24 stundir - 11.04.2008, Blaðsíða 21

24stundir FÖSTUDAGUR 11. APRÍL 2008 21
Eftir Kristjönu Guðbrandsdóttur
dista@24stundir.is
„Orðið gifting er komið af orðinu
gjöf, að gefa. Feður gáfu dætur sín-
ar öðrum mönnum,“ útskýrir
Gyða og nefnir það sem eitt dæmi
um það hve hjónavígslan er hlaðin
karllægum hefðum. „Ég á mig sjálf
þótt ég sé í hjónabandi,“ bætir hún
við. „Mér finnst mikilvægt að bæði
konur og karlar sem ætla að ganga
í hjónaband geri sér grein fyrir því
hve athöfnin er hlaðin gildum frá
gömlum tíma og viti að það eru til
ótal margir aðrir möguleikar sem
þeim eru opnir. Ég sjálf kaus að
ganga í mitt hjónaband á jafnrétt-
isgrundvelli. Athöfnin var borg-
araleg og enginn gaf mig í burtu.“
Brúðurin er gjöf
„Karlar kvænast, sem þýðir að
þeir þurfi að borga fyrir konur sín-
ar og þaðan kemur líka orðið
brúðkaup. Þeir kaupa brúði sína.
Hvíti kjóllinn á líka að tákna
meintan hreinleika brúðarinnar og
slörið táknar svo það að hann er að
hitta brúðina í fyrsta sinn. Hún er
honum framandi og ókunnug gjöf.
Hann er svona að opna gjöfina
þegar hann sviptir hulunni frá
andliti hennar.“
Brúðurin mikla Díana
„Ég og Elín Sigurðardóttir
gerðum könnun um viðhorf
unglinga í framhaldsskóla. Það
kom okkur á óvart hversu fast-
heldin þau eru á hefðir meðan
þau voru samt sem áður ekkert
upptekin af trúarlegum gild-
um. Ef til vill hafa kvikmyndir
og menning mikil áhrif. Hið
rómantíska hvíta brúðkaup
virðist eina viðurkennda leiðin
og það hefur oft verið rakið til
þess þegar Díana prinsessa
gifti sig Karli Bretaprinsi. Upp
frá því varð þetta hvíta brúð-
kaup mjög ríkjandi á Vest-
urlöndum. Fyrir þann tíma
voru hjónabönd ekkert sér-
staklega „inn“.“
Gyða telur einnig að efna-
hagsástand skipti máli og hvít
brúðkaup séu fremur vinsæl í
góðu árferði en annars. „Þessi
vinsælasta leið er auðvitað
mjög kostnaðarsöm, eins og
kannski mátti helst sjá í Brúð-
kaupsþættinum Já sem var á
dagskrá hér á landi í nokkurn
tíma. Þar fengu tilvonandi
brúðhjón að kynnast öllu því
sem þau þurftu að gera, kaupa
og hvernig þau áttu að vera til
að brúðkaupið heppnaðist vel
og það var heilmikið.“
Skiptir máli
„Ég fagna því að fólk velji sjálft
og sé meðvitað um af hverju það
geri það og viti einnig af því hversu
margir möguleikar því standa opn-
ir aðrir en hið dæmigerða hvíta
brúðkaup. Ég vil að konur og karl-
ar séu meðvituð um þennan merk-
ingarbæra heim sem þau ganga í
við þessa mikilvægu athöfn.“
Hjónavígslan er karllæg athöfn hlaðin hefðum
Ég á mig sjálf
„Öll umgjörð kringum
kristilega hjónavígslu
byggir á gömlum hug-
myndum um að konur
séu körlum gefnar. Ég á
mig sjálf,“ segir Gyða
Pétursdóttir sem hefur
farið í saumana á karl-
lægum hefðum hjóna-
vígslu. „ Ég hef engum
verið gefin,“ bætir hún
við.
Giftist í gallabuxum
Afslöppuð athöfn fyrir
austan í sól og blíðu.
Brúðkaupið mikla
Varð ekki farsælt þrátt
fyrir fagra stund.
Amé inniheldur engan viðbættan sykur eða sætuefni
og er framleiddur úr náttúrulegum hráefnum.
Það fæst í fjórum frábærum bragðtegundum
• appelsínu og vínberja
• vínberja og apríkósu
• ylliberja og sítrónu
• hindberja og brómberja
Amé hefur notið sívaxandi vinsælda og er tilvalinn
drykkur í hæsta gæðaflokki til að bjóða upp á í
matarboðum og veislum allan ársins hring.
Drykkurinn er frískandi með mildu bragði, létt
freyðandi og virkilega fallegur fram að bera.
Amé nafnið er komin úr Japönsku og þýðir
„blítt regn“Heillaðu gestina og
bjóddu upp á frískandi
Amé í fallegu glasi
Amé – fágaður veisludrykkur
Amé er frískandi ölkelduvatn með ávaxtabragði og einstakri
blöndu austrænna jurtaseyða
Útsölustaðir: Heilsuhúsið, Heilsuhornið Akureyri, Fjarðarkaup, Blómaval, Samkaup Úrval Njarðvík, Maður Lifandi, Garðheimar, Nóatún, Melabúðin