24 stundir - 20.09.2008, Qupperneq 37

vinnu- og þjóðlíf okkar. Framsókn-
arflokkurinn vill gera þetta á
grundvelli röksemdafærslna með
og á móti.“
Hvernig leggst þá komandi vet-
ur í þig?
„Þessi vetur mun ráða miklu um
stór mál sem eru efst á baugi eins
og efnahagsmálin og stöðu gjald-
miðilsins. Þetta verða stærstu mál-
in á þinginu í vetur. Við getum ekki
haldið áfram óbreyttri stefnu. Við
verðum að breyta peningastefn-
unni og styrkja hagstjórnina eða
taka stefnuna á annan gjaldmiðil
og þá með aðild að ESB.
Það er lítil bjartsýni í þínum
orðum.
Ég vildi geta verið bjartsýn því ég
er það almennt en mér finnst þetta
vera alvarlegt ástand og krónan
heldur áfram að veikjast. Maður
spyr sig hvort hún muni veikjast
enn meira þegar fjárlagafrumvarp-
ið kemur fram. Við vitum heldur
ekki hver þróunin verður þegar
jöklabréfin koma á gjalddaga bráð-
lega. Það verður að viðurkennast
að við ráðum varla við þetta
ástand. Við erum með of veika
mynt.
Úr takti við þjóðina
Hvað sérðu fyrir þér að það
tæki okkur langan tíma að gerast
aðilar að ESB og taka upp evru?
„Það tekur nokkur ár. Við göng-
um heldur ekki inn í Efnahags- og
myntbandalagið nema koma okkar
málum í lag hér heima fyrst. Við
erum ekki gjaldgeng núna. Ég hef
þó haldið því fram að ef við ákvæð-
um stefnu í þessu máli þá myndi
það hjálpa bæði atvinnu- og efna-
hagslífinu og létta á spennunni.
Óvissan er óviðunandi. Betra er að
vita á hvaða leið við erum. Rík-
isstjórnin gengur ekki í takt við
þjóðina sem vill breytingar.
Ég held að það sé ótti við klofn-
ing í Sjálfstæðisflokknum sem er
ástæða þess að forystumenn hans
þora ekki að taka stefnuna á Evr-
ópusambandið.“
En er þinn flokkur ekki klofinn í
þessu máli?
„Við höfum tekið það skref að
skoða málið mjög vel. Síðan verð-
um við með flokksþing í mars og
þá verður tekin ákvörðun um
stefnu flokksins í þessum málum
út frá þeirri þróun sem átt hefur sér
stað frá síðasta flokksþingi. Miðað
við ályktun okkar í sumar þá tel ég
að það breikki flokkinn að horfa til
allra átta og sýni að flokkurinn er
frjálslyndur.“
Hefur Framsóknarflokkurinn
ekki frekar verið talinn aftur-
haldssamur?
Sumir telja það eflaust en við
eigum nú samt aðild að alþjóða-
samtökum frjálslyndra flokka og ég
segi fyrir mig að ef Framsóknar-
flokkurinn væri ekki frjálslyndur
þá ætti ég varla erindi í honum.“
Býstu við átökum á flokks-
þinginu í mars?
„Ég sé það ekki fyrir mér. Ég tel
að grasrótin sé farin að horfa miklu
opnara á málin eftir því sem tím-
inn hefur liðið.“
Auðvelt að hrekja efasemd-
arraddir
Bændur hafa verið hvað hrædd-
astir við að opna landið t.d. vegna
innflutnings á landbúnaðarvörum
frá öðrum löndum. Þeir eru helstu
kjósendur flokksins – er skoðun
þeirra að breytast?
„Það sem helst hefur verið notað
gegn aðild að ESB er að við missum
fullveldi okkar en það hefur verið
auðvelt að hrekja. Í öðru lagi eru
24stundir/Golli
a
Með inngöngu í
EES hefði verið
hamlandi fyrir
viðskiptaumhverfið að
vera með ríkisbanka.
Þetta var nauðsynleg að-
gerð.
24stundir LAUGARDAGUR 20. SEPTEMBER 2008 37