Fréttablaðið - 13.07.2003, Síða 8

Mér var einhverju sinni sagt að
Bill Gates teldi enga ástæðu til að
velta sér upp úr því sem vel væri
gert. Það skipti meira máli að
horfa á það sem miður fer; vanda-
málin, erfiðleikana, klúðrið. Þeir
sem einblína á það jákvæða ná
aldrei að laga það neikvæða. Þetta
er því eins konar öfugmælaboðorð
eins og í fjallræðunni; þeir ofurjá-
kvæðu munu sitja uppi í nei-
kvæðri stöðu en þeir neikvæðu
munu uppskera jákvæða stöðu. Nú
hef ég ekki hugmynd um hvort
Bill Gates hafi nokkru sinni sagt
neitt þessu líkt – hann er löngu
orðinn stærri en lífið og honum
hafa bæði verið eignuð afrek og
skammir óþekktari manna – en
það má einu gilda. Þetta er auðsjá-
anlega góð afstaða fyrir einbeitta
verkmenn en jafn augljóslega
leiðir hún til fúllyndis. Það er hart
að geta aldrei glaðst yfir góðum
verkum en verða sífellt að finna
sér ný vandamál að leysa. Ég ætla
því að leyfa mér að líta yfir farinn
veg og rifja upp eitt ár í lífi Frétta-
blaðsins.
Stóraukin útgáfa
Í gær var eitt ár liðið síðan Frétt
ehf. hóf að gefa út Fréttablaðið.
Fyrri útgefandi hafði komist í þrot
og megnaði ekki að halda útgáf-
unni áfram. Endurreisn Frétta-
blaðsins var nokkuð átak. Þrátt
fyrir að blaðið nyti velvildar les-
enda hafði barningur í rekstri
gengið mjög á traust á útgáfunni.
Fréttablaðið var ekki ólíkt sokkn-
um togara; nýtt útgáfufélag tók að
sér að hífa hann upp á yfirborðið,
lagfæra skemmdir og hefja nýja
útgerð. Þar sem fyrri útgerð hafði
ekki gengið upp var sú skoðun út-
breidd að það sama hlyti að endur-
taka sig. Ofan á þá vantrú lagðist
síðan útbreiddur ósiður í íslensku
samfélagi, sem er að leggja fæð á
allt sem nýtt er
og getur raskað
því jafnvægi
sem fyrir er.
Starfsmenn
og aðstandendur
Fréttablaðsins
lögðu sig hins
vegar ekki eftir
spádómum utan-
aðkomandi um
reksturinn held-
ur byggðu upp
dagblað eftir
eigin skynsemi
og samkvæmt
eigin áætlunum.
Í upphafi var
tekin ákvörðun
um að fjölga utgáfudögum. Frétta-
blaðið hafði komið út alla virka
daga en nú var laugardagsútgáfu
bætt við. Í október í fyrra var
byrjað að bera Fréttablaðið út á
heimili á Akureyri auk heimila á
höfuðborgarsvæðinu. Í mars bætt-
ust Suðurnesin við og frá þeim
tíma hefur Fréttablaðið verið bor-
ið út á morgnana á um 75 prósent
heimila á landinu. Samhliða
stækkun dreifingarsvæðisins
fjölgar sífellt heimilum innan
svæðisins. Í dag er Fréttablaðið
borið út í hverfi sem voru lítið
annað en nokkrir húsgrunnar fyr-
ir ári. Samhliða dreifingu í hús á
Akureyri síðastliðið haust var
Fréttablaðinu dreift í verslanir,
bensínstöðvar og aðra sölustaði
víða um land og nú er svo komið
að hægt er að nálgast Fréttablaðið
á svo til öllum þéttbýlisstöðum á
Íslandi. Á hverjum degi ná um 11
þúsund manns sér í Fréttablaðið á
þessa staði.
Með sunnudagsútgáfu Frétta-
blaðsins, sem hefur göngu sína í
dag, verður Fréttablaðið borið út á
heimili á höfuðborgarsvæðinu,
Suðurnesjum og Akureyri alla
morgna vikunnar, ef undan eru
skildir einstaka hátíðisdagar og
langar helgar þar sem margir frí-
dagar raðast saman. Á einu ári
hefur því útgáfudögum Frétta-
blaðsins verið fjölgað úr um 250 á
ári í 360 útgáfudaga; heimili sem
fá Fréttablaðið á hverjum morgni
hefur fjölgað úr 68.500 í rúm
82.000 og upplag blaðsins hefur
vaxið úr 69.000 eintökum í 93.000
eintök. Fyrir ári unnu um 530 blað-
berar við útburð á Fréttablaðinu.
Vegna sunnudagsútgáfunnar eru
nú tveir blaðberar í hverju hverfi
– annar um helgar en hinn á virk-
um dögum – og heildarfjöldi blað-
bera er því um 1.280 manns.
Sífellt efnismeira blað
Í nóvember í fyrra var tekinn í
gagnið fyrsti hluti nýrrar prent-
vélar, sem keypt var til landsins til
að annast prentun Fréttablaðsins.
Þar með gat Fréttablaðið borðið
upp á fyrsta flokks dagblaðaprent-
un. Auk þess var þá fyrst mögu-
legt að gefa út stærra blað en 24
blaðsíður. Í maí síðastliðnum var
Fréttablaðið að meðaltali rúmar
40 síður hvern útgáfudag. Blaðið
mun minnka eitthvað yfir sumar-
tímann en án efa verða enn stærra
með haustinu. Með stækkun blaðs-
ins og laugardagsútgáfunni hafa
útgefnar blaðsíður Fréttablaðsins
tvöfaldast á einu ári. Með tilkomu
sunnudagsblaðsins má ætla að
vöxturinn verði enn meiri.
Fleiri blaðsíður hafa gefið
Fréttablaðinu færi á að auka þjón-
ustu sína við lesendur. Grunnþjón-
usta blaðsins hefur verið efld –
fréttaþjónusta og helstu upplýsing-
ar sem fólk þarf á að halda frá degi
til dags – en jafnframt hafa nýir
efnisþættir verið teknir upp. Ítar-
legri greinar og viðtöl um helgar
hafa bæst við, fleiri pistlahöfundar
hafa bæst í hópinn, fréttaskýring-
um hefur fjölgað, ítarlegar er
greint frá því sem skemmtana- og
menningarlífið býður upp á og
meiri áhersla er lögð á að fjalla um
persónur, atburði og strauma í
samfélaginu sem hafa áhrif á okk-
ur en rata ekki alltaf inn í fréttir.
Nýverið byrjaði Fréttablaðið að
fjalla sérstaklega um einstaka
efnisþætti á sérmerktum síðum –
ferðir o.fl. á fimmtudögum, mat
o.fl. og bíó o.fl. á föstudögum, bíla
o.fl., hús o.fl. og heimili o.fl. á
mánudögum. Markmiðið er að fjöl-
ga þessum efnisþáttum á næstu
vikum og mánuðum. Í mars byrjaði
Fréttablaðið að gefa út vikulegt
tímarit, Birtu, með vikulegri dag-
skrá sjónvarpsstöðvanna, viðtöl-
um, greinum og fróðleik. Og í maí
hófst útgáfa sérstaks fasteigna-
blaðs á mánudögum. Á meðan þessi
blöð festa sig í sessi mun Frétta-
blaðið undirbúa útgáfu á fleiri
slíkum fylgiblöðum.
Samhliða útgáfu sífellt meira
og fjölbreyttara efnis hefur magn
auglýsinga í Fréttablaðinu stór-
aukist en þær eru ekki síður mik-
ilvægur þáttur útgáfunnar en efni
blaðsins. Í auglýsingum fá lesend-
ur upplýsingar um hagstæð kaup,
kynnast nýjum vörum og fá upp-
lýsingar um þjónustu og vörufram-
boð fyrirtækja. Fréttir, efni og aug-
lýsingar Fréttablaðsins gefa fólki
því í raun allar þær upplýsingar
sem venjulegur borgari á Íslandi
þarf á að halda á hverjum degi. Í
dag hefur Fréttablaðið góða hlut-
deild í dagblaðaauglýsingum. Í júní
birtist í fyrsta skipti meira magn af
almennum auglýsingum í Frétta-
blaðinu en í sama mánuði í Morg-
unblaðinu. Fréttablaðið hefur ein-
nig náð góðri stöðu á markaði fyrir
smáauglýsingar, fasteignaauglýs-
ingar, raðauglýsingar og ýmiss
konar þjónustuauglýsingar.
Sífellt meiri lestur
Fyrir rúmu ári lásu um 65 prósent
íbúa á höfuðborgarsvæðinu
Fréttablaðið að meðaltali hvern
útgáfudag. Í dag lesa 76 prósent
íbúa á svæðinu Fréttablaðið hvern
dag. Það er meiri lestur en önnur
dagblöð höfðu fyrir tilkomu
Fréttablaðsins. Þessi mikli lestur
á Fréttablaðinu byggist á því að
annars vegar hefur Fréttablaðið
aukið við dagblaðalestur og hins
vegar hefur dregið úr lestri hinna
dagblaðanna. Fyrir tilkomu
Fréttablaðsins lásu 70 prósent
íbúa á svæðinu Morgunblaðið en
34 prósent DV. Samanlagður lest-
ur dagblaðanna var því 4 prósent-
um meiri en sem nam íbúafjöldan-
um. Í dag er lesturinn 60 prósent
meiri en íbúafjöldinn; með öðrum
orðum er það algengara að fólk á
höfuðborgarsvæðinu lesi tvö eða
fleiri blöð en að það lesi aðeins eitt
eða ekkert. Þessi viðbót við dag-
blaðalestur er meiri en nemur
samdrætti í lestri á hinum blöðun-
um. Meðallestur á Morgunblaðinu
á svæðinu er kominn niður í 59
prósent – sem er álíka lestur og
Fréttablaðið mældist með árið
2001, þegar það hafði komið út í
fimm mánuði. Meðallestur DV er
nú um 24 prósent á svæðinu. Með
tilkomu Fréttablaðsins jókst því
dagblaðalestur um 60 prósent á
höfuðborgarsvæðinu en lestur á
gömlu blöðunum dróst saman; les-
endum Morgunblaðsins fækkaði
um 16 prósent og lesendum DV
um 29 prósent.
Fréttablaðið komst yfir lestur
Morgunblaðsins á höfuðborgar-
svæðinu í október í fyrra og yfir
lestur Morgunblaðsins á landinu
öllu í febrúar á þessu ári. Í dag er
Fréttablaðið lesið af 66 prósentum
landsmanna að meðaltali hvern út-
gáfudag en Morgunblaðið af 53
prósentum landsmanna. Tveir af
hverjum þremur Íslendingum lesa
því Fréttablaðið en einn af hverj-
um tveimur Morgunblaðið. Frétta-
blaðið hefur ekki aðeins mikla yfir-
burði á landsvísu heldur einnig í
öllum aldurshópum, öllum mark-
hópum, báðum kynjum, öllum
landshlutum og alla útgáfudaga.
Það eru því engar ýkjur þegar við
höldum því fram að Fréttablaðið sé
mest lesna dagblað á Íslandi – af
öllum, alls staðar, alltaf. Það sama
má í raun segja um fylgirit Frétta-
blaðsins, Birtu. Birta var ekki orð-
in mánaðargömul þegar hún var
orðin mest lesna tímarit landsins.
Lestur Fréttablaðsins er orðinn
svo víðtækur að við þekkjum engin
sambærileg dæmi í sögunni. Um 95
prósent íbúa á Suðvesturhorninu
segjast lesa Fréttablaðið einhverju
sinni vikunnar. Um 75 prósent
fólks á þessu svæði lesa blaðið
hvern dag. Um 66 prósent allra Ís-
lendinga lesa Fréttablaðið upp á
hvern dag. Það er bæði óþekkt í Ís-
landssögunni að dagblað hafi náð
þessari fótfestu og eins engin
dæmi þess í veröldinni að dagblað
hafi jafn sterka stöðu á einstöku
markaðssvæði. Fréttablaðið er því
í raun einstakur auglýsingamiðill.
Lesendahópur Fréttablaðsins
hvern dag er næstum 25 prósent
stærri en lesendur næsta dagblaðs
og meira en 50 prósent fjölmennari
en áhorfendur að vinsælasta sjón-
varpsþætti landsins, samkvæmt
síðustu könnun.
Kröftugt starfsfólk
Þetta kann orðið að hljóma eins og
mikil lofgjörð – en svona er þetta
nú samt. Þetta eru ávextir þessa
eina árs í sögu Fréttablaðsins og af
þeim getið þið þekkt starfsfólk
blaðsins. Fréttablaðið er nefnilega
einstaklega auðugt af starfsfólki.
Sá fámenni hópur sem hefur aukið
útbreiðslu og lestur Fréttablaðsins,
aukið við efni þess og þjónustu og
byggt upp trygga stöðu á auglýs-
ingamarkaði er með fádæmum
ósérhlífinn og samstilltur. Það hef-
ur verið mér bæði heiður og ómæld
ánægja að fá að fylgjast með hon-
um að störfum. Þetta fólk hefur trú
á Fréttablaðinu og þykir vænt um
þá hugmynd sem liggur að baki því
– að gefa landsmönnum fullburða
og gott dagblað upp á hvern dag.
Starfsfólk Fréttablaðsins hefur
sýnt að það er tilbúið að stíga yfir
hverja hindrun til að gera þessa
hugmynd að veruleika. Og þegar
ég fylgist með fólkinu raungera
hugmndir sínar átta ég mig á að
með réttu hugarfari og mátulegum
dugnaði er ekkert ómögulegt – í
það minnsta ekkert sem er þess
virði að verði til.
Það hefur líka verið ánægjulegt
þetta ár að finna fyrir þeim vel-
vilja og stuðningi sem Fréttablað-
ið nýtur meðal þjóðarinnar. Að
sumu leyti bjóst ég við jákvæðum
samskiptum við fólk – Fréttablað-
ið er nú einu sinni dagblað sem er
borið heim til fólks alla morgna
því að kostnaðarlausu – en sá
stuðningur sem við á Fréttablað-
inu finnum fyrir er meiri en búast
hefði mátt við. Þetta tvennt – góð-
ur hópur starfsmanna og velvilji í
samfélaginu – er mikilvægasta
eign Fréttablaðsins. Ef Fréttablað-
inu lánast að halda í þetta tvennt
er aldrei að vita nema næstu tólf
mánuðir verði jafn viðburðaríkir
og gjöfulir og þessir tólf sem liðn-
ir eru síðan nýtt útgáfufélag end-
urreisti Fréttablaðið. ■
„Þetta fólk
hefur trú á
Fréttablaðinu
og þykir vænt
um þá hug-
mynd sem
liggur að baki
því – að gefa
landsmönn-
um fullburða
og gott dag-
blað upp á
hvern dag.
Bandarísk og bresk yfirvöld aug-lýsa nú eftir Saddam Hussein.
Líkt og annar stríðsherra og óvinur
Bandaríkjanna, Osama bin Laden,
virðist engu líkara en Saddam sé horf-
inn af yfirborði jarðar. Hugsanlegt
þótti að Saddam væri látinn, en upp-
tökur með rödd hans sem bárust fjöl-
miðlum í liðinni viku þykja benda til
þess að hann sé enn á lífi. Saddam
fæddist í apríl 1937 í þorpinu Al-Awja
norður af Bagdad. Hann hóf ungur af-
skipti af stjórnmálum og tók meðal
annars þátt í misheppnaðri tilraun
hins íraska Baath-flokks til þess að
ráða af dögum þáverandi forsætisráð-
herra landsins árið 1959 og hlaut fyrir
það fangelsisdóm. Hagur Saddams átti
þó eftir að vænkast og árið 1979 tók
hann við stöðu forseta Íraks, eftir að
hafa verið næstráðandi um nokkurt
skeið. Hann lét fljótlega til skarar
skríða gegn nábúum sínum í austri,
Íran, og gerði þangað innrás árið 1980
í kjölfar landamæradeilna. Styrjöldin
stóð í átta ár og naut Saddam dyggi-
legs stuðnings Bandaríkjamanna á
meðan á henni stóð. Hvorugt ríkið
sigraði, þó svo Saddam hafi borið sig
karlmannlega og lýst yfir sigri sínum.
Írak var stórskuldugt ríki að stríðinu
loknu og skuldaði meðal annars Kúvæt
ógrynni fjár. Saddam réðist því inn í
Kúvæt árið 1990, sem var feilspor og
markaði upphafið að deilum hans og
átökum við Vesturlönd. Saddam notaði
ofbeldi sem stjórntæki í forsetatíð
sinni og var aðdáandi Stalíns. Fjöl-
margir flúðu ógnarstjórn hans, ef þeir
náðu yfirhöfuð að komast lífs af.
Saddam var sagður búa yfir gereyð-
ingarvopnum en þau hafa ekki enn
komið í leitirnar frekar en hann sjálf-
ur. Saddam er mikill maður vexti,
handstór og með þykkt yfirvaraskegg.
Síðast þegar sást til hans var hann
með þykk gleraugu. Hann er bakveik-
ur og haltrar eftir meiðsli sem hann
hlaut í stríðinu við Íran. Þeir sem hafa
orðið varir við ferðir Saddams eru
beðnir um að láta Donald Rumsfeld
vita. ■
8 13. júlí 2003 SUNNUDAGUR
Útgáfufélag: Frétt ehf.
Ritstjóri: Gunnar Smári Egilsson
Fréttastjóri: Sigurjón M. Egilsson
Ritstjórnarfulltrúar: Reynir Traustason
og Steinunn Stefánsdóttir
Auglýsingastjóri: Þórmundur Bergsson
Ritstjórn, auglýsingar og dreifing:
Suðurgötu 10, 101 Reykjavík
Aðalsími: 515 75 00
Símbréf á fréttadeild: 515 75 06
Rafpóstur: ritstjorn@frettabladid.is
Símbréf á auglýsingadeild: 515 75 16
Rafpóstur: auglysingar@frettabladid.is
Setning og umbrot: Frétt ehf.
Prentvinnsla: Ísafoldarprentsmiðja ehf.
Fréttablaðinu er dreift ókeypis á heimili á höfuð-
borgarsvæðinu, Suðurnesjum og Akureyri. Einnig er
hægt að fá blaðið í völdum verslunum á lands-
byggðinni. Fyrirtæki geta fengið blaðið gegn greiðslu
sendingarkostnaðar; kr. 1.100 á mánuði.
Fréttablaðið áskilur sér rétt til að birta allt efni
blaðsins í stafrænu formi og í gagnabönkum
án endurgjalds.
ISSN 1670-3871
Hvar er Saddam? ■ Af Netinu
Íslandsmet í bulli innanhúss
„....látum vera þó samgöngu-
ráðherra virðist ekki hafa
áttað sig á því að sjálfsagt
styttist í að Íslendingar þurfi
að taka mun ríkari þátt í
rekstri Keflavíkurflugvallar,
en hvað í ósköpunum á hann
við þegar hann segir að hann
vilji efla Reykjavíkurflugvöll?
Vill hann auka flugumferðina
yfir miðbænum og Þingholt-
unum? Kannski stærri flug-
vélar með stærri eldsneytis-
geyma? Ég hef heyrt Sturlu
Böðvarsson segja ýmislegt
um dagana, en þarna fannst
mér hann setja nýtt Íslands-
met í bulli innanhúss.“
ANDRÉS MAGNÚSSON Á STRIK.IS
Smáa letrið
Sunnudagsbréf
GUNNAR SMÁRI EGILSSON
■ skrifar um eitt ár í lífi dagblaðs.
Sunnudagsblað Fréttablaðsins:
Lokapunktur tólf gjöfulla mánaða