Fréttablaðið - 17.05.2004, Blaðsíða 22
22 17. maí 2004 MÁNUDAGUR
BENFICA BIKARMEISTARI
Moreira, markvörður Benfica, fagnar 24.
bikarmeistaratitli félagsins. Benfica sigraði
Porto 2-1 í úrslitaleiknum á þjóðar-
leikvangnum í Lissabon.
FÓTBOLTI
Nýliðarnir úr Reykjanesbæ byrja Íslandsmótið vel að vanda:
Keflavík kom til baka eftir hlé
FÓTBOLTI Nýliðar Keflavíkur byrja
vel í Landsbankadeild karla í
knattspyrnu en þeir sóttu þrjú stig
til KA-manna á Akureyri í gær og
unnu 1–2. KA byrjaði leikinn betur
en hið unga lið Keflavíkur kom
sterkt inn í seinni hálfleik og
tryggði sér sigur með mörkum
Jónasar Sævarssonar og Hólmars
Rúnarssonar.
„Það gekk erfiðlega hjá okkur í
byrjun en það kom ekki á óvart
enda var þetta í fyrsta skipti sem
við spilum á grasi síðan í fyrra.
Við höfðum engar áhyggjur af
þessum byrjunarerfiðleikum. Mér
líst vel á sumarið,“ sagði Ólafur
Gottskálksson eftir leikinn en
hann lék sinn fyrsta leik
með Keflavík í sjö ár á
Akureyrarvelli í gær.
Hreinn Hringsson
kom KA yfir á 20. mínú-
tu leiksins eftir
undirbúning Jóhanns
Þórhallssonar og Dean
Martin en eftir markið
slökuðu heimamenn á og
hleyptu gestunum inn í
leikinn.
Jónas Sævarsson átti
frábæran leik á miðju-
nni en þessi 21 árs
vinnusami miðjumaður
var út um allt og kóró-
naði síðan góðan leik
sinn með því að koma
Keflavíkurliðinu á blað
eftir stungusendingu
fyrirliðans Zoran Daníels
Ljubicic. Sigurmarkið
skoraði síðan annar
ungur strákur, Hólmar
Örn Rúnarsson eftir að
hafa fengið boltann frá
Magnúsi Þorsteinssyni
inn í vítateig KA-manna.
Keflvíkingar höfðu tapað
fjórum leikjum í röð gegn
KA í efstu deild fyrir
þennan leik og höfðu ekki
unnið norðanmenn í 22 ár,
þar af í 26 ár á Akureyri.
■
Marcina bjargaði
stigi fyrir Skagann
Kanadamaðurinn knái skoraði jöfnunarmarkið á elleftu stundu gegn
Fylkismönnum á Akranesi í gær.
FÓTBOLTI Það var boðið upp á sókn-
arleik og dramatík á Akranesi í
gær er ÍA tók á móti Fylki í 1. um-
ferð Landsbankadeildarinnar í
knattspyrnu.
Það voru Skagamenn sem byrj-
uðu leikinn betur, en Fylkismenn
fengu færin og það besta kom á 5.
mínútu er Finnur Kolbeinsson
skaut í stöngina á Skagamarkinu.
Skagamenn fengu fín færi í kjöl-
farið en nýliðinn Bjarni Þórður
Halldórsson varði vel í marki
Fylkis. Á 28. mínútu urðu Kára
Steini Reynissyni á slæm mistök
er hann ætlaði að hreinsa frá
Skagamarkinu. Boltinn fór beint
til Sævars Þórs Gíslasonar sem
var einn á auðum sjó og skoraði
auðveldlega fram hjá Þórði Þórð-
arsyni, markverði ÍA. Fylkismenn
réðu ferðinni það sem eftir lifði
fyrri hálfleiks, fengu fín færi sem
þeir náðu ekki að nýta.
Skagamenn mættu gríðarlega
vel stemmdir í seinni hálfleikinn
og sóttu grimmt gegn varkárum
Fylkismönnum sem bökkuðu allt
of mikið. Þeim gekk samt bölvan-
lega að skora og það var ekki fyrr
en rúmar fjórar mínútur voru
liðnar af venjulegum leiktíma
sem Alen Marcina kom til bjargar
og potaði boltanum inn fyrir lín-
una hjá Fylki. Lokatölur 1-1 sem
voru sanngjörn úrslit.
„Við vorum slakir í fyrri hálf-
leik en það var allt annað að sjá
okkur í seinni hálfleik. Þá sýndum
við karakterinn sem býr í okkur
og af hverju við munum berjast
um titilinn í sumar,“ sagði marka-
skorarinn Marcina sem var að
leika sinn fyrsta leik fyrir ÍA.
„Það var fínt að skora í fyrsta leik
og létta þar með pressunni af sér.
Ég var nokkuð sáttur við minn
leik en ég á mikið inni.“
Bökkuðum of mikið
Þorlákur Árnason, þjálfari
Fylkis, var pínulítið svekktur í
leikslok. „Auðvitað er maður
mjög svekktur en þegar á allt er
litið er ekki hægt að segja annað
en að jafntefli hafi verið sann-
gjörn úrslit. Ég var mjög sáttur
við fyrri hálfleikinn hjá okkur en
við bökkuðum alltof mikið í seinni
hálfleik.“
Landsbankadeild karla:
Glæsimark
Grétars
FÓTBOLTI Grétar Hjartarson
tryggði Grindavík eitt stig gegn
Eyjamönnum í gær í sínum fyrsta
deildarleik eftir meiðsli sem
héldu honum frá öllu síðasta tíma-
bili. Mark Grétars var af glæsi-
legri gerðinni með langskoti eftir
aukaspyrnu fyrir utan teig og
kom 20 mínútum fyrir leikslok og
úrslitin voru því 1–1.
Eyjamenn voru annars að gera
góða hluti í Grindavík í gær og í
raun óheppni að fara ekki til baka
með öll þrjú stigin Magnús Már
Lúðvíksson kom þeim yfir eftir
langa sendingu frá Tryggva
Bjarnasyni sem var besti maður
vallarins í gær.
„Það hefur oft verið vandamál
fyrir Eyjaliðið að hefja mót vegna
þess að liðið hefur æft í tvennu
lagi en miðað við þessa frammi-
stöðu þá er engin ástæða til
annars en að vera bjartsýnn,“
sagði Magnús Gylfason, þjálfari
ÍBV, sem lofar góðu í sumar. ■
Landsbankadeild karla:
Grétar Rafn
ekki sáttur
FÓTBOLTI Skagamaðurinn snjalli
Grétar Rafn Steinsson er ekki
sáttur við forráðamenn ÍA sem
hann segir standa í vegi fyrir að
hann komist í atvinnumennsku en
hann er með tilboð frá tveimur
liðum, svissneska liðinu Young
Boys og hollenska liðinu Waalwijk.
Hvorugt liðanna vill borga ÍA
fyrir Grétar Rafn og hefur það
mikil áhrif að hann er að stíga upp
úr erfiðum meiðslum og því er of
áhættusamt fyrir þessi lið að eyða
pening í að fá hann til liðs við sig.
Grétar hefur eytt miklum fjár-
munum og tíma í endurhæfingu
eftir slæm hnémeiðsli sem hann
varð fyrir á miðju tímabili í fyrra
og hefur alltaf stefnt á að komast
út í atvinnumennsku. ■
! "! #!$%&' '(
)
*
+
*
!
# $%& "
,( & *((*(-'(!.
///!$%&' '(
ÍA–FYLKIR 1–1 (0–1)
0–1 Sævar Þór Gíslason 28.
1–1 Alan Marcina 90.
DÓMARI
Magnús Þórisson Góður
BESTUR Á VELLINUM
Bjarni Þórður Halldórsson Fylki
TÖLFRÆÐIN
Skot (á mark) 23–14 (12–9)
Horn 5–1
Aukaspyrnur 20–19
Rangstæður 3–1
Spjöld (rauð) 0–3 (0–0)
FRÁBÆRIR
Enginn
MJÖG GÓÐIR
Bjarni Þórður Halldórsson Fylki
Valur Fannar Gíslason Fylki
GÓÐIR
Reynir Leósson ÍA
Julian Johnson ÍA
Björgólfur Takefúsa Fylki
Sævar Þór Gíslason Fylki
Finnur Kolbeinsson Fylki
Guðni Rúnar Helgason Fylki
Þórhallur Dan Jóhannsson Fylki
■ Það sem skipti máli
GRINDAVÍK–ÍBV 1–1 (0–0)
0–1 Magnús Már Lúðvíksson 56.
1–1 Grétar Hjartarson 71.
DÓMARI
Garðar Örn Hinriksson Í meðallagi
BESTUR Á VELLINUM
Tryggvi Bjarnason ÍBV
TÖLFRÆÐIN
Skot (á mark) 11–18 (3–9)
Horn 6–10
Aukaspyrnur 12–19
Rangstæður 2–2
Spjöld (rauð) 2–2 (0–0)
MJÖG GÓÐIR
Tryggvi Bjarnason ÍBV
GÓÐIR
Óðinn Árnason Grindavík
Sinisa Kekic Grindavík
Einar Hlöðver Sigurðssn ÍBV
Tryggvi Bjarnason ÍBV
Matt Garner ÍBV
Atli Jóhannsson ÍBV
■ Það sem skipti máli
KA–KEFLAVÍK 1–2 (0–1)
1–0 Hreinn Hringsson 28.
1–1 Jónas Sævarsson 90.
1–2 Hólmar Örn Rúnarsson 28.
DÓMARI
Magnús Þórisson Góður
BESTUR Á VELLINUM
Jónas Sævarsson Keflavík
TÖLFRÆÐIN
Skot (á mark) 12–8 (3–4)
Horn 3–1
Aukaspyrnur 8–18
Rangstæður 3–2
Spjöld (rauð) 0–0 (0–0)
MJÖG GÓÐIR
Jónas Sævarsson Keflavík
GÓÐIR
Pálmi Rafn Pálmas KA
Hólmar Örn Rúnarsson Keflavík
Guðjón Antoníusson Keflavík
■ Það sem skipti máli
HETJAN
Hinn 23 ára Hólmar
Örn Rúnarsson tryggði
Keflavík þrjú stig á
Akureyri í gær.
GLÆSILEGT JÖFNUNARMARK
Grétar Hjartarson tryggði Grindavík jafntefli
með glæsilegu langskoti.
MARKAKÓNGURINN Í NÝJUM BÚNINGI
Björgólfur Takefúsa lék sinn fyrsta deildarleik með Fylkismönnum gegn Skagamönnum á Akranesi í gær en hann var markakóngurinn
Landsbankadeildarinnar í fyrra þegar að hann lék með Þrótti. Hér berst Björgólfur við þá Pálma Haraldsson og Kára Stein Reynisson.
KEMST GRÉTAR RAFN EKKI ÚT?
Grétar Rafn Steinsson segir Skagamenn
standa í vegi fyrir að hann komist út en
tvö lið eru á eftir honum.
FR
ÉT
TA
B
LA
Ð
IÐ
/V
IL
H
EL
M