24 stundir - 11.04.2008, Síða 26

Enginn hleypur 1. apríl af sama
kappi og hinn bjartsýni vorveiði-
maður. Einmitt þann dag hefst
veiðitímabilið. Oft í vonlausu
veiðiveðri, sjaldan með mikilli
fiskigengd, en alltaf með þeirri
barnslegu bjartsýni sem engir
þekkja betur en stangveiðimenn:
Að nú sé að hefjast besta vertíð
allra vertíða. Í ár brjóta menn ís af
vötnum og bræða af stöngum til að
ná kasti.
Aprílveiðar hafa lengstum verið
kenndar við sjóbirtingsslóðir, eink-
um í Skaftafellssýslum. Vatnamót-
in, Tungufljót, Tungulækur og
fleiri góð sjóbirtingsvötn verða nú
opnuð fyrir veiðar. Litlá í Keldu-
hverfi bætist við fyrir norðan, enda
hlý frá náttúrunnar hendi. Nú er
Varmá hins vegar úr leik eftir klór-
árásina miklu sem engum er til
sóma; gott þó að vernda ána eftir
þennan skandal. Sem betur fer er
sá siður að mestu aflagður að veiða
horaða hrygningarfiska og sleppa í
svörtum plastpokum í ruslafötu á
bensínstöðinni á Klaustri. Þess í
stað er þeim sleppt aftur í vatnið
lifandi. Sjóbirtingur getur orðið
fjörgamall og risastór, og ávaxtað
sitt pund með endurteknum
hrygningum á heimaslóð. Því er
eðlilegt að banna dráp á óætum
niðurgöngufiski sem er á leið til
sjávar að fita sig. Hins vegar er ekk-
ert því til fyrirstöðu að Íslendingar
lifi með náttúrunni og veiði sér
sprækan geldfisk til matar á vori
jafnt sem hausti. Vorveiðin ætti því
eingöngu að vera með flugu og alls
staðar ætti að gilda reglan um að
veiða og sleppa – nema einum og
einum matfiski. Aprílveiðin er góð
til að taka úr sér ,,veiðihrollinn“
þótt hún gefi manni reyndar oftast
annan hroll ómældan eins og sjá
má á myndum af veiðislóð þessa
dagana.
Hvernig á að sleppa fiski?
Jóhannes Sturlaugsson fiski-
fræðingur sagði í viðtali við Flugu-
fréttir á flugur.is að ef veiðimenn
vilji sleppa fiski sé nauðsynlegt að
meðhöndla hann á sérstakan hátt,
því hreistur birtingsins á vorin sé
afar laust. ,,Best er að sleppa því að
háfa fiskinn, ef kostur er, sé veiði-
maðurinn ekki með hnútalausan
háf. Forðast skal að lyfta fiskinum
upp, en vilji menn gera það, t.d.
vegna myndatöku, er nauðsynlegt
að lyfta honum með báðum hönd-
um. Menn eiga aldrei að sporðtaka
fisk sem á að sleppa, því þá er eins
víst að menn brjóti í sundur hrygg-
súlu fisksins og þá lifir hann ekki
lengi. Við þetta bæti ég að best er
að veiðimaður krjúpi í vatninu og
lyfti örlítið undir fiskinn meðan
myndað er, önnur hönd styðji var-
lega við um stirtlu og hin lyfti und-
ir kvið. Þegar búið er að smella af
er fiskurinn lagður aftur í vatn og
gripið um legg flugunnar, oft nær
fiskurinn að hrista sig lausan við
það. Þurfi að hafa meira við er gott
að hafa töng í veiðivestinu til að
grípa um fluguna og losa. Gæta ber
vandlega að því að fiskurinn lemj-
ist ekki við grjót eða sandur fari í
tálknin. Og svo nenni ég ekki að
þrasa við þá sem segja ,,ómann-
úðlegt“ að sleppa fiski. Hvort er
betra fyrir fisk: Að synda frjáls eða
vera laminn í hausinn og troðið í
plaspoka? Enginn hefur heyrt um
fisk sem hrygnir í potti. Svo er ann-
að: Hvers vegna er dráp á stórlaxi
(2ja ára fiski) ekki bannað í íslensk-
um ám? Þessi stofn er að hruni
kominn. Þökk sé Veiðimálastofnun
að taka upp þessa umræðu á mál-
þingi á dögunum. En nú þarf að
láta verkin tala.“
Á flugur.is er fjöldi greina um
sjóbirtingsveiðar að vori og flugur
við hæfi.
Vorveiðin hefst!
Þar sem fegurðin ríkir ein Nú ríkir
hins barnslega bjartsýni sem engir
þekkja betur en stangveiðimenn: Að nú
sé að hefjast besta vertíð allra vertíða
VEIDDU BETUR – Í SAMSTARFI VIÐ FLUGUR.IS
VEIDDU BETUR
Stefán Jón
Hafstein
skrifar um veiði
26 FÖSTUDAGUR 11. APRÍL 2008 24stundir
Eftir Kjartan Þorbjörnsson
veiði@24stundir.is
Þó fyrsta vika veiðitímabilsins hafi
einkennst af norðanátt og kulda er
kominn hugur í margan veiði-
manninn. Einn þeirra er Ingi-
mundur Bergsson sem er fram-
kvæmdastjóri og upphafsmaður
Veiðikortsins.
„Þetta er fjórða vorið sem Veiði-
kortið kemur út. Það hefur verið
stanslaus stígandi hjá okkur þessi
ár, bein lína upp í sölu kortsins.
Fleiri og fleiri virðast nota sér kort-
ið á hverju sumri,“ segir Ingi-
mundur stoltur. Við kaup á Veiði-
kortinu fá menn sumarlangan
aðgang á yfir 30 veiðivötnum út
um allt land.
Vötnin orðin 32
„Við höfum bætt við vötnum á
hverju ári. Fyrsta árið voru tuttugu
vötn, sumarið eftir jukust gæðin
mikið með tilkoma Þingvallavatns
og fleiri vatna. Nú í sumar eru
vötnin orðin þrátíu og tvö með
nýjustu viðbótinni, Meðalfells-
vatni, sem var að bætast í hópinn.
Við áskiljum okkur allan rétt til að
bæta vötnum við,“ segir Ingi-
mundur og brosir.
En fyrir hverja er Veiðikortið?
„Allir aldurshópar og allar starfs-
stéttir sem hafa gaman af útivist og
veiði eru markhópur okkar. Þessi
hópur fer sístækkandi. Vatnaveiðin
er að komast í tísku. Harðir lax-
veiðimenn eru farnir að gefa þessu
meiri gaum, létta græjurnar sínar
og leika við silunginn. Það er ekki
fyrir venjulegan mann að fara
marga daga í laxveiði, dýrtíðin er
orðin það mikil. Ég hef á tilfinn-
ingunni að menn séu farnir að
fækka laxveiðileyfunum, en til að
njóta þó áfram útiverunnar og
veiðinnar eru menn duglegir að
kíkja á vötnin í staðinn,“ segir Ingi-
mundur.
Fjölskylduvænna en laxveiði
„Fólk á ferð um landið er líka
stór markhópur. Frábært að geta
leyft sér það að stoppa við vötn í
stuttan tíma og taka stöðuna á
þeim án þess að kaupa sérstök
veiðileyfi á hverjum stað. Auk þess
vildi ég gjarnan sjá fyrirtæki gera
meira fyrir starfsfólk sitt og við-
skiptavini í sambandi við vatna-
veiði og veiði sem fjölskyldusport.
Fyrirtæki hafa keypt mikið af lax-
veiðileyfum í síðastliðnum árum
en hafa ekki í miklum mæli keypt
Veiðikort til að gefa sínu fólki sem
þó er mun fjölskylduvænna en lax-
veiði.“
Aðspurður um hvort fleiri vötn
séu í pípunum svarar Ingimundur.
„Helst vildi maður þétta hring-
inn á Suðurlandi. Það vantar bara
veiðivötn á svæðið en vonandi
finnum við eitthvað á þeim slóðum
sem hentar inn í konseptið. Við er-
um búnir að dekka nokkuð vel
svæðin í kringum höfuðborgar-
svæðið. Þar eru vötnin sem mest
eru sótt. Þingvallavatn er langvin-
sælasta vatnið og ég held að Úlf-
ljótsvatn verði mjög vinsælt í sum-
ar. Þar erum við búnir að bæta við
okkur vesturbakka vatnsins líka
svo að nú getur fólk veitt beggja
vegna vatnsins.“
Gríðarleg aukning
Nú hefur Veiðikorts-byltingin
opnað fjölda möguleika fyrir veiði-
menn en hvað með landeigendur
sem eiga vötnin, hverju hefur kort-
ið skilað þeim?
„Með Veiðikortinu gefum við út
glæsilegan 72 síðna bækling þar
sem miklar upplýsingar fást um
hvert vatn fyrir sig. Vatnið verður
þannig aðgengilegra fyrir miklu
stærri hóp en áður. Þannig hefur
orðið mikil aukning í minni vötn-
um úti á landi sem eru partur af
kortinu. Sem dæmi um það er
Kringluvatn í Suður-Þingeyjar-
sýslu. Þar er engin ferðaþjónustu
en á nágrannabænum Heiðarbæ,
þar sem skráning á veiðinni fer
fram, hefur orðið gríðarleg aukn-
ing bæði í gistingu og annarri
þjónustu. Veiðikortið virðist draga
fleira fólk inn á svæðið.“
En kemst Ingimundur eitthvað
að veiða sjálfur?
„Það er alltof lítið. Ég fer nokkr-
ar fastar ferðir í Þingvallavatn á
kvöldin eða morgnana. Í byrjun
hvers sumar hefur maður uppi
plön um að fara á fleiri staði en í
fyrra. Ég á enn eftir að prófa nokk-
ur vötn fyrir austan og á Vestfjörð-
um og stefni á að prófa eitthvað af
þeim í sumar.“
Frekari upplýsingar er hægt að
nálgast á www.veidikortid.is
Stangaveiðitímabilið er hafið
Vatnaveiði komin í tísku
Nú er stangaveiðitímabil-
ið gengið í garð. 1. apríl
var opnað fyrir veiði í
mörgum stöðuvötnum
og einnig er leyfð veiði í
nokkrum sjóbirtingsám á
landinu.
Ingimundur Bergsson
Ég fer nokkrar fastar ferðir
í Þingvallavatn á kvöldin
eða morgnana.
24stundir/Golli
VORIÐVEIÐI
lifsstill@24stundir.is a
Það hefur verið stanslaus stíg-
andi hjá okkur þessi ár, bein
lína upp í sölu kortsins. Fleiri og
fleiri nota sér kortið á hverju sumri.
WWW.SVAR.IS - SÍÐUMÚLA 37 - SÍMI 510 6000
179.900-
249.900-VERÐ ÁÐUR:
SAMSUNG 40” LCD - R86 / R87
HDTV Ready / 1366x768 upplausn /
stafrænn móttakari / 8.000:1 skerpa /
6 ms. svartími