Fréttablaðið - 31.03.2003, Blaðsíða 6

6 31. mars 2003 MÁNUDAGUR
■ Innrás í Írak/
Örfréttir
■ Innrás í Írak/
Árásir
LONDON, AP „Ég er búinn að fá mig
fullsaddan af þessu blóðuga og
óþarfa stríði. Ég vil að hermenn-
irnir okkar verði kallaðir heim og
ég vil að þeir komi heim áður en
fleiri af þeim eru drepnir,“ sagði
Robin Cook, fyrrum utanríkisráð-
herra Bretlands, í Sunday Mirror.
Hann segir ljóst að vonir Banda-
ríkjamanna um skjótan sigur séu
að engu orðnar og að blóðug innrás
í Bagdad kunni að vera nauðsyn-
leg.
Orð þessa fyrrum ráðherra í
stjórn Tony Blair vöktu hörð við-
brögð stjórnarliða. „Ég held það sé
ekki rétti tíminn, tíu dögum eftir
að þetta byrjaði, að byrja að segja
hermönnunum okkar að þeir verði
að draga sig í hlé, skilja Saddam
Hussein eftir við völd og leyfa hon-
um að halda áfram slátrun sinni í
Írak,“ sagði Mike O’Brien, undir-
ráðherra í utanríkisráðuneytinu.
23 breskir hermenn hafa látist
frá því innrásin í Írak hófst. Bret-
ar sendu 45.000 hermenn á svæðin.
Ólíkt Bandaríkjamönnum hafa
þeir ekki talað um að senda fjöl-
mennara herlið á svæðið. Bernard
Jenkin, sem fer með varnarmál í
skuggaráðuneyti Íhaldsflokksins,
spáði því að Bretar yrðu að senda
fleiri hermenn til Írak. ■
Hóta árásum
erlendis
ÍRAK, AP Taha Yassin Ramadan,
varaforseti Íraks, hefur gefið í
skyn að Írakar muni standa fyrir
sjálfsmorðsárásum í Bandaríkj-
unum og Bretlandi.
„Sá dagur mun koma þegar ein
píslarvættisaðgerð mun bana
5.000 óvinum,“ sagði Ramadan
eftir að fjórir bandarískir her-
menn létust í sjálfsmorðsárás
írasks manns við herstöð Banda-
ríkjahers í Írak. „Við notum hvaða
aðferð sem er til að drepa óvininn
í landi okkar og við munum fylgja
óvininum til heimalands hans.
Þetta er bara upphafið.“ ■
ÍRASKUR HERFORINGI FANGAÐUR
Breskir hermenn við Basra náðu
að handtaka íraskan hershöfð-
ingja. Þeir hófu að yfirheyra
hann í von um að hann upplýsti
þá um varnartækni Íraka. Um
svipað leyti felldu breskir her-
menn ofursta úr lýðveldisverð-
inum sem átti að styrkja varnir
borgarinnar.
RÁÐIST Á LÝÐVELDISVÖRÐINN
Hersveitir Lýðveldisvarðarins í
kringum Bagdad hafa orðið fyrir
miklum loftárásum síðustu daga.
Um það bil þremur af hverjum
fjórum loftárásum Bandaríkja-
manna og Breta á Íraka hefur
verið beint gegn stöðvum Lýð-
veldisvarðarins við Bagdad.
FRÉTTAMENN BEITTIR HARÐRÆÐI
Ísraelskur fréttamaður segir að
hann og þrír aðrir fréttamenn
hafi verið beittir harðræði af
bandarískum hermönnum.
Fréttamennirnir voru handteknir
í Írak þar sem þeir fylgdust með
framgangi innrásarinnar og þeim
vísað úr landi. Portúgalskur
fréttamaður var barinn, að sögn
Ísraelans.
UMSÁTURSBRAUT Þúsundir
bandarískra landgönguliða í mið-
hluta Írak sóttu í átt að Bagdad.
Þeir reyndu að finna og eyða hóp-
um íraskra hermanna á svæði
sem hefur fengið viðurnefnið
Umsátursbraut.
LIÐSSAFNAÐUR Donald Rumsfeld,
varnarmálaráðherra Bandaríkj-
anna, er legið á hálsi að hafa verið
of bjartsýnn þegar kom að því að
undirbúa innrás í Írak í nýjasta
tölublaði tímaritsins New Yorker.
Þar er haft eftir háttsettum her-
foringjum að Rumsfeld hafi geng-
ið þvert á óskir hersins um fjöl-
mennara herlið og rekið á eftir
innrás þó svo yfirmenn hersins
teldu að fjölmennara herlið þyrfti
til að bera sigur úr býtum í Írak.
Í greininni segir að Rumsfeld
hafi ítrekað barist fyrir því að her-
inn sem sendur var til Íraks yrði
fámennari en herinn hafði lagt upp
með. Á endanum hafði hann sitt
fram. „Hann var staðráðinn í að
sanna mál sitt, að Írak myndi
hrynja við innrás,“ er haft eftir
ónafngreindum heimildarmanni.
Hann segir að kröfur Rumsfeld
hafi orðið til þess að herinn væri
of fámennur og hefði ekki allar
þær birgðir sem hann þyrfti á að
halda.
Þegar Tyrkir neituðu að láta
Bandaríkjaher eftir landsvæði til
að ráðast inn í Írak úr norðri setti
það skipulag hersins úr skorðum.
Flytja þurfti hersveitir, sem stefnt
hafði verið til Tyrklands, til
Persaflóa. Þrátt fyrir beiðnir
æðstu yfirmanna hersins um að
bíða með innrás þar til búið væri
að koma þeim hersveitum fyrir
hafði Rumsfeld sitt fram um að
hefja innrásina strax, að sögn New
Yorker.
Tommy Franks, yfirmaður
bandaríska heraflans í Írak, neit-
aði því á blaðamannafundi í gær að
hann hefði farið fram á fjölmenn-
ara herlið í aðdraganda innrásar.
Bandaríkjastjórn hefur ákveðið að
senda fjölmennar hersveitir á
svæðið. Slíkir flutningar taka
langan tíma og nokkrar vikur líða
áður en þær hersveitir geta tekið
þátt í bardögum. Franks vildi lítið
tjá sig um hversu langan tíma inn-
rásin tæki þegar hann var spurður
hvort bardagar gætu dregist fram
á sumar. Fréttastofa Sky sjón-
varpsstöðvarinnar greindi frá því
í gær að sumir bandarískir her-
menn hefðu fengið fyrirmæli sem
gefa til kynna að nokkurra vikna
hlé verði á framsókn herjanna. ■
ÍRAK, AP Uggur er í bandarískum
hermönnum í kjölfar árása sem
borgaralega klæddir menn hafa
gert á herstöðvar þeirra. Fjórir
bandarískir hermenn létust þegar
bílsprengja sprakk við hlið her-
stöðvar þeirra á laugardag. Í gær
slösuðust á annan tug hermanna
þegar maður keyrði bíl sínum á
hóp hermanna sem voru í herstöð
í Kúvæt.
„Þetta er synd og skömm því
núna verðum við að líta á alla
óbreytta borgara sem ógn,“ sagði
Bryce Ivings, liðþjálfi í banda-
ríska fótgönguliðinu. „Ef við drep-
um óbreytta borgara fyrir slysni
vegna þess að þeir nálguðust okk-
ur verður það á ábyrgð íraskra
stjórnvalda.“ Tommy Franks, yfir-
maður innrásarherjanna, kallaði
árásirnar hryðjuverk.
Saeed al-Sahhaf, upplýsingaráð-
herra Íraks, hélt því fram að fjöl-
margir óbreyttir borgarar hefðu
verið skotnir til bana í bílum sínum
af bandarískum hermönnum í
hefndarhug. Háttsettur embættis-
maður í íraska varnarmálaráðu-
neytinu sagði sjálfsmorðsárásina á
laugardag upphaf að heilögu stríði
Íraka og Araba gegn innrásarherj-
unum. Hann sagði meira en 4.000
sjálfboðaliða frá Arabalöndum
vera komna til Íraks til að gera
sjálfsmorðsárásir. ■
Sjálfsmorðsárás á bandaríska herstöð kostaði fjóra lífið:
Hermenn óttast sjálfsmorðsárásir
HVÍLD Í EYÐIMÖRKINNI
Uggur er í mörgum hermönnum eftir tvær árásir borgaralegra klæddra manna um helgina.
BRESKIR HERMENN Í ÍRAK
Bretar deila nú um það hvort senda eigi
fleiri hermenn til Írak, halda núverandi
fjölda eða kalla hermennina heim.
Miklar deilur í Bretlandi um innrásina í Írak:
Vill kalla herinn heim
DONALD RUMSFELD
Bandarískir ráðamenn vonuðust til þess að írösk stjórnvöld myndu missa stjórn á landinu
þegar innrás hæfist. Það gekk ekki eftir. Vangaveltur eru farnar að heyrast um að stríðið
dragist fram á sumar.
Herinn of lítill vegna
sigurvissu Rumsfeld
Að sögn bandaríska vikuritsins New Yorker barðist Donald Rumsfeld fyrir því að innrásarherinn í
Írak yrði minni en herforingjar töldu þörf fyrir. Það er talið grafa undan framsókn innrásarhersins.