Fréttablaðið - 08.04.2003, Blaðsíða 27

27ÞRIÐJUDAGUR 8. apríl 2003
MÆTT FYRIR RÉTTI
Leikkonan Winona Ryder mætti fyrir áfrýj-
unardómstól í Beverly Hills í gær. Hún var
dæmd fyrir búðarhnupl í undirrétti og
freistar þess að fá þeim dómi hnekkt.
Brýn þörf á viðmiðunarreglum sem nota má við útreikning á greiðslubyrði og félagslegum bótum:
Nýr staðall um neyslu og lífskjör
NEYSLAN Mælst er til þess að tekinn
verði upp sérstakur viðmiðunar-
neyslustaðall sem mælir hvað telj-
ist viðunandi neysla og lífskjör al-
mennings á Íslandi.
Nefnd, sem skipuð var haustið
2001 til að fjalla um málið, telur
brýna þörf á viðmiðunarreglum
sem nota megi meðal annars við út-
reikning á greiðslubyrði og félags-
legum bótum. Fram til þessa hafi
ýmsar stofnanir samfélagsins notað
mismunandi viðmið sem ekki hafi
ríkt sátt um.
Telur nefndin að nýta megi
reynslu Norðmanna og Svía í þess-
um efnum og sníða viðmiðunarregl-
urnar eftir þeirri vinnu jafnframt
því sem notast verði við þær inn-
lendu rannsóknir um neyslu sem til
eru, s.s. neyslukönnun Hagstofunn-
ar og athuganir Manneldisráðs.
Nefndin telur eðlilegt að verkið
verði unnið af rannsóknarstofnun,
til dæmis á vegum háskóla. Hag-
stofunni verði síðan falið að færa
upp gagnagrunninn með reglu-
bundnum hætti. Hún telur eðlilegt
að opinberir aðilar komi að fjár-
mögnun verksins ásamt þeim aðil-
um sem einkum þurfa á slíkum
neyslustöðlum að halda og að verk-
inu verði stjórnað af stýrihópi skip-
uðum sömu aðilum. ■
U-31 SIGLIR MÓT FARÞEGASKIPI
Nýi kafbáturinn er ekki sá stærsti en einn
af þeim hljóðlátari.
Ný tegund kafbáta:
Knúinn
áfram af
vetni
BERLÍN, AP Þýsk skipasmíðastöð
hefur hleypt kafbáti af stokkun-
um sem hún segir vera þann
fyrsta í heimi sem er knúinn
áfram af vetnisrafölum. Kafbát-
urinn fór í reynslusiglingar í
Eystrasalti út af þýsku borginni
Kiel. Sigla á bátnum til Noregs í
júlí þar sem hann verður prófað-
ur í hafdýpinu.
Kafbáturinn er hannaður með
það fyrir augum að sem erfiðast
verði að hafa uppi á honum.
Tæknin á að tryggja að vélar-
hljóð verði í algjöru lágmarki.
Báturinn hefur einnig verið útbú-
inn með það fyrir augum að sem
erfiðast verði að finna hann á
radar. ■
Hámarksfjöldi í
fangelsum:
Yfir tvær
milljónir
fanga
WASHINGTON, AP Fjöldi vistmanna í
bandarískum fangelsum fór yfir
tvær milljónir á síðasta ári og
náði þar með sögulegu hámarki.
Ástæðan er meðal annars sú
stefna yfirvalda að þyngja refs-
ingar fyrir fíkniefnamisferli og
endurtekin afbrot.
Í júní 2002 sat 2,1 milljón saka-
manna í fangelsum Bandaríkj-
anna, samkvæmt skýrslu dóms-
málaráðuneytisins. Um 162.000
manns sátu í alríkisfangelsum en
þau fylki sem höfðu flesta fanga
voru Kalifornía, Texas, Flórída og
New York. Afbrotamenn undir
sakhæfisaldri eru ekki með í þess-
um tölum.
Athygli vekur að tólf prósent
svartra karlmanna í Bandaríkjun-
um á aldrinum 20 til 39 ára voru í
fangelsi þegar skýrslan var gerð á
móti aðeins um 0,7 prósentum
landsmanna allra. ■
NÝR NEYSLUSTAÐALL FYRIR ÞJÓÐINA
Fram til þessa hafa ýmsar stofnanir samfélagsins notað mismunandi viðmið sem ekki hef-
ur ríkt sátt um.