Fréttablaðið - 05.06.2003, Blaðsíða 8

5. júní 2003 FIMMTUDAGUR
RÁN Tvær unglingsstúlkur rændu
Subway-veitingastað í Spönginni í
Grafarvogi í fyrrakvöld. Þær
höfðu verið inni á staðnum í
nokkra stund áður en þær réðust
til atlögu vopnaðar hnífum og
ógnuðu starfsmönnum. Þær hrifs-
uðu til sín farsíma og veski starfs-
manna. Síðan læstu þær starfs-
menn í kæliklefa. Eftir það tóku
þær peninga úr afgreiðslukassa.
Af ótta við stúlkurnar þorðu
starfsmennirnir ekki að fara út úr
kæliklefanum í tuttugu mínútur.
Þá opnuðu þeir hurðina með
öryggishnappi sem er inni í klef-
anum.
Stúlkurnar, sem eru 17 og 18
ára, voru handteknar í húsi í Þing-
holtunum. Þar fundust fíkniefni
og talsvert af peningum. Húsráð-
andi var líka tekinn höndum. Þre-
menningarnir voru yfirheyrðir í
gær.
Að sögn lögreglu hafði önnur
stúlkan unnið á skyndibitastaðn-
um og þekkti vel til þar. ■
SUMARLAGERÚTSALA
SÍÐUSTU DAGARNIR
ALLT AÐ 70% AFSLÁTTUR
10 % AFSLÁTTUR AF NÝJUM VÖRUM
OPIÐ 10-18 LAUGARDAG 10-18
TESS V/DUNHAGA

SUBWAY Í GRAFARVOGI
Stúlkurnar höfðu verið drjúga stund á
staðnum áður en þær létu til skarar skríða.
Margsinnis var búið að reyna að vísa þeim
út áður en þær frömdu ránið.
Tvær unglingsstúlkur handteknar:
Rændu samlokustað
Trúverðugleiki
stjórnar í húfi
Breska stjórnin hefur verið sökuð um að hafa beitt blekkingum til að
vinna þingið og almenning á sitt band í Íraksdeilunni. Stjórnarandstæð-
ingar krefjast þess að óháð rannsókn verði gerð á þessum ásökunum.
BRETLAND, AP Tony Blair, forsætis-
ráðherra Bretlands, vísar því al-
farið á bug að skýrslu bresku
leyniþjónustunnar um vopnaeign
Íraka hafi verið breytt að tilskip-
an ríkisstjórnarinnar til þess að
réttlæta hernaðaraðgerðir gegn
Írökum. Hann hafnaði beiðni
þingmanna um óháða rannsókn á
ásökunum um blekkingar af hálfu
leyniþjónustunnar og ríkisstjórn-
arinnar.
Þingnefnd sem heyrir undir
forsætisráðherrann mun fara
með rannsókn málsins. Blair hef-
ur heitið því að nefndin fái í hend-
urnar öll gögn sem tengist málinu
og skýrsla hennar verði gerð opin-
ber. Iain Duncan Smith, leiðtogi
Íhaldsflokksins, telur aftur á móti
að óháð rannsókn sé óhjákvæmi-
leg þar sem trúverðugleiki ríkis-
stjórnarinnar sé í húfi.
Snarpar umræður spunnust
um málið á breska þinginu. For-
sætisráðherrann varði gjörðir
ríkisstjórnarinnar með kjafti og
klóm og sagði að það hefði verið
öllum ljóst að Írakar ættu ger-
eyðingarvopn löngu áður en deil-
urnar um hernaðaraðgerðir
hófust. „Ég er sannfærður um að
ótvíræðar sannanir um vopna-
eign Íraka muni finnast,“ sagði
Blair og lagði áherslu á að vopna-
leitin væri rétt að hefjast. For-
sætisráðherrann bætti því við að
þess bæri að minnast að íraska
þjóðinni fagnaði því heils hugar
að vera laus undan oki grimms
harðstjóra sem hefði myrt hund-
ruð þúsunda saklausra borgara.
Þrátt fyrir öfluga varnarræðu
Blair er ljóst að fram undan eru
erfiðir tímar hjá ríkisstjórninni,
að mati breska blaðsins The
Guardian. Farið verður nákvæm-
lega ofan í saumana á gjörðum
stjórnarinnar auk þess sem Blair
mun þurfa að svara ýmsum erfið-
um spurningum varðandi nýaf-
staðinn fund átta helstu iðnríkja
heims í Evian í Frakklandi.
Duncan Smith, höfuðandstæð-
ingur Tony Blair, sagðist trúa því
að stjórn Saddams Husseins hefði
haft yfir gereyðingarvopnum að
ráða og því hefði það verið rétt-
mæt ákvörðun að grípa til hernað-
araðgerða gegn Írak. Engu að síð-
ur hvatti hann forsætisráðherrann
til þess að heimila óháða rannsókn
á ofangreindum ásökunum til þess
að endurvinna traust almennings í
garð stjórnvalda. ■
TONY BLAIR FER Á FLUG
Breski forsætisráðherrann hafnaði beiðni þingmanna um óháða rannsókn á ásökunum
um að ríkisstjórnin og breska leyniþjónustan hafi hagrætt sannleikanum til þess að rétt-
læta stríð gegn Írak.
JP Nordiska:
Gögn enn
í rannsókn
LÖGREGLUMÁL Rannsókn lögregl-
unnar í Stokkhólmi á meintum
innherjasvikum tengdum yfir-
töku Kaupþings á JP Nordiska
stendur enn yfir.
Samkvæmt heimildum
Fréttablaðsins hafa þeir sex ein-
staklingar sem grunaðir eru í
málinu engar efnislegar upplýs-
ingar fengið frá lögreglunni frá
því lagt var hald á gögn í hús-
rannsókn hjá þeim á þriðjudag í
síðustu viku.
Lögregla er enn að skoða
gögnin. Ekki hefur heyrst að
nokkur mannanna hafi verið
kallaður í yfirheyrslu. Þeir sex-
menninganna sem hafa tjáð sig
opinberlega segja málið byggt á
misskilningi. ■