Fréttablaðið - 24.10.2002, Blaðsíða 22
22 24. október 2002 FIMMTUDAGUR
Barn og bikar
á afmælinu
Það er afskaplega skemmtilegtað verða 33 ára,“ segir Védís
Grönvold, afmælisbarn dagsins.
Védís er kona Þormóðs Egilsson-
ar, fyrirliða knattspyrnuliðs KR.
Hún segist ekki vita hvað verði
gert í tilefni dagsins, býst þó við
að fjölskyldan fari út að borða
þegar vinnu lýkur.
Eftirminnilegasta afmæli Vé-
dísar var fyrir þremur árum en
þá fagnaði hún ekki bara þrítugs-
afmælinu. Þá urðu KR-ingar ein-
nig Íslandsmeistarar í knatt-
spyrnu eftir 31 árs bið. „Það var
mjög stórt ár í lífi okkar hjóna og
okkar fjölskyldu. Það voru enda-
laus hátíðarhöld það haustið. KR
varð Íslands- og bikarmeistari,
og átti hundrað ára afmæli. Við
eignuðumst líka barn í október.“
„Afmælið mitt var svo sem
ekkert merkilegt miðað við allt
það sem á undan var gengið og
barnið sem átti eftir að koma,“
segir Védís. Dóttir þeirra hjóna,
Mist, kom í heiminn þann 26.
október, tveimur dögum á eftir
afmæli Védísar. „Ég bjóst við að
hún kæmi á afmælisdaginn. Það
verður seint sem eitthvað afmæli
getur keppt við þetta.“
Védís segir að afmælisdagar
hennar muni nú verða meiri hluti
af afmæli Mistar, þó Þormóður
reyni að standa sig. „Hann reynir
að gera hvað sem er fyrir mig.“
Védís segir að 25 ára afmælið
hafi einnig verið skemmtilegt. Þá
ætlaði Þormóður að koma henni á
óvart og bjóða henni til útlanda í
helgarferð. „En þetta er svo lítill
heimur að það voru tveir vinir
okkar búnir að frétta af því í
gegnum ferðaskrifstofuna þan-
nig að þetta kom ekkert á óvart
þegar að því kom,“ segir Védís
hlæjandi að lokum.
Bryndís Valbjörnsdóttir guð-fræðingur sá um áfallahjálp
fyrir þá sem misstu störf sín hjá Ís-
lenskri erfðagreiningu á dögunum.
Hún var sjálf í hópi þeirra sem sagt
var upp og því fékk Biskupsstofa
hana til að veita vinnufélögum sín-
um stuðning.
„Hugmyndin var að bjóða upp á
fræðslu- og umræðufund enda
sækja ýmsar tilfinningar á fólk í
þessari aðstöðu sem erfitt getur
verið að vinna úr upp á eigin spýt-
ur. Fólk verður reitt og dvelur oft
lengi í reiðinni og tekst því ekki að
rífa sig upp, sækja um vinnu og
halda lífinu áfram. Þá leitar það að
sökudólgi og lendir oft í því að
ásaka sjálft sig. Ég fékk því Pétur
Tyrfingsson sálfræðing til að halda
fyrirlestur um þessar tilfinning-
ar.“
Bryndís segir sérstakt fordæmi
fyrir fundum af þessu tagi. Hún
hafði áður boðið Íslenskri erfða-
greiningu að vera fólki innan hand-
ar, veita því aðstoð og sinna sál-
gæslu, óháð því hver staða hennar
yrði hjá fyrirtækinu. „Þessi hug-
mynd fékk ekki hljómgrunn og eft-
ir á að hyggja held ég að þetta hefði
ekki verið rétti vettvangurinn. Það
var svo Ragnhildur Sverrisdóttir
hjá kærleiksþjónustusviði Biskups-
stofu sem hafði samband við mig og
bauð fram aðstoð kirkjunnar. Ég
þáði gott boð og ákvað að fá Pétur
til að spjalla við okkur.“
Um 40 manns sóttu fræðslu-
fundinn og Bryndís er ánægð með
þann fjölda. „Það er mjög mikil-
vægt fyrir fólk í þessari stöðu að
hittast og tala saman, enda finna
þeir sem missa vinnuna fljótt fyrir
andlegum, líkamlegum og félags-
legum erfiðleikum. Við ákváðum að
hittast aftur. Það er ekki ákveðið
hvað við gerum þá en við förum
sjálfsagt yfir það hvernig okkur
hefur liðið undanfarið. Svo reynum
við kannski að gera eitthvað
skemmtilegt saman.“
Bryndís Valbjörnsdóttir hafði umsjón
með fræðslufundi sem haldinn var í
Hallgrímskirkju fyrir þá sem misstu vinn-
una hjá Íslenskri erfðagreiningu. Hópur-
inn ætlar að hittast aftur og takast á við
áfallið í sameiningu.
Persónan
Mikilvægt að hittast og tala saman
VÉDÍS GRÖNVOLD
Starfar hjá Útlendingaeftirlitinu. Hún er eiginkona Þormóðs Egilssonar, fyrirliða
knattspyrnuliðs KR, og á þrjú börn.
Það styttist óðum í að bókinGenin okkar – Líftæknin, Ís-
lensk erfðagreining og íslenskt
samfélag eftir Steindór J. Er-
lingsson líffræðing komi fyrir
augu lesenda. Steindór fjallar í
bókinni um líftækniiðnaðinn og
er afar gagnrýninn á líftæknina
og möguleika hennar. Fyrirhugað
var að gefa bókina, sem er fyrst
og fremst skrifuð til að kynna
vísindagreinina betur fyrir al-
menningi, fyrr út en þegar hún
var á leið í prentsmiðju greip
deCODE til fjöldauppsagna
þannig að um 200 manns misstu
vinnuna. Þetta þýddi vitaskuld að
endurskrifa varð alla kafla þar
sem Íslensk erfðagreining kom
við sögu. Þessi uppákoma þykir
þó sýna fram á að Steindór sé
ekki að fara með neitt fleipur í
bókinni þegar hann heldur því
fram að líftækniiðnaðurinn
standi ekki jafn föstum fótum og
áður var talið.
Hinn meinhæðni pistlahöfund-ur og grínisti Mark Steel er á
leið til landsins í boði Múrsins og
Samtaka herstöðvaandstæðinga.
Steel hefur ritað pistla í The
Independent, skrifað bækur og
séð um útvarpsþætti auk þess að
vera með uppistand. Hann kemur
tvívegis fram meðan hann er hér
á landi, fyrst á samkomu hjá
Múrverjum í Stúdentakjallaran-
um í kvöld og síðan á landsráð-
stefnu Samtaka herstöðvaand-
stæðinga á laugardag. Steel er
pólitískur grínisti eins og þeir
gerast bestir þannig að búast má
við miklu stuði þegar hann kem-
ur fram.
MEÐ SÚRMJÓLKINNI
BRYNDÍS VALBJÖRNSDÓTTIR
Lauk embættisprófi í guðfræði árið 2001
og starfaði hjá útfararþjónustu, þar sem
hún hefur aftur hafið störf, áður en hún
var ráðin til ÍE, þar sem hún sinnti upplýs-
inga- og fræðslumálum.
FR
ÉT
TA
B
LA
Ð
IÐ
/R
Ó
B
ER
T
Védís Grönvold á afmæli í dag. Hún segir þrí-
tugsafmælið það eftirminnilegasta. Maður hen-
nar fagnaði þá Íslandsmeistaratitli í knattspyrnu.
BIKAR OG
BARN
Mist, dóttir
Védísar og
Þormóðs Eg-
ilssonar, var
ánægð þegar
bikarinn var
loks í höfn.
Jafnaðarmannaflokknum.
Fjölsmiðjan.
Friðrik Friðriksson.
1.
2.
3.
Veistu svarið?
Svör við spurningum á bls. 6
AFMÆLI
HVAR?
„Ég er á þriðja ári í uppeldis-,
menntunar- og atvinnulífsfræði
við Háskóla Ísland og starfa sem
aðstoðarmaður prófessors,“ segir
Margrét Gauja Magnúsdóttir, sem
söng lagið Sólarsamba ásamt föð-
ur sínum Magnúsi Kjartanssyni í
undankeppni Eurovision árið
1988. Þá var hún tólf ára gömul.
Margrét Gauja hefur brallað ým-
islegt síðan, starfaði meðal annars
sem lögreglumaður í Hafnarfirði.
Hún á eitt barn, Björk, sem verð-
ur bráðum fimm ára. Margrét
Gauja lagði ekki sönginn á hilluna
eftir Eurovision-ævintýrið. Hún
söng meðal annars í hljómsveit-
inni Súrefni og sem bakradda-
söngkona í Bubbleflies. „Ég hef
líka sungið inn á nokkrar auglýs-
ingar. Annars er ég karókísöng-
kona á karókíbörum landsins.“
Að gefnu tilefni skal tekið fram að íslenski
þjóðbúningurinn er ekki getnaðarvörn þó
hann líti þannig út.
Leiðrétting
Þingmenn og frambjóðendur íprófkjörum halda áfram að
opna vefi. Ásgeir Friðgeirsson
hefur opnað vef á slóðinni as-
geir.co.is fyrir prófkjör Samfylk-
ingar í suðvesturkjördæmi. Ög-
mundur Jónasson sker sig úr
hópi þeirra stjórnmálamanna
sem hafa opnað vefi að undan-
förnu að því leyti að hann er sá
eini þeirra sem er ekki á leið í
prófkjör. Á ogmundur.is er að
finna pistla frá honum og safn
greina eftir hann sem hafa birst
á undanförnum árum.
FÓLK Í FRÉTTUM
JARÐARFARIR
10.30 Margrét Jenný Valgeirsdóttir,
myndlistarmaður og fyrrverandi
blaðamaður, verður jarðsungin frá
Garðakirkju.
13.30 Ögmundur Friðrik Hannesson,
Stórholti 25, Reykjavík, verður
jarðsunginn frá Háteigskirkju.
15.00 Haukur Antonsen, Víðinesi, verð-
ur jarðsunginn frá Fossvogs-
kapellu.
ANDLÁT
Guðlaug Elimundardóttir, Rauðalæk 8,
Reykjavík, lést 10. október. Útförin hefur
farið fram.
Kjeld Olav M. Nielsen, Norðurgötu 7,
Siglufirði, lést 15. október. Bálför hefur
farið fram.
Sigrún Gyða Erlendsdóttir, Sambýlinu
Gullsmára 11, Kópavogi, lést 12. októ-
ber. Útförin hefur farið fram.
Karl Hafsteinn Pétursson, Hátúni 12,
Reykjavík, lést 22. október.
Salbjörg Halldórsdóttir lést 22. októ-
ber.
Jónas M. Guðmundsson, Flúðaseli 50,
Reykjavík, lést 20. október.
Erlendur Guðmundsson, Heiðmörk 62,
Hveragerði, lést 18. október.
TÍMAMÓT
Það var einu sinni sebrahestur.Hann var kallaður Depill.