Fréttablaðið - 29.01.2003, Síða 13
13MIÐVIKUDAGUR 29. janúar 2003
Kauptu 4 flöskur af 2ja lítra
Coca Cola
og fáðu leður handbolta*
með á aðeinsi
999kr
*Krakka handbolti.
Hentar 6 - 12 ára krökkum
TÓNLEIKAR Árið 1964 samdi banda-
ríski tónlistarmaðurinn Terry
Riley verkið „In C“, sem telst
hafa markað upphafið að svo-
nefndum minimalisma eða naum-
hyggju í nútímatónlist. Verkið er
byggt á sífelldum endurtekning-
um með hægfara breytingum í
röddum og hljómum. Mörg tón-
skáld hafa síðar samið undir
merkjum þessarar stefnu og
rokkhljómsveitir á borð við The
Who, Soft Machine og Tangerine
Dream urðu fyrir áhrifum af
henni.
Þetta sögufræga verk verður
flutt á nemendatónleikum Tón-
skóla Sigursveins D. Kristinsson-
ar, sem haldnir verða í tónlistar-
húsinu Ými við Skógarhlíð í
kvöld. Einnig verða flutt á tón-
leikunum verk eftir Benjamin
Britten, Aaron Copland og Leon-
ard Bernstein. Stjórnandi á tón-
leikunum er Guðni Franzson.
Allt eru þetta tuttugustu aldar
tónskáld, en skyldi vera einhver
sérstök ástæða fyrir efnisvalinu?
„Þetta er persónulegt val
stjórnandans, sem er landskunn-
ur tónlistarmaður og kemur víða
við eins og fólk þekkir,“ segir Sig-
ursveinn Magnússon, skólastjóri
Tónskólans. „Þetta er tónlist sem
er honum held ég mjög hugstæð,
enda hefur hann fengist mjög
mikið við túlkun á samtímatón-
list.“
Sigursveinn segir að þótt
Guðni sé ekki reglulegur kennari
við skólann hafi hann oft tekið
tímabundin verkefni af þessu tagi
að sér fyrir skólann.
Hljómsveitin er skipuð elstu
nemendum skólans sem leika á
strengi, blásturshljóðfæri og
slagverk.
„Þau hafa verið að æfa þessi
tónverk undanfarnar vikur. Í
raun er þetta búið að vera þriggja
mánaða vinnutörn hjá þeim á bak
við þessa tónleika.“
Sigursveinn segir að allar
nemendahljómsveitir skólans
komi fram að minnsta kosti einu
sinni á ári. Oftast haldi þær tón-
leika þrisvar sinnum ár hvert.
„Það er mjög örvandi fyrir
krakkana að koma fram opinber-
lega, og ekki síst kannski að spila
utan skólans. Skólinn hefur ágæt-
is aðstöðu fyrir æfingar, en þegar
þarf að halda tónleika er mjög
gott að vera einhvers staðar ann-
ars staðar.“
gudsteinn@frettabladid.is
FRÁ ÆFINGU Í ÝMI
Guðni Franzson stjórnar nemendahljómsveit Tónskóla Sigursveins, sem í fyrsta sinn kemur fram í tónlistarhúsinu Ými við Skógarhlíð.
Upphaf öðruvísi tónlistar
Á tónleikum í Ými í kvöld gefst tækifæri til að heyra hvernig fyrsta verk
naumhyggjunnar í nútímatónlist hljómar. Nemendahljómsveit Tónskóla
Sigursveins stendur þar að verki ásamt Guðna Franzsyni stjórnanda.