24 stundir - 26.04.2008, Qupperneq 18

18 LAUGARDAGUR 26. APRÍL 2008 24stundir
24stundir
Útgáfufélag:
Ritstjóri:
Fréttastjórar:
Ritstjórnarfulltrúi:
Árvakur hf.
Ólafur Þ. Stephensen
Björg Eva Erlendsdóttir
Gunnhildur Arna Gunnarsdóttir
Þröstur Emilsson
Elín Albertsdóttir
Auglýsingastjóri: Gylfi Þór Þorsteinsson Ritstjórn & auglýsingar: Hádegismóum 2, 110 Reykjavík
Aðalsími: 510 3700 Símbréf á fréttadeild: 510 3701 Símbréf á auglýsingadeild: 510 3711
Netföng: frettir@24stundir.is, auglysingar@24stundir.is, 24stundir@24stundir.is,
Prentun: Landsprent ehf.
Sturla Böðvarsson, forseti Alþingis, hefur áhyggjur af þjóðarvitund og
sjálfstæði Íslands vegna umræðna um hugsanlega inngöngu Íslands í Evr-
ópusambandið. Í ræðunni, sem þingforsetinn hélt í Jónshúsi í Kaupmanna-
höfn á sumardaginn fyrsta, var gamalkunnur tónn og röksemdir, sem hafa
oft heyrzt áður í aðdraganda stórra ákvarðana í utanríkismálum.
Slíkur ótti hefur áður verið á kreiki, m.a. í afmörkuðum hópum í Sjálf-
stæðisflokknum, þegar rætt hefur verið um inngöngu í NATO, EFTA og að-
ild Íslands að EES-samningnum. Reyndar er það svo, þegar horft er til baka,
að aðild Íslands að þessu alþjóðlega samstarfi hefur hvorki skaðað sjálfstæði
landsins né komið niður á vitund Íslendinga um sjálfa sig sem þjóð.
Í ræðu Sturlu var líka sú röksemd, sem var höfð mikið uppi af andstæð-
ingum EES-samningsins á sínum tíma, að Ísland sé svo mikið öðruvísi en
önnur ríki að hér geti ekki gilt sömu reglur og annars staðar. Fylgir því þá
kannski að það fari öðruvísi með Íslendinga en aðrar þjóðir að gerast aðilar
að samstarfinu í ESB? Sennilega þarf Sturla þó ekki að hafa áhyggjur. Að
minnsta kosti verður ekki vart við að núverandi aðildarríki líti svo á að þau
hafi glatað þjóðarvitund sinni eða sjálfstæði. Þvert á móti hefur vegferð t.d.
Eystrasaltsríkjanna inn í ESB farið saman við mikla þjóðernisvakningu.
Forseti Alþingis spurði hvort hið háa Alþingi myndi „njóta sæmdar og
hafa þau áhrif sem því ber innan Evrópusambandsins“. Svarið er að Alþingi
myndi hafa meiri áhrif á löggjöf sambandsins en það hefur nú. Samkvæmt
EES-samningnum stimplar Alþingi reglur frá ESB og hefur engin áhrif á
samningu þeirra. Í ESB hefði ríkisstjórn, sem situr í umboði þingsins, full-
trúa við borðið þar sem ákvarðanir eru teknar um slíkar reglur og yrði að
svara fyrir þær ákvarðanir gagnvart þinginu, sem hefði aðgang að öllum
gögnum.
Það er rétt hjá Sturlu Böðvarssyni að með aðild að
ESB framselja ríki hluta af formlegu fullveldi sínu.
Hvers vegna? Vegna viðleitni til að endurheimta með
samtakamætti alþjóðlegs samstarfs þau áhrif, sem
hnattvæðingin hefur löngu svipt hverja ríkisstjórn fyrir
sig. Alþjóðlegt samstarf sviptir ríki ekki sjálfstæði sínu,
enda geta þau hvenær sem er sagt sig frá því ef þau
kjósa það. Samstarfið styrkir áhrif ríkja á mál, sem
varða þau miklu.
Umræður um ESB eiga að snúast um hagsmuni,
efnahagslega og pólitíska, „krónur og evrur“ svo notuð
séu orð þingforsetans. Af þjóðarvitundinni þurfum við
ekki að hafa neinar áhyggjur; af henni eigum við nóg.
Nóg þjóðarvitund
SÆKTU LEIÐARANN Á WWW.MBL.IS/PODCAST
Spuni út yfir mörk hins fáránlega
af hálfu Downingstrætis 10? Það
eru engin nýmæli, sbr. Írak.
Hingað til hefur
þó alltaf einhver
tilgangur verið
með spunanum,
yfirleitt sá að
réttlæta eða fegra
eigin gerðir.
Þess vegna er það
með nokkrum
ólíkindum að
breska forsætisráðherraskrif-
stofan taki nú upp á því án sýni-
legs tilgangs að senda frá sér upp-
spuna, eins og hún segir þriðj-
unginn af fréttatilkynningu sinni
af fundi þeirra Geirs Haarde og
Gordon Brown í dag hafa verið.
Það þarf alla vega talsvert þrosk-
aða skáldskapargáfu …
Hallgrímur Thorsteinsson
hallgrimur.eyjan.is
BLOGGARINN
Spuni í London
Björn Bjarnason dómsmálaráð-
herra er lögfræðingur og eflaust
miklu skólaðri í lögum og góðum
stjórnsýslu-
hefðum heldur
en ég. En er lög-
legt og siðlegt að
birta tölvupósta
frá nafngreindum
mönnum á
bloggsíðu dóms-
málaráðherra?
Þetta eru tölvu-
póstar sem hann hefur klárlega
fengið sem æðsti embættismaður
dómsmála á Íslandi. Ef þeir
tölvupóstar sem Björn birtir eru
birtir þar með samþykki og vit-
und þeirra sem þá sendu þá er
auðvitað ekkert við það að at-
huga. Ef þetta væru færslur í opið
athugasemdakerfi í bloggi …
Salvör Gissurardóttir
salvor.blog.is
Tölvupóstarnir
Það er merkilegt hvað menn eru
alltaf tilbúnir að trúa hinu því
versta upp á fólk. Eins og hana
Láru Ómars-
dóttur, duglega
og prýðilega
fréttakonu. Sjálf-
ur hef ég verið í
beinum útsend-
ingum í marga
klukkutíma á æv-
inni – ég hef ekki
lengur tölu. Í
kringum beinar útsendingar er
ýmislegt látið flakka milli stjórn-
borðsins og þess sem er í útsend-
ingunni. [...] Svo gerast einstöku
sinnum slys og það kemur í ljós
að kveikt var á hljóðnemanum.
[H]ef enga ástæðu til annars en
að trúa Láru þegar hún segist
hafa verið að grínast.
Egill Helgason
eyjan.is/silfuregils
Trúi Láru
Ólafur Þ.
Stephensen
olafur@24stundir.is
Óeirðirnar sem brutust út í
Norðlingaholti á miðvikudaginn
var voru málstað atvinnubílstjóra ekki til framdráttar.
Þegar ofan á bættist að einn úr þeirra hópi fór fram
með ofbeldi gagnvart lögreglunni án nokkurrar sýni-
legrar ástæðu síðasta fimmtudag má velta fyrir sér
hvort sá málstaður sem mótmælin hafa snúist um að
sögn bílstjóranna sé ekki orðinn aukaatriði.
Mótmæli atvinnubílstjóra hafa nú staðið með hléum í
tæpar fjórar vikur. Í upphafi mátti skilja á talsmönnum
þeirra að meginástæða mótmælanna væri hátt elds-
neytisverð og krafa þeirra væri sú að dregið yrði úr
álögum ríkisins. Fjöldi fólks lýsti yfir stuðningi við
málstað bílstjóranna og mátti greina ákveðna sam-
kennd hins almenna borgara með kröfu þeirra. Þetta
var fyrstu dagana. Þegar mótmæli bílstjóranna héldu
áfram dögum saman kom smátt og smátt annað hljóð í
strokkinn hjá mörgum þeirra sem áður höfðu lýst
stuðningi sínum við málstað þeirra. Spurningar vökn-
uðu um hvort boðlegt væri að loka stofnæðum borg-
arinnar klukkutímum saman án þess að skeyta um ör-
yggi samborgaranna.
Hverjar eru kröfurnar?
Atvinnubílstjórar voru inntir eftir því með hvaða
hætti þeir vildu að stjórnvöld brygðust við. Þá kom í
ljós að kröfur bílstjóra voru víðfeðmari en svo að þær
næðu bara til lækkunar á eldsneytisverði. Þeir lýstu yfir
óánægju með hvíldartímareglur og kröfu um endur-
menntun. Þetta eru kröfur sem snerta hag almennings
ekki beint. Almennt hefur almenningur litla hugmynd
um hvað það er sem bílstjórar eru óánægðir með. Það
er einfalt að skilja kröfur um lægra eldsneytisverð. Hitt
er erfiðara fyrir venjulegt fólk að skilja.
Málstaðurinn er orðinn þokukenndur
Árni Þórður Jónsson, ráðgjafi hjá almannatengsla-
fyrirtækinu Athygli, segist telja að trúverðugleiki at-
vinnubílstjóra hafi beðið hnekki við atburði síðustu
daga. „Ég er ekki viss um að almenningur viti almenni-
lega lengur hverjar kröfurnar eru. Ég held að bílstjór-
arnir þurfi að koma skýrar á framfæri fyrir hverju þeir
berjast. Voru það þessar eldsneytisálögur eða hvíld-
artíminn eða eru menn bara komnir í slag við kerfið?
Málstaðnum sturtað niður?
SKÝRING