24 stundir - 20.09.2008, Blaðsíða 20

Eftir Þórð Snæ Júlíusson
thordur@24stundir.is
Samhliða sölunni fór fram uppgjör
á seljendaláni upp á fjórtán millj-
arða króna sem FL Group hafði
veitt þegar félagið seldi flugfélagið
Sterling til NTH á 20 milljarða
króna í desember 2006. Þar með
virðist ótrúlegri fléttu með eignar-
hald Sterling sem staðið hefur í
rúm þrjú ár lokið.
Sterling keypt á milljarða
Um miðjan maí árið 2005 var
undirritaður kaupsamningur þar
sem Fons, fjárfestingarfélag í eigu
Pálma Haraldssonar og Jóhannesar
Kristinssonar, keypti danska lágfar-
gjaldaflugfélagið Sterling. Kaup-
verðið var sagt 400 milljónir
danskra króna, en þar sem stað-
greitt var fyrir það lækkaði verðið í
375 milljónir danskra króna. Sterl-
ing hafði á þessum tíma tapað
rúmlega þremur milljörðum króna
á fjórum árum. Pálmi sagði við
Morgunblaðið við þetta tækifæri
að skilaboð nýrra eigenda væru al-
veg skýr: „Félagið verður rekið með
hagnaði árið 2005.“
Nokkrum mánuðum síðar sam-
þykkti Fons að kaupa rekstur ann-
ars dansks flugfélags, Maersk Air,
og sameina það Sterling. Kaup-
verðið var ekki gefið upp en Pálmi
sagði við Morgunblaðið að óhætt
væri að „fullyrða að það sé mjög
hagstætt“. Nánar er fjallað um
sameiningu Maersk og Sterling hér
til hliðar.
Fl Group kaupir Sterling
Daginn eftir að samruni Sterling
og Maersk Air gekk í gegn skýrðu
fjölmiðlar frá því að FL Group,
sem þá átti Icelandair, vildi kaupa
hið nýja Sterling. Í byrjun október
funduðu Pálmi Haraldsson, eig-
andi Fons, og Hannes Smárason,
þáverandi starfandi stjórnarfor-
maður FL Group og stór eigandi í
félaginu, í Kaupmannahöfn um
hin hugsanlegu viðskipti.
Þann 20. október 2005 var síðan
tilkynnt um miklar skipulagsbreyt-
ingar í FL Group þar sem alþjóð-
legur flugrekstur félagsins var
færður inn í nýtt félag, Icelandair
Group. Meðal þeirra félaga sem
fóru þangað inn var hið gamal-
gróna Flugleiðir, eða Icelandair.
Dönsk dagblöð fullyrtu á þessum
tíma að hið sameinaða flugfélag
Sterling og Maersk Air væri að fara
til FL Group fyrir um 15 milljarða
króna. Ragnhildur Geirsdóttir, for-
stjóri FL Group, hætti á sama tíma
eftir einungis átta mánaða starf og
Hannes Smárason var ráðinn for-
stjóri.
Þremur dögum síðar var gengið
frá kaupum FL Group á Sterling á
um 15 milljarða króna. FL Group
átti samkvæmt samningnum að
taka við Sterling í byrjun árs 2006.
Kaupverðið var að hluta til af-
komutengt og ef ekki næðist
ákveðinn árangur á rekstrarárinu
2006 gat það lækkað um fimm
milljarða króna. Ellefu milljarðar
króna voru greiddir til Fons í pen-
ingum en afgangur kaupverðsins
greiddist með nýjum hlutabréfum í
FL Group.
Sögusagnir um lán til Fons
Sama dag og kaupin ganga í
gegn mætti Hannes Smárason í
viðtal í Kastljósi til að svara spurn-
ingum varðandi yfirtökuna. Þar
var hann spurður um sögusagnir
þess efnis að hann hafi án heim-
ildar stjórnar FL Group tekið þrjá
milljarða króna úr sjóðum FL Gro-
up, sem þá var almenningshluta-
félag, og „lánað“ Fons þegar Sterl-
ing var keypt fyrir fjóra milljarða
króna í mars 2005 án þess að nokk-
ur lánsskjöl eða önnur gögn hefðu
verið gerð. FL Group átti síðan að
hafa fengið fjármunina til baka 30.
júní 2005. Ennfremur átti Ragn-
hildur Geirsdóttir að hafa gert at-
hugasemd við þessa færslu og þetta
mál verið undanfari brotthvarfs
hennar frá FL Group. Hannes sagði
þessa sögu þvælu og Pálmi gerði
slíkt hið sama við Börsen.
25. október birtist frétt í
Blaðinu, nú 24 stundir, um að Ein-
ar Ólafsson, fráfarandi stjórnar-
maður í FL Group, hefði verið afar
ósáttur við kaupin á Sterling. Einar
neitaði því að ósætti væri ástæða
þess að hann hefði farið úr stjórn-
inni en sagði orðrétt að sér hefði
þótt Sterling „allt of dýrt og alltof
áhættusamt“.Danska tímaritið Tra-
vel People greindi síðar frá skýrslu
sem blaðið sagði vera frá stjórn-
endum Icelandair og var dagsett 4.
október 2005. Í henni átti að hafa
komið fram að stjórnendurnir
hefðu lagst gegn því að FL Group
keypti Sterling, þar sem það væri
mat þeirra að áhættan og óvissan
væri of mikil til þess að hægt væri
að réttlæta kaupin.
Losa sig við Icelandair
FL Group tók við stjórn Sterling
í upphafi árs 2006. Þar sem Fons
átti nú í bæði Iceland Express og
móðurfélagi Icelandair hafði Fons
sett Iceland Express í sölumeðferð
hjá Kaupþingi í upphafi árs. Það
hafði þó enn ekki selst þegar komið
var fram á haustið 2006 og átti eftir
að reynast óþarft. Um miðjan
október gekk FL Group nefnilega
frá sölu á öllu hlutafé sínu í Ice-
landair Group, sem í raun var
gamla Flugleiðasamsteypan. Þar
með var Icelandair komið út úr FL
Group og Pálma því frjálst að eiga
Iceland Express áfram. Skömmu
síðar greindi Börsen frá að líkur
væru á því að FL Group myndi fá
afslátt af kaupverði sínu á Sterling
þar sem tap hafði orðið á rekstri
Sterling á fyrstu níu mánuðum árs-
ins.
NTH kaupir Sterling
Á milli jóla og nýárs 2006 var
skyndilega tilkynnt að FL Group
hefði selt Sterling á 20 milljarða ís-
lenskra króna. Kaupandinn var hið
nýstofnaða NTH. Samkvæmt til-
kynningunni voru sex milljarðar
króna greiddir til FL með reiðufé
en fjórtán milljarðar króna voru
greiddir í formi seljendaláns til
þriggja ára sem FL Group veitti
hinum nýja eiganda. Þessu til við-
bótar var tilkynnt að NTH myndi
yfirtaka rekstrarlán og ábyrgðir
sem FL Group hafði veitt Sterling.
Þar að auki felldi salan úr gildi
mögulega lækkun á kaupverðinu
sem FL Group hafði greitt Fons
fyrir félagið rúmu ári áður.
FL Group var þess utan einn eig-
enda hins nýstofnaða NTH með
um 35 prósenta eignarhlut. Stærsti
eigandinn var Fons með um 43
prósent og Sund átti síðan síðustu
22 prósentin. Inn í NTH runnu
einnig flugfélögin Iceland Express
og Astraeus og ferðaskrifstofurnar
Ticket og Hekla Travel.
Pálmi Haraldsson, einn eigenda
Fons, sagði við Morgunblaðið að
stefnt yrði að því að skrá NTH á
markað á næstu tveimur árum.
Hann sagði einnig við Viðskipta-
blaðið að hann væri með forstjóra
yfir hinu nýja félagi „í sigtinu“.
Viðskiptavefur Berlingske Ti-
dende birti frétt sem sagði að söl-
una á Sterling mætti rekja til þess
að „leynilegt“ ákvæði hefði verið í
samningnum þegar FL Group
keypti Sterling af Fons um að
kaupin gætu gengið til baka ef til-
teknum markmiðum væri ekki
náð. Í fréttinni segir að heimild-
armenn bæði á Íslandi og í Dan-
mörku staðfesti slíkt. FL Group
neitaði fréttinni þó algjörlega. For-
stjóri yfir NTH, sem var eigandi
þriggja flugfélaga og tveggja ferða-
skrifstofukeðja, var þó ekki ráðinn
fyrr en seinni hlutann í september
þegar Þorsteinn Örn Guðmunds-
son er ráðinn í starfið. NTH hafði
þá átt Sterling, Iceland Express,
Astraeus, Heklu og Ticket í um níu
mánuði. Skömmu síðar keypti
NTH allt hlutafé í Astraeus. Kaup-
verðið var ekki gefið upp.
Aftur til Fons
Börsen sagði frá því í febrúar
síðastliðnum að verið væri að und-
irbúa sölu á Sterling. FL Group
sendi frá sér yfirlýsingu vegna frétt-
arinnar og sagði ekkert til í henni.
Skömmu síðar hætti Almar Örn
Hilmarsson sem forstjóri Sterling
og Bandaríkjamaðurinn Reza Ta-
leghani var fenginn í staðinn. Bör-
sen hélt áfram á sömu braut og
skýrði frá því í apríl að Þorsteinn
Örn, stjórnarformaður NTH, hefði
sagt við blaðið að Sterling væri
undir samruna við annað flugfélag
búið. Í byrjun maí fullyrti Börsen
síðan að Fons og Sund væru að
reyna að selja sig út úr NTH, en
Pálmi Haraldsson svaraði því til í
fjölmiðlum að hvorugt félagið
værimeð áform um að selja. Sama
dag upplýsti Morgunblaðið að
Sund væri ekki lengur hluthafi í
NTH og hafði eftir Jóni Kristjáns-
syni, stjórnarformanni Sunds, að
hlutur félagsins í NTH hefði verið
seldur í árslok 2007. Kaupandinn
var NTH sjálft og kaupverðið hefur
ekki verið gefið upp.
Um miðjan ágúst var skýrt frá
því að Fons hefði selt hlut sinn í
Iceland-keðjunni til Stoða/FL Gro-
up og fengi meðal annars í staðinn
hlut í NTH. Fons hafði áður keypt
Ticket úr samstæðunni fyrir 700 til
800 milljónir króna. Formlega var
síðan gengið frá sölunni í liðinni
viku og í tilkynningu frá Stoðum
vegna þessa kemur fram að sam-
hliða henni hafi verið gengið frá
seljendaláninu upp á fjórtán millj-
arða króna sem FL Group, sem þá
var almenningshlutafélag, hafði
veitt NTH í desember 2006. Stoðir
vildu hvorki gefa upp söluverðið á
hlutnum né hversu mikið af láninu
hefði verið greitt til baka. Bókfært
verð á eignarhlut FL Group í NTH
og seljendalánum var 15,3 millj-
arðar króna um síðustu áramót.
Kaupin á Sterling
 Íslendingar keyptu sig inn í Sterling 2005  Mikil flétta átt sér stað með eignarhald
20 LAUGARDAGUR 20. SEPTEMBER 2008 24stundir
STERLING AIR
● 12.-14. mars 2005: Fons
kaupir NTH á 375 milljónir
danskra króna, eða um fjóra
milljarða íslenskra króna á þá-
virði.
● Maí: Tilkynnt að Sterling
hefði tapað 460 milljónum ís-
lenskra króna á fyrsta ársfjórð-
ungi.
● 1. júlí: Fons samþykkir að
kaupa Maersk Air og sameina
það Sterling. Kaupverð ekki
gefið upp.
● 23. október: FL Group
kaupir Sterling á 15 milljarða
íslenskra króna.
● Árslok 2005: Danskir fjöl-
miðlar segja að Sterling hafi
tapað 296 milljónum danskra
króna, eða um 3,2 milljörðum
íslenskra króna á árinu 2005.
● Fyrsti ársfjórðungur 2006:
Danskir fjölmiðlar, þar á meðal
Börsen, segja að tap Sterling á
fyrsta ársfjórðungi hafi verið
um 200 milljónir danskra
króna.
● 26. desember: FL Group
selur Sterling á 20 milljarða
króna til NTH.
● Árslok 2006: Berlingske Tid-
ende segir að Sterling hafi tap-
að 145 milljónum danskra
króna eftir skatta á árinu 2006,
eða 1,7 milljörðum íslenskra
króna á þávirði. Tölurnar eru
unnar upp úr uppgjöri FL
Group, sem þá var skráð félag.
● Haust 2007: Sund selur 22
prósenta hlut sinn í NTH til fé-
lagsins sjálfs. Kaupverð ekki
gefið upp.
● Árslok 2007: Tap Sterling á
árinu 2007 samkvæmt Börsen
var 34 milljónir danskra króna,
eða um 550 milljónir íslenskra
króna.
● Júní 2008: Börsen segir að
NTH hafi lagt 180 milljónir
danskra króna, eða 2,9 millj-
arða íslenskra króna, til Sterl-
ing. 130 milljónir hafi komið
frá NTH en 50 milljónir hafi
verið lánsfé. Upplýsingarnar
eru fengnar úr dönsku árs-
reikningaskránni. Börsen segir
einnig að árið áður hafi eig-
endur félagsins lagt 300 millj-
ónir danskra króna, 4,8 millj-
arða íslenskra króna, til
Sterling.
● 16. september: Tilkynnt að
gengið hafi verið frá sölu á hlut
Stoða/FL Group í NTH til
Fons. Fons nú eigandi alls
hlutafjár í NTH. Kaupverð ekki
gefið upp.
FRÉTTASKÝRING
frettir@24stundir.is a
Daginn eftir að samruni Sterling og Maersk
Air gekk í gegn skýrðu fjölmiðlar frá því að FL
Group, sem þá átti Icelandair, vildi kaupa hið nýja
Sterling.
Stoðir, sem áður hétu FL
Group, tilkynntu í vik-
unni að gengið hefði ver-
ið frá sölu á 34,8 pró-
senta hlut félagsins í
Northern Travel Holding
(NTH) til fjárfesting-
arfélagsins Fons.
a
Þar var hann spurð-
ur um sögusagnir
þess efnis að hann hafi
án heimildar stjórnar FL
Group tekið þrjá millj-
arða króna úr sjóðum FL
Group, sem þá var al-
menningshlutafélag, og
„lánað“ Fons.
- kemur þér við
AUGLÝSINGASÍMI: 510 3744
golf dagskrá
menning viðtöl
ferðalög viðskipti
garðurinn grill
24lífið bílar
neytendur umræða