Fréttablaðið - 24.10.2002, Blaðsíða 19

19FIMMTUDAGUR 24. október 2002
MENNTUN „Diskurinn byggist á
reynslu minni af því að tala við
nær 3.000 foreldra og hjálpa þeim
með börn sín sem eru með les-
blindu eða sérstaka námserfið-
leika,“ segir Gyða Stefánsdóttir
sérkennari, sem hefur, samkvæmt
umsögninni á kennsludisknum, afl-
að sér þekkingar í kennslu les-
blindra í fjórum heimsálfum. „Ég
hef athugað hvar nemendur stoppa
og svo hef ég þróað þetta hægt og
rólega. Ég byrjaði fyrst á lestrin-
um. En svo þegar ég sá að sjálfs-
virðing nemenda fer ef þeir eiga
erfitt með reikninginn þá sá ég að
það skipti meira máli að ná honum
í lag strax. Sérstaklega fyrir strák-
ana. Lesturinn er hvort sem er
alltaf langtímamarkmið. Ef reikn-
ingurinn fer í vaskinn er mikil
hætta á að strákar leiðist út í
óreglu. Ég lagði því aðaláherslu á
hann.“
Fólk fæðist með lesblindu.
Gyða segir að allt að 10 % barna
þurfi að glíma við vandann. Hún
segir svo að önnur 10 % eigi við
sérstaka námserfiðleika að stríða.
„Þegar ég kenndi í grunnskólan-
um gerði ég alltaf ráð fyrir að
35% barnanna þyrftu einhverja
aðstoð. Ég tók þau strax í sérmeð-
ferð og boðaði alla foreldra til mín
því skólinn hafði engan tíma til
þess að sinna öllum þessum börn-
um. Ég gat einfaldað aðferðina
með því að fá foreldrana til að
vinna með börnunum. Þannig gat
ég gert kraftaverk.“
Gyða segir að með diskinum
geti foreldrar og börn þeirra unn-
ið að því á einfaldan hátt að sigr-
ast á erfiðleikum sínum fyrir
framan heimilistölvuna.
„Ég nota liti við þetta. Ef það er
hægt að ýta á „pause“ getur öll
fjölskyldan horft á þetta saman.
Þegar ég kenni fæ ég foreldrana
með heim. En það eru hundruð
þúsunda barna sem ég get ekki
náð heim til mín. Ég sá þess vegna
að ég myndi ekki endast ein og sér
fyrir allt landið. Mér finnst samt
að þessi kennsluaðferð verði að
komast víðar. Eins og Ísraelarnir
segja; „Kennarinn í dag þarf að
hafa hæfileika framkvæmda-
stjóra“,“ segir Gyða að lokum.
biggi@frettabladid.is
Gyða Stefánsdóttir sérkennari gefur út kennsludisk fyrir börn með námserfiðleika:
Foreldrar geta unnið kraftaverk
GYÐA STEFÁNSDÓTTIR
Hefur kynnt sér kennslu lesblindra í Ástralíu, Asíu, Evrópu og Bandaríkjunum. „Lesblindir
eiga líka erfitt með ákveðin dansspor, ef það er krossun þá geta þau ekki gert þetta,“ seg-
ir Gyða. „Það virðist vera það sama í náminu og hugsuninni. Mig minnir að Japanir þekki
ekki þetta vandamál. Þeir hafa líka allt annað lesmál en við.“
RÁÐHÚS REYKJAVÍKUR
Í dag eru liðin 27 ár frá Kvennafrídeginum
mikla árið 1975. Á ráðstefnu í kvöld verður
fjallað um ímynd kvenna í stjórnmálum.
Ráðstefna í Ráðhúsinu:
Konur í
stjórnmálum
RÁÐSTEFNA Í dag eru liðin 27 ár frá
Kvennafrídeginum árið 1975, þeg-
ar þúsundir íslenskra kvenna tóku
sér frí og fjölmenntu í miðbæ
Reykjavíkur. Kvenréttindafélag
Íslands heldur í kvöld ráðstefnu í
Ráðhúsi Reykjavíkur undir yfir-
skriftinni Ímynd kvenna í stjórn-
málum þar sem fyrirlesarar eru
Arna Schram blaðamaður og Rósa
Erlingsdóttir, jafnréttisfulltrúi
Háskóla Íslands. „Það hefur ýmis-
legt áunnist,“ segir Rósa. „Það
þekktist varla árið 1975 að konur
tækju þátt í stjórnmálum en nú
eru þær orðnar um 30% á þingi.
Við ætlum í kvöld að fjalla um
ímynd kvenna í stjórnmálum og
meðal annars að velta fyrir okkur
þeirri spurningu hvort þessi
ímynd hafi áhrif á gengi þeirra í
prófkjörum og hvað það er sem
hefur áhrif á gengi kvenna innan
stjórnmálanna.“
Að fyrirlestrum Örnu og Rósu
loknum verða pallborðsumræður
þar sem formenn þingflokkanna
sitja fyrir svörum, en fundar-
stjóri verður Sigríður Lilly Bald-
ursdóttir, fyrrverandi formaður
Kvenréttindafélags Ísland. Ráð-
stefnan hefst klukkan 21 og er öll-
um opin.