Fréttablaðið - 07.03.2003, Page 29

29FÖSTUDAGUR 7. mars 2003
KENNETH BRANAGH
Er líklegast þekktastur í Hollywood fyrir
ódrepandi Shakespeare-áhuga sinn.
Kenneth Branagh:
Aftur upp
á svið eftir
11 ár
LEIKHÚS Það er mikið líf í breska
leikhúslífinu þessa dagana. Hver
kvikmyndastjarnan á fætur ann-
arri tekur að sér aðalhlutverk í
sviðssýningum og nú ætlar breski
leikarinn Kenneth Branagh að
slást í þann hóp. Hann hóf leiklist-
arferil sinn sem sviðsleikari en
hefur ekki stigið upp á svið í 11 ár.
Branagh kemur til með að leika
aðalhlutverkið í leikritinu „Ed-
mond“ eftir bandaríska höfundinn
David Mamet. Það verður frum-
sýnt í sumar og fjallar um mið-
aldra mann sem missir vitið, verð-
ur lostanum að bráð og fremur
morð.
Leikritinu er lýst sem mjög of-
beldisfullu og tilfinningaþrungnu.
Framleiðendur þess segjast von-
ast eftir sterkum viðbrögðum
áhorfenda. ■
Undanúrslit Morfís:
Með og á
móti Íslend-
ingum
SKÓLI Menntaskólinn í Reykjavík og
Fjölbrautaskólinn í Garðabæ mæt-
ast í undanúrslitum Morfís,
mælsku- og rökræðukeppni fram-
haldsskólanna, í kvöld. Umræðu-
efni kvöldsins er Íslendingar og
eru MR-ingar með en Garðbæing-
ar á móti.
MR sigraði Fjölbraut Ármúla í
átta liða úrslitum. FG átti að mæta
Flensborg en Hafnarfjarðarliðið
gaf viðureignina. Keppnin í kvöld
verður í sal Fjölbrautaskólans í
Garðabæ og hefst klukkan 20. ■