Fréttablaðið - 02.05.2005, Blaðsíða 8
2. maí 2005 MÁNUDAGUR
LÝÐURINN BLESSAÐUR
Benedikt XVI páfi blessar lýðinn út um
gluggann á íbúð sinni í Páfagarði, sem
snýr út að Péturstorginu. Þetta var fyrsta
opinbera sunnudagsbænahaldið sem páfi
stýrði eftir að hann tók við.
Vill breytingar á
fyrningarfresti
Jónína Bjartmarz vill afnema eða lengja fyrningar-
frest í alvarlegri kynferðisbrotum gegn börnum.
Hún vill breytingar á fumvarpi sem nú liggur fyrir.
ALÞINGI Jónína Bjartmarz alþingis-
maður telur að huga þurfi að
breytingum á frumvarpi um af-
nám fyrningarákvæðis þegar um
er að ræða kynferðisbrot gegn
börnum undir 14 ára aldri.
Jónína á sæti í allsherjarnefnd,
en þar er frumvarpið, sem Ágúst
Ólafur Ágústsson alþingismaður
lagði fram, til meðferðar.
„Spurningin er hvort rök séu til
þess að afnema fyrningarfrest í
öllum ákvæðum kaflans um kyn-
ferðisbrot gegn börnum,“ sagði
Jónína. „Við þeim brotum sem
ekki fyrnast liggur að öllu jöfnu
16 ára fangelsi eða meira. Hvað
varðar kynferðisafbrot erum við
ekki að tala um hámarksrefsingu
sem nemur svo miklu. Refsing-
arnar eru mjög mismunandi eftir
grófleika brotanna en nálgast
hvergi 16 ár. Því væri það úr takt
við refsirammann gagnvart öðr-
um brotum með mun hærri
hámarksrefsingu að afnema fyrn-
ingarfrestinn í öllum kynferðis-
brotum gagnvart börnum.
Á móti má benda á að mat
almennings á alvarleika þessara
brota hefur verið að breytast á
allra síðustu árum. Þetta eru brot
sem hafa ekkert minni áhrif á ein-
staklinginn til allrar framtíðar en
mjög grófar líkamsmeiðingar;
grófustu brotin í hegningarlögun-
um sem mjög þungar refsingar
liggja við. Sá raunveruleiki er
grunnurinn undir það að eðlilegt
sé að þessi brot séu litin öðrum
augum gagnvart fyrningunni.“
Jónína benti á nýjar upplýsing-
ar frá Stígamótum sem sýndu að
meðalaldur meirihluta þeirra ein-
staklinga sem leituðu þangað
væri slíkur að brotin væru fyrnd
samkvæmt gildandi fyrningar-
ákvæði. Svo virtist sem brotaþol-
ar gætu ekki tekist á við þessa
hluti og leitað sér aðstoðar fyrr en
þeir væru komnir á fullorðinsár
og jafnvel efri ár. Þetta sýndi hve
langan tíma fólk þyrfti til að vinna
úr þessum brotum, ef það gerði
það einhvern tíma á annað borð.
„Það eru önnur rökin fyrir að
afnema fyrningu í þessum brot-
um,“ sagði Jónína. „Segja má að
því alvarlegra sem brotið sé, þeim
mun lengri tíma þurfi þolandi til
að vinna úr því. Þess vegna er
ástæða til þess að fella alveg niður
fyrningarfrestinn eða lengja hann
verulega í alvarlegri brotunum.
Það er síður ástæða til þess í hin-
um vægari. Þó svo að fyrningar-
fresturinn yrði afnuminn eða hann
lengdur teldi ég enga ástæðu til að
ætla einhverja holskeflu í kærum
vegna slíkra brota, að því
ógleymdu hve erfitt er að koma
við sönnun í þessum málum og því
erfiðara sem lengri tími er liðinn
frá brotinu.“ jss@frettabladid.is
Fljótsdalshérað:
Skólpið geislað
HOLRÆSAHREINSUN Síðastliðinn
föstudag var tekið í notkun nýtt
fjögurra þrepa hreinsivirki við
holræsakerfi Egilsstaða. Fljóts-
dalshérað er brautryðjandi á Ís-
landi í notkun þeirrar tækni sem
hreinsivirkið byggir á en notaður
er bakteríudrepandi geislabúnað-
ur við hreinsunina. Búið er að
koma fyrir fjórum slíkum hreinsi-
virkjum í bæjarfélaginu og
áformað að reisa það fimmta á
næstunni. - kk
FRÆÐIV
E
R
K
Hugbúnaðarverkfræði
Tölvunarfræði
Tölvuverkfræði
Rafmagnsverkfræði
Vélaverkfræði
Iðnaðarverkfræði
Efnaverkfræði
Byggingarverkfræði
Umhverfisverkfræði
VERKFRÆÐIDEILD
HÁSKÓLA ÍSLANDS
www.verk.hi.is
Nánari upplýsingar og rafræn
umsóknareyðublöð á www.hi.is
E
N
N
E
M
M
/
S
IA
/
N
M
15
2
9
2
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
D
A
S
27
49
9
4
/2
00
5
Kíktu á neti›
www.das.is
Hringdu núna
561 7757
-dregi› í hverri viku
bifreiðar í vinninga
Ford Mustang
3 milljónir í skottið að auki
ef þú átt tvöfaldan miða
10
Kauptu miða
núna!
FR
ÉT
TA
B
LA
Ð
IÐ
/A
P
HREINSIVIRKIÐ GANGSETT
Soffía Lárusdóttir, forseti bæjarstjórnar
Fljótsdalshéraðs, ræsti hreinsivirkið en það
var framleitt af Bólholti á Egilsstöðum.
JÓNÍNA BJARTMARZ
Telur að huga þurfi að
breytingum á fyrningar-
frumvarpi Ágústs Ólafs
Ágústssonar alþingis-
manns.
Málþing um Jónas frá Hriflu:
Sjálfstæðisflokkurinn
stofnaður vegna ótta
MÁLÞING Málþing um Jónas Jóns-
son frá Hriflu var haldið 1. maí á
vegum Viðskiptaháskólans á Bif-
röst og Framsóknarflokksins í
tilefni af 120 ára fæðingaraf-
mæli Jónasar.
„Sjálfstæðisflokkurinn varð
til vegna þess ótta sem menn
höfðu af Jónasi og þeirri þróun
sem orðin var undir hans leið-
sögn,“ sagði Guðjón Friðriksson
sagnfræðingur í fyrirlestri sín-
um á málþinginu. Á þinginu var
fjallað um Jónas annars vegar
sem stjórnmálamann og hins
vegar sem skólamann en hann
var að mörgu leyti frumkvöðull í
skólamálum.
Halldór Ásgrímsson forsætis-
ráðherra sat þingið og flutti
erindi en brást ekki við þessum
ummælum Guðjóns. „Hann kom
hins vegar inn á hversu fram-
sýnn Jónas var í utanríkisstefnu
hvað varðar samning við banda-
ríska herliðið,“ segir Bárður Örn
Gunnarsson, kynningar- og
markaðsfulltrúi Viðskipta-
háskólans. „Þetta var opinn
fyrirlestur og ummæli Guðjóns
brunnu mest á fólki en Halldór
blandaði sér ekki í þá umræðu,“
bætir Bárður við. - lkg
JÓNAS FRÁ HRIFLU
Var bæði frumkvöðull í stjórnmálum og
skólamálum.