Fréttablaðið - 19.09.2003, Side 8
8 19. september 2003 FÖSTUDAGUR
Með hausverk
á virkum
Það er minn
hausverkur.
Einar Sveinsson, forstjóri
Sjóvá-Almennra, um
kaup á genginu 40 og
sölu á genginu 37. Blaða-
mannafundur vegna
kaupa Íslandsbanka á
Sjóvá-Almennum, 18. september.
Talað skýrt
Hann er hálfviti.
Slobodan Milisic um dómarann sem gaf honum
rauða spjaldið. DV, 18. september.
Hið milda vald
Hann er hlynntur vægum refs-
ingum. Þykja mér það góð með-
mæli með nýjum hæstaréttar-
dómara.
Páll Skúlason lögfræðingur um
Ólaf Börk Þorvaldsson hæstaréttardómara.
Morgunblaðið, 18. september.
KJARAMÁL Starfsgreinasambands
Íslands fordæmir framkomu ít-
alska verktakans Impregilo við
starfsmenn á virkjunarsvæðinu við
Kárahnjúka. Ályktun þess efnis var
samþykkt á fundi framkvæmda-
stjórnar sambandsins í gær.
„Ákvæði kjarasamnings um að-
búnað, öryggismál og launakjör
hafa verið brotin.,“ segir í ályktun
sambandsins. „Starfsgreinsasam-
bandið undrast hvernig Samtök
atvinnulífsins hafa komið fram
eins og bakhjarl fyrirtækisins í
þeim deilum sem staðið hafa
vegna brota á ákvæðum kjara-
samningsins. Starfsgreinasam-
bandið gerir þá kröfu að Samtök
atvinnulífsins beiti sér í því að
kjarasamningur sem þau hafa
gert og bera ábyrgð á gagnvart
landsamböndum ASÍ og fyrir
hönd Landsvirkjunar, sé virtur.“
Starfsgreinasambandið segir yf-
irlýsingar utanríkisráðherra um
gæði framkvæmdaaðila við Kára-
hnjúka vanhugsaðar. Leggur sam-
bandið traust sitt á að félagsmála-
ráðherra taki á þeim vinnumark-
aðslegu vandamálum sem þar hafa
komið upp.
„Fyrirtæki eiga ekki að geta ráð-
ið starfsfólk í gegnum erlendar
starfsmannaleigur á öðrum kjörum
en hér gilda. Setja þarf í lög ákvæði
um að starfsmenn, sem fyritæki
kunna að ráða til starfa erlendis frá
eða í gegnum starfsmannaleigur,
skuli fá öll laun sín greidd á Ís-
landi,“ segir í ályktuninni. ■
MEINDÝRAVARNIR „Ég hafði ekkert
með hvarf þessara heimiliskatta
að gera,“ segir Valur Richter,
meindýraeyðir Ísafjarðarbæjar,
sem kærður var til lögreglu fyrir
að hafa skotið í gegnum kjallara-
hurð Höskuldar Guðmundssonar,
kattaeiganda í Fjarðarstæti 38 á
Ísafirði.
Höskuldur ber Val þeim sökum
að hafa drepið annan tveggja
heimiliskatta sinna og líklega hinn
líka. Þar vísar
Höskuldur til þess
að báðir kettirnir
hafi horfið spor-
laust í byrjun ágúst
en annar þeirra var stærðarinnar
norskur skógarköttur. Höskuldur
segir að sést hafi til Vals katta-
bana við lóð sína að kveldi þess
dags sem kettirnir hurfu.
„Ég hef ekki viðurkennt að hafa
tekið heimiliskött hans. Það er al-
gjört rugl. Mestu kattavandræðin í
bænum eru í húsi Höskuldar. Hann
elur villiketti í kjallaranum og er
með hlera þar sem hann hendir
niður til þeirra mat. Þessu fylgir
mikill óþrifnaður og nágrannarnir
hafa ítrekað kvartað. En ég fæ
ekki að fara inn í kjallarann til að
ná í villikettina,“ segir Valur.
Hann staðfestir að helstu veiði-
lendurnar séu lóð Höskuldar enda
haldi tugir villikatta til í kjallaran-
um hjá honum.
„Ég held mig oft við lóðarmörk-
in og sit fyrir villiköttunum þegar
þeir skjótast upp úr kjallaranum.
En ég gæti þess að fara ekki inn á
lóðina enda hef ég ekki leyfi til
þess. Í þessari törn hef ég náð 25
köttum á lóðinni,“ segir Valur, sem
kveðst venjulega fella 40 til 50
ketti á ári.
Hann viðurkennir að skot hafi
óvart farið í gegnum kjallarahurð
Höskuldar í hita leiksins.
„Ég var lengi búinn að sitja fyr-
ir læðu sem heldur til í kjallaran-
um. Þegar ég sá hana á lóðinni
skaut ég hana. Skotið lenti í stein-
hellu og kastaðist þaðan í kjallara-
hurðinni. Þetta er óvenjulegt enda
gæti ég alltaf ítrustu varúðar. Ég
er þegar búinn að bjóða Höskuldi
bætur vegna skemmdanna,“ segir
Valur, sem ótrauður heldur áfram
að berjast gegn villikattaplágunni
í Ísafjarðarbæ. Hann segir nauð-
synlegt að gefin verði út reglu-
gerð í Ísafjarðarbæ þar sem tak-
markað verði hve margir kettir
verði á hverju heimili.
rt@frettabladid.is
KOMIÐ TIL HEATHROW
Farþegum var neitað um endurgreiðslu en
boðnir ferðapunktar, sem þeir geta notað
með flugi hægfara þotna.
Concorde bilaði:
Tólf tíma
á leiðinni
LONDON, AP Farþegar sem lögðu
upp frá New York til London með
Concorde, hraðskreiðustu far-
þegaþotu heims, komust loks á
leiðarenda, tólf tímum síðar, með
rútu frá Wales.
Ferðin fór ekki vel af stað þar
sem vélarbilun tafði brottför um
klukkustund. Þegar vélin var
komin langleiðina til London bil-
aði einn hreyfill og því þurfti að
fljúga henni á innan við hljóð-
hraða síðasta spölinn. Það leiddi
til aukinnar eldsneytisnotkunar
þannig að þegar vélin nálgaðist
Bretlandseyjar var eldsneytið um
borð orðið hættulega lítið. Því var
brugðið á það ráð að lenda í Car-
diff og flytja fólkið síðasta spöl-
inn í rútuferð sem tók sex tíma.
Fólkinu var að lokum neitað
um endurgreiðslu. ■
UPPSKERAN SKOÐUÐ
Mikið fjör var þegar uppskeran var tekin
upp og sumir borðuðu grænmetið nánast
beint upp úr jörðinni. Aðrir voru hissa á að
það kæmi úr jörðinni en ekki úr búðinni.
Seltjarnarnes:
Haustupp-
skera skóla-
garðanna
BÆJARMÁL Nú er haustuppskera
skólagarða Seltjarnarness komin í
hús enda komið haust.
Á dögunum var 5 ára börnum
leikskóla Seltjarnarness boðið að
taka upp það sem eftir varð í
skólagörðunum en það hefur ver-
ið venjan undanfarin ár.
Á vorin láta umsjónarmenn
skólagarðanna jafnan setja niður
nokkuð umframmagn grænmetis
sem elstu börnum leikskólanna er
síðan boðið að taka upp og hafa
með sér heim. Tilgangurinn er að
vekja áhuga þeirra og hvetja þau
þar með til að sækja skólagarðana
en þeir eru fyrir yngri árganga
grunnskólans. ■
STOKKHÓLMUR, AP Mikill viðbúnað-
ur er í Stokkhólmi vegna minn-
ingarathafnar um utanríkisráð-
herrann Önnu Lindh sem fram
fer í ráðhúsinu í dag. Öll flugum-
ferð yfir miðborgina hefur verið
bönnuð og götum í grennd við
ráðhúsið lokað.
Búist er við því að um 1.300
manns verði viðstaddir athöfnina,
þar á meðal fjöldi sænskra ráða-
manna og erlendra fyrirmanna.
Hundruð lögreglumanna munu
gæta öryggis gestanna. Lindh
hafði í gegnum starf sitt myndað
tengsl við fjölda ráðamanna um
allan heim. Á meðal þeirra sem
boðað hafa komu sína til Stokk-
hólms til að heiðra minningu
hennar eru Romano Prodi, forseti
framkvæmdarstjórnar Evrópu-
sambandsins, og utanríkisráð-
herrarnir Joschka Fischer, Dom-
inique de Villepin og Jack Straw
auk danska forsætisráðherrans
Anders Fogh Rasmussen. Halldór
Ásgrímsson utanríkisráðherra,
Siv Friðleifsdóttir umhverfisráð-
herra og Svavar Gestsson sendi-
herra verða viðstödd athöfnina
fyrir Íslands hönd. Colin Powell,
utanríkisráðherra Bandaríkjanna,
afboðaði komu sína vegna felli-
bylsins Isabel.
Sænski forsætisráðherrann
Göran Persson og Georgios
Papandreou, utanríkisráðherra
Grikklands, munu ávarpa gesti. ■
Valur Richter, meindýraeyðir Ísafjarðarbæjar, berst við villikattaplágu í fjölbýlishúsi.
Skaut 25 ketti á lóðinni. Býður bætur vegna riffilskots sem fór í gegnum hurð.
Kattabani sver fyrir
norskan skógarkött
■
„Í þessari
törn hef ég
náð 25 köttum
á lóðinni.“
VALUR RICHTER
Hefur sagt villiköttum stríð á hendur. Hér er hann að vísu með mink, sem er þó
óæskilegur talinn innan bæjarmarkanna ekki síður en villikettir.
Minningarathöfn um Önnu Lindh, utanríkisráðherra:
Flugumferð bönnuð
og götum lokað
BLÓM VIÐ ÞINGHÚSIÐ
Fjöldi manna hefur skilið eftir blóm og
kerti á tröppunum fyrir framan þinghúsið í
Stokkhólmi til þess að heiðra minningu
Önnu Lindh utanríkisráðherra.
HÆSTIRÉTTUR
Dómi Héraðsdóms Reykjavíkur var
snúið við.
Finnlandsferð Hóla-
Biskups:
Milljón
í bætur
DÓMSMÁL Hæstiréttur hefur snúið
dómi Héraðsdóms Reykjavíkur
og dæmt konu eina til að greiða
meðeiganda sínum í stóðhestinum
Hóla-Biskupi eina milljón króna í
bætur fyrir að hafa flutt hestinn
til Finnlands. Þannig hafi meðeig-
andinn misst eignarhald sitt á
skepnunni.
Meðeigandinn fékk heilablóð-
fall í febrúar árið 2000 og var svo
illa á sig kominn að honum var
skipaður lögráðamaður. Tæpu ári
síðar flutti konan hestinn utan í
því augnmiði að selja hann.
Hvorki meðeigandinn né lögráða-
maðurinn voru inntir álits á þess-
ari ráðstöfun. ■
Starfsgreinasamband Íslands:
Undrast vinnubrögð
Samtaka atvinnulífsins
GAGNRÝNA RÁÐHERRA
Starfsgreinasambandið segir yfirlýsingar Halldórs Ásgrímssonar utanríkisráðherra
um gæði framkvæmdaaðila við Kárahnjúka vanhugsaðar.
Orðrétt