Fréttablaðið - 24.10.2002, Blaðsíða 2

2 24. október 2002 FIMMTUDAGUR
ERLENT
Hvert er þitt kjördæmi?
Mitt kjördæmi undanfarin þrjátíu ár hefur
verið svæði 101 og ég á erfitt með að brey-
ta því. Prófkjör Samfylkingarinnar verður
eitt kjördæmi og þegar því lýkur deilum við
á milli. Ég geri ráð fyrir að svipað verði upp
á teningnum í kosningunum. Reykvíkingar
eru ekki vanir því að láta deila sér upp.
Guðrún Ögmundsdóttir er 14. þingmaður Reykvík-
inga. Kjördæmisvika er á Alþingi. Þingmenn
Reykjavíkur eru margir hverjir ekki vissir um í hvaða
kjördæmi þeir verða í framboði.
SPURNING DAGSINS
Íbúar ESB-ríkjanna:
Sáttir við
stækkun
BRUSSEL, AP Rúmlega tveir af
hverjum þremur íbúum Evrópu-
sambandsríkjanna segjast í nýrri
skoðanakönnun sáttir við að aðild-
arríkjunum fjölgi verulega á
næstu árum. Þeir eru þó fæstir
með það á hreinu hvaða ríki ætla
að slást í hópinn. Flestir nefndu
Pólland, Tékkland og Ungverja-
land. Álíka margir telja að Tyrk-
land fái aðild fljótlega. Og fjórð-
ungur íbúanna heldur að Noregur
og Sviss ætli að ganga í ESB. Ein-
ungis örfáir vissu hvaða önnur
ríki hafa sótt um aðild.

Þingsályktunartillaga:
Dýrtíð banka
verði skoðuð
STJÓRNMÁL Stjórnvöldum verður
falið að kanna tekjur bankanna af
vaxtamun og þjónustutekjum á
undanförnum árum og bera þær
saman við tekjur norrænna og evr-
ópskra banka á sama tímabili, verði
þingsályktunartillaga níu þing-
manna Samfylkingar samþykkt.
„Tilgangurinn er að brjóta til
mergjar út af hverju íslenska
bankakerfið er jafn dýrt og raun
ber vitni,“ segir Bryndís Hlöðvers-
dóttir, þingflokksformaður Sam-
fylkingar. Hún segir vaxtamun
mun meiri hér en í löndum sem við
berum okkur saman við og þjón-
ustugjöldin sömuleiðis há. Kanna
verði hvaða ástæður liggi að baki
þessu.

DAGBLAÐ GERT UPPTÆKT Stjórn-
völd í Sádi-Arabíu gerðu í gær
upptækt vinsælt arabískt dag-
blað, Al Hayyat, eftir að blaðið
birti bréf frá bandarískum rithöf-
undum og menntamönnum sem
fjallaði um hlutdeild Sádi-Arabíu
í hryðjuverkunum 11. september.
LÖGREGLUMÁL Hæstiréttur felldi í
gær úr gildi gæsluvarðhaldsúr-
skurð Héraðsdóms Reykjavíkur
yfir Lalla Johns, síbrotamanni
sem lögregla handtók vegna rann-
sóknar á brunanum við Laugaveg
um helgina. Héraðsdómur hafði
komist að því að rökstuddur grun-
ur væri fyrir því að Lalli væri við-
riðinn eldsvoðann og úrskurðaði
hann í gæsluvarðhald til föstu-
dags. Vitni báru að þau hefðu séð
Lalla á vettvangi skömmu áður en
eldsins varð vart. Hann sagðist
hafa verið á ferðinni milli veit-
ingahúsa við Laugaveg og farið
inn í port til að kasta af sér vatni,
en horfið frá því þegar hann sá
dyrabjöllur og útidyrahurð þar.
Lalli neitaði með öllu sakargiftum
um að hafa orðið valdur að brun-
anum. Hann kærði úrskurðinn til
Hæstaréttar, sem úrskurðaði að
Lalli skyldi látinn laus þar sem
ekki væri fullnægt skilyrðum
gæsluvarðhalds.
Í tilkynningu frá Lögreglunni í
Reykjavík segir að rannsókn verði
haldið áfram en það sem fram hafi
komið við rannsókn á vettvangi
undanfarna daga styrki þann grun
lögreglu að kveikt hafi verið í.
Heimildir Fréttablaðsins herma
að eldur hafi verið laus á fleiri en
einum stað þegar fyrstu menn
komu á brunastað.

Rannsókn brunans á Laugavegi:
Síbrotamanni sleppt
AÐ HÚSABAKI
Húsin sem eldurinn náði til eru meira eða minna ónýt. Grunur lögreglu um íkveikju
hefur að sögn styrkst undanfarna daga. Eldur var laus á fleiri en einum stað þegar
að var komið.
RANNSÓKNARNEFND FLUGSLYSA
Hvert var erindi Ísleifs Ottesen til flugslysa-
nefndar sem hefur sagt sig frá Skerjafjarð-
armálinu, spyrja ættingjar fórnarlambanna.
Samgönguráðuneyti:
Flugslysa-
nefnd má
hitta Ísleif
SKERJAFJARÐARSLYSIÐ Jakob Falur
Garðarsson, aðstoðarmaður
samgönguráðherra, segir ráðu-
neytið ekki munu óska skýringa
frá Rannsóknarnefnd flugslysa
um erindi Ísleifs Ottesen við
nefndina á mánudag.
Jakob Falur segir ráðuneytið
heldur ekki munu senda nefnd-
inni fyrirmæli um að taka ekki á
móti fólki á skrifstofur sínar.
Nefndin sé sjálfstæður aðili.
Rannsóknarnefndin krafðist
þess 3. október síðastliðinn að
nefndin viki sæti í frekari með-
ferð málsins varðandi flugslysið
í Skerjafirði.
Jón Ólafur Skarphéðinsson,
faðir drengs sem lést af völdum
Skerjafjarðarslyssins, sendi
Sturlu Böðvarssyni samgöngu-
ráðherra bréf í gær og óskaði
skýringar á erindi Ísleifs til
nefndarinnar. Einnig að ráðherr-
ann benti nefndinni á að slíkar
heimsóknir væru óeðlilegar, þar
sem nefndin hefði sagt sig frá
málinu.
Ráðherrann hefur ekki svar-
að skilaboðum.

ÞJÓFNAÐUR Sextán starfsmönnum
á aldrinum sextán til tuttugu og
þriggja ára hefur verið sagt upp
í þremur verslunum Nóatúns
vegna þjófnaðar á vörum að and-
virði hundruða þúsunda króna.
Allir starfsmenn hafa viður-
kennt brot sín. Að sögn Ingimars
Jónssonar, forstjóra Kaupáss,
tóku ungmennin vörur framhjá
skanna og stálu peningum úr
kassa.
Þjófnaðurinn komst upp eftir
að Nóatún endurbætti eftirlits-
kerfi sitt.
Einn maður sem ekki starfaði
hjá Nóatúni hefur verið kærður til
lögreglu vegna málsins. Segja
ungmennin manninn hafa hvatt
þau til að brjóta af sér. Tók hann
við stolnum varningi frá þeim og
seldi. Í sumum tilfellum greiddi
maðurinn fyrir vörur með áfengi.
Forstjóri Kaupáss segir að
þjófnaðurinn hafi viðgengist um
nokkurra mánaða tímabil, þó ekki
sé ljóst nákvæmlega í hversu lang-
an tíma hann viðgekkst. Hann seg-
ir tjónið skipta hundruðum þús-
unda króna. Ingimar segir aðallega
hafa verið stolið úr verslunum í
Smáralind og Austurveri.

VERSLUN NÓATÚNS Í AUSTURVERI
Í kjölfar uppsetningar endurbætts eftirlitskerfis komst þjófnaður ungmennanna upp.
Starfsmenn Nóatúns stálu vörum fyrir hundruð þúsunda:
Sextán sagt upp
vegna þjófnaðar
SKERJAFJARÐARSLYSIÐ Formaður
Rannsóknarnefndar flugslysa er
sagður hafa reynt að draga athygli
frá nýjum upplýsingum um hreyfil
vélarinnar sem fórst í Skerjafirði.
Það á formaðurinn, Þormóður Þor-
móðsson, að hafa
gert með því að
upplýsa frétta-
mann Ríkisút-
varpsins um máls-
höfðun ættingja
fórnarlambanna í
Bandaríkjunum.
Á vefsíðu ætt-
ingjanna, flug-
slys.is, segir að
stefna þeirra á hendur Ísleifi
Ottesen, eiganda flugvélarinnar
sem fórst (TF-GTI), og Þorleifi
Júlíussyni, eiganda verkstæðisins
í Bandaríkjunum sem vottaði flug-
hæfi vélarinnar, hafi ekki verið
höfð í hámælum enda málið rekið
sem einkamál.
„Sama dag og heyrinkunnugt
varð að við höfðum haft uppi á
kaupanda mótorsins úr TF-GTI og
fram kom að hann gaf það upp að
hreyfillinn hafi verið úrbræddur
og ekki getað snúist, upplýsti Þor-
móður Þormóðsson, formaður
Rannsóknarnefndar flugslysa,
fréttamann um þessa málssókn.
Fréttamaðurinn fékk síðan stað-
festingu hjá okkur,“ segir á flug-
slys.is.
Aðstandendurnir segja stefnu
vegna málshöfðunarinnar í Banda-
ríkjunum hafa verið setta fram
rétt áður en málið fyrntist 7. ágúst
í sumar, tveimur árum eftir slysið.
Bandarískir lögmenn taki málið að
sér upp á hlut í hugsanlegum
skaðabótum sem ákvarðist af kvið-
dómi. Aðstandendurnir beri engan
kostnað.
„Tilgangurinn hjá Þormóði
virðist augljós,“ segir á heimasíðu
aðstandendanna, „að draga athygl-
ina frá því að enn og aftur höfðu
komið fram upplýsingar sem
stangast á við skýrslu flugslysa-
nefndar um slysið. Þá er ekki síður
athyglisvert að skömmu eftir að
RÚV greindi frá því í hádegisfrétt-
um þennan dag að umræddar upp-
lýsingar höfðu komið fram í
Bandaríkjunum, átti Ísleifur
Ottesen fund með fulltrúum flug-
slysanefndar á skrifstofu hennar
við Flugvallarveg. Fróðlegt hefði
verið að vera þar fluga á vegg.“
Þormóður Þormóðsson er
staddur erlendis á vegum flug-
slysanefndar. Hann svaraði ekki
skilaboðum Fréttablaðsins.
gar@frettabladid.is
REYKJAVÍKURFLUGVÖLLUR
„Þá er ekki síður athyglisvert að skömmu eftir að RÚV greindi frá því í hádegisfréttum
þennan dag að umræddar upplýsingar höfðu komið fram í Bandaríkjunum, átti Ísleifur
Ottesen fund með fulltrúum flugslysanefndar á skrifstofu hennar við Flugvallarveg. Fróð-
legt hefði verið að vera þar fluga á vegg,“ segja aðstandendur úr Skerjafjarðarslysinu.
Flugslysanefndin
sögð afvegaleiða
Formaður flugslysanefndar er sagður hafa reynt að draga athygli frá
óhagstæðum upplýsingum um hreyfil flugvélarinnar sem fórst í Skerja-
firði með því að beina sjónum fréttamanns að málshöfðun aðstandenda
í Bandaríkjunum.
Bandarískir
lögmenn taka
málið að sér
upp á hlut í
hugsanlegum
skaðabótum
sem ákvarðist
af kviðdómi.
FR
ÉT
TA
B
LA
Ð
IÐ
/R
Ó
B
ER
T
FR
ÉT
TA
B
LA
Ð
IÐ
/B
IL
LI
FR
ÉT
TA
B
LA
Ð
IÐ
/I
N
G
Ó