Morgunblaðið - 27.05.2005, Blaðsíða 6

6 B FÖSTUDAGUR 27. MAÍ 2005 MORGUNBLAÐIÐ
bílar
Master ehf
Glæsibæ, Álfheimum 74, 104 Reykjavík, sími 540 2200, www.masterbill.is
Einstakt tækifæri fyrir
bílaáhugamenn & safnara
Mercedes Benz 280 CE
Í fullkomnu ástandi
Silfurgrár með svörtu leðri
Árgerð 1982
Einn eigandi í 20 ár - uppgerður 2002
6 strokka - 2,8 L - bein innspýting - 185 hestöfl
ek. 197 þkm. - óslitin þjónustusaga hjá Mercedes
Allir fáanlegir aukahlutir þess tíma
Verð kr. 1.950.000,-
„Ég var lengi búinn að sigta á svona
bíl,“ segir Sverrir Andrésson, fyrr-
verandi bílasali á Selfossi og tré-
smiður, sem hefur nýlokið við að
gera upp frá grunni Willys árgerð 46
sem stendur skínandi fínn við heimili
Sverris og ber númerið X-16. Sverrir
sem er mikill bílaáhugamaður starf-
rækti Bílasölu Selfoss á árunum
1964–2000, fyrst í bílskúrnum hjá sér
en síðan í glæsilegu húsnæði við
Hrísmýri þar sem nú er Hekluum-
boðið á Selfossi.
Willysinn er fimmti bíllinn sem
Sverrir gerir upp frá grunni fyrir ut-
an aðra sem hann hefur gert við
meira og minna. Fyrir utan Willys-
inn á Sverrir núna þrjá fornbíla og
þar á meðal Thomsensbílinn sem er
þeirra sérstakastur.
Með stýrisskiptingu
„Þessi Willys er einn af fyrstu
landbúnaðarbílunum sem komu til
landsins og er með stýrisskiptingu.
Það eru sennilega fáir eftir af þeim
og það var gaman að fást við að gera
hann upp. Hann er með vinnuvéla-
drifi og hægt að setja við hann
sláttuvél. Hún er þá sett undir bílinn
og greiðan stendur út undan honum
bílstjóramegin. Síðan er það reim
sem knýr vélina en það er reimskífa
á vinnuvéladrifinu,“ segir Sverrir
þegar hann lýsir þessum gamla
jeppa og nýtingarmöguleikum hans.
„Bíllinn var með blæjum þegar ég
fékk hann fyrir ári. Ég reif hann al-
veg niður, skipti meira að segja um
grind og fór yfir hann allan. Síðan
smíðaði ég hús á hann en það er tré-
hús með fulningum eins og Kristins-
húsin sem Kristinn vagnasmiður
smíðaði á sínum tíma,“ segir Sverrir
sem náði að útvega sér nákvæma
teikningu af húsinu sem hann gat
farið eftir. Gunnar Bjarnason, tré-
smiður í Reykjavík, átti teikninguna
og aðstoðaði Sverri við ýmsa véla-
vinnu í kringum smíðina á húsinu.
Sverrir bendir á að bíllinn sé að
verulegu leyti trésmíði og það sé
ekki verra að vera trésmiður þegar
kemur að því að gera upp bíla.
Hefur áður gert upp Willys
„Ég átti nokkra svona jeppa á
tímabili og hef áður gert upp svona
bíl, reyndar Willys með blæjum. Það
var svo sem ekkert sérstakt tilefni að
ég lét þetta eftir mér að takast á við
þennan bíl. Þetta er að vísu mikið
áhugamál hjá mér að gera upp bíla
og maður er búinn að vera í bíla-
bransanum í gegnum tíðina. Þetta er
einhvern veginn bara sjálfsagt við-
fangsefni,“ segir Sverrir. Hann
bendir á að saga bílsins sé nokkuð
óljós en talið er að hann hafi komið
nýr á Fljótsdalshérað, þá grænn að
lit.
„Ég á eftir að grafast nánar fyrir
um það en þetta voru einu fjórhjóla-
drifsbílarnir sem komu á þessum
tíma. Þeim var úthlutað með leyfum
og það voru þá helst bændur sem
bjuggu afskekkt, læknar og ljós-
mæður sem fengu þessa bíla. Það
var auðvitað mikil bylting að fá fjór-
hjóladrifsbíl á þeim tíma. Þeir voru
duglegir og fóru margt sem aðrir
komust ekki, yfir mýrarslóða og veg-
leysur,“ segir Sverrir.
„Ég mun hafa þennan bíl heima
við og nýta hann svona á sunnudög-
um í spariferðir. Svo verður lands-
mót Fornbílaklúbbs Íslands 24.–27.
júní hér á Selfossi og þá verður heil-
mikið um að vera og þessi bíll verður
örugglega þar.
Nei, nei, það er ekkert ákveðið
með næsta verkefni. Maður er alltaf
með opinn augun fyrir einhverju
sem gæti komið til greina,“ segir
Sverrir Andrésson, fornbílaeigandi
og bílasmiður á Selfossi.
Fyrir utan húsið stendur Willys-
inn X-16, skínandi fínn og tilbúinn í
hvað sem er ef eigandanum sýnist
svo. Hann hefur fengið ýmsar nýj-
ungar svo sem nett hanskahólf og
dósahaldara fyrir drykkjarföng. Og
sætin eru með fallegu áklæði, bólstr-
uð og þægileg. Undir húddinu er svo
vélin skínandi fín með hin einföldu
atriði vel sýnileg sem alltaf eru und-
irstaða bílvélarinnar hvað svo sem
líður hinni miklu tölvu- og tæknivæð-
ingu sem fyllir vélarhús hinna nýrri
bifreiða. Það er gaman að horfa á
Willysinn og ekki minnkar aðdáunin
þegar honum er ekið, einfaldleikinn
beint í æð.
Sverrir Andrésson á Selfossi endursmíðaði Willys 46
Það er sjálfsagt viðfangs-
efni að gera upp bíla
Meðal þeirra þæginda sem bæst hafa við í endurnýjuninni eru dósahaldari.
Sverrir sýnir hér ofan í vélarrýmið á Willys ’46.
Sverrir Andrésson með nýendurbyggðan Willysinn sem er af árgerðinni 1946.
Drifstangirnar blasa við og er vinnu-
véladrifstöngin næst sætunum.
Morgunblaðið/Sigurður Jónsson
Vagninn er þokkalega kraftalegur og laglegur tilsýndar enda nánast endurgerður.
Sverrir Andrésson á Selfossi
hefur gert upp nokkra bíla.
Sigurður Jónsson forvitnaðist
um þessa iðju hans.