Tíminn - 21.07.1970, Blaðsíða 13

Tíminn - 21.07.1970, Blaðsíða 13
ÞRHWUDAGUR 21. JÚLÍ 1970. ÍÞRÓTTiR TIMINN ÍÞRÓTTIR 13 Tvö mörk Hermanns á tveimur mínútum Frábær leíkur íslenzka landsliðsins í gærkvöldi, er það sigraði Noreg 2:0 Það er ástæða til að taka ofan fyrir íslenzku landsliðsmönnunum f knattspyrnu með virðingu og þökk fyrir frábæran leik gegn Nor egi í gærkvöldi, en íslenzka liðið sigraði með 2:0 og skoraði Her- manii Gunnarsson bæði mörkin með mínútu millibili í síðari hálf- leik. Hermann Gunnarsson var hetja dagsins — raunar voru allir hvítklæddu landsliðsmennirnir okk ar hetjur í þessum leik — en Her- mann skoraði mörkin, sem færðu sigurinn. Og fyrra markið var hreint afbragð, meistarastykki þeirra Eyleifs og Hermanns. Ey- leifur stöðvaði langa sendingu mjúklega á miðju vallarins, lék einn eða tvo metra fram á við, og sendi síðan nákvæmlega á Her- mann, sem átti í höggi við miðvörð norska liðsins. En Hermann kom á móti knettinum og sendi hann nær rakleitt í hægra horn norska marksins framhjá Per Haftorsen, markverði, sem hafði enga mögu- leika á að verja þetta frábæra skot Hermanns. Gffurleg fagnaðarlæti brutust út á áhorfendapöllunum — og engin furða. Markið og undirbún- ingur þess var með slífcum ágæt- um, affl í minnum verður haft. Þama sá maður Hermann í essinu síntt- Og þegar hann er í þeim ham, getur hann ógnað hvaða vörn og hvaða imarkverði sem er. Það kom enn betur í ljos, að- eins einni mínútu síðar, þegar hann skoraði annað mark úr fremur þröngri atfstöðu. Kári Árnason — sem kom inn á fyrir Guðjón Guð- mundsson — sendi fyrir markið, þar sem Hermann náði knettin- um, og var ekki seinn á sér að skjóta. Og áður en nokkur vissi af, var annað mark íslands stað- reynd! Kantarnir betur nýttir en áður Taeplega sex þúsund áhorfend- ur voru á Laugardalsvellimum í gærkvöldi og horfðu á leikinn, sem fratm fór í norðan strekkings vindi. Fremur kuldalegt knatt- spyrnuveður, þó að sólin skini. Norðmenn léku undan vindin- trm í fyrri hálfleik og höfðu undir tökin til að foyrja með. Skapaðist oft hætta uppi við íslenzka mark- ið, en vörnin, með Ellert Sohram sem aðalmann, eins og fyrri dag- inn, stóð af sér öll veður. Mestu hætturnar voru í hornspyrnunum, ©n hornspyrnur Norðmanna voru ófáar í þessum hálfleik. En yfirburðir Norðmanna voru ekki meiri en svo, að íslenzka liðið átti af og til sóknarlotur, sem enduðu með markskotum. Áberandi var, hvað liðið notaði kantana betur en í leiknum á móti Dönum. Bæði Guðjón Guðmunds- son og Matthías Hallgrímson lágu vel úti á köntunum — og brunuðj upp, þegar færi gafst, og gáfu knöttinn síðan fyrir mark. Frábær markvarzla Þorbergs Ekki hefði verið ósanngjarnt, •ð Norðmenn hefðu h'aft eitt mark yfir í hálfleik. Þeir áttu reglulega hættuleg tækifæri á 25. mínútu, þegar Egil Olsen — „tekniskasti" leikmaður norska liðsins — 02 Steinar Pettersen skutu tvívegis á mark af stuttu færi, en Þorbergur Atlason, mark vörður, varði g.'æsilega. Góð markvarzla Þorbergs á þessu augnabliki leiksins kom íslenzka liðinu yfir erfiðasta hjallann — og veitti því þrek og kjark. Upp frá þessu var íslenzka liðið sá aðilinn, sem sótti meira, þó á móti vindi væri að sækja, og var oft aðdáunarvert, hve vel liðið lék. Var það ekki sízt að þakka Ásgeiri Elíassyni — skemmtileg asta og bezt leikandi miðvallar- spilara leiksins — sem mataði meðherja sína óspart. Hermanns þáttur Gunnarssonar Hermann Gunnarsson lek sann- arlega aðalhlutverkið í skemmti- legasta og ánægjulegasta sjónar- spili íslenzkrar knattspyrnu í mörg ár, sem var síðari hálfleik- ur þessa leiks. Það fer ekki alltaf mikið fyrir þessum lágvaxna ]eik manni, erf þegar hann fær knött- inn, meðhöndlar hann þennan litla hlut eins og töfrámaður kúlu á leiksviði, getur látið hana hverfa og sýnt hana siðan á allt öðrjm stað. Bæði mörkin, sem hann skoraði, vora glæsileg, einkum og sér í lagi fyrra markið. Mörk- in gátu sannarlega orðið fleiri — og það var heppni Norðmanna að þeir fengu ekki fleiri mörk á sig frá Hermanni. T.d. á 25. mín. þegar norska markverðinum tókst með naumindum að bjarga í horn eftir hðrkuskot Hermanns. Og á 35. mínútu voru allir áhorfendur me® öndina í hálsinum, þegar snúningsskot Hermanns dansaði á marklínunni, fór í vinstri stöng- ina og yfir á þá hægri, en þaðan út. Þar voru Norðmenn heppnir. Annars var síðari hálfleikur, eimkum síðari hlutinn, einstefnu- akstur að norska markinu. Norð- jnenn hreinlega gáfust upp — og á meðan léku islenzku leikmenn- irnir eins og englar, knötturinn gekk frá manni til manns — og endaði oftast með markskoti. Voru miðjumenin íslenzka liðsins einkar duglegir — bæði Ásgeir og Harald ur Sturlaugsson — og raunar Ey- leifur líka, en hann lék framar. Bezti leikur íslenzks lands- liðs um árabil Það verður að leita langt aftur í tímann til að finna Wiðstæðan eða jafngóðan leik íslenzks lands- liðs. Þá dettur manni helzt í hug 1959, þegar íslenzka lands- liðið gerði jafntefli við Dani á Idrætsparken. Enginn vafi leikur á þvi, að íslenzk knatt- spyrnu er á uppleið. Leikurinn við I>ani á dögunum var forsmefck urinn að því. Leikurinn í gær staðfesting. Sólin er loks byrjuð að skína eðlilega í okkar litla knattspyrnuheimi. Það er erfitt að gera upp á Framhald a t>is. 14. Hermann Gunnarsson skorar annað mark sitt í landsleiknum við Noreg í gærkveldi. — VÉLASÍNING Snýing á Fella sjálfhleðsluvagni, færibandi og sláttuþyrlu, — verður haldin á Blikastöðum í Mosfellssveit, föstudaginn 24. júlí kl. 8,30 síðdegis. Bændur í Kjósarsýslu eru hvattir til að f jölmenna á sýninguna til að sjá þessi athyglisverðu tæki. Glohusn LAGMÚLI 5, SlMI 81555

x

Tíminn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Tíminn
https://timarit.is/publication/50

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.