Fréttablaðið - 11.09.2002, Qupperneq 6

Ökumaður missti stjórn á bílsínum á Álftanesvegi um
ellefuleytið í fyrrakvöld og ók á
ljósastaur eftir að fugl flaug
skyndilega í veg fyrir hann.
Tveir piltar voru í bílnum og
hlutu þeir lítilsháttar meiðsl.
Ekið var á tvo menn sem voruá hestbaki í Eyjafirði í
fyrrakvöld. Mennirnir sluppu
ómeiddir en aflífa þurfti annan
hestinn. Bíll ökumannsins er
ónýtur eftir áreksturinn.
Maður og kona fundust sof-andi á umferðareyju í
Reykjavík aðfaranótt sunnu-
dagsins. Maðurinn var ekki sátt-
ur við að lögreglan reyndi að
vekja konuna og kom því til
átaka. Voru þau bæði færð á
lögreglustöð en sleppt að við-
ræðum loknum.
6 11. september 2002 MIÐVIKUDAGURSPURNING DAGSINS
Hvar varst þú þegar þú fréttir
af hryðjuverkaárásunum 11.
september?
Ég var austur í sveit.
Ingi Þór Guðmundsson
MINJAR Flakið af Northrop-herflug-
vélinni sem fannst á botni Skerja-
fjarðar á dögunum liggur þar enn.
Engin ákvörðun hefur verið tekin
um hvort vélinni verði lyft af hafs-
botni.
Kafarar frá Landhelgisgæslunni
fóru niður að flakinu á mánudag.
Þeir hreinsuðu frá því möl og sand
og könnuðu skemmdir. Hugsanlegt
er talið að jarðneskar leifar áhafn-
arinnar séu enn um borð. Ekkert
mun þó hafa komið fram sem bend-
ir til þess. Köfunarbann fyrir al-
menning er enn í gildi við flakið.
Talið er öruggt að vélin sé úr
flugsveit sem staðsett var hérlend-
is á árum seinni heimstyrjaldarinn-
ar. Misvísandi heimildir eru fyrir
hendi og því hefur enn verið ekki
hægt að slá föstu nákvæmlega
hvaða vél það er sem nú er fundin.
Þrjár vélar eru taldar koma til
greina.
Bresk og norsk stjórnvöld hafa
sýnt flugvélafundinum áhuga og
hafa verið í sambandi við Land-
helgisgæsluna. Það sama hafa
margir aðrir innlendir og erlendir
aðilar gert. Þeir vilja gjarnan fá
vélina til varðveislu enda eru afar
fá eintök til af þessari flugvélateg-
und.
Óljóst er um eignarhald á vél-
inni. Hugsanlegt er að fyrri eig-
endur geri tilkall til hennar.

Landhelgisgæslan hreinsaði frá flaki herflugvélarinnar á mánudag:
Enn óvíst um framtíð
Northrop vélarinnar
Kaþólska kirkjan í
Rhode Island:
Borgar millj-
arð í bætur
KIRKJA Kaþólska kirkjan í banda-
ríska ríkinu Rhode Island hefur
samþykkt að borga rúman millj-
arð króna í bætur til 32 manna og
kvenna sem sakað hafa þónokkra
presta og nunnur um kynferðis-
lega misnotkun barna. Rhode Is-
land er minnsta ríkið í Bandaríkj-
unum en þar er samt að finna
hæsta hlutfall kaþólskra manna í
landinu. Frá því upp komst um
hneyksli tengt kaþólsku kirkjunni
í Bandaríkjunum í janúar á þessu
ári hafa um 200 kaþólskir prestar
verið leystir frá störfum í 18 ríkj-
um í landinu.

IÐNAÐUR Íslenskur skipasmíðaiðn-
aður hefur átt heldur erfitt upp-
dráttar á undanförnum árum. Á
Íslensku sjávarútvegssýningunni
var skrifað undir vélbúnaðar-
samning í skip sem skipasmíða-
stöðin Ósey hefur selt til Færeyja.
Þetta er fimmta
skipið sem Færey-
ingar kaupa frá
Ósey. „Þeir vita að
þeir eru að kaupa
góða vöru,“ segir
Hallgrímur Hallgrímsson, fram-
kvæmdastjóri Óseyjar.
Hallgrímur segir að botninn
hafi dottið úr greininni hér heima
fyrir tveimur árum. Nýsmíði ís-
lenskra skipa hafi öll verið í Kína
og Chile. „Við tókum þá þennan
kúrs og reyndum að koma okkur
af stað í útlöndum.“ Færeyingar
hafa keypt skip og viðræður eru í
gangi um kaup Íra. „Það er ennþá
á útboðsstiginu, en við komumst
alla vega inn og erum með,“ segir
Hallgrímur.
Ný skip sem komu frá Kína
fengu blendnar viðtökur. Hall-
grímur vill ekkert segja um það
hvort menn hafi gert mistök með
því að láta smíða skipin þar. „Ég
vænti þess að við endurnýjun
skipakosts hér á landi í framtíð-
inni muni menn líta sér nær.“
Eitt af því sem hefur valdið
skipasmíðaiðnaði hér á landi erf-
iðleikum er að iðnaðurinn hefur
verið ríkisstyrktur víða um heim.
1998 voru slíkar niðurgreiðslur
stöðvaðar í Evrópu, en fyrirtæki
fengu að klára samninga. „Þetta
er smátt og smátt að gerast. Menn
eru að keppa á meiri jafnréttis-
grundvelli en áður var. Þá opnast
möguleikar.“
Miklar breytingar hafa orðið á
því hvernig staðið er að smíðinni.
Nú kaupa menn skipsskrokka ann-
ars staðar frá og ljúka smíðinni
hér heima. Hallgrímur segir að
slík sérhæfing og verkaskipting sé
nauðsynleg til þess að hægt sé að
uppfylla kröfur um skjótan af-
greiðslutíma. Virðisaukinn sé líka
mestur að seinni stigum skipa-
smíðinnar. Hann telur að bjart sé
framundan í greininni. „Helstu
samkeppnisaðilar okkar eru Norð-
menn og kannski Danir. Þegar
hætt er að styrkja greininga erum
við vel samkeppnisfærir. Launa-
kostnaður og annar kostnaður er
til að mynda hærri hjá Norðmönn-
um en okkur. Við erum með stóran
og kröfuharðan fiskiskipaflota.
Hér er mikil tækniþekking og
kunnátta í greininni.“
haflidi@frettabladid.is
Bætt samkeppnisstaða í
íslenskum skipasmíðum
Ósey hefur selt fimm skip til Færeyja. Fyrirtækið á í viðræðum við Íra um frekari viðskipti.
Minnkandi ríkisstyrkir í nágrannalöndunum skapa ný sóknarfæri. Fiskiskipaflotinn er kröfu-
harður og mikil þekking í landinu á skipasmíðaiðnaði.
BJARTARA YFIR
Hallgrímur Hallgrímsson framkvæmda-
stjóri Óseyjar er bjartsýnn fyrir hönd
íslensks skipasmíðaiðnaðar. Fyrirtækið
hefur selt 5 skip til Færeyja og leitar nú
hófanna í Írlandi
Þetta er smátt
og smátt að
gerast.LÖGREGLUFRÉTTIR
SVÍÞJÓÐ Anna Kinberg, þingmaður
sænska stjórnmálaflokksins
Moderata samlingspartiet, beitir
óvenjulegri aðferð í atkvæðaveið-
um fyrir sænsku þingkosningarn-
ar, sem fram fara 15. september.
Á heimasíðu hennar spyr hún
hvort að netverjar hafi áhuga á að
sjá sig nakta, hún sendi mynd
gegn því að fá netfang hjá félaga
viðkomandi, einnig deilir hún
„leyndarmáli,“ og ráðum í ástar-
lífinu. Heimasíðan er í bleikum
litum og blikkandi hjörtu blasa
við þeim sem hana skoða.
Anna Kinberg, sem er 32 ára
gömul, hefur áður vakið athygli
um alla Svíþjóð, það var fyrir
nokkrum árum þegar hún lét hafa
eftir sér að íbúar í Stokkhólmi
væru gáfaðri en aðrir íbúar Sví-
þjóðar.
Hún segir í samtali við Afton-
bladet að kynlíf og stjórnmál séu
eina blandan sem virki til að ná
athygli kjósenda á lokaspretti
kosningabaráttunnar. Fjölmiðla-
fræðingurinn Paul Ringe, er
þessu ósammála og segir í sam-
tali við blaðið að honum þyki
þessi leið vanvirðing við kjósend-
ur.
Anna Kinberg er í þrettánda
sæti lista flokks síns í Stokk-
hólmi. Moderata samlingspartiet
er til hægri í stjórnmálum.

Sænskur þingmaður:
Stundar kynlegar atkvæðaveiðar
GENGI GJALDMIÐLA
Bandaríkjadalur 86.95 -0.66%
Sterlingspund 135.13 -0.95%
Dönsk króna 11.42 -1.06%
Evra 84.85 -1.01%
Gengisvístala krónu 128,2 -0,42%
KAUPHÖLL ÍSLANDS
Fjöldi viðskipta 336
Velta 1.381m
ICEX-15 1.299 0,04%
Mestu viðskipti
Pharmaco hf. 177.664.143
Flugleiðir hf. 119.334.150
Kögun hf. 86.426.312
Mesta hækkun
Tangi hf. 17,65%
SÍF hf. 5,26%
Sjóvá-Almennar hf. 4,33%
Mesta lækkun
Íslenski hugbúnaðarsj. hf. -4,73%
SR-Mjöl hf. -2,78%
Íslenskir aðalverktakar hf. -2,76%
ERLENDAR VÍSITÖLUR
DJ: 8527,8 0,10%
Nsdaq: 1307,8 0,20%
FTSE: 4175,5 2,80%
DAX: 3476,2 1,40%
Nikkei: 9309,3 0,00%
S&P: 904 0,10%
FR
ÉT
TA
B
LA
Ð
IÐ
/R
Ó
B
ER
T