Fréttablaðið - 01.04.2005, Qupperneq 8

1Hvaða knattspyrnumaður fékk rauðaspjaldið í sínum fyrsta landsleik, gegn
Ítalíu?
2Meðal hvaða aldursflokks hafa for-dómar í garð útlendinga aukist?
3Hvaða sjávarútvegsfyrirtæki stendurtil að afskrá úr Kauphöll?
SVÖRIN ERU Á BLS. 34
VEISTU SVARIÐ?
8 1. apríl 2005 FÖSTUDAGUR
Ökumaður bifhjóls slasaðist eftir að lögreglubíl var ekið í veg fyrir hann:
Lögreglumaður dæmdur
DÓMSMÁL Lögreglumaður hefur
verið dæmdur til að greiða 200
þúsund krónur í sekt og öku-
manni bifhjóls 195 þúsund
krónur í skaðabætur fyrir að
hafa stefnt lífi hans í hættu í lok
maí á síðasta ári. Dómurinn féll
í Héraðsdómi Reykjavíkur í gær
og hyggst lögreglumaðurinn
áfrýja dómnum til Hæstaréttar
Íslands.
Lögreglumaðurinn var að
leita manna á bifhjólum um nótt
í maí. Skammt frá bensínstöð
Essó á Ægisíðu ók hann lög-
reglubíl í veg fyrir bifhjól sem
var á leið í austur. Dómurinn
telur sannað að lögreglubílnum
hafi verið ekið á rangan vegar-
helming í þeim tilgangi að
stöðva bifhjólið. Vegna þessa ók
bifhjólið á lögreglubílinn og
ökumaður þess kastaðist af hjól-
inu og yfir bílinn. Hann slasað-
ist nokkuð við áreksturinn. Eftir
slysið hefur hann verið með
verki í handlegg, baki, hálsi og
höfði og hefur hann þurft að
taka bólgueyðandi lyf við þess-
um meiðslum og gangast undir
sjúkraþjálfun.
Um neyðarakstur lögreglu-
bíla gilda sérstakar reglur.
Dómurinn telur að lögreglu-
maðurinn hafi ekki fylgt þeim
heldur af stórfelldu gáleysi
stefnt ökumanni bifhjólsins í
augljósa og verulega hættu.
- th
FORSETAKOSNINGAR Í MIÐ-
AFRÍKULÝÐVELDINU Francois
Bozize, leiðtogi herforingjastjórn-
arinnar í Mið-Afríkulýðveldinu,
fékk flest atkvæði í forsetakosn-
ingunum sem fram fóru á dögun-
um. Hann fékk þó ekki meirihluta
atkvæða og því verður að kjósa
aftur á milli hans og Martin Zingu-
ele, en af honum rændi Bozize
völdum árið 2003.
BÖRN Í HER FÍLABEINSSTRAND-
ARINNAR Ástandið á Fílabeins-
ströndinni hefur verið ótryggt und-
anfarna mánuði og hafa stríðandi
fylkingar byggt upp heri sína. Að
sögn Mannréttindavaktarinnar
hefur stjórnarherinn í landinu
fengið Líberíumenn í sínar raðir og
eru börn þar á meðal. Deilendur
ræða nú málin í Suður-Afríku.
60 DAGA FANGELSI Héraðsdómur
Reykjaness dæmdi í gær ungan
mann til 60 daga fangelsisvistar
fyrir þjófnað og margvísleg fíkni-
efnabrot. Var tillit tekið til fullrar
játningar mannsins en sökum
langs brotaferils þótti ekki ástæða
til að skilorðsbinda dóm þennan.
40 DAGA FANGELSI Annar ungur
maður fékk einnig fangelsisdóm
fyrir Héraðsdómi Reykjaness fyrir
ítrekuð brot á fíkniefnalöggjöfinni.
Viðurkenndi sá alla sök sína og
sætir 40 daga fangelsi fyrir vikið.
■ DÓMSMÁL
■ AFRÍKA
VIÐ ÆGISÍÐU
Lögreglubílnum var ekið inn á rangan vegar-
helming við hraðahindrunina skammt frá
Essó-bensínstöðinni. Ökumaður slasaðist
þegar hann ók á lögreglubílinn.
PÁFINN SEGIR EKKI AF SÉR Þótt
heilsu Jóhannesar Páls II páfa
fari stöðugt hrakandi mun hann
ekki afsala sér páfadómi. Þetta
segir ítalskur sérfræðingur í mál-
efnum Páfagarðs og náinn vinur
páfans. Í gær varð að setja slöngu
í nef Jóhannesar Páls til að veita
honum vökva og næringu.
■ PÁFAGARÐUR
HARARE Þingkosningar voru
haldnar í Zimbabwe í gær og fóru
þær mun friðsamlegar fram en
kosningarnar árið 2000. Fáir gera
sér hins vegar grillur um að
Robert Mugabe, forseti landsins,
hafi staðið heiðarlega að fram-
kvæmd þeirra.
Kosið var um 120 þingsæti af
150 en Mugabe skipar sjálfur í
þau þrjátíu sem eftir eru. Í síð-
ustu kosningum fékk Lýðræðis-
fylking Morgan Tsvangirai 57
þingsæti en bróðurparturinn af
þingmönnunum kom samt úr
ZANU-flokki Mugabe.
5,8 milljónir voru á kjörskrá
fyrir þessar kosningar og var
kjörsókn í gærdag sæmileg. Best
var hún í höfuðborginni Harare
en í sveitahéruðum mættu fáir á
kjörstað. Fjórðungur kjósenda
varð frá að hverfa þar sem fólkið
var ekki að finna á kjörskrá eða
vantaði skilríki. 3,4 milljónum
brottfluttra Zimbabwemanna var
meinað að greiða atkvæði utan
kjörfundar en flestir þeirra eru
taldir stjórnarandstæðingar. Samt
var lítið um óeirðir, ólíkt því sem
gerðist fyrir fimm árum.
„Ég held að við séum öll sam-
mála um að þessar kosningar geti
ekki talist á nokkurn hátt sann-
gjarnar eða heiðarlegar,“ sagði
Tsvangirai þegar hann greiddi
atkvæði í gær og virðast flestir
óháðir stjórnmálaskýrendur vera
á sama máli. Þannig er talið að
800.000 manns sem eru löngu
dánir séu á kjörskrá og þeir styðja
víst allir ZANU. Erlendir kosn-
ingaeftirlitsmenn eru sárafáir í
landinu og þeir koma frá löndum
hliðhollum Mugabe. Engum eftir-
litsmönnum frá Evrópu eða
Bandaríkjunum var hleypt inn í
landið. Mugabe hefur meira að
segja hótað því að fella niður mat-
vælaaðstoð við þau héruð sem
kjósa stjórnarandstöðuna.
Mugabe sjálfur var glaður í
bragði þegar hann kaus í gær og
sagðist eingöngu greiða atkvæði
til að gera sigur sinn ennþá
stærri. Hann vísaði ásökunum um
svindl á bug. Mugabe er sagður
ætla að ná 2/3 hlutum þingsæta til
að geta knúið fram stjórnarskrár-
breytingar.
Lífskjör hafa snarversnað í
Zimbabwe síðustu ár og er landið
orðið mjög einangrað á alþjóða-
vettvangi vegna ógnarstjórnar
Mugabe.
Búist er við að úrslit kosning-
anna liggi fyrir á næstu dögum.
sveinng@frettabladid.is
Mugabe tryggir
sjálfum sér sigur
Engin hætta er talin á öðru en að flokkur Roberts
Mugabe vinni stórsigur í kosningum sem fram fóru í
gær enda forsetinn sagður hagræða úrslitum.
ZIMBABWE „Þetta er eins og svart
og hvítt,“ segir Sólveig Ólafs-
dóttir um þingkosningarnar í
Zimbabwe í gær, í samanburði við
síðustu kosningar sem fram fóru í
landinu árið 2002. Það voru for-
setakosningar, þar sem stuðnings-
menn Roberts Mugabes beittu
stjórnarandstæðinga hörðu og
hálfgert borg-
arastríðsástand
ríkti. Mugabe
hefur setið á
forsetastóli allt
frá því landið
hlaut sjálfstæði
frá Bretaveldi
fyrir aldar-
f j ó r ð u n g i .
Hann er nú 81
árs að aldri.
„Andrúms-
loftið er allt
annað og afslappaðra,“ segir
Sólveig, sem var upplýsingafull-
trúi Rauða krossins í Harare á
tímabilinu 2001-2004. „Mér vitan-
lega voru engar biðraðir á kjör-
stöðum núna og fulltrúar úr sendi-
ráðum hér í Harare hafa fengið
hindrunarlausan aðgang að kjör-
stöðum.“ Að sögn Sólveigar er
hluta ástæðunnar fyrir rólegheit-
unum í kring um kosningarnar nú
að leita í því að stjórnarandstæð-
ingar hafi varla haft nokkurn vett-
vang til að heyja kosningabaráttu.
Stjórnarflokkur Mugabes hefði
verið búinn að loka öllum fjölmiðl-
um sem hleyptu sjónarmiðum
stjórnarandstæðinga að. En fjöldi
fólks hefði sótt kosningafundi
sem stjórnarandstöðuflokknum
MDC hefði tekist að halda á enda-
sprettinum fyrir kosningarnar.
- aa
KOKHRAUSTUR VIÐ KJÖRKASSANN
Robert Mugabe var eldhress þegar hann kaus í gær enda nokkuð viss um hverjar lyktir
kosninganna verða.
M
YN
D
/A
P
SÓLVEIG
ÓLAFSDÓTTIR
Starfaði í Harare
2001-2004.
Sólveig Ólafsdóttir:
Eins og svart og hvítt
FR
ÉT
TA
B
LA
Ð
IÐ
/H
AR
I