24 stundir - 02.10.2008, Blaðsíða 20
20 FIMMTUDAGUR 2. OKTÓBER 2008 24stundir
ÍÞRÓTTIR
ithrottir@24stundir.is a
Það hefur aðeins verið minnst á silfrið frá ÓL þegar við höfum
verið að kynna liðið. Mér hefur verið stillt upp við mark og fólki
leyft að kasta á mig bolta eða þá að mér er skipað að brosa við mynda-
tökur, en annars eru menn hér bara slakir yfir þessu öllu saman.
Eftir Ívar Benediktsson
iben@24stundir.is
Hreiðar, sem er 28 ára gamall, er að
hefja sitt þriðja keppnistímabil með
Sävehof. Hann endurnýjaði samn-
ing sinn við félagið í vor til ársins
2010. Engum vafa er undirorpið að
Hreiðar hefur tekið miklum fram-
förum á þeim tveimur árum sem
liðin eru síðan hann flutti út enda
hefur hann á þeim tíma fest sig í
sessi hjá landsliðinu auk þess að
vera á góðri leið með að verða einn
besti markvörður sænsku úrvals-
deildarinnar.
Hreiðari og félögum hans í Säve-
hof er spáð sænska meistaratitlin-
um í vor og virðist það vera nokkuð
eindregin skoðun flestra hand-
knattleikssérfræðinga í Svíþjóð.
Hreiðar segir liðið vera mjög svipað
og á síðasta keppnistímabili þegar
það hafnaði í öðru sæti. Helsti
munurinn sé e.t.v. sá að önnur lið,
s.s. meistaraliðið Hammarby, hefur
veikst frá síðasta keppnistímabili
eftir að hafa séð á bak þremur leik-
mönnum sem réru á önnur mið.
Sænska leiðin
Sävehof hefur unnið þrjá fyrstu
leikina í deildinni og hefur Hreiðar
tekið þátt í tveimur þeirra. „Ég sat á
varamannabekknum í fyrsta leikn-
um. Góður markvörður gekk til liðs
við okkur í sumar, Thomas Fors-
berg frá Viborg í Danmörku.
Eftir að hann kom þá hefur verið
tekin upp sænska aðferðin hjá okk-
ur, markverðirnir skipta leikjunum
á milli sín. Thomas lék allan fyrsta
leikinn, ég spilaði síðan annan leik-
inn frá upphafi til enda. Þegar við
mættum Guif í vikunni þá skiptum
við Thomas leiknum jafnt á milli
okkar.
Þetta er skrýtið fyrirkomulag og
hálfeinkennilegt að eftir að hafa
varið vel þá er manni skipað á bekk-
inn í hálfleik. Við þessu er ekkert að
gera, þjálfarinn vill hafa þetta
svona. Þetta er hluti af leikskipulag-
inu og maður gengur að því. Vænt-
anlega venst þetta allt saman þegar
á leiktíðina líður,“ segir Hreiðar
sem var með 48% markvörslu í síð-
ari hálfleik gegn Guif á mánudags-
kvöldið.
„Sumir þeirra sem ég hef rætt við
um þetta fyrirkomulag segja að það
sé auðveldara að halda einbeitingu í
30 mínútur en í 60 mínútur. Fyrir
vikið verði markvarsla liðanna sem
beita þessari aðferð jafnari. Það á
eftir að koma meiri reynsla á þetta
fyrirkomulag hjá okkur í Sävehöf en
ég trúi ekki öðru en að það eigi að
geta gengið úr því að það hefur
virkað vel hjá sænska landsliðinu
með snillingana Thomas Svensson
og Peter Gentzel,“ segir Hreiðar í
léttum dúr.
Lengi að jafna sig eftir sýkingu
„Ég er orðinn fínn aftur en það er
ekki langt síðan ég jafnaði mig að
fullu í fætinum,“ segir Hreiðar um
húðsýkingu sem hann fékk í ökkla
og rist á heimleið frá Ólympíuleik-
unum Peking og varð þess valdandi
að hann studdist við hækjur þegar
hann tók við riddarakrossi hinnar
íslensku fálkaorðu hjá forseta Ís-
lands daginn sem íslenska landslið-
ið kom heim.
„Ég var miklu lengur að jafna
mig en talið var í fyrstu. Ég fékk
sýklalyf af og til í æð í um vikutíma
og síðan þurfti ég að gleypa pens-
ilíntöflur í tæpar tvær vikur til við-
bótar.
Ég missti af æfingaferð Sävehof
til Spánar fyrir keppnistímabilið og
komst ekki almennilega í gang við
æfingar fyrr en rétt áður en sænska
deildin hófst í kringum 10. septem-
ber.
Eitthvað kom þetta allt saman
niður á forminu, einkum vantaði
mig meiri leikæfingu þegar deild-
arkeppnin hófst. En það er allt að
koma með æfingunni og síðan höf-
um við leikið þrjá leiki í deildinni.
Ég er allur að komast í betra form
á síðustu viku til tíu dögum. Æfing-
arnar að verða betri hjá mér auk
þess sem ég átti fínan leik gegn Guif
á mánudagskvöldið í Eksilstuna.“
Ekkert stórmál hjá Sävehof
Hreiðar segir að sjúkrahúsvisin
hafi kippt sér niður á jörðina eftir
stutta sælu eftir að hafa unnið silf-
urverðlaunin með landsliðinu í
handknattleik á Ólympíuleikunum
í Peking. Eftir að komið var til Sví-
þjóðar tók alvaran við um leið og
hann þurfti að ná heilsu á nýjan leik
eftir sýkingu sem fyrr er nefnd.
Í nærri hvert sinn sem minnst er
á Hreiðar í sænskum fjölmiðlum er
tekið fram að hann sé silfurverð-
launahafi frá Ólympíuleikunum.
„Hjá Sävehof hafa menn ekkert sér-
staklega verið að flagga þeirri stað-
reynd að ég vann til verðlauna með
íslenska landsliðinu á Ólympíuleik-
unum. Það hefur aðeins verið
minnst á það þegar við höfum verið
að kynna liðið. Mér hefur verið
stillt upp við mark og fólki leyft að
kasta á mig bolta eða þá að mér er
skipað að brosa við myndatökur, en
annars eru menn hér bara slakir yfir
þessu öllu saman. Síðan var heil-
síðuviðtal við mig í dagblaði í
Gautaborg.“
Hreiðar er klár í slaginn með ís-
lenska landsliðinu þegar þátttaka
þess hefst í undankeppni Evrópu-
mótsins í lok þessa mánaðar með
landsleik við Belga hér heima 29.
október nk.
„Ég er klár í slaginn með íslenska
landsliðinu ef kallað verður eftir
kröftum mínum í landsleikina í lok
október og í byrjun nóvember við
Belga og Norðmenn. Það er alltaf
gaman að taka þátt í landsleikjum,“
segir Hreiðar sem vonast til þess að
Guðmundur Þórður Guðmunds-
son gefi HSÍ sem jákvætt svar um
að halda áfram þjálfun landsliðsins.
Silfur og gull Hreiðar
Levý Guðmundsson hress
með silfrið i Peking. Hann
er bjartsýnn á að bæta
gullverðlaunapeningi í safn
sitt á komandi vori.
Við erum með topplið
„Silfurdrengurinn“ Hreiðar Guðmundsson hefur loksins jafnað sig á sýkingu í fæti Kominn á fulla ferð með
sænska liðinu Sävehof Markvörðurinn er klár í næstu verkefni íslenska landsliðsins í handknattleik
„Við erum með frekar
ungt lið en þeir eru orðn-
ir ári eldri og reynslunni
ríkari frá síðasta keppnis-
tímabili. Nú eigum við
bara að einbeita okkur að
því að vinna meistaratit-
ilinn. Annað kemur ekki
til greina. Vissulega er
ekkert gefið en eigum að
vera á toppnum. Árangur
okkar í fyrstu leikjunum
staðfestir að við erum
með topplið,“ segir
landsliðsmarkvörðurinn í
handknattleik, Hreiðar
Levý Guðmundsson, leik-
maður Sävehof í Gauta-
borg í Svíþjóð.
➤ Sävehof hefur unnið þrjáfyrstu leikina í deildinni og
hefur Hreiðar tekið þátt í
tveimur þeirra.
➤ Hreiðar fékk húðsýkingu íökkla og rist á heimleið frá
Ólympíuleikunum Peking
sem varð þess valdandi að
hann studdist við hækjur
þegar hann tók við ridd-
arakrossi hinnar íslensku
fálkaorðu hjá forseta Íslands
daginn sem íslenska lands-
liðið kom heim.
Á BATAVEGI
24stundir/Brynjar Gauti
N1-deildirnar í hand-
bolta karla og kvenna
fara vel af stað og
kannski hefur silfrið
hjá landsliðinu á ÓL í
Peking kveikt ein-
hvern neista hjá leik-
mönnum og áhuga-
fólki. Þrír leikir fara
fram í karlaflokki í
kvöld, Valur - Fram,
Akureyri - Stjarnan,
Víkingur - FH.
Handbolti og harpix á fjölunum í íþróttahúsum landsins