn-
ingar, góðar og vondar, um mála-
vöxtu og þeim öllum svarað. Í við-
tölum við fjölmiðla kom því engin
spurning forstjóranum á óvart og
fjölmiðlaumræðan tók stuttan
tíma vegna þess að fréttamenn
fengu tæmandi svör við öllum sín-
um spurningum.
Krafa nútímans er að forráða-
menn fyrirtækja og stofnana kunni
að nýta sér nýjustu aðferðafræðina
í samskiptatækni og fjölmiðlun.
Bandarískir stjórnendur segja að
kynningarmál og almannatengsl
séu viðvarandi forgangsverkefni.
Sérstaklega er mikilvægt að stjórn-
endur fyrirtækja á hlutabréfamark-
aði „læri heima“ þegar að sam-
skipta- og fjölmiðlamálum kemur.
Fjölmiðlaflóran og hraði upplýs-
ingastreymis er slíkur í nútímanum
að lífsnauðsynlegt er fyrir stjórn-
endur að kunna að nýta sér sam-
skiptatæknina og fjölmiðlaráðgjafa
til að standa vörð um ímynd fyr-
irtækisins og tryggja að umfjöllun
um fyrirtækið og starfsemi þess sé
rétt og sönn. Það ber að varast að
reyna að stytta sér leið í fjölmiðla-
samskiptum, slíkt getur haft ófyr-
irsjáanlegar afleiðingar.
Höfundur er framkvæmdastjóri
KOM almannatengsla
Óundirbúnir í viðtal
UMRÆÐAN aJón Hákon Magnússon
Sá frétta-
manna-
fundur verð-
ur skóla-
bókardæmi
til framtíðar
um það
hvernig hægt er að eyði-
leggja ímynd og ásjónu á
augnabliki.
Skelfileg mistök Blaða-
mannafundur Vilhjálms
Þ. var illa skipulagður.