Vikublaðið - 09.12.1994, Blaðsíða 2

2
VIKUBLAÐIÐ 9. DESEMBER 1994
Útgefandi: Alþýðubandalagið
Ritstjóri og ábm.: Hildur Jónsdóttir
Blaðamenn: Páll Vilhjálmsson, Friðrik Pór Guðmundsson
og Ólafur Þórðarson
Auglýsingasími: (91)-813200 - Fax: (91)-678461
Ritstjórn og afgreiðsla:
Laugavegur 3 (4. hæð) 101 Reykjavík
'Sími á ritstjórn: (9D-17500 - Fax: 17599
Útlit og umbrot: Leturval
Prentvinnsla: ísafoldarprentsmiðja hf.
Stóri skjálftinn
skammt undan
Það er átakanlegt að fylgjast með aðgerðaleysi ríkis-
stjómarinnar í deilunni við sjúkraliða. A meðan vandinn
verður æ dýpri á sjúkrastofnunum landsins lætur Friðrik
Sophusson íjármálaráðherra eins og deilan komi sér ekki
við og vísar á samninganefhd ríkisins. Samninganefhdin
er ekki atvinnurekandi sjúkraliða og hún lýtur forræði
fjármálaráðherra, en meðan engin skilaboð koma frá hon-
um um hvernig leysa beri deiluna er ekki von til þess að
neitt hniki. A meðan líða sjúklingar, aðstandendur þeirra
og annað starfsfólk á sjúkrastofnunum. Abyrgðina ber
fjármálaráðherra og ríkisstjórnin í heild.
Friðriki er enda vorkunn, því hann veit sem er, að deil-
an við sjúkraHða er aðeins forsmekkurinn að því sem
koma skal á vinnumarkaðnum þegar kjarasamningar losna
um áramót. Eftir tæpra fjögurra ára stjómarsetu Alþýðu-
flokks og Sjálfstæðisflokks undir merkjum fjandsamlegrar
ffjálshyggju er misgengið milli stefnu og aðgerða ríkis-
stjómarinnar annarsvegar og hinsvegar ástandsins í lífs-
kjömm almennings slíkur spennuvaldur að stóri skjálfhnn
er skammt undan. Þessu ástandi ber ríkisstjómin fulla
ábyrgð á. Hún hefur stjómað í þágu forréttindahópa en
ekki almennings, hún hefur lokað eyrunum gagnvart
neyðarópum atvinnuleysingjanna, hún hefur velt millj-
arða álögum yfir á launafólk og neitað að horfast í augu
við að fólk í tugþúsundatali hefur ekki lengur ráð á að
ffamfleyta sér og sínum. Fjármálaráðherra hefur hinsveg-
ar laumað kjarabótum til affnarkaðra hópa, því meiri
kjarabótum sem hópamir em betur stæðir fyrir, en á sama
tíma er yfirlýst launastefha sú að gera minna en ekkert til
að rétta hlut almenns launafólks.
Við spyrjum fjármálaráðherra í fullri alvöm hver sé upp-
skrift ríkisstjómarinnar að því að láta 50 - 60 þúsvmd
króna mánaðarlaun duga til ffamfærslu? Treystir fjár-
málaráðherra sér virkilega til að verja launastefnu sem fel-
ur í sér að tugþúsundum launþega er ætlað að lifa á þeim
launum?
Þau merki aukinnar samstöðu meðal láglaunahópa,
þvert á markalínur milli launþegasamtakanna ASI og
BSRB, eru fagnaðarefni. Yfirlýsing Dagsbrúnar um fullan
stuðning við sjúkraliða og aðgerðir í þá veru ef nauðsyn
krefur er staðfesting þess að hvort sem við ríkisstjómina
eða Vinnuveitendasamband Islands er að etja þá er sami
botninn undir þeim báðum. Það em sömu hagsmunimir
sem stjóma ffamgöngu bæði atvinnurekendavaldsins og
ríkisstjómar þess - hagsmunir fjármagnseigenda og há-
tekjufólks.
Starfsmannafélag ríkisstofnana og kennarar hafa mótað
kröfugerð sína fyrir næstu kjarasamninga. Hún ber með
sér að launafólk býr við djúpstæðan og flókinn vanda, ekki
aðeins þann vanda sem stafar af lágum launum heldur líka
ranglátu skattakerfi. Kosningamar í vor munu örugglega
snúast um þessi mál; hvemig tryggja á hér góð lífskjör
allra og byggja upp réttlátt skattakerfi. Alþýðubandalagið
mætir kjósendum með ítarlega stefhu í því hvemig á að
taka á vanda almennings til samræmis við þá staðreynd að
Island er auðugt samfélag sem hefur alla möguleika til að
búa hverjum þegn sínum góð lífskjör. Réttast væri að
kjósa strax til að koma þessari ríkisstjóm frá áður en svo
stór skjálfti brestur á að hann skilji bara auðnina eftir sig.
Pólitízkan
Hannes Hólm-
steinn og Marx
Eins og greint var frá á þessum
stað fyrir nokkrum vikum hefur
Hannes Hólmsteinn Gissurar-
son, helsti hugmyndafræðingur
frjálshyggjunnar á síðasta áratug,
skrifað bók þar sem hann hættir að
fylgja hugsuði frjálshyggjunnar,
John Gray, sem er orðinn samfé-
lagssinni. Fyrir fáum árum mærði
Hannes Gray í bak og fyrir enda
lærlingur hans í Oxford. Okkur láðist
hinsvegar að geta þess að Hannes
virðist í bókinni vera að búa sig
undir að taka Kari Marx upp á sína
arma. Til skamms tíma var Marx
óalandi og óferjandi í augum Hann-
esar og hann fékk uppslátt í fjölmiðli
fyrir fáum mánuðum þegar hann fór
fram á það við skattayfirvöld að af-
skrifa bækur eftir Marx sem Hannes
á í bókasafni sínu. En nú bregður
svo við að eitt og annað sem Marx
skrifaði fær inni í stássstofu Hann-
esar. í Morgunblaðinu á þriðjudag
segir hann að eitthvað kann að hafa
verið til í kenningum Marx um stétt-
areðli ríkisins og að í sögulegri efn-
ishyggju leynist nothæfar vinnutil-
gátur. Jamm, Hayek er látinn og
Friedmann orðinn aflóga í tvöföld-
um skilningi. En hvers á Marx að
gjalda?
Guömundur Árni í
stjórnarandstöbu
Á sunnudag á Stöð 2 snupraði
Guðmundur Ámi Stefánsson
fyrrverandi félagsmálaráðherra og
þingmaður Alþýðuflokksins ríkis-
stjórnina fyrir að vera ekki búna að
semja við sjúkraliða. Þótt Guð-
mundi séu mislagðar hendur í emb-
ættisfærslu kann hann ýmislegt fyrir
sér í popúlisma. Það er liður í próf-
kjörsbaráttu Guðmundar Árna að
mynda fjarlægð milli sín og ríkis-
stjórnarinnar. En Guðmundur Árni
er líka í andstöðu við ákveðna aðila í
Alþýðuflokknum, sérstaklega Jón
Baldvin Hannibalsson utanríkis-
ráðherra og Sighvat Björgvins-
son heilbrigðisráðherra og fær sá
síðarnefndi það óþvegið í nýrri bók
fyrrverandi félagsmálaráðherra sem
telur Sighvat bera töluverða ábyrgð
á ógöngum sínum.
Hvort segir Davíb
satt heima eba í
útlöndum?
Carl Biidt fyrrverandi forsætisráð-
herra Svía hefur í fjölmiðlum haft eft-
ir Davíð Oddssyni að ísland muni
sækja um aðild að ESB fyrr heldur
en seinna. Hér heima segir Davíð
að aðild komi ekki til greina. Fyrir
borgarstjórnarkosningarnar 1990
var það á allra vitorði að Davíð ætl-
aði sér á þing en hann kvaðst
stefna að því að gegna áfram starfi
borgarstjóra, fengi hann umboð til
þess sem hann og fékk. Stuttu
seinna hætti borgarstjóri til að verða
forsætisráðherra.
Davíb bitlinga-
stjóri
Davíð Oddsson réð vinkonu sína
og samstarfskonu, Þórhildi Lín-
dal, í stöðu umboðsmanns barna.
Þau tvö stóðu þannig að ráðning-
unni að Þórhildur, sem starfar í for-
sætisráðuneytinu, sá um að aug-
lýsa stöðuna og tók á móti um-
sóknum um starfið. Samkvæmt
starfsvenju hefur hún einnig farið yfir
umsóknirnar og metið hvaða um-
sækjendur ætti að kalla til viðtals.
Okkur var talið trú um að þessi
vinnubrögð heyrðu sögunni til með
nýjum stjórnsýslulögum en nú er
það sjálft forsætisráðuneytið sem
hefur forgöngu um að viðhalda bit-
lingakerfinu.
Spillingin er óskil-
greind
Forsætisráðuneytið þóttist ekki geta
svarað fyrirspurn Kristínar Ást-
geirsdóttur þingmanns um um-
fang sérverkefna á vegum ráðu-
neytisins. Því var borið við að hug-
takið sérverkefni væri ekki nógu vel
skilgreint í fyrirspurninni. En forsæt-
isráðuneytið notar sjálft þetta hug-
tak, sérverkefni, til að lýsa verkefn-
um manna á borð við Þorvald
Garðar Kristjánsson fyrrverandi
þingmann Sjálfstæðisflokksins.
Ruglib meb
Rýni hf.
Ríkisendurskoðun gagnrýndi sjávar-
útvegsráðuneytið fyrir að sólunda
skattpeningum almennings i skoð-
unarstofuna Rýni hf. sem ráðuneyt-
ið stofnaði og seldi síðan með miklu
tapi til Nýju skoðunarstöðvarinnar.
Ráðuneytið reyndi á sínum tíma að
koma í veg fyrir að upplýsingar um
klúðrið yrðu opinberar. Arndís
Steinþórsdóttir skrifstofustjóri
sjávarútvegsráðuneytisins, sem ber
verulega ábyrgð á afdrifum Rýnis
hf., lét stimpla rekstraruppgjör fé-
lagsins frá 30. nóvember 1993 sem
trúnaðarmál. Þáu boð voru látin út
ganga að fyrirspurnum um rekstrar-
uppgjörið skyldi beint til Arndísar og
hún gerði sitt ítrasta til að láta ekki
ná í sig þegar fjölmiðlar leituðu eftir
upplýsingum um Rýni hf.