Morgunblaðið - 11.06.2005, Blaðsíða 27

MORGUNBLAÐIÐ LAUGARDAGUR 11. JÚNÍ 2005 27
DAGLEGT LÍF
Tími fífilsins errunninn upp oghvaða garðeigandi
kannast ekki við árlegt
stríð við túnfífla, sem
nær ómögulegt er að ná
úr grasflötinni. Sumir
eru jafnvel þeim eig-
inleikum gæddir að þeir
leggjast flatir undir
sláttuvélina og rísa upp í
öllu sínu veldi eftir að
vélin fer hjá.
„Túnfífill er bundinn við rækt-
að land og þrífst ekki í rýrum
jarðvegi,“ segir Kristinn H. Þor-
steinsson, formaður Garðyrkju-
félags Íslands. „Það eru þessir
hefðbundnu túnfíflar sem við
fáum inn á lóðina en svo eru til
aðrir algengir um allt land sem
valda ekki vandræðum í görðum.
Túnfífillinn aftur á móti virðist
aðlagast aðstæðum og verða smá-
vaxnari eftir því sem oftar er
slegið yfir hann. Þannig sleppur
hann oft.“
Kristinn segir að verið sé að
gera tilraunir með sjóðandi heitt
vatn gegn túnfíflum og að það
hafi gefið góða raun. „Við sting-
um niður um 2ja cm (þvermál)
plaströri sem þolir heitt vatn yfir
plöntuna, lokum hana af og
hellum heitu vatni í rörið,“ segir
hann. „Það myndast að vísu
brunagat í grasflötina, sem verð-
ur að sá í og allt drepst sem vatn-
ið fer yfir en með röri er skaðinn
staðbundinn og vatnið er betra
en hormón eða eitur. Ef þetta er
gert á hverju vori og farið yfir
með mosatætara á eftir þá eiga
fíflafræin erfitt með að komast
inn í grasið og í snertingu við
jarðveginn.“
Kristinn segir að einn ketill af
heitu vatni ætti að duga á 10–12
fífla en vatnsmagnið verði hver
og einn að finna út fyrir sig og
ekki má gleyma gúmmíhönsk-
unum því vatnið er heitt.
Heitt vatn í stríðið
við túnfífilinn
 GRÓÐUR
Haraldur Guðmundsson
garðyrkjufræðingur beitir
heitavatnsaðferðinni á túnfífil.
Morgunblaðið/Golli
Steinunn Halla Halldórsdóttir með túnfífil.
HANDHNÝTTAR antíkmott-
ur þarf að hugsa vel um og á
vef BBC eru gefin góð ráð til
þess að lengja líf þessara
verðmæta enn frekar. Þar
kemur m.a. fram að skyndi-
legar hita- og rakabreytingar
séu afar óæskilegar fyrir
teppin. Ef sólin skín á mott-
urnar geta litirnir dofnað og
því er ráðlagt að draga fyrir
á björtustu tímunum ef antík-
mottur eru á stað sem sólin
nær til þeirra. Arineldur í ná-
grenni antíkmottu er ekki
góð hugmynd og ekki heldur
ágangur pinnahæla, að því er
sérfræðingar BBC greina frá.
Ráðið er frá því að nota
lím til að festa mottur á sín-
um stað, en nota í staðinn
stamt undirlag án líms. Alls
ekki hefta eða negla mottur
fastar. Séu gæludýr á heim-
ilinu verður fólk að gera sér
grein fyrir því að klærnar
geta skemmt motturnar, að
ekki sé talað um dýrahland
sem erfitt er að ná úr antík-
mottum.
Þegar motturnar eru ryk-
sugaðar er mælt með að nota
hægar hreyfingar og ekki á
móti þráðunum. Hellist vökvi
á mottuna er best að nota
pappír til að ná honum úr. Ef
litur kemur úr mottunni ætti
að hafa samband við sérfræð-
ing. Ekki ætti að nota
hreinsiefni og alls ekki salt
því það getur valdið meiri
skemmdum.
 NEYTENDUR
Hugsum
vel um
handhnýtt-
ar mottur
Hlíðasmára 11, Kópavogi
sími 517 6460
www.belladonna.is
Réttu stærðirnar