Tíminn - 01.02.1972, Blaðsíða 3

ÞRIÐJUDAGUR 1. febrúar 1972
TÍMINN
3
Ivar Guömundsson með bók slna. (Timamynd Gunnar)
Tæplega þrjú hundruð
stúdentar frá USA
í þessari viku eru væntanlegir
hingað til lands 290 stúdentar frá
háskólum viðsvegar i Bandarikj-
unum. Koma þeir í tveimur
hópum og er sá fyrri, 150 manns
væntaniegur með áætiunarvéi
Loftleiða frá New York snemma
á þriðjudag en sá siðari að
morgni föstudags, 4. þ.m. Hvor
hópurinn mun hafa tveggja daga
viðdvöl hér, áður en ferðinni
verður haldið áfram til Kaup-
mannahafnar, þar sem þeir sæk-
ja tima næstu mánuði i norrænum
fræðum við Hafnarháskóla.
Efnt verður til sérstakrar
íslandskynninga fyrir stúdentana
og stendur Kennaraskóli fslands
að hinni fyrri, en Háskóli Islands
að hinni siðari. öðrum degi Is-
landsheimsóknarinnar verður
varið til kynnisferða um Reyk-
javíkurbæ og nágrenni og til
Hveragerðis. Þá munu stúdent-
arnir hitta að máli félaga sína is-
lenzka og standa þeir fyrir sam-
eiginlegum kvöldvökum.
Skemmdarvargar
Brotizt hefur verið inn i skáta-
skálann i Garðahreppi tvær
helgar i röð og skemmdarverk
unnin. Um siðustu helgi var farið
inn i skálann og allt brotið og
eyðilagt fyrir skátunum, sem
voru þó búnir að gera við
skemmdirnar frá helginni áður.
Hlerar eru fyrir gluggum
skálans, en nokkrir voru brotnir
frá. Þar sem hlerarnir voru ekki
brotnir var búið að brjóta allar
rúður innan frá.
Allt innbú var eyðilagt. Hús-
gögnum var kastað á glugga og
veggi og vegna slagveðurs voru
dýnur og teppi rennblautt.
Lögreglan i Hafnarfirði leitar
skemmdarvarganna.
Evrópuráðið samþykkti til
lögu Ingvars Gíslasonar
Áskorun á Efnahagsbandalagið að leita góðrar
samvinnu við Islendinga á grundvelli
viðskipta- og tollasamninga!
Sl. miðvikudag, 26. jan. flutti
Ingvar Gislason, alþingismaöur,
ræðu á fundi Ráögjafaþings
Evrópuráðsins um landhelgis-
málið, er til umræðu var þar
stefna Efnahagsbandalagsins i
sjávarútvegsmálum. Einnig tók
þátt i þessum umræðum Þor-
valdur Garðar Kristjánsson, al-
þingismaður.
Brezki þingmaðurinn Scott
Hopkins, er var framsögumaður
sjávarútvegsnefndar Ráðgjafa-
þingsins átaldi Islendinga fyrir
stefnu þeirra um einhliða út-
færslu fiskveiðilögsögunnar.
Engin ályktun var þó gerð i þá
stefnu, enda voru fisk-
veiðilögsögumál ekki til
ályktunar.
Ingvar Gislason, sem á sæti i
landbúnaðar- og sjávarútvegs-
nefnd Rágjafaþingsins, vakti sér-
staka athygli á nauðsyn þess, að
Efnahagsbandalagið yrði hvatt til
þess að sýna sanngirni i skiptum
við fiskveiðiþjóðir eins og Is-
lendinga, sem stæðu utan banda-
lagsins. Var þeirri ábendingu vel
tekið og landbúnaðar- og
sjávarútvegsnefndin samþykkti
einróma, að leggja til að breyt-
ingatillaga frá Ingvari Gislasyni
yrði samþykkt. Mælti Ingvar
fyrir tillögu sinni á þingfundi á
miðvikudaginn, og var tillaga
Ingvars samþykkt óbreytt og
einróma.
Tillaga Ingvars Gislasonar var
svohljóðandi:
„Ráðgjafaþingið litur svo á, að
stefna Efnahagsbandalagsins i
sjávarútvegsmálum eigi að vera
með þeim hætti, að hún megi
leiða til góðrar samvinnu milli
þess og þeirra fiskveiðiþjóða i
Evrópu, svo sem Islendinga, sem
ekki hugsa til aðildar að banda-
laginu, en æskja samvinnu við
það á grundvelli sérstakra
viðskipta- og tollasamninga”.
Ræða Ingvars Gislasonar, er
hann mælti fyri tillögunni á Ráð-
gjafaþinginu verður birt i heild
siðar.
Bók um S.Þ. eftir
ívar Guðmundsson
AK, Rvik. — Þessa dagana
kemur út á vegum lsafoldar-
prentsmiöju „Bókin um Sam-
einuðu þjóðirnar” eftir ívar Guð-
mundsson, fyrrverandi fréttarit-
stjóra Morgunblaðsins og nú i
mörg ár starfsmanns i upp-
lýsingaþjónustu S. Þ. — lvar áir
hér þessa daga á ferð til Evrópu á
vegum S. Þ. og átti ásamt full-
trúuin tsafoldarprentsmiðju fund
með blaöamönnum i gær.
Bók Ivars um Sameinuðu þjóð-
irnar átti að koma út fyrir jólin,
en hana dagaði uppi i verkfallinu.
Eins óg kunnugt er kom út bók
um S. Þ. 1947 eftir ólaf Jóhannes-
son, prófessor, núverandi for-
sætisráðherra, eða tveimur árum
eftir stofnun samtakanna. Sú bók
er um stofnun og stöðu sam-
takanna og lagalega stöðu þeirra
og frá þvi greint, hvernig ráðgert
var að byggja þau upp. Hins
vegar hefur starfsemin að sjálf-
sögðu tekið mikklum breytingum,
og þvi hefur vantað ýtarlegt
heimildarritum S. Þ. og stofnanir
þeirra eins og þær eru nú. Úr þvi
er nú bætt með útgáfu bókar
Ivars. Bókin er um 200 bls. að
stærð og vel úr garði gerð af hendi
útgefanda. Emil Jónsson, fyrr-
verandi utanrikisráðherra ritar
formála og skýrir þar frá þvi að
Ivar hafi hreyft þeirri hugmynd á
25 ára afmæli samtakanna i
fyrra, að þau minntust afmæl-
isins m.a. með þvi að hvetja til
þess að fræðsla um S. Þ. yrði
tekin upp i öllum aðildarrikjun-
um. Þetta hefði fengið góðar
undirtektir, en ekki orðið af fram-
kvæmdum, en hugmyndinni mun
vera haldið vakandi.
I bókinni fjallar Ivar um aö-
draganda aö stofnun S. Þ. og
siöan þróun og starf helztu
stofnana þeirra, fjárhagsmál og
framkvæmdir, millirikja-
stofnanir tengdar S. Þ., starfsemi
S. Þ. sjálfra, og birtir skrá um
aöildarriki og sáttmála S. Þ. Að
siðustu er kafli um þátt Islands i
S. Þ.
I eftirmála segir Ivar, að hann
hafi oft fundið til þess, er hann
veitti upplýsingaþjónustu S. Þ.
fyrir Norðurlönd forstöðu, að
handbók á islenzku skorti um S.
Þ. Tilraunir hefðu verið gerðar til
þess að fá hæfa menn til þess að
taka saman bókarkorn um S. Þ.
en ekki tekizt. Þ>egar for-
ráðamenn Isafoldarprentsmiðju
hefðu farið þess á leit við sig s.l.
sumar, að hann ritaði bók um S.
Þ. hefði hann látið til leiðast.
Hann kvaðst hafa reynt að hafa
bókina ekki þurrt heimildarrit og
vona að hún yrði til nokkurrar
skemmtunar og fróðleiks þeim
sem áhuga hefðu á nánari kynn-
um af S. Þ. Einnig ættu skólar að
geta haft hennar not.
Ivar Guðmundsson hefur nú
náö sextugsaldri, en það er hinn
yfirlýsti hámarksaldur embættis-
og starfsmanna S. Þ. Þó eru
gerðar undantekningar frá þeirri
reglu stundum, og svo er um Ivar.
Hann hefur verið ráðinn áfram
um óákveðinn tima og starfar nú
hjá Mannfjöldasjóðnum, og á
hans vegum er hann nú i þessari
Evrópuferð.
AÐEINS FJORIR DAGAR
HERRADEILD
Jakkar 1 kr. 2.400,00
Föt kr. 2.950,00
Peysur kr. 495,00
Skyrtur kr. 100,00
DÖMUDEILD
Peysur 1 kr. 480,00
Pils 1 kr. 500,00
Kjólar kr. 950,00
SKÓDEILD
Herraskór 1 kr. 490,00
Kvenskór 1 kr. 550,00
Barnaskór 1 kr. 390,00
Inniskór kr. 195,00
Stígvél kr. 195,00
KOMIÐ OG GERIÐ GOÐ KAUP
cyiusturstræti