24 stundir - 02.10.2008, Blaðsíða 15

24stundir FIMMTUDAGUR 2. OKTÓBER 2008 15
Flestir foreldrar á Íslandi búa
við þá gæfu að vita flestum
stundum hvar börnin þeirra eru
niðurkomin. Margir kannast þó
við þá reynslu að hafa misst
sjónar af börnum sínum í mann-
mergð og vita ekki eitt augnablik
hvar þau eru. Það andartak getur
verið óendanlega lengi að líða og
óvissan óbærileg þar til barnið
kemur aftur í leitirnar.
Fjölskyldur sem hafa tvístrast
vegna átaka búa oft árum, jafnvel
áratugum, saman við óttann sem
fylgir óvissunni um að vita ekki
um afdrif ástvina. Í þeirri ring-
ulreið sem ríkir á vígvöllum og
hamfarasvæðum verður fólk oft-
ar en ekki viðskila við sína nán-
ustu og eyða jafnvel því sem eftir
er ævinni við leit að þeim. Af
öllum þeim þjáningum sem átök
og náttúruhamfarir valda er
óvissan um afdrif ættingja ef til
vill með þeim verstu.
Börnin verst úti
Þegar átök brjótast út brotna
innviðir samfélagsins niður,
símasamband og samgöngur
rofna og oft eru hömlur á ferða-
frelsi einstaklinga. Í þeirri ring-
ulreið sem skapast á átakasvæð-
um verða börnin oft verst úti, og
árlega verða tugþúsundir barna
viðskila við foreldra sína við slík-
ar aðstæður. Mörg eru ómálga
eða svo lítil að þau geta ekki sagt
frá nöfnum foreldra sinna eða
hvaðan þau eru upprunnin.
Rauði krossinn hefur unnið að
sameiningu fjölskyldna í kjölfar
átaka og náttúruhamfara í meira
en hundrað ár, og er það eitt
elsta verkefni samtakanna. Sam-
an mynda öll landsfélög Rauða
krossins og Rauða hálfmánans
ásamt Alþjóða Rauða krossinum
þéttriðið net leitarþjónustu sem
allir þeir sem hafa misst sam-
band við ástvini í kjölfar átaka
geta sett sig í samband við.
Þannig hefur Rauði kross Íslands
aðstoðað flóttafólk og hælisleit-
endur hér á landi við að leita
ættingja, sem samband hefur
rofnað við, og hefur tekist að
koma á samskiptum að nýju.
Göngum til góðs
Þar sem Alþjóða Rauði kross-
inn starfar á átakasvæðum er
leitarþjónustan sérstakt verkefni
þar sem unnið er gagngert að því
að leita að og koma á tengslum
milli sundraðra fjölskyldna. Leit
að upplýsingum um horfna aðila
getur jafnvel tekið mörg ár áður
en hún ber árangur, og erfitt get-
ur reynst að finna vísbendingar
um viðkomandi, sérstaklega þeg-
ar um börn er að ræða. Að sama
skapi er ólýsanlegt að verða vitni
að því þegar fjölskylda sameinast
á ný.
Landssöfnunin Göngum til
góðs er að þessu sinni helguð
leitarþjónustu Alþjóða Rauða
krossins í Kongó. Þar geisaði
borgarastyrjöld 1998–2003 og
enn eru átök milli stríðandi aðila
í austurhluta landsins. Talið er
að um 1,3 milljónir manna séu á
flótta innan eigin landamæra, og
árlega berast hundruð nýrra
beiðna um aðstoð við að sam-
eina sundraðar fjölskyldur á ný.
Til Kongó
Á stríðsárunum 1998–2003
skráði Rauði krossinn rúmlega
6.000 börn sem orðið höfðu við-
skila við foreldra sína. Um 4.400
börn voru sameinuð fjölskyldum
sínum á þessu tímabili. Í fyrra
voru hátt í 500 börn sameinuð
fjölskyldum sínum í Kongó en
hundruð bíða enn í þeirri von að
fjölskyldur þeirra finnist. Á þessu
ári hefur Rauði krossinn sam-
einað um 200 börn og fjölskyld-
ur þeirra í Kongó.
Leitarþjónusta Rauða krossins
teygir anga sína um allan heim.
Verkefnið er sérlega vel til þess
fallið að vekja íslenskar fjölskyld-
ur til umhugsunar um það neyð-
arástand sem fylgir vopnuðum
átökum, um sundrungu fjöl-
skyldna. Rauði kross Íslands fer
þess á leit að sem flestir nýti
tækifærið til að sameinast um að
taka þátt í landssöfnuninni
Göngum til góðs laugardaginn 4.
október og leggja sitt af mörkum
til að sameina fjölskyldur á
átakasvæðum.
Höfundur er framkvæmdastjóri
Rauða kross Íslands.
Veist þú hvar barnið þitt er?
UMRÆÐAN aKristján Sturluson
Talið er að um
1,3 milljónir
manna séu á
flótta innan
eigin landa-
mæra, og ár-
lega berast
hundruð
nýrra beiðna um aðstoð
við að sameina sundraðar
fjölskyldur á ný.
Innco | Sími/fax: 586 9200 | innco@simnet.is
Fæst í apótekum og söluturnum
Stórkostlegt tækifæri
- kemur þér við
Ókeypis
- heim til þín