Fréttablaðið - 27.03.2003, Blaðsíða 9

KIRKJAN „Okkur langaði að láta af
því vita að kristið fólk, við erum
glöð yfir andspyrnu við klámvæð-
ingunni sem hefur verið allsráð-
andi á undanförnum árum. Hin
kristna rödd hlýtur að byggja á
virðingu fyrir lífinu, manneskj-
unni og fjölskyldunni ekki síst,“
segir María Ágústsdóttir, héraðs-
prestur í Reykjavíkurprófasts-
dæmi vestra.
Hún er formaður Samstarfs-
nefndar kristinna trúfélaga, sem
sent hefur frá sér tilkynningu þar
sem fagnað er dómi Hæstaréttar
sem staðfestir „að Reykjavíkur-
borg hafi verið heimilt að banna
einkadans á nektarstöðum hér-
lendis. Nefndin fagnar einnig
auknum fjölda sveitarfélaga sem
hafa fylgt fordæmi Reykjavíkur-
borgar og bannað einkadans á
nektarstöðum.“ Þá skorar nefndin
á sveitarfélögin að ganga enn
lengra og stöðva alla þá starfsemi
sem býður upp á og hvetur til
klámvæðingar á Íslandi. Í nefnd-
inni eiga sæti fulltrúar Þjóðkirkj-
unnar, kaþólsku kirkjunnar, Hvíta-
sunnukirkjunnar Fíladelfíu,
Kirkju Aðventista, Íslensku
Kristskirkjunnar og Hjálpræðis-
hersins.
„Klámvæðingin er þyrnir í aug-
um upplýsts kristins fólks. Það
finnur vegið að manngildinu í
þessari klámvæðingu. Hún ber
ekki umhyggju fyrir manneskj-
unni. Okkur prestunum, sem fáum
til okkar hjónaskilnaðarmálin, er
umhugað um að spornað sé gegn
þessu. Í sumum tilvikum hefur
þetta skipt máli og verið ein orsa-
ka skilnaðar – þetta aðgengi að
klámi, á Netinu og á þessum stöð-
um.“
María segir helsta verkefni
Samstarfsnefndarinnar, sem er
um 30 ára gömul, hafa verið að sjá
um samkirkjulega bænaviku en
búast megi við að hún láti til sín
taka í tengslum við mál sem þessi
kirkjufélög eru sammála um að
álykta megi um. ■
12 27. mars 2003 FIMMTUDAGUR
ÚTGJÖLD ÍSLENDINGA ER-
LENDIS
Milljarðar
1997 17,2
1998 20,7
1999 23,0
2000 26,3
2001 21,5
2002 19,7
HEIMILD: HAGSTOFA ÍSLANDS
VERÐLAG 1990.
Svona erum við
ÁRÁS Á SOFANDI BORGARA Að
minnsta kosti sjö óbreyttir borgar-
ar létu lífið þegar íslamskir upp-
reisnarmenn skutu sprengjum á
húsalengju í þorpi á Filippseyjum.
Að auki voru þrír þorpsbúar skotn-
ir til bana þar sem þeir lágu sof-
andi í rúmum sínum. Talið er að
uppreisnarmennirnir hafi ætlað að
stela matarföngum. Hermenn eltu
uppi árásarmennina og drápu
fimm þeirra í skotbardaga í
þorpinu.
TILRAUNAELDFLAUGAR Indverj-
ar tilkynntu að þeir hefðu skotið
tilraunaeld-
flaug sem
borið getur
kjarnorku-
vopn í austur-
hluta Ind-
lands.
Nokkrum
klukkustundum síðar skutu
Pakistanar sams konar skamm-
drægri eldflaug í tilraunaskyni.
SPRENGJUR FRÁ SEINNA STRÍÐI
Indónesískir verkamenn hafa á
undanförnum mánuðum grafið upp
55 virkar sprengjur á flugbraut í
Indónesíu sem var notuð af jap-
anska hernum í síðari heimsstyrj-
öldinni. Sprengjurnar eru frá flug-
herjum Bretlands og Ástralíu sem
stóðu fyrir tíðum árásum á svæðið
í heimsstyrjöldinni síðari. Verður
þeim nú komið fyrir í neðanjarðar-
byrgi skammt frá fundarstaðnum
á flugbrautinni.
ARKANSAS, AP Þriggja ára gamall
drengur, Robert Lee Bennett,
fannst ómeiddur í yfir sex kíló-
metra fjarlægð frá heimili sínu
eftir að hafa verið týndur í tæpan
sólahring. Drengurinn hafði orð-
ið ósáttur við móður sína þegar
hún vildi ekki taka hann með sér
í innkaupaferð og því stungið af
ásamt hundinum sínum.
Robert fannst eftir að ábend-
ing barst frá flutningabílstjóra
sem hafði séð hann og hundinn
hlaupa yfir hraðbraut. Í ljós kom
að auk þess að fara yfir hrað-
brautir hafði Robert gengið um í
skógi og synt og vaðið yfir
nokkra læki. ■
VELFERÐARMÁL „Ég veit ekki hvar
ég á að byrja, þetta eru svoddan
ósköp sem hann Páll Pétursson
hefur gert í velferðarmálum,“
segir Guðni Ágústsson, starfandi
félagsmálaráðherra.
„Velferðarkerfið hefur verið
styrkt, sem og fjölskyldan. Fæð-
ingarorlof hefur verið lengt úr
sex í níu mánuði, sem hlýtur að
skipta foreldra verulegu máli.
Feðraorlof er nýtt af nálinni til að
auka jafnræði kynjanna. Hús-
bréfalánin fást nú til 40 ára og
tekjulægra fólk getur fengið allt
að 90 prósenta lán til húsnæðis-
kaupa.“
Guðni nefnir að stór hópur
tekjulágs fólks hafi komist í eigin
íbúðir, húsaleigubætur hafi stór-
hækkað síðustu árin og orðið
skattfrjálsar árið 2002 til að
styrkja barnafjölskyldur og lág-
launafólk.
„Ég er klár á því að þjóðfé-
lagstekjur uxu þegar Framsókn-
arflokkurinn komst í ríkisstjórn
aftur. Lífskjör þjóðarinnar bötn-
uðu um 33 prósent á átta árum,
sem er forsenda mikilla sátta við
aldraða og öryrkja í haust. Þeir
sem verst eru settir meðal þeirra
fá á næstu árum 3 milljarða
króna. Heilbrigðisráðherra er að
hefja mikla sátt við öryrkja og
lægstu bætur í landinu hafa
hækkað um 58 prósent meðan
lífskjör hafa batnað um 33 pró-
sent.“
Þó svo að ýmis vandræði
steðji oft að heilbrigðiskerfinu
segir Guðni að flestir Íslendingar
viti að það sé eitt besta í heimi.
„Við höfum verið á mjög réttri
leið í þessari ríkisstjórn að
marka stefnu um framtíð í fé-
lagsmálum Íslendinga. Atvinnan
skapar velferðina.“
Guðni segir hugsanlegt að
greina megi einhverja misskipt-
ingu tekna á Íslandi en það er
vegna EES-saminga sem hafa
gert íslensk fyrirtæki alþjóðleg
og þar með hafi komið mjög há
laun í ákveðnum greinum. „Okk-
ur finnst þau allt of há og svo
framvegis en hitt er alveg ljóst
að lífskjörin hafa batnað og við
höfum verið að taka á með lægri
tekjuhópunum. Lægstu bætur
hafa hækkað um 58 prósent frá
því Framsóknarflokkurinn tók
við heilbrigðis- og félagsmál-
um.“
Atvinnuleysisbætur segir
Guðni að hafi verið helmingi
lægri þegar Framsóknarmenn
tóku við og þeir hafi ályktað að
þær eigi að fara upp að lág-
markslaunum, sem eru í dag 95
þúsund. „Lægstu laun voru, þeg-
ar við komum að, 55 þúsund og
hafa því hækkað um helming.
Ákveðnir stjórnmálamenn eru
alltaf að telja fólki trú um að
þjóðfélagið sé vont en þegar
þetta er skoðað í heild erum við
á réttri leið og viljum halda
áfram á þeirri braut.“
jakob@frettabladid.is
Kirkjan gegn klámi:
Klámvæðingin árás á fjölskulduna
SÉRA MARÍA ÁGÚSTSDÓTTIR
Í sumum tilfellum hefur aðgengi að klámi
verið ein orsaka skilnaðar.
GUÐNI ÁGÚSTSSON
Erum á réttri leið enda bötnuðu lífskjör
þjóðarinnar um 33 prósent eftir að Fram-
sóknarflokkurinn komst í ríkisstjórn á nýj-
an leik.
Tekið á með
tekjulágum
Velferðarkerfið hefur verið styrkt og lífskjör
hafa batnað eftir að Framsóknarflokkurinn
komst í ríkisstjórnina, segir Guðni Ágústsson.
Þriggja ára drengur:
Einn á göngu
með hundinum
■ Asía