Fréttablaðið - 10.04.2003, Síða 6

6 10. apríl 2003 FIMMTUDAGUR
■ Afríka
GENGI GJALDMIÐLA
Bandaríkjadalur 78.09 -0,79%
Sterlingspund 121.34 -0,61%
Dönsk króna 11.30 0,09%
Evra 83.93 -0,10%
Gengisvístala krónu 121,05 -0,39%
KAUPHÖLL ÍSLANDS
Fjöldi viðskipta 509
Velta 16.522 milljónir
ICEX-15 1.421 -0,23%
Mestu viðskipti
Eimskipafélag Íslands hf. 130.095.000
Búnaðarbanki Íslands hf. 127.305.990
Ker hf. 68.131.631
Mesta hækkun
Sláturfélag Suðurlands svf. 6,00%
Kaldbakur fjárfestingarfélag hf. 1,39%
AFL fjárfestingarfélag hf. 1,20%
Mesta lækkun
Flugleiðir hf. -2,04%
Tryggingamiðstöðin hf. -1,90%
Jarðboranir hf. -1,30%
ERLENDAR VÍSITÖLUR
DJ*: 8265,5 -0,4%
Nasdaq*: 1371,0 -0,9%
FTSE: 3861,4 -0,2%
DAX: 2757,5 -0,4%
NIKKEI: 8057,6 -0,9%
S&P*: 873,8 -0,5%
*Bandarískar vísitölur kl. 17.00
Veistusvarið?
1Forsætisráðherra Danmerkur erstaddur hér á landi í þeim tilgangi að
afhenda stjórnarskrána frá 1874. Hvað
heitir ráðherrann?
2Tveir íslenskir skiptinemar voru kall-aðir heim vegna lungnabólgufarald-
ursins. Hvar voru ungmennin stödd?
3Eftir tvær vikur verður frumsýnd afarsérstök sýning í Austurbæ þar sem
tveir menn bregða á leik með sínum nán-
ustu líkamspörtum. Hvað heitir sýningin?
Svör á bls. 38.
SJÓNVARPSEFNI „Íslenskt leikið
efni fyrir sjónvarp hefur sýning-
artíma upp á átta klukkustundir
en erlent sambærilegt efni hefur
4.000 klukkustunda sýningar-
tíma,“ segir Tinna Gunnlaugs-
dóttir, forseti Bandalags ís-
lenskra listamanna. Tinna segir
að hugmyndir um sérstakan
sjónvarpmyndasjóð hafi verið
kynntar ráðherra menningar-
mála, Tómasi Inga Olrich, síð-
asta vor fyrir tilstuðlan Banda-
lags íslenskra listamanna og
hagsmunaaðila í kvikmynda-
gerð. Ráðherra sýndi málinu
áhuga. Ekki stóð á efndum og er
sjóðurinn nú til á pappírum en
ekkert fjármagn hefur verið
ætlað í sjóðinn þannig að útlitið
er ekki eins bjart og menn
leyfðu sér að vona.
„Við erum að tala um sjón-
varpsseríur og annað leikið efni.
Erfitt er að segja hvert hlutfall-
ið þyrfti að vera svo það yrði
viðunandi. Sjónvarp er menning-
armiðill sem nær til allra lands-
manna ef hann er nýttur vel.
Þannig dreifist leikið efni í sjón-
varpi mjög víða. Það hefur sýnt
sig að þetta efni er mjög vinsælt,
en hins vegar er það dýrt í fram-
leiðslu,“ segir Tinna.
Tinna segir að sjóður sem
lagður er til þessa efnis verði að
hafa innlent fjármagn og heyra
undir Kvikmyndasjóð en ekki
Ríkissjónvarpið. Þannig yrði
hann aðgengilegur öllum sjón-
varpsstöðvum og innlendum
framleiðendum. „Með því að
setja fjármagn í slíkan sjóð
erum við í rauninni að opna dyr
fyrir sjónvarpsstöðvar og fram-
leiðendur til að sækja fjármagn
frá öðrum löndum. Bæði í Evr-
ópu og á Norðurlöndum eru sjóð-
ir sem við höfum ekki getað sótt
fjármagn í hingað til,“ segir
Tinna. Hún segir að til saman-
burðar megi nefna að þó hafi
verið gert stórátak í kvikmynda-
gerð hér heima síðustu ár. Þá eru
innlendar kvikmyndar að jafn-
aði aðeins styrktar um 25 pró-
sent með innlendu fjármagni en
hin 75 prósentin koma meira og
minna frá öðrum löndum. „Við
viljum benda á þörfina fyrir inn-
lent fjármagn til að geta marg-
faldað það og um leið skilað tals-
verðri veltu inn í samfélagið.
Aflvaki gerði úttekt á innlendri
kvikmyndagerð árið 1997 og þar
kom fram að hver króna sem
ríkið setti í Kvikmyndasjóð skil-
aði sér fimmfalt til baka. Við
erum í rauninni að tala um fjár-
festingu, ekki einungis styrki,“
segir Tinna.
hrs@frettabladid.is
SVEITARSTJÓRNIR Borgarráð Reykja-
víkur hyggst gefa þremur stórfyr-
irtækjum kost á því að byggja risa-
verslunarmiðstöð við Vesturlands-
veg.
Um er að ræða fyrirheit borgar-
innar til fyrirtækjanna Smáratorgs,
Smáragarðs og Mata um eitt hund-
rað þúsund fermetra lóð neðan
Vesturlandsvegar á móts við Úlf-
arsfell. Þar er gert ráð fyrir að rísi
allt að 50 þúsund fermetra hús.
Flatarmál þess væri á við tíu knatt-
spyrnuvelli.
Smáragarður (BYKO), Smára-
torg (Rúmfatalagerinn) og Mata
munu þurfa að greiða Reykjavíkur-
borg upp undir 500 milljónir króna
fyrir byggingarréttinn. Mata hyg-
gst reka matvöruverslun í nýja hús-
inu.
Verslunarhús á umræddri lóð
stangast á við núverandi aðalskipu-
lag Reykjavíkur. Ljúka á nauðsyn-
legum breytingum á skipulaginu í
síðasta lagi 1. maí 2004.
Sjálfstæðismenn í borgarráði
sögðu ámælisvert hvernig Reykja-
víkurlistinn stendur að málinu.
Áður en umrætt fyrirheit væri gef-
ið ætti að gera nauðsynlegar breyt-
ingar á skipulagi og fengin afstaða
Kirkjugarða Reykjavíkur, sem hafa
haft fyrirheit um lóð á svæðinu.
Ólafur F. Magnússon, borgarfull-
trúi Frjálslyndra og óháðra, lýsti
sig sammála sjálfstæðismönnum.
Fulltrúar Reykjavíkurlistans
sögðu fullkomlega eðlilega staðið
að málinu. „Hjáseta borgarráðsfull-
trúa Sjálfstæðisflokks hlýtur að
vekja furðu í ljósi þess mikilvægis
að tryggja fyrirtækjum góðar lóðir
í Reykjavík,“ sögðu fulltrúar R-
lista.
Borgarráðsfulltrúar Sjálfstæð-
ismanna lýstu „undrun yfir þeirri
ályktun R-listans að vönduð máls-
meðferð sé til marks um andstöðu
við að mál nái fram að ganga.“ Þeir
sögðu að vegna þess hversu illa
hefði verið staðið að skipulagsmál-
um væri nú glímt við fjölmörg við-
fangsefni.
Nýja verslunarmiðstöðin mun,
ef af henni verður, rísa nánast í tún-
fæti Mosfellsbæjar. Hafsteinn
Pálsson, forseti bæjarstjórnar þar,
segist ekki vilja tjá sig um hug-
myndina. Ekki náðist tal af Ragn-
heiður Ríkharðsdóttur bæjarstjóra,
sem er í Brussel.
gar@frettabladid.is
FARALDUR „Mér finnst ástandið
ekki eins slæmt og af er látið,“
segir Ásthildur Teitsdóttir, en hún
er nýkomin heim frá Hong Kong
þar sem hún var skiptinemi á veg-
um AFS. Hún segist ekki hafa
þekkt neinn sem hefði veikst.
„Systir mín vinnur í banka og vissi
um einn starfsmann í bankanum
sem hafði veikst. Það er nærtæk-
asta dæmið sem ég veit um,“ segir
Ásthildur.
„Helst varð ég vör við faraldur-
inn af því að sjá fólk með grímur á
götum úti. Um það bil helmingur
fólks kaus að nota grímurnar.
Læknir sagði okkur að þær gerðu
ekki gagn nema til að hindra að
smitaðir bæru veikina áfram,“
segir Ásthildur. Hluti fjölskyld-
unnar sem Ásthildur bjó hjá gekk
með grímur. Hún segir þau hafa
verið nokkuð róleg yfir þessu en
áhyggjurnar fari vaxandi eftir því
sem útbreiðslan verði meiri. Skól-
inn sem Ásthildur gekk í hefur
verið lokaður um tveggja vikna
skeið en aðrir úr fjölskyldunni
stunduðu sín störf eins og venju-
lega.
Ásthildur var búin að vera í
Hong Kong í sjö mánuði og átti
þrjá mánuði eftir af dvöl sinni þar.
Hún segist hafa viljað vera lengur
en taldi það kannski ekki áhætt-
unnar virði ef ástandið væri eins
slæmt og af var látið. „Pabbi var
orðinn nokkuð áhyggjufullur og
fjölskyldu minni hérna fannst best
að ég kæmi heim. Ég er þegar búin
að skipuleggja ferð til Hong Kong
árið 2005, vonandi að allir sem ég
þekki þar ytra verði lifandi þegar
sá tími kemur,“ segir Ásthildur. ■
STEKKJARBREKKUSVÆÐIÐ
Ágreiningur er í borgarráði um vinnubrögð varðandi úthlutun lóðar undir risaverslunarhús.
„Hjáseta borgarráðsfulltrúa Sjálfstæðisflokks hlýtur að vekja furðu,“ segir meirihluti Reykja-
víkurlistans. Sjálfstæðismenn segja á hinn bóginn að krafa um vandaða málsmeðferð þýði
ekki andstöðu við málið.
Borgarráð ætlar að selja byggingarrétt á 100 þúsund fermetra lóð undir
risaverslunarhús við Vesturlandsveg á hálfan milljarð króna:
Fimm hektara verslunarhús
ÁSTHILDUR TEITSDÓTTIR
Ásthildur var skiptinemi í Hong
Kong en er nýkomin heim vegna
lungnabólgufaraldursins.
Komin heim frá Hong Kong:
Þekki engan sem hefur veikst
TINNA GUNNLAUGSDÓTTIR
Sjónvarpsmyndasjóður er til á pappírunum en engin ákvörðun hefur verið tekin um að
veita fjármagni í sjóðinn.
FRAMLAG TIL FRAMLEIÐSLU INNLENDS EFNIS
Framlag á Íbúafjöldi Framlag í ISK
hvern íbúa
Sjónvarpið - Ísland 142,9 kr. 280.000 40.000.000
DR - Danmörk 217,1 kr. 5.200.000 1.128.872.328
NKR - Noregur 257,2 kr. 4.400.000 1.131.700.000
Heimild: Aflvaki, 1997.
Sjóðurinn til á pappírum
Bandalag íslenskra listamann vill benda á þá fjárfestingu sem gæti falist í styrkjum til
framleiðslu á leiknu íslensku sjónvarpsefni.
FR
ÉT
TA
B
LA
Ð
IÐ
/R
Ó
B
ER
TFORDÆMIR FJÖLDAMORÐ Jó-
hannes Páll páfi annar hefur for-
dæmt fjöldamorðin í Kongó og
kallað eftir sáttaumleitunum
Kongó, Rúanda og
Úganda. Páfi sagði
að fregnir af morð-
um á 966 óbreyttum
borgurum í Kongó í
síðustu viku yllu
honum engu minni
áhyggjum en fréttir af mannfalli
og eyðileggingu í Írak.