Tíminn - 06.10.1971, Blaðsíða 7

2ÍIÐVIKUDAGUR 6. október 1971
TÍMINN
Hittir
keisarinn
Maó?
NTB—Peking, þriðjudag.
Haile Selassie, Eþíópíukeisari
kemur á morgun til Peking í
viku heimsókn. Talið er, að
hann muni hitta marga af
æðstu mönnum landsins a'ð
máli. Margir hafa beðið í of-
vaeni eftír þessari heimsókn
keisarans, ef vera kynni, að
eitthvað kæmi þá í ljós um
Mao formann, sem ekki hefur
sézt á kreiki síðustu vikurnar.
Keisarinn er 79 ára gamall
og áreiðanlega einn víðreistasti
þjóðhöfðingi heimsins og hefur
hjartanlegustu sambönd bæði
við Sovétrákin og vesturveldin.
Fréttaskýrendur í Peking líta
á þessa heimsókn hans til að
afla sér enn meiri sambanda,
þar sem Kína stendur nú á
þröskuldi Sameinuðu þjóðanna.
Þess hefur verið vænzt, að
keisarinn muni ræða við Mao
formann og „krónprinsinn'-
Lin Piao, en enginn veit hvað
verður með þá hlið málsins,
því Mao er sagður hafa fengið
hjartaslag um daginn.
Bandaríkin sprengja 250 sinnum
Hiroshima-sprengju í mánuðinum
Getur sett af stað jarðskjálfta og eyðilagt laxastofninn í Kyrrahafi
SB—Reykjavík, þriðjudag.
Eftir rúman hálfan mánuð
mun Bandaríkjamenn sprengja
kjarnorkusprengju, sem er 250
sinnum öflugri, en sú, sem lagði
Hirosliiina í rúst. Mikil mótmæli
eru nú höfð í frammi gegn þess-
ari sprengingu. Vísindamenn
segja, að hún geti komið af stað
jarðskjálfta á borð við þann, sem
eyðilagði San Fransisco fyrir 67
árum. Náttúruverndarar scgja, að
allur laxastofninn í Kyrrahafinu
geti þurrkazt út.
Sprengjan verður sprengd í
2000 metra djúpu gljúfri á Ale-
úta-eyjum í Norður-Kyrrahafi.
Sprengjumátturinn svarar til
fimm milljóna tonna af dýnamiti.
Þar sem staðurinn er aðeins um
500 km. frá Rúslandi, var spreng
ingunni frestað, þar til Kosygin
er kominn til Kanada, svo öruggt
sé, að hann komi ekki til með
að finna jörðina titra undir fót-
um sér.
Þessa dagana er verið að leggja
síðustu hönd á undirbúning
sprengingarinnar og vinna 400
manns við það og hefur senni-
lega aldrei verið annar eins mann
fjöldi samankominn á þessari
eyðieyju, sem heitir Anichitka. Út
af öllum þeim mótmælum, sem
fram hafa kornið, frá vísindamönn
um, náttúruverndurum og ríkis-
stjórnum, segja þeir í bandaríska
landvarnarráðuneytinu, að þeir
þurfi á þessurri hvelli að halda,
þó ekki sé nema til að styrkja
afslö'ðu sína í samningaviðræðun
um um afvopnun sem nú eiga sér
stað.
Eyjan Amchikta liggur á sama
jarðskjálftabelti og San Fran-
cisco, en þar varð mikill jarð-
skjálfti síðast í fyrra. Öldunga-
deildarþingmaður Alaska, Mike
Gravel, hefur síðustu dagana
hringt til Hvíta hússins tvisvar á
dag til að skýra frá grunsemdum
sínum — og annarra um afleið-
ingar þær, sem kynnu að verða
af sprengingunni.
Hann segir sprenginguna geta
mælzt 7 stig á Richterkvarða og
liún geti hæglega komið af stað
eðlilegum jarðskjálfta, mun
stærri og með gríðarlegri flóð-
bylgju í kjölfarinu.
Einn af uppfinningamönnum
kjarnorkusprengunnar, Edward
Kissinger undirbýr Kínverja
— undir innrás blaðamanna
NTB—Waslihigton, þriðjudag.
Ráðgjafi Nixons í öryggis- og
ntanríkismálum, Henry Kissinger,
fer í lok mánaðarins í fjögurra
daga heimsókn tíl Peking. Þar
mnn hann ásamt fulltrúum kín-
versku stjómarnmar skipuleggja
fyrstu opinbera heimsókn banda
rísks þjóðhöfðinga til Alþýðulýð
veldisins Kína. Ekki er enn ákveð
ið, hvenær Nixon fer til Kína, en
það verður sennilega ákveðið, fljót
lega eftir, að Kissinger kemwr aft
nr heim.
Margir hafa verið þeirrar skoð
unar, að ferðalagi Nixons verði
aflýst vegna ástandsins í Kína,
sem enginn veit reyndar hvemig
er, en svo virðist þó ekki ætla að
verða.
Kissinger mun hafa með sér
10 menn úr utanríkisráöuneytinu,
Hvíta húsinu og af eigin skrif-
stofu. Einn af þeim mun hafa það
starf að fóðra kínverska frétta-
menn á upplýsingum og búa þá
undir að líta augum þann herskara
af fréttamönnum, sem venjulega
fylgja í kjölfar Nixons.
— Ég held, að Kínverjar hafi
aldrei í sinni löngu og æruverð-
uðu sögu augum litið nokkuð í
líkingu við blaðamannafylgdarlið
forseta, sagði Kissinger á blaða-
mannafundi fyrir skömmu.
Hann undirstrikaði, að Banda
ríkin og Kína eru í beinu sam-
bandi, þrátt fyrir að ekki er
stjómmálasamband milli ríkjanna.
Aðspurður um, hvort ástandið í
Kína myndi hafa einhver áhrif
á ferð Nixons, svaraði hann, að
Kínverjar virtust alls ekki hafa
skipt urn skoðun í því máli.
Israelsmenn farnir að smiða
eldflaugar fyrir kjarnaodda
NTB—Washington, þriðjudag. i það er leiðin milli Tel Aviv og
f grein í New York Times í dag, Karió. Eldflaugarnar verða vænt-
segir að ísraelsmenn séu farnir að anlega tilbúnar eftir fáa mánuði.
framleiða eldflaugar sem draga Þetta eru tveggja þrepa eld-
um 500 kílómetra vegalengd, en I flaugar, sem fengið hafa nafnið

SÉRA JAKOB TIL PERSÍU
SJ—Reykjavík, þriðjudag.
Séra Jakob Jónsson og kona
hans Þóra Einarsdóttir fóru
áleiðis til Teheran í Persíu á
mánudag til að taka þátt í há-
tíðahöldum, sem senn hefjast
vegna 2500 afmælis Persaríkis.
Ástæðan til þess að persa-
keisari bauð séra Jakobi og
frú hans heim, er sú, að fyrir
skömmu lauk séra Jakob við
ritgerð sem nefnist Um Kýros-
arrímu, en í henni telur séra
Jakob gæta persneskra áhrifa.
Þegar hafa tvö innbundin ein
tök af handriti í-itgerðarinnar
verið send til Persaveldis. Rit-
gerðin verður gefin út ásamt
framlögum annarra gesta á af-
mælishátíðinni í Teheran. Þar
verður auk sr. Jakobs prófessor
frá Kaupmannahöfn og eflaust
aðrir fræðimenn, en auk þcirra
að sjálfsögðu kóngafólk og
þjóðhöfðingjar hva'ðanæva að.
Séra Jakob og frú Þóra eru
nú í Kaupmannahöfn í heirn-
sókn hjá dóttur sinni, en lialda
á sunnudag áleiðis til Parísar,
þar sem þau hitta aðra veizlu
gesti Persakeisara, en síðan fer
hópurinn til Teheran á mánudag.
Teller ,segir hins vegar að neðan
jarðarkjarnorkusprenging, sem sé
vandlega undirbúin, sé ekki hættu
meiri, en venjuleg bólusetning.
En Alaska liefur ekki mjög góða
reynslu af jarðskjálftum. Árið
1964 eyðilagði 8.4 stiga jarð-
skjálfti verðmæti fyrir tugi millj-
arða og varð 116 manns að bana.
Náttúi-uverndarar segja, að
geislavirkni geti stórspillt dýra-
lífi þarna, enda séu Aleútaeyjar í
leið Kyrrahafslaxins, þegar hann
fer að hrygna. Þar að auki muni
eyjan gjöreyðileggjast, en þar er
merkilegt dýralíf, m.a. 3000 haf-
otrar, margir ernir og sjaldgæfir
sjófuglar. Samtök ein hyggjast
stefna fólki til eyjarinnar eftir
helgina og þar skuli það setjast
upp og neita að fara, þegar
sprengja á.
Frakkar móðgaðir
NTB—París, þriðjudag.
Hin öfluga andstaða við inngöngu
Breta í EBE, með þeim skilyrðum,
sem ríkisstjórnin hefur samið uin,
cn hún kom fram í atkvæðagreiðslu
á landsþingi brezka verkamanna-
flokksins í Brighton í gær, hefur
móðgað Fraltka.
— Þa'ð er greinilegt, að það hef-
ur verið Þröngsýnisveðurfar í
Brighton þessa dagana, skrifar Par
ísarblaðið Le Monde í dag. Opin-
berlega hefur ekkert verið sagt,
enda vilja opinberir aðilar líklega
ekki leggja sig niður við að ræða
um skoðanir flokks, sem ekki fer
með völdin í landinu. Frönsku blöð-
in setja yfirleitt af öllum mætti
út á þingið og finna því flest til
foráttu, en þó sagði Le Monde, að
fyrrum utanríkisráðherra, George
Brown, hefði óhræddur staðið upp
og sagt'sína méiningu, sem var
vingjai'nleg í garð meginlandsins,
en á meðan hann talaði, hafi þing-
fulltrúar gripið fram í fyrir hon-
um og sagt miður falleg orð.
Le Figaro skrifar, að lágkúru-
hátturinn á landsþinginu sé eink-
>un af því, að aðild Breta er stað-
reynd, hvað svo sem Verkamanna-
flokkurinn kann að gera eða segja.
Forseti þakkar forseta
,Eftir heimsókn sendinefndar
Einingarsamtaka Afrikuríkja
barst forseta íslands svohljóðandi
skeyti:
„Við brottför frá hinu fagra
landi yðar vildi ég mega færa
yður og íslenzku þjóðinni dýpstu
þakkir mínar fyrir hlýjar viðtök-
ur og gestrisni, sem sendinefnd
mín og ég nutum á þessarí
stuttu heimsókn til lands yöar og
ágætu höfúðborgar.“
Dr. Daddah,
forseti lýðveldisins Máritaniu
og fonnaður Einingarsamtaka
Afríkuríkja.“
Rússar launa
lambið gráa
NTB—London, þriðjudag.
Sovétríkin munu vísa 10—20
brezkum sendiráðsstarfsmönnum
úr landi, til að endurgjalda brott-
vísun þeirra 105 Rússa, sem Bret
ar ráku hcim nýlega. Þetta segir
að minnsta kostí brezka blaðið
Tlie Guardian í dag.
Moskvu-fréttaritari blaðsins seg
ist hafa þetta eftir áreiðanlegum
heimildum, og segir, að brottvísun
in verði tilkynnt um leið og
sovézka farþegaskipið Baltika
leggst að bryggju í Leningrad, en
með skipinu koma flestir þeiira,
sem Bretar vísuðu úr landi.
Þá segir í fréttinni, að skipu
lagðar verði mótmælaaðgerðir fyr
ir framan brezka sendiráðið í
Moskvu, eftir að brottvísunin hafi
verið tilkynnt.
„Jeríkó". Þær eiga að geta borið
um 750 kíló af sprengiefni. Eld-
flaugarnar eru svo dýrar, í fram-
leiðslu, a ðsérfræðingar efast um,
að tilgangurinn með smíði þeirra
sé aðeins að bera venjulegt
sprengiefni. Bandarískir hernaðar
sérfræðingar segjast ekki þver-
taka fyrir það, að ísraelsmenn
eigi kjarnaodda í eldflaugarnar,
en að minnsta kosti verði þeir
búnir að útvega þá, þegar eldflug
arnar séu tilbúnar.
Engin eldflaug hefur enn verið
staðsett á skotpalli. Framleiddar
eru þrjár til sex eldflaugar á mán
uði, en það styrkir sérfræðingana
í þeirri trú, að ísraelsmenn eigi
þegar, eða eigi von á, að fá kjarna
odda. — Við látum ekkur ekki
bregða, þó að eldflaugar með
kjarnaoddi verðj skotklárar á
næstu mánuðum, segir einn hátt
settur bandarískur sérfræðingur
í blaðinu.
Parísarbúar „á puttanum“
— járnbrautarmenn í verkfalli
NTB—París, þri'ðjudag.
Gífurlegt umferðaröngþveiti
varð í París í dag, þegar f jórar
milljónir farþega með neðan-
jarðarbrautunum urðu að nota
fæturna, þcgar stjórnendur lest
anna gerðu verkfall, vegna
kröfu um hærri laun.
Forsvarsmenn lestarstjór-
anna, sögðu í dag, að verkfall-
inu yrði haldið áfram á morg
un. Venjulega ganga 300 neð
anjarðarlestir í París, en um
miðjan dag í dag voru aðeins
átta á ferðinni.
Á mesta umferðatimanum í
morgun og eftir vinnu, urðu
hreinustu slagsmál um að kom
ast upp í strætisvagnana, en
mörg þúsund manns biðu ósig
ur og urðu að ganga, eða reyna
að komast á puttanum heiim til
sín eða í vinnuna.
Lestarstjórarnir, sean eru um
2000 talsins, munu nær allir
hafa lagt niður vinnu í mót-
mælaskyni við nýtt launakerfi,
sem þeir segja, að lækki í raun
inni laun þeirra.
Útvarpið hélt uppi stöðugum
áróðri til ökumanna í dag, um
að taka fólk upp í. En það
munar |ió ekki mjög miklu, því
þegar ástandið er svona í París,
er fólk varla fljótara í bít en
gangandi.