24 stundir - 26.04.2008, Qupperneq 32

32 LAUGARDAGUR 26. APRÍL 2008 24stundir
Eftir Kristjönu Guðbrandsdóttur
dista@24stundir.is
Hvaða lifandi manneskju líturðu upp til og
hvers vegna?
Þetta er erfið spurning, en ef ég verð að nefna
einhvern þá er það bara Ómar Ragnarsson. Hann
er efni í heila heimildarmyndarseríu. Hann er
snillingur.
Hver er þín fyrsta minning?
Samloka með skinku og osti þegar ég var um 6
ára … keypt í sjoppu. Fyrsta sinn sem ég smakk-
aði sjoppumat …
Hver eru helstu vonbrigðin hingað til?
Þegar hljómsveitin mín fékk plötudóma frá
Árna Matt., ég held að þetta séu verstu plötu-
dómar sem um getur í íslenskri tónlistarsögu. En
ég var í hljómsveit sem hét Gimp sem síðar varð
Toymachine. En í dag er þetta einhver sú
skemmtilegasta minning sem ég á. Þið ættuð að
lesa þessa dóma.
Hvað í samfélaginu gerir þig dapran?
Þegar einhver sem á jeppa horfir á bílinn minn
og segir: Er þetta bíllinn þinn? Hvað gerir þú? Og
svo byrjar viðkomandi að vorkenna mér.
Leiðinlegasta vinnan?
Sláturhús, tók sláturtíð og ég fláði um 30.000
lömb á 6 vikum.
Uppáhaldsbókin þín?
Alive, bókin um mennina sem hröpuðu í And-
ersfjöllum … ég hef verið flughræddur síðan ég
las þessa bók.
Hvað eldarðu hversdags, ertu góður kokkur?
Úrvalskokkur, geri agalega góða bernaise-sósu,
allt með bernaise, kjötbúðingur, nautakjöt, pylsur
og pitsur með bernaise.
Hver myndi leika þig í kvikmynd byggðri á
ævi þinni?
Steve Buscemi.
Að frátalinni húseign, hvað er það dýrasta
sem þú hefur fest kaup á?
Rúm.
Mesta skammarstrikið?
Setti upp smá „act“ þegar vinur minn var að
fara til útlanda í nám. Hann endaði á geðdeild í
nokkra daga, fór aðeins yfir strikið en við hlæjum
í dag að þessu. Þetta gerðist í sveit þar sem við
settum upp Scream-atriði, á þeim tíma sem
Scream-bíómyndin var sem heitust. Ég lék morð-
ingjann en þetta fór allt úr böndunum og endaði
með því að það þurfti 4 menn til þess að ná hon-
um af mér. Hann reyndi í alvörunni að drepa
mig.
Hvað er hamingja að þínu mati?
Að vera með tilgang.
Hvaða galla hefurðu?
Ég er með fuglsbringu, mjög erfitt að útskýra
það eitthvað nánar, en bringan á mér er minni en
bumban og ég er ekki með neina bumbu. Sem
gerir þetta allt mjög skrýtið.
Ef þú byggir yfir ofurmannlegum hæfi-
leikum, hverjir væru þeir?
Ég væri með laser í 3. geirvörtunni. Ég er í al-
vöru með 3 geirvörtur.
Hvernig tilfinning er ástin? Gefur manni til-
gang.
Hvað grætir þig?
Ég veit að þetta hljómar asnalega en ég held að
það vanti þetta gen í mig. Ég kann ekki að gráta.
Hefurðu einhvern tímann lent í lífshættu?
Já, nokkrum sinnum. Einu sinni (bara svona
okkar á milli) þá stóð ég á breiðgötu í New York,
ég var hálfnak … ég get ekki sagt frá þessu, en
sagan er sönn.
Hvaða hluti í eigu þinni meturðu mest?
Rúmið. Það er ógeðslega gott.
Hvað gerirðu til að láta þér líða vel?
Slappa af með fjölskyldunni, hlusta á dóttur
mína ljúga einhverju í mig og son minn tala um
kúk og piss.
Hverjir eru styrkleikar þínir?
Reyni alltaf að finna það jákvæða í því nei-
kvæða og geri svo gott úr því.
Hvað langaði þig að verða þegar þú varst lít-
ill?
Atvinnumaður í knattspyrnu.
Er gott að búa á Íslandi?
Ef við einbeitum okkur að finna jákvæðu hlið-
arnar; já, það er gott að búa á landi þar sem ekki
er töluð danska.
Hefurðu einhvern tímann bjargað lífi ein-
hvers?
Nei, en mér hefur verið bjargað nokkrum sinn-
um.
Hvert er draumastarfið?
Kvikmyndagerð
Hvað ertu að gera núna? Ég er kvikmynda-
gerðarmaður.
24spurningar
Baldvin Z
Baldvin Zophoníasson kvikmynda-
gerðarmaður, betur þekktur sem
Baldvin Z, er maðurinn á bak við
nýtt Eurovision-myndband sem
vakið hefur mikla athygli. Hann er
sestur að á Íslandi á ný eftir að hafa
dvalið langdvölum í Danmörku.
Hann segist feginn því að vera kom-
inn heim til Íslands og segir lítið til í
því að Danir séu ligeglad. „Við mis-
skiljum orðið ligeglad,“ segir Bald-
vin. „Orðið þýðir bara að vera skít-
sama!“ Þrátt fyrir að honum finnist
Danir ekki sérlega ljúfir og fremur
yfirgangssamir í lund, fannst Bald-
vini gott að dvelja þar með börn.
„Já, það er nú tvennt ólíkt. Danir
hugsa vel um allt sem viðkemur
börnum og barnafólki er gert lífið
bærilegt.“
a
Ef við einbeitum okkur að
finna jákvæðu hliðarnar; já,
það er gott að búa á landi þar sem
ekki er töluð danska.