Vikublaðið - 23.09.1994, Blaðsíða 4

4
Mannréttindln
VIKUBLAÐIÐ 23. SEPTEMBER 1994
í tileftii af tuttugu ára aftnæli íslandsdeildar Amnesty Inter-
national, bauð deildin Mulugeta Mosissa hingað til lands. Mulu-
geta er fyrrverandi samviskufangi.
Samkvæmt skilgreiningu Amnesty Intemational er sá kallaður
samviskufangi sem haldið er föngnum vegna skoðana sinna,
trúar, uppmna, kyns, litarháttar eða móðurmáls, svo fremi að
hann hafi hvorki beitt ofbeldi né hvatt til þess. Mulugeta er lif-
andi vitnisburður um mikilvægi baráttu samtakanna.
Stundum getur hinum almenna
meðlimi Amnesty fundist bréfa-
skriftirnar og undirskriftasafh-
anirnar ósköp vonlausar. Hvert bréfið
á fætur öðru er skrifað án þess að
bréfritarar fái svar. En bréfin hafa
áhrif.
Mulugeta segir að vitneskjan um að
Amnesty International væri að berjast
fyrir lausn hans hafi breytt öllu. llann
bætir við: „Bréfaskriftirnar skipta á-
kaflega miklu máli. Jafhvel þó að
fangarnir sjái bréfin aldrei, þá hafa
þau áhrif á það hvort þeir yfirleitt
komist af - fái að lifa. Nú eftir lok
kalda stríðsins eru öll ríki Þriðja
heimsins að leita eftir aðstoð. Þegar
Amnesty bendir á mannréttindabrot
ríkis þá getur það komið í veg fyrir að
það fái aðstoð. Barátta Amnesty getur
orðið til þess að stöðva ofbeldi vald-
hafa og minnka hroka þeirra. Ef að
fangi heyrir fyrir einhverja tilviljun að
Amnesty sé að vinna að því að hann
verði látinn laus, þá gefur það honum
von og breytir líðan hans. Hann gerir
sér grein fyrir því að einhver deilir
þjáningum hans. Ef hann deyr, þá
hefur hann ekki látist til einskis. Starf
Amnesty hefur líka áhrif á fjölskyldur
og vini fanganna."
Mulugeta sat ellefu ár í fangelsi
vegna skoðana sinna og uppruna.
Kona hans var einnig fangelsuð og
sonur þeirra fæddist í fangelsi. Sjálfur
hafði Mulugeta afplánað níu ár þegar
hann komst að því að hann væri sam-
viskufangi. Það var kona hans sem
sagði honum að Amnesty væri að
vinna að frelsun hans, en þá hafði hún
verið látin laus. „Það gaf mér von“,
segir hann.
Mulugeta er af Oroma-ættflokki,
stærsta kynþætti Eþíópíu, sem hefur
sætt kúgun um langa hríð. Til dæmis
hefur tungumál Oroma-manna verið
bannað. Hann segir að ættflokkkur
hans telji mjög mikilvægt að fá að nota
þetta tungumál. Þannig munu þeir
geta endurheimt sögu sína, en Oroma
var áður sjálfstætt ríki. Nú er fólki af
Oroma-ættflokknum neitað um öll
réttindi; pólítísk, efnahagsleg og fé-
lagsleg. Tígris-ættbálkurinn ræður
ríkjum í Eþíópíu þó aðeins 7% íbúa
landsins tilheyri þeim ættflokki. Hann
nýtur stuðnings Bandaríkjanna sem
veita fjárhagslega aðstoð.
Mulugeta er hagfræðingur. F.inn
þeirra heppnu Oroma-manna sem gat
aflað sér menntunar. Eftir að prófi
lauk fékk hann vinnu hjá félagasam-
tökum, sem voru lauslega tengdar rík-
inu. Þar starfaði hann í þrjú ár. I janú-
ar 1980 var Mulugeta fangelsaður.
„Eg sýndi stjórninni andstöðu, barðist
fyrir frelsi og réttlæti og gegn
grimmdarverkum stjórnarinnar."
Fyrir tæpum tíu árum var Eþíópa
stöðugt í heimsfréttunum vegna
hungursneyðar sem þar ríkti. Síðan
höfum við ekki heyrt mikið af landinu
nema sem nágranna Sómalíu. Þaðan
höfum við reyndar lítið heyrt síðan
fjöldamorðin hófust í Rúanda. Þannig
flyst kastljós íjölmiðlanna milli Afr-
íkulanda eftir því hvar er að finna
mestar hörmungar hverju sinni. I öðr-
um löndum geysa svo kannski stríð
sem heimurinn hefur gleymt. „Þetta“,
segir Mulugeta, „er vandamálið. Fjöl-
miðlarnir hafa aðeins áhuga þegar
eitthvað hörmulegt gerist, þegar
neyðarástand ríkir eða þegar atburðir
snerta þegna vestrænna ríkja. Það er
enn hungursneyð í Eþíópíu. Um sjö
milljónir manna eru í hættu. Nefnd
bandarískra þingmanna kom nýlega
til landsins og lýstu þeir yfir áhyggjum
vegna ástandsins. Þetta ástand er af
mannavöldum. Landið er á barmi
borgarstyrjaldar og bændur hafa ekki
getað ræktað lönd sín eða hafa jafnvel
þurft að flýja þau. I Eþíópíu sveltur
fólk vegna pólítíski'a aðgerða. Matn-
um er ekki skipt réttlátlega. Meiri-
hluti hans er ræktaður í suðurhluta
Iandsins en síðan fluttur norður í
Iand.“
Mulugeta segir að neyðarhjálp geti
komið að miklum notum, en þá verði
hún að fara um hendur hlutlausra
samtaka, alls ekki í gegnum ríkisstjórn
landsins. Slík „hjálp“ vinni aðeins
gegn fólkinu sem þarf á aðstoð að
halda. Sjálfur býr Mulugeta í Hollandi
1 núna. Er eins konar pólítískur flótta-
maður þar.
Þrátt fyrir það segistMulugeta vera
bjartsýnn fyrir hönd iands síns; „Mað-
ur vonar alltaf það besta. Ég.held að
nú hafi fólk í landinu einhverja von.
Gagnkvæm virðing og skilningur
skiptir öllu máli. Fólk af ólíkum kyn-
þáttum og með ólíkar skoðanir þarf að
geta komið sér saman. Nú væri rétti
tíminn fyrir Bandaríkin að þrýsta á
lýðræðisþróun í landinu." -is.
Húsnæðisnefnd Kópavogs
Umsóknir
Húsnæðisnefnd Kópavogs auglýsir hér með eftir umsóknum um félagslegar
eignaríbúðir og félagslegar kaupleiguíbúðir.
Þeir einir koma til greina sem uppfylla eftirfarandi skilyrði.
1. Eiga ekki íbúð eða samsvarandi eign.
2. Eru innan eigna- og tekjumarka Húsnæðisstofnunar rík-
isins sem eru meðaltekjur áranna 1991-1993.
Meðaltekjur einstaklinga: Kr. 1.693.471.-
Meðaltekjur hjóna: Kr. 2.116.839.-
Viðbót fyrir hvert barn: Kr. 154.286.-
Eignarmörk eru: Kr. 1.800.000.-
3. Sýna fram á greiðslugetu sem miðast við að greiðslubyrði
lána fari ekki yfir 30% af tekjum.
Umsóknareyðublöð verða afhent á skrifstofu Húsnæðisnefndar
Kópavogs, Fannborg 4, sem er opin frá kl. 9-15 mánudaga-föstudaga.
Umsóknarfrestur er til 10. október 1994.
Athygli er vakin á því að eldri umsóknir falla úr gildi.
Nánari upplýsingareru veittar hjá Húsnæðisnefnd Kópavogs, Fannborg
4, eða í síma 45140 frá kl. 11-12 alla virka daga.
Húsnæðisnefnd Kópavogs.
111 Leikskólar
'I' Reykjavíkurborgar
Leikskólastjóri
Staða leikskólastjóra við leikskólann Steinahlíð við Suð-
uriandsbraut er laus til umsóknar. Umsóknarfrestur er til
4. október n.k.
Leikskólakennaramenntun áskilin.
Nánari upplýsingar gefa Bergur Felixson framkvæmda-
stjóri og Margrét Vallý jóhannsdóttir deildarstjóri í síma
27277.
Dagvist barna
Hafnarhúsinu, Tryggvagötu 17, sfmi 27277
111 Leikskólar
\|/ Reykjavíkurborgar
Til foreldra allra barna á aldrinum 6 mánaða til 5 ára í
Reykjavík.
Ákveðið hefur verið að framlengja skilafrest í könnun Dag-
vistar barna í Reykjavík á þörf fyrir leikskólapláss í Reykja-
vík til 25. september n.k.
Þeir foreldrar, sem ekki hafa fengið sent til sín fyrir-
spurnarreybublað, eru bebnir ab snúa sér til skrifstofu
Dagvistar barna í Reykjavík.
Dagvist barna
Hafnarhúsinu, Tryggvagötu 17, sími 27277