Fréttablaðið - 09.05.2005, Qupperneq 79

30 9. maí 2005 MÁNUDAGUR
Fullur lögmaður hrinti
fegursta fljóði
Eskifjarðar
Sagðist hafa verið „ögn
óstöðugur“ á fótunum
– hefur þú séð DV í dag?
Ættfræðingurinn Oddur Helgason hitti Kára Stef-
ánsson í Íslenskri erfðagreiningu á förnum vegi um
daginn og það skipti engum togum, þeir ræddu um að
leggja saman krafta sína og vinna í sameiningu að
skráningu íslenskra ætta.
„Það eru engar tilviljanir í mínu lífi,“ segir Oddur.
„Ég var staddur í banka þegar Kári stendur þar við
hliðina á mér og við förum að tala saman. Við ætlum
að fara í fornættirnar. Hann er með erfðaleiðirnar en
við erum með öll nöfnin.“
Oddur hefur um árabil rekið ættfræðiþjónustuna
ORG, sem hefur aðsetur í Skerjafirði. Þar vinna
hann og félagar hans að skráningu allrar þjóðarinn-
ar frá upphafi, og styðjast jafnt við prentaðar heim-
ildir sem óbirtar upplýsingar frá einstaklingum, átt-
hagafélögum og öðrum velunnurum þessa verkefnis.
„Hér er saman kominn meiri fróðleikur en nokk-
urs staðar annars staðar um fornættirnar.“ ■
Í samstarf vi› Kára
ODDUR HELGASON ÆTTFRÆÐINGUR
Oddur fær sér í nefið á milli tveggja tréskúlp-
túra eftir Lúkas Kárason, þeirra Gróu á Leiti
og Öfundar, sem Oddur tekur þó fram að
ráði hreint ekki ríkjum í hans herbúðum.
[ VEISTU SVARIÐ ]
Svör við spurningum á bls. 8
1
3
2
Sextíu ár.
Um fimm krónur.
Marburg-veiran.
Þeir sem sakna þess að hlusta á
Tvíhöfðann sinn á morgnana
ættu að kætast yfir því að félag-
arnir eru að vinna í nýjum sjón-
varpsþáttum sem sýndir verða á
Stöð 2. Þeir félagar hafa þó sést
tvisvar í viku í Tvíhöfðafréttum
en nýi þátturinn verður allt
öðruvísi og vonandi töluvert
lengri. Reyndar verður hann
ekki nokkrum öðrum sjónvarps-
þætti líkur að sögn Sigurjóns
Kjartanssonar en eins og allir
vita skipar hann Tvíhöfða ásamt
Jóni Gnarr.
„Þetta verður ekki líkt
nokkrum sköpuðum hlut!“ segir
Sigurjón æstur og greinilegt að
hann er með eitthvað rosalegt í
farteskinu. Hann vill þó augljós-
lega halda þættinum undir
skikkju leyndardómsins aðeins
lengur og aðspurður hvenær
fólk fái að sjá þessa næstu afurð
þeirra félaga segir hann: „Þetta
er á vinnslustigi, við erum núna
að finna fólk til þess að vinna í
þessu með okkur. Það er ekkert
svakalega langt í þetta og kemur
í ljós hvort menn munu sjá þetta
á skjánum í sumar eða haust.“
Sigurjón segir að þeir félagar
hafi gengið þónokkurn tíma með
hugmyndina í maganum. „Það
tekur dálítinn tíma að þróa sjón-
varpsþætti af einhverju tagi.
Það verður svo væntanlega góð-
ur afrakstur af allri meðgöng-
unni ef vel gengur.“ Sigurjón
hefur líka leikið í Svínasúpunni
og einnig verið meðal handrits-
höfunda. Í vetur hafa þó aðeins
endursýndir þættir af Svínasúp-
unni sést á skjánum en að sögn
Sigurjóns er hún ekki liðin und-
ir lok. „Nei nei, við höfum verið
að vinna í henni, hún er bara í
smá salti.“ ■
TVÍHÖFÐI: LENGRI OG ÖÐRUVÍSI
Nýr sjónvarpsþáttur í vinnslu
Hvítasunnan er um næstu helgi, þriðja stórhátíð
kristninnar. Þar með lýkur páskatímanum, en
hvítasunnan er stofndagur kirkjunnar og einskon-
ar vígsludagur hinnar almennu kirkju sem Guð
gefur í Jesú Kristi.
Vörður Leví Traustason er forstöðumaður Hvíta-
sunnukirkjunnar í Reykjavík, en söfnuðurinn dreg-
ur nafn sitt af hvítasunnunni.
„Hátíðin er mikils virði fyrir okkar söfnuð og helst
vildum við hafa hvítasunnudag allt árið um kring.
Við viljum vera hvítasunnumenn í reynd, fylltir
heilögum anda og krafti Guðs, en ekki eingöngu
sem yfirskrift á kirkjunni okkar,“ segir Vörður Leví.
Hvítasunnukirkjan verður í sviðsljósinu um hvíta-
sunnuhelgina, því að kvöldi hvítasunnudags verð-
ur sjónvarpað samkomu úr Fíladelfíu í Ríkissjón-
varpinu, og á annan dag hvítasunnu verð-
ur bein útsending frá messu safnaðarins í
Ríkisútvarpinu.
„Á hvítasunnudag útdeildi Guð heilögum
anda yfir mannkynið og kirkjan telur stofn-
un sína frá þessum degi þegar Pétur, fyllt-
ur heilögum anda, sté fram og predikaði
yfir lýðnum sem tók skírn þennan dag.
Jesús sagði sjálfur við lærisveina sína í Jó-
hannesarguðspjalli, 14. kafla: „Ekki mun ég
skilja ykkur eftir munaðarlausa. Ég kem til
yðar. Ég mun biðja föðurinn og Hann mun
senda yður annan huggara sem verður hjá yður
að eilífu.“ Þetta þýðir að við göngum í krafti
heilags anda á hverjum degi. Þegar Jesús gekk
um á jörðinni var hann staðbundinn á einum
stað í einu, en kraftur hans í heilögum
anda nær yfir alla kristna, hvort sem þeir
eru hér í Fíladelfíu, Kína, Ameríku eða
annars staðar í heiminum,“ segir Vörður
Leví og bætir við að hvítasunnumenn
upplifi nærveru Guðs á hverjum degi,
sem geri allt trúarlíf svo spennandi.
„En því miður held ég að margir líti á frí-
daga Biblíunnar sem afslöppun og frí, án
þess að gefa trúarlegri merkingu þeirra
gaum. Jafnvel á föstudaginn langa heyrir
maður í vélsögum og hamarshöggum, og
finnst mér það miður. Menn ættu að nota heilagt
frí til að íhuga og ganga úti í náttúrunni. Upplifa
kraftaverk og nærveru Guðs í næði með sjálfum
sér.“
VÖRÐUR LEVÍ TRAUSTASON FORSTÖÐUMAÐUR HVÍTASUNNUKIRKJUNNAR VILL HVÍTASUNNUDAG ÁRIÐ UM KRING
SÉRFRÆÐINGURINN
VÖRÐUR LEVÍ
TRAUSTASON
Fylltir heilögum anda og krafti Gu›s
..fær Alli Metall fyrir að breyta
tónum Mugisons í metal.
HRÓSIÐ
Sumar gjafir skipta
öll börn máli!
Gefum börnum góða sumargjöf
TVÍHÖFÐI Þeir félagar Sigurjón Kjartansson og Jón
Gnarr vinna nú í nýjum sjónvarpsþætti sem að sögn
Sigurjóns verður ekki líkur nokkrum sköpuðum hlut.