Fréttablaðið - 31.03.2003, Blaðsíða 14

40 dagar og 40 nætur
14 31. mars 2003 MÁNUDAGUR
Útgáfufélag: Frétt ehf.
Ritstjóri: Gunnar Smári Egilsson
Fréttastjóri: Sigurjón M. Egilsson
Ritstjórnarfulltrúar: Reynir Traustason
og Steinunn Stefánsdóttir
Auglýsingastjóri: Þórmundur Bergsson
Ritstjórn, auglýsingar og dreifing:
Suðurgötu 10, 101 Reykjavík
Aðalsími: 515 75 00
Símbréf á fréttadeild: 515 75 06
Rafpóstur: ritstjorn@frettabladid.is
Símbréf á auglýsingadeild: 515 75 16
Rafpóstur: auglysingar@frettabladid.is
Setning og umbrot: Frétt ehf.
Prentvinnsla: Ísafoldarprentsmiðja ehf.
Fréttablaðinu er dreift ókeypis á heimili á höfuð-
borgarsvæðinu og Akureyri. Einnig er hægt að fá
blaðið í völdum verslunum á landsbyggðinni.
Fyrirtæki geta fengið blaðið gegn greiðslu
sendingarkostnaðar; kr. 1.100 á mánuði.
Fréttablaðið áskilur sér rétt til að birta allt efni
blaðsins í stafrænu formi og í gagnabönkum
án endurgjalds.
Mér heyrðist sagt um daginn íútvarpsfréttum að búið væri
að setja veðurstofuna undir ríkis-
lögreglustjóra. Þegar ég lagði við
hlustir reyndist þetta náttúrlega
vitleysa en í hálfa mínútu hafði ég
trúað þessu. Það segir sitt.
Skemmtilegt var að heyra þá
umkvörtun af vörum formanns
Sjálfstæðisflokksins í ræðu á
landsfundi flokksins að kosninga-
baráttan sé of persónubundin. Þar
talar ekki bara formaður þess
flokks sem frá fyrstu tíð hefur tign-
að leiðtoga sína af skilyrðislausri
auðsveipni - heldur lýsir þarna eft-
ir málefnalegri umræðu sá stjórn-
málaleiðtogi sem þjóðin telur sam-
kvæmt Gallup-könnun ómálefna-
legasta stjórnmálamann landsins.
Eða er okkur ætlað að trúa því
að þegar hann stendur einn uppi á
sviði og tekur hyllingunni á lands-
fundinum þá þyki honum þetta
óþægilegt, of persónubundið, ekki
nógu málefnalegt?
Eða þykir Davíð Oddssyni kosn-
ingabaráttan kannski orðin of per-
sónubundin þegar hún snýst um
aðra persónu en hann sjálfan?
Ég held að þetta sé einhver vit-
leysa upp úr Vinstri grænum eins
og svo margt sem Davíð segir. Auð-
vitað er kosið um persónur. Hvern-
ig má annað vera? Það er nú einu
sinni fólk sem við erum að kjósa
inn á þing, og ekki óeðlilegt að okk-
ur finnist skipta máli hvaða mann-
eskjur stjórna landinu. Eru ekki
valkostirnir einmitt óvenju skýrir
þessar kosningarnar? Gefst okkur
ekki núna fágætt tækifæri til að
hafa áhrif á landsmálin með at-
kvæði okkar?
Það hefur yfirleitt ekki verið
venjan á þessu landi þar sem við
höfum yfirleitt ekki haft hugmynd
um hvað við værum að kjósa þegar
við höfum merkt við reitinn á at-
kvæðaseðlinum - nema náttúrlega
sá minnihluti þjóðarinnar sem kos-
ið hefur D-listann.
Um hvað er þá kosið? Til dæmis
hvort okkur finnst Davíð hafa farið
vel með vald sitt gagnvart einstak-
lingum sem honum er í nöp við. Það
er kosið um samskipti stjórnvalda
við efnalítið fólk, aldraða og ör-
yrkja og sjúklinga en Jón Krist-
jánsson hefur seinustu vikurnar
verið á þönum við að taka til eftir
Davíð í þeim efnum.
Það er kosið um virðingu fyrir
fólki. Stóra málið sem kosið er um
varðar hins vegar Ísland og um-
heiminn, hvernig við teljum réttast
að þeim samskiptum verði háttað
næstu fjögur árin. Það hefur verið
að renna upp fyrir okkur hversu
gríðarlega mikilvægt það er.
Ísland er Evrópuland og frá
fyrstu tíð hafa Íslendingar litið á
sig sem Evópumenn. Þangað sóttu
menn menntun sína allt frá elleftu
öld. Íslendingar eru með öðrum
orðum Evrópubúar, en furðu illa
hefur gengið fyrir menn að sætta
sig við þá staðreynd, yst til vinstri
og yst til hægri í íslenskum stjórn-
málum. Áhrifamenn í hægri armi
Framsóknar og Sjálfstæðisflokks
töldu það á sínum tíma koma vel til
greina að ganga hreinlega í Banda-
ríkin, en í Alþýðubandalaginu ríkti
lengi vel sú kenning að Íslendingar
ættu helst samleið með nýfrjálsum
þjóðum þriðja heimsins, gott ef
Vinstri grænir eru ekki á því. Og
ekki man ég betur en að þegar kos-
ið var um EES á sínum tíma hafi
forysta Alþýðubandalagsins viljað
að við gengjum í Asíu. Nú er þessi
umræða allt í einu tímabær sem
aldrei fyrr sökum hinnar hörmu-
legu fylgispektar ríkisstjórnar Ís-
lands við klerkastjórnina í Wash-
ington, en þar ráða sem kunnugt er
ríkjum heilagsandahopparar eins
og við sjáum stundum ólmast á
Omega og sem telja sig taka við
sérstökum skipunum frá Guði al-
máttugum. Þessir menn ráða nú för
í íslenskri utanríkisstefnu.
Eitt helsta verkefni næstu ríkis-
stjórnar verður að koma samskipt-
um við Evrópusambandið í viðun-
andi horf, bæði viðskipalega og
pólitískt. Síðasta sumar lét Davíð
þau orð falla um Evrópusambandið
að það væri mesta skrifræðisbákn
mannkynssögunnar. Skyldi þess
vera að vænta að maður sem slíka
sýn hefur á þennan vettvang þjóð-
anna í Evrópu sé vel til þess fallinn
að stjórna því hvernig samskiptum
okkar við bandalagið á að vera hátt-
að?
Í komandi átökum í heiminum
skiptir máli hvar Íslendingar skipa
sér í sveit - hvort það er með þeim
þjóðum sem vilja fara að alþjóða-
lögum og semja sig í átt að niður-
stöðum, eða hinum sem trúa á vald
byssunnar, og vilja taka upp á al-
þjóðavísu þá dauðarefsingastefnu
sem þeir hafa aðhyllst heimafyrir.
Davíð hefur sagt Saddam Hussein
réttdræpan og trúir því að maður-
inn til að úrskurða um það sé
Bandaríkjaforseti, sennilega út af
hinu mikla vinfengi við Guð almátt-
ugan sem sá maður telur sig vera í.
Hætt er við að Sjálfstæðismenn
dragi Íslendinga enn lengra út í
þetta krossferðafen ef þeir stjórna
landinu næstu fjögur árin. Því mið-
ur höfum við ekki atkvæðisrétt í
Bandaríkjunum því það varðar
okkur miklu hverjir þar fara með
völd - en við getum hins vegar beitt
atkvæðarétti okkar hér.
Þó ekki væri nema til að forða
veðurstofunni undan Ríkislög-
reglustjóra. ■
Um daginnog veginn
GUÐMUNDUR
ANDRI THORSSON
■
skrifar um
Ísland og
Evrópu.
Klerkastjórnin í
Washington og við
Sjálfstæðisflokkurinn
Ályktun á landsfundi
Hlutverk verði tryggt
Sjálfstæðisflokkurinn telur að þegar litið sé til fram-
tíðar beri að haga framkvæmdum og skipulagi sam-
gangna í lofti, á sjó og á landi þannig að mögulegur
ferðatími milli höfuðborgar og þéttbýlisstaða á lands-
byggðinni verði skemmri en þrjár og hálf klukkustund.
Í ályktun sem samþykkt var á landsfundi flokksins seg-
ir: „Öruggar og reglulegar flugsamgöngur eru stór þátt-
ur í að tryggja búsetu um land allt. Ljóst er að hagur
flugfélaga í innanlandsflugi hefur batnað í kjölfar end-
urskipulagningar og útboða hins opinbera á sjúkraflugi
og flugi til jaðarbyggða. Einnig hefur mikið áunnist í
endurbótum á flugvöllum og öryggi þeirra. Stærsta ein-
staka framkvæmdin undanfarin ár er endurbygging
Reykjavíkurflugvallar ... Mikilvægt er að hlutverk hans
sem miðstöð innanlandsflugs á Íslandi verði tryggt.“
Dóra Pálsdóttir
Félagi í Höfuðborgarsamtökunum
Öryggissjónarmið ráða
Það eru ýmis atriði sem ég tel góð og gild rök fyrir
því að Reykjavíkurflugvöllur fari úr Vatnsmýrinni.
Fyrst ber að nefna að byggð á þessu svæði myndi þétt-
ast. Ég sé fyrir mér blandaða byggð þar sem ungir sem
aldnir myndu búa saman í sátt og samlyndi. Um leið
væri komið meira rými fyrir Háskóla Íslands og ýmsar
rannsóknarstofnanir. Mikil hávaðamengun er af flugvél-
um. Það hefur komið fyrir við kennslu í Háskólanum að
hún hefur stöðvast vegna hávaða. Þá er um öryggissjón-
armið að ræða. Það hafa orðið slys við flugvöllinn og
oftar en einu sinni hefur legið við stórslysum. Sjáum
fyrir okkur þetta hræðilega slys sem varð í Skerjafirð-
inum. Ef flugmaðurinn hefði ekki stýrt vélinni í sjóinn
heldur á byggð væri Sjálfstæðisflokkurinn ekki að
semja ályktun um Reykjavíkurflugvöll.
Framtíð Reykjavíkurflugvallar
Skiptar skoðanir
■ Af Netinu
Allir sem einn
Þriðji dagur landsfundar okkar
sjálfstæðismanna var í dag,
laugardag. Fór hann vel fram og
án ágreinings um mikilvæg mál.
BJÖRN BJARNASON LÝSIR LANDSFUNDI SJÁLFSTÆÐIS-
FLOKKNUM Á BJORN.IS
Enga öfund, takk
Gott gengi Samfylkingarinnar á
að vera fagnaðarefni fyrir frjáls-
lynda kjósendur, jafnvel þá sem
hingað til hafa stutt Sjálfstæðis-
flokkinn. Góð kosning beggja
þessara flokka er það sem best
mun tryggja að frjálslynd öfl
ráði ríkjum í íslenskum stjórn-
málum.
JÓN STEINSSON SKRIFAR Á DEIGLAN.COM
■ Bréf til blaðsins
Bollur í
fiskiöskjum
Þórarinn skrifar:
Ég á frönskumælandi tengda-son sem reynir nú að kynnast
íslensku þjóðlífi og siðvenjum.
Hann hefur þegar bragðað þorra-
mat, malt og appelsín og nú fær
hann að belgja sig út af saltkjöti
og baunum. Það var með nokkurri
tilhlökkun að ég fór í Björnsbak-
arí að kaupa handa honum rjóma-
bollur. Bolludagurinn er sér-
íslenskur siður og bollurnar alveg
einstakt sælgæti.
Þrjár gerðir af bollum keypti
ég og kom með til hans og dóttur
minnar í síðdegiskaffi á sunnu-
degi. Hann starði á öskjuna þegar
ég lagði hana á borðið og fór að
segja honum að nú ætlaði ég að
koma honum á óvart. Hér fengi
hann ósvikið nammi með kaffinu.
Hann var fullur tortryggni en
skellihló þegar ég fór að veiða upp
bollurnar og leggja á kökufatið.
„Fínn húmor,“ sagði hann, „að
koma með bollurnar í fisköskju
merktri Filets de Cabillaud.“ Aha,
sagði ég og reyndi síðan að út-
skýra fyrir honum að bakaríin á
Íslandi notuðu alltaf fisköskjur
utan um fínar tertur og bollur.
„Geggjaður húmor,“ segir tengda-
sonurinn. Ég fór svo að hugsa með
mér; geta bakaríin á íslandi ekki
verið með sérstakar öskjur undir
bakkelsið? Svo lengi sem ég man
hafa bolludagsbollurnar alltaf
verið í fisköskjum. Er þetta
kannski orðið tákn bolludagsins;
bollur í fisköskjum? ■
Niðurstöður þrettándu vikuleguskoðanakönnunar Frétta-
blaðsins sýna ekki mikla sveiflu
frá síðustu viku. Fylgisaukning
Frjálslyndra er staðfest og nú er
það orðið raunhæfur möguleiki að
sá flokkur verði á stærð við
Vinstri græna eftir kosningarnar í
vor. Sjálfstæðisflokkurinn réttir
aðeins úr kútnum eftir verstu
útkomu í vikulegri könnun síðan í
byrjun febrúar – en ekki eins mik-
ið og sjálfstæðismenn hafa án efa
vonað. Framsóknarflokkurinn
virðist ekki vera að ná sér á strik
og hefur lengi verið fastur með
um og rétt yfir 10 prósent fylgi – á
svipuðum slóðum og með sam-
bærilegt fylgi og Vinstri grænir.
Samfylkingin hangir enn uppi við
hlið Sjálfstæðisflokksins. Þeir
flokkar skiptast á að halda foryst-
unni. Nú liggur hún hjá Sam-
fylkingunni.
Það eru 40 dagar til kosninga;
40 dagar og 40 nætur. Kosninga-
baráttan er komin á fullt skrið.
Allir flokkar hafa lokið sínum
flokksþingum og landsfundum.
Miðað við reynslu undanfarinna
vikna má reikna með að jákvæð
áhrif af landsfundi sjálfstæðis-
manna séu ekki komin fram.
Reynslan það sem af er ári sýnir
hins vegar að stjórnmálaflokkarn-
ir geta ekki búist við miklum fylg-
issveiflum í kjölfar svona funda.
Þær voru án efa meiri á árum
áður en þær eru í dag. Mesta
breytingin var eftir flokksþing
Frjálslyndra en á því var kosin ný
forysta og ákveðinni óvissu varð-
andi flokkinn eytt. Aðrir flokkar
bjóða ekki upp á slíkar breytingar
á sínum fundum og því munu þeir
ekki uppskera miklar fylgissveifl-
ur.
Aðra vikuna í röð sýna niður-
stöður könnunarinnar að ríkis-
stjórnarflokkarnir myndu ekki ná
meirihluta þingmanna. Ríkis-
stjórnin myndi falla ef þessar
yrðu niðurstöður kosninga. Það er
söguleg staða. Í næstum 70 ár
hafa sjálfstæðismenn og Fram-
sókn haft sameiginlega góðan
þingmeirihluta og það hefur verið
metið ómögulegt verk að fella rík-
isstjórn þessara flokka í kosning-
um. Þetta er önnur staða en for-
ystumenn þessara flokka hafa bú-
ist við. Þeir hafa lagt af stað í
þessa kosningabaráttu fullvissir
um gott bú og vænlega stöðu. En
þjóðin virðist á öðru máli. Loforð
um gríðarlegar skattalækkanir ná
ekki að vega upp neikvæð áhrif af
öðrum málum; til dæmis stuðn-
ingnum við innrás Bandaríkja-
manna í Írak. Ef þessir flokkar
ætla ekki að taka á sig mikið
fylgistap verða þeir því að haga
málflutningi sínum eftir pólitíska
landslaginu í dag – ekki hvernig
þeir telja að það ætti að vera. Ef
sú breyting verður ekki á næstu
vikum má fara að spá fyrir um
kosningaúrslit í takt við kannanir
undanfarinna vikna og mánaða. ■
Mín skoðun
GUNNAR SMÁRI EGILSSON
■ skrifar um stöðu flokkanna sam-
kvæmt skoðanakönnun Fréttablaðsins.
Skoðaðu alla söluskrána á heimasíðunni www.fyrirtaekjasala.is
Síðumúla 15 Sími: 588 5160
Gunnar Jón Yngvason
Löggiltur fasteigna-
og fyrirtækjasali.
3 góð framleiðslufyrirtæki/ búnaður til sölu
200 mót 8 teg-
undir , hellumót,
traust og góð
mót, mjög lítið
notuð. Getur veri starfrækt hvar sem
er á landinu, verð aðeins kr
2.000.000,-
Kleinugerð (ekki í
rekstri) með öllum
búnaði , umbúðum
og tækjum, hentugt leiguhúsnæði
getur fylgt, verð aðeins kr 600 þús
Hellusteypa Kleinugerð BátamótVönduð mót fyrir
framleiðsu úr trefja-
plasti á þessum vatna-
bát. Góðir tekju-
möguleikar Hentugt sem aukavinna , getur
verið hvar sem er á landinu verð aðeins
kr 600 þús + 2 bátar úr mótunum
Eigandi gefur upplýsingar í 897 0044 -Jón
Stríðslimra
Þorsteinn Eggertsson skrifar:
Í sjónvarpi birtist vitskert veröld;
vopnaðir menn með púðurkeröld
tæt’upp í tilgangsleysi
turna og afskekkt hreysi
í landi sem langar ekk’ í heröld.
PISTLAR Guðmundur Andri Thors-
son, rithöfundur og einn allra
fremsti pistlahöfundur landsins,
mun skrifa um daginn og veginn í
Fréttablaðið alla mánudaga frá og
með deginum í dag. Það er til-
hlökkunarefni fyrir lesendur
blaðsins að ganga að pistlum hans
vísum í upphafi vinnuvikunnar.
Guðmundur Andri er kominn í
hóp margra af ágætustu pistlahöf-
unda landsins. Á sama stað skrif-
ar Þorvaldur Gylfason hagfræð-
ingur á fimmtudögum, Birgir
Guðmundsson blaðamaður á
föstudögum og Ellert B. Schram,
forseti Íþróttasambands Íslands
og frambjóðandi, á laugardögum.
Þessi hópur mun svo enn þéttast
og eflast á næstu dögum og vik-
um. Bakþanka Fréttablaðsins
skrifa sem fyrr Þráinn Bertels-
son, kvikmyndagerðarmaður og
rithöfundur, Kristín Helga Gunn-
arsdóttir rithöfundur og blaða-
mennirnir Sigurjón M. Egilsson,
Steinunn Stefánsdóttir og Eiríkur
Jónsson. ■
Fréttablaðið:
Guðmundur Andri
alla mánudaga