Fréttablaðið - 05.06.2003, Blaðsíða 6

DÓMSMÁL Sextugur Þjóðverji og
rúmlega þrítugur Íslendingur eru
ákærðir fyrir innflutning á 890
grömmum af mjög sterku am-
fetamíni og 980 grömmum af hassi
í ágóðaskyni. Báðir hafa þeir setið
í gæsluvarðhaldi síðan áttunda
nóvember.
Þjóðverjinn var
handtekinn á Kefla-
víkurflugvelli í nóv-
ember. Við leit á
honum fundust
fíkniefnin. Hann var
handtekinn og færður á lögreglu-
stöðina í Reykjavík. Lögreglan seg-
ir manninn hafa verið mjög sam-
starfsfúsan og hafa gefið upplýsing-
ar um eigenda efnisins og þann sem
átti að veita því viðtöku. Móttakan
átti að fara fram á hótelherbergi og
hringdi hann í samráði við lögreglu
í viðtakanda. Því næst beið hann á
hótelherberginu ásamt lögreglu.
Efninu sem Þjóðverjinn hafði kom-
ið með til landsins hafði verið skipt
út fyrir gerviefni. Tvíburabróðir
þess sem Þjóðverjinn hafði hringt í
mætti, en hann er Íslendingurinn
sem um ræðir í málinu. Hann hefur
einnig setið í gæsluvarðhaldi.
Skömmu eftir komu hans á hótelið
tók hann við fíkniefnunum og var
þá handtekinn.
Höfuðpaur málsins, sem er Þjóð-
verji, situr í fangelsi í Þýskalandi.
Loftbrú til Þýskalands
Þjóðverjinn hefur viðurkennt að
hafa komið margar ferðir hingað til
lands. Hann segir að í átta skipti
hafi tvíburabræðurnir tekið við efn-
inu, en aðrir í hin skiptin. Saksókn-
ari lýsti Þjóðverjanum sem loftbrú
fyrir fíkniefni og peninga á milli Ís-
lands og Þýskalands.
Rannsókn málsins nær til smygl-
hrings í Þýskalandi og hafa íslenska
og þýska lögreglan verið í samstarfi
við rannsóknina. Höfuðpaurinn er
þýskur og hefur komið nokkuð oft
við sögu lögreglu erlendis og einnig
hér á landi. Hann og Íslendingurinn
sem er grunaður sátu báðir á Litla-
Hrauni um sex mánaða skeið.
Ákæruvaldið krefst þess að dóm-
ur Íslendingsins verði ekki lægri en
fimm ár og Þjóðverjans ekki lægri
en þrjú ár.
Vann að blaðagrein
Lögmaður Þjóðverjans segir
hann ekki hafa vitað hvert hvíta
efnið hafi verið. Upphafið á smygli
fíkniefnanna var að hann fékk tíu
þúsund mörk lánuð frá höfuðpaurn-
um í málinu, sem síðar bauð honum
að vinna upp í skuldina með því að
ferðast fyrir sig. Þetta þáði Þjóð-
verjinn, sem þá var blankur. Einnig
hafði hann hugsað sér að nota kynn-
in af fíkniefnaheiminum til að koma
sér aftur í blaðamennsku. Hann
hafði gegnt ritstörfum í gegnum
árin en hafði átt erfitt með að fá
vinnu sem blaðamaður sökum ald-
urs. Lögmaður hans vill benda á því
til sönnunar að meðferðis hafi hann
haft ferðatölvu, dýra ljósmyndavél
og blaðamannapassa. Til refsilækk-
unar eigi að koma að hann veitti
upplýsingar og sýndi lögreglu sam-
starfsvilja. Ekki væru öll burðardýr
tilbúin til að gefa upp nafn, eiganda
og viðtakanda eins og hann gerði. Í
ljósi þeirra upplýsinga hafi komist
upp um þýska smyglhringinn, höf-
uðpaur hans og Íslendinginn, sem
hefur oft áður verið dæmdur. Lög-
maður Þjóðverjans vill að það verði
metið til refsilækkunar, og eins sú
staðreynd að hann sé með hreint
sakavottorð og að hann sé sextugur
og heilsuveill.
Fann sökudólg fyrir lögreglu
Lögmaður Íslendingsins bendir á
að skjólstæðingur hans hafi einung-
is tekið við efnunum á hótelinu.
Hann hafi ekki vitað hvað var í
pakkanum. Hann hafi þó grunað að
um fíkniefni væri að ræða. Á hótel-
inu hafi Íslendingurinn lent í
óvæntri aðstöðu sem hann átti ekki
von á. Sem forfallinn fíkniefnaneyt-
andi hafi hann viljað taka við pakk-
anum, sem var eins og lottóvinning-
ur fyrir fíkil. Hann hafi hugsað þau
til eigin neyslu. Lögmaður Íslend-
ingsins segir að allar sannanir vanti
fyrir hlutdeild hans í innflutningn-
um og að hann hafi tekið við efn-
unum í ágóðaskyni. Í fyrsta lagi hafi
hann tekið við gerviefnum, ekki
fíkniefnum, sem hann afhenti lög-
reglu rétt skömmu síðar. Lögmaður-
inn segir að Þjóðverjinn hafi fundið
sökudólg fyrir lögregluna til að eiga
möguleika á vægari refsingu. Eng-
ar bankafærslur eða merki um við-
skiptanet sé að finna í tengslum við
Íslendinginn. Fyrsta ferð Þjóðverj-
ans með fíkniefni hafi verið í mars á
síðasta ári en Íslendingurinn hafi
ekki losnað úr fangelsi fyrr en eftir
miðjan maí.
Getur borðað tugi gramma
af amfetamíni á dag
Við vitnisburð í dómnum svaraði
Þjóðverjinn því sem næst öllum
spurningum saksóknara og komu
svörin vel heim og saman við
skýrslur frá lögreglu. Vitnisburður
lögreglumanna staðfesti að Þjóð-
verjinn hafi frá upphafi málsins
verið trúverðugur og allt sem hann
sagði varðandi málið hefði gengið
eftir. Íslendingurinn vildi aðeins
svara spurningum sem lutu beint
að ákærunni. Saksóknari spurði Ís-
lendinginn ástæðu þess að ætla
svona mikið magn til einkaneyslu.
Íslendingurinn svaraði því til að
hann gæti neytt tuga gramma af
amfetamíni á dag. Hann sygi efnið
ekki inn um nefið heldur borðaði
það. Hann sagist afla sér tekna í
spilakössum. Íslenskir söfnunar-
kassar hafa borgað honum samtals
150 þúsund krónur í vinninga.
Íslendingurinn hlaut reynslu-
lausn í maí 2002 eftir að hafa verið
dæmdur í fjögurra ára fangelsi
vegna aðildar sinnar að stóru fíkni-
efnamáli. Einnig hefur hann hlotið
átta refsidóma frá árinu 1990, með-
al annars fyrir fíkniefnabrot, þjófn-
að og skjalafals.
hrs@frettabladid.is
6 5. júní 2003 FIMMTUDAGUR
■ Evrópa
GENGI GJALDMIÐLA
Bandaríkjadalur 73.26 1,41%
Sterlingspund 119.58 0,00%
Dönsk króna 11.55 0,00%
Evra 85.73 0,00%
Gengisvístala krónu 120,04 1,19%
KAUPHÖLL ÍSLANDS
Fjöldi viðskipta 348
Velta 7.033 milljónir
ICEX-15 0.0 0,00%
Mestu viðskipti
Framtak Fjárf.banki hf. 433.768.626
Bakkavör Group hf. 110.643.482
Baugur Group hf. 104.685.096
Mesta hækkun
Hraðfrystistöð Þórshafnar hf. 17,50%
Nýherji hf. 2,53%
SÍF hf. 2,44%
Mesta lækkun
Vinnslustöðin hf. -2,50%
Opin kerfi hf. -1,50%
Íslandssími hf. -1,15%
ERLENDAR VÍSITÖLUR
DJ*: 9001,6 0,9%
Nasdaq*: 1620,0 1,0%
FTSE: 4126,6 0,3%
NIKKEI: 8557,9 -0,1%
S&P*: 980,7 0,9%
*Bandarískar vísitölur kl. 17.00
Veistusvarið?
1Lögreglan vinnur nú hörðum höndumað rannsókn fjársvikamáls hjá Lands-
símanum. Hvað heitir forstjóri Landssím-
ans?
2Hvaða knattspyrnumaður hlýturGullskóinn, sem veittur er af Sam-
bandi evrópskra íþróttatímarita, að þessu
sinni?
3Hvaða alþingismaður ætlar að takaþátt í danskeppni á sviði Borgarleik-
hússins næstkomandi laugardag?
Svörin eru á bls. 34
MENNINGARBORGIN LIVERPOOL
Liverpool á Englandi hefur verið
valin menningarborg Evrópu árið
2008. Talið er að tilnefningin
muni skapa um 14 þúsund störf í
Bítlaborginni frægu auk þess
sem um 1,7 milljónir ferðamanna
muni flykkjast þangað.
HEILBRIGÐISMÁL Sigurður Guð-
mundsson landlæknir vill ný lög
um auglýsingar á læknisverkum
og segir núverandi lög ekki taka
mið af aðstæðum nútímans. Land-
læknisembættið hefur gert at-
hugasemdir við auglýsingar
vegna lýtalækninga og augn-
aðgerða.
„Umræðan hefur snúist um
hvernig eigi að setja upplýsingar
frá fyrirtækjum sem sinna heil-
brigðisþjónustu af þessu tagi
fram á Netinu. Við höfum ekki
alltaf verið sátt við framsetningu
og fundist hún vera með auglýs-
ingablæ,“ segir Sigurður.
Landlæknir segir forsvars-
menn fyrirtækja alltaf hafa tekið
tilmælum mjög vel.
„Málin hafa verið leyst frið-
samlega. Hins vegar eru lög um
auglýsingar lækna orðin mjög
gömul og þarf að færa þau til nú-
tímahorfs. Þegar lögin voru sett
gat til dæmis engan órað fyrir
Netinu,“ segir Sigurður.
Að sögn landlæknis þarf laga-
breytingin ekki að vera flókin.
„En það þarf að sýna faginu virð-
ingu og koma því þannig fyrir að
þetta verði ekki eins og menn séu
að auglýsa appelsínur og banana.
Þeir þurfa samt að geta skamm-
laust komið fram upplýsingum
sem eru til gagns fyrir viðskipta-
vinina.“ ■
Landstjórn Færeyja:
Stöðvar ekki
verkfallið
FÆREYJAR Landstjórn Færeyja
ákvað í gær að grípa ekki inn í
verkfallið í landinu sem nú hefur
staðið yfir í 27 daga.
Þess í stað hvatti stjórnin aðila
á vinnumarkaðinum til að leysa
deilur sínar innbyrðis.
Atvinnurekendur og fulltrúar
fimm verkalýðsfélaga hittust í
þriðja sinn í gær án þess að nokk-
ur árangur næðist í viðræðunum.
Verkfallið hefur komið harðast
niður á færeyskum sjávarútvegi
þar sem milljarðar króna hafa
tapast. ■
LANDLÆKNISEMBÆTTIÐ
„Við höfum ekki alltaf verið sátt við fram-
setningu og fundist hún vera með auglýs-
ingablæ,“ segir Sigurður Guðmundsson
landlæknir um auglýsingar sumra einkafyr-
irtækja í læknisrekstri.
Landlæknir segir lækna í einkarekstri móttækilega
fyrir tilmælum:
Vill nútímalög um
læknaauglýsingar
■ Í DÓMSALNUM
Þýsk loftbrú með
peninga og fíkniefni
Íslendingur og Þjóðverji eru ákærðir fyrir innflutning á tæpum 900 grömmum af amfetamíni og
tæpu kílói af hassi. Þeir hafa setið í gæsluvarðhaldi síðan í nóvember. Mál þeirra tengist þýskum
smyglhring sem upprættur var fyrir nokkru.
Í HÉRAÐSDÓMI REYKJAVÍKUR
Sakborningurinn skýldi sér fyrir myndavélum á leið í dómsal. Hann sagðist nota mikið amfetamín en sýgur það ekki í nefið eins og
algengast er – hann borðar það.
■
Hann sagist
afla sér tekna í
spilakössum.
FR
ÉT
TA
B
LA
Ð
IÐ
/B
IL
LI