Fréttablaðið - 08.01.2005, Qupperneq 15

15LAUGARDAGUR 8. janúar 2005
Aðeins
nokkur
sett!
MUSTAFA BARGHOUTI
Kosningar á morgun:
Sporgöngu-
menn Abbas
PALESTÍNA Öruggt er talið að
Mahmoud Abbas beri sigur úr
býtum í forsetakosningunum í
Palestínu á morgun. Sex aðrir
eru þó í kjöri, þar af eru fjórir
óháðir frambjóðendur.
Enda þótt fylgi Mustafa
Barghouti mælist aðeins 6-14
prósent í skoðanakönnunum er
hann sá frambjóðandi sem helst
er talinn geta velgt Abbas undir
uggum. Hann er í það minnsta
brattur sjálfur og segist fullviss
um að hann eigi góða
möguleika. Mustafa er ættingi
Marwans Barghouti, uppreisn-
arleiðtogans sem afplánar nú
margfaldan lífstíðardóm fyrir
hryðjuverk, en sá var af mörg-
um álitinn líklegasti eftirmaður
Jassers Arafat.
Líkt og frændi sinn hefur
Mustafa gefið sig út fyrir að
vera maður fólksins en forysta
palestínsku heimastjórnarinnar
hefur löngum verið gagnrýnd
fyrir að vera ekki í nógu
miklum tengslum við alþýðuna.
Hann segist ætla að ráðast gegn
spillingu og tryggja að lög og
regla ríki á sjálfstjórnarsvæð-
um Palestínumanna. Hann var
handtekinn og að eigin sögn
misþyrmt af ísraelsku lögregl-
unni í desember síðastliðnum,
í aðdraganda kosningabarátt-
unnar.
Þar sem Barghouti hefur
enga fjöldahreyfingu á bak við
sig verður að telja útilokað að
hann nái að sigra Abbas. Stjórn-
málaskýrendur telja þó að björt
framtíð geti beðið hans bíði
hann ekki afhroð á morgun.
Af öðrum frambjóðendum má
nefna Bassam al-Sahli, fram-
bjóðanda Lýðflokks Palestínu-
manna sem er lítil kommúnista-
hreyfing innan PLO. Hann hefur
margsinnis mátt dúsa í fangelsi
vegna þátttöku sinnar í barátt-
unni gegn ísraelskum stjórn-
völdum, nú síðast í upphafi
kosningabaráttunnar. Taysir
Khalid er frambjóðandi bylting-
arsinnaðrar marxískrar hreyf-
ingar sem á litlu fylgi að fagna á
meðal Palestínumanna. Hinir
frambjóðendurnir heita Abdul
Karim Shabiar, Abdul Halim al-
Ashqar og Alsayd Barakah. Ekki
er talið að margir muni greiða
þeim atkvæði sitt. - shg
Svikamylla í tölvupósti:
Ekkja Arafats
biður um aðstoð
SVIKAMYLLA Tölvupóstur gengur nú
manna á milli þar sem Suha Ara-
fat, ekkja Yassir Arafat, óskar
eftir einhverjum til að geyma fyr-
ir sig 1,2 milljarð íslenskra króna
sem núverandi stjórnvöld í Palest-
ínu séu að reyna að hafa af henni.
Í bréfinu segir að Suha hafi
þurft að þola mikið harðræði af
hálfu palestínskra stjórnvalda
eftir fráfall eiginmanns síns og
þeir vilji gera öll auðæfi hans,
sem hún erfði, upptæk. Suha seg-
ist eiga tuttugu milljónir dollara á
bankareikningi sem hún þurfi að
leysa út og óskar eftir aðstoð ein-
hvers til að geyma fyrir sig þá
upphæð gegn ríflegri þóknun.
Hún þurfi aðeins að númer á
bankareikningi viðkomandi og
málið er frágengið. Þá er viðtak-
andinn beðinn um að sýna þag-
mælsku ef hann gengur ekki að
tilboðinu.
Lítill vafi leikur á að hér sé um
svikamyllu að ræða og að ein-
hverjir óprúttnir aðilar villi á sér
heimildir. Fólk beðið um að vera á
varðbergi gagnvart gylliboðum af
þessu tagi. -bs