24 stundir - 02.10.2008, Blaðsíða 32
Eftir Birgi Örn Steinarsson
biggi@24stundir.is
Inn um glugga leigubílsins sem
flutti mig á fund Baltasars Kor-
máks starði sjálfur maðurinn frá
hverju strætóskýli er ekið var
framhjá. Plaköt um Reykjavík-
Rotterdam eru hreinlega alls stað-
ar. Það eru fimm ár síðan Balti lék
síðast í kvikmynd og tólf ár síðan
hann fór með aðalhlutverk, þá sem
Baddi í Djöflaeyjunni. Það má því
segja að það hafi verið snjallt hjá
leikstjóranum Óskari Jónassyni að
ráða framleiðanda sinn í aðal-
hlutverkið. Þeir félagar unnu fyrst
saman þegar Balti leikstýrði
galdrasýningu Skara skrípó í Loft-
kastalanum fyrir rúmum áratug.
Ekki lengur sætur
„Skari er skemmtilegur nörd og
það er gaman að vinna með hon-
um,“ segir Baltasar um kollega
sinn en þeir eiga langa sögu saman.
„Hann bað mig fyrst um að leika
aðalhlutverkið í Sódómu. Hann
hálfpartinn skrifaði hlutverkið fyr-
ir mig en svo endaði hann á því að
neita mér um það á þeim for-
sendum að ég væri of sætur. Þá
fékk hann þann ófríða mann Björn
Jörund. Fimmtán árum síðar, þeg-
ar hann kom með handritið að
Reykjavík-Rotterdam til mín, er
greinilegt að tíminn hefur lagað
það vandamál.“
Balti segir að fyrst þegar Óskar
fékk honum handrit myndarinnar
hafi hann ályktað að leikstjórinn
væri aðeins að leita til sín sem
kvikmyndaframleiðanda.
„Ég hef eiginlega neitað öllu sem
mér hefur boðist að leika og var
hálfpartinn búinn að draga mig út
úr því. Ég hugsaði málið og sam-
þykkti svo vegna þess að ég hef
leikið svo marga skíthæla í gegnum
tíðina. Kristófer er góður gæi sem
lendir í slæmum málum. Innst
inni er hann fjölskyldumaður sem
reynar að standa fyrir sínu. Þetta er
það sem maður er sjálfur að reyna
að gera í lífinu.“
Frumsýningar í þrjú ár
Getur verið að Baltasar sé að
reyna að gera upp skugglega fortíð
sína með gjörðum sínum í dag?
„Mig langar auðvitað bara til að
börnin mín alist upp til að verða
fallegar og góðar manneskjur. Mig
langar til þess að verða eins mikill
pabbi og ég mögulega get. Það er
ástæðan fyrir því að ég hætti að
drekka. Maður kom alltaf hálf-
fullur heim og það eina sem mann
langaði að gera var að fara á barinn
að hitta vini sína. Ég var alltaf viku
að jafna mig eftir hvert skipti sem
ég kom heim úr vinnutörnum. Það
var alltaf verið að frumsýna, skála
og halda partíinu gangandi. Leik-
stjórar geta frumsýnt bíómyndir í
þrjú ár. Þetta er bara eins og tón-
leikaferðalag, það var alltaf fundin
ástæða til þess að fagna. Ef ég ætla
að halda áfram að gera kvikmyndir
ætla ég algjörlega að helga hinn
helminginn af lífi mínu fjölskyld-
unni. Ég átti tvö börn áður en ég
gifti mig og gat ekki verið með
þeim eins lengi og ég hefði viljað.
Aðallega út af því að ég var ungur
og vitlaus. Ég er kannski að reyna
bæta upp fyrir það með því að
breyta fyrri háttum.“
Bransinn og kreppan
Þrátt fyrir erfiðar efnahags-
aðstæður í landinu segir Baltasar
að fyrirtæki hans Sögn standi vel.
Það sé aðallega að þakka velgengni
Mýrarinnar og Brúðgumans hér-
lendis og erlendis. Ekki hafi það
heldur skemmt fyrir að hann hafi
selt flestar eignir fyrirtækisins áður
en hrunið kom. „Ég seldi eignir
Sagnar eiginlega á toppnum. Ég
seldi húseignina sem við áttum og
Kaffibarinn. Það var eitthvað sem
sagði mér að selja. Mér fannst
þetta vera ótrúverðug þensla. Til
þess að geta framleitt myndir og
gert það í miklum gæðum þarf
maður að hafa svolítið á milli
handanna. Menn hafa lent í því að
gera allt á síðustu krónunni og eru
kannski að taka printin ókláruð og
fara með þau í bíó. Það er mjög
mikilvægt að það sé sterkt fyrirtæki
sem vinnur þetta. Þeir sem skulda
eru í mjög vondum málum. Það
verður þungt fyrir þá að framleiða
á næstunni. Það er engin fyr-
irgreiðsla í þessum bransa,“ segir
Balti að lokum.
Reykjavík-Rotterdam verður
frumsýnd á morgun en kvikmynd-
in er gerð eftir handriti Arnalds
Indriðasonar. Með þessa sig-
urformúlu Mýrarinnar leyfa bíó-
húsaeigendur sér að vera bjartsýnir
um aðsókn, jafnvel á þessum
hörðu og erfiðu tímum.
24stundir/Kristinn
Baltasar Kormákur leikur aðalhlutverkið og framleiðir kvikmyndina Reykjavík-Rotterdam
„Ég hef leikið
of marga skíthæla“
Það var ekki á dagskránni hjá Baltasar Kormáki að leika aftur aðalhlutverkið í bíómynd. Við ræddum við kvik-
myndagerðarmanninn um það hvernig Óskar Jónasson leikstjóri laðaði hann að hlutverkinu. Spjölluðum um
ástæður þess að Balti kvaddi Bakkus og hvernig hann tryggði áframhaldandi kvikmyndaframleiðslu sína með
því að selja allar eignir fyrirtækisins á réttum tíma áður en efnahagurinn hér hrundi.
a
Óskar bað mig fyrst
um að leika aðal-
hlutverkið í Sódómu.
Hann hálfpartinn skrifaði
hlutverkið fyrir mig en
endaði á því að neita mér
um það á þeim forsendum
að ég væri of sætur.
Baltasar Greinilega ekki
svo sætur lengur.
32 FIMMTUDAGUR 2. OKTÓBER 2008 24stundir
FÓLK
24@24stundir.is a
Ég seldi eignir Sagnar eiginlega á toppnum. Ég
seldi húseignina sem við áttum og Kaffibarinn.
Það var eitthvað sem sagði mér að selja. Mér fannst
þetta vera ótrúverðug þennsla. viðtal
EMBLA GRÉTARSDÓTTIR
...MÆLIR MEÐ
Nafn: Embla Sigríður Grétarsdóttir.
Aldur: tuttugogsexý.
Hjúskaparstaða: í sambúð með
heimilsdraugnum Aski.
Skóstærð: 37-8.
Áttu einhverja fóbíu, ef svo hver er hún?
Reyndar hef ég margar fóbíur, naflapot
finnst mér hreinn viðbjóður, og tær á
öðrum, þær meiga helst ekki koma nálægt
mér svo er einn staður á nefinu á mér sem
ekki má snerta svo dæmi séu nefnd.
Veitingastaður:
Argentína, en hver
hatar þann stað svo
sem? Annars myndi ég
kannski nefna Castello, pizzastaðinn minn í
Kópavogi, einstaklega ljúffengar pizzur.
Kaffihús: Vegamót er örugglega eina
kaffihúsið sem ég man eftir að hafa farið á,
stunda kaffihúsin ekki mikið.
Drykkur (óáfengur): Kók og
rauður Kristall plús.
Áfengur drykkur:
Jarðaberja mojito.
Íslensk hljómplata:
Sögur diskarnir með
Bubba. Hann er einn af
fáum íslenskum tónlistarmönnum sem
ég virkilega elska að hlusta á. Annars er
ég mjög ómússíkölsk, það er eiginlega
vandræðalegt.
Íslensk bók: Verð
eiginlega bara að segja
bækurnar hans Arnalds
Indriða, er hrifin af þeim.
Erlend bók: Las síðast
Viltu vinna miljarð og fannst
hún mjög góð og Leyndarmálið hefur góða
fróðleiksmola.
Íslensk kvikmynd: Veðramót ,
mjög góð mynd.
Erlend kvikmynd: Sin
City er uppáhalds myndin
mín en fór síðast á Step
Brothers og skemmti mér
konunglega á henni með
KR stelpunum.
Frí (erlend eða innlent): Alltaf
gott að komast á Höfn
enda einstaklega fallegur
staður. NYC er geðveik
borg sem ég myndi
vilja skoða aðeins betur
en ég var þar í sirka 2
daga á síðasta ári og gerði
fáránlega margt á þeim tíma svo
það er nóg að gera og skoða.
Tæki: Sléttujárn,
ómissandi fyrir allar
konur og svo yrði
ég hálf handalaus án
símans og fartölvunnar.
Trúarbrögð: Ég trúi á
sjálfa mig, KR og íslenska landsliðið.
Íþrótt: hmmmmm held ég verði
nú bara að segja fótbolti.
Hvaða tölvuleik
spilarðu síðast? uhhh
held það hafi verið
Guitar Hero annars eru
tölvuleikir fyrir börn og
gamalmenni.