Atuagagdliutit - 29.04.1987, Blaðsíða 7

NR. 18 1987
ATUAGAGDLIUTIT/GRØNLANDSPOSTEN
7
Sulisitsisunut nammi-
nersortunut ataatsimoor-
tumik isumaqatiginnissut
SIK-p LO-llu qallunaat Kalaallit Nunaanni suliffiutaannik (FAD VIG) akissarsiat
pillugit isumaqatiginnissutaanni tunngavigineqarpoq nunaqavissut tikisitallu
sulisorineqartut akissarsiatigut atugassarititatigullu assigiissumik pineqarnissaat
Kalaallit Nunaanni suliassat anner-
tuut, soorlu Jameson Landimi uuli-
asiulersinnaaneq, aatsitassarsior-
neq erngullu nukinga iluaqutigalu-
gu nukissiorneq eqqarsaatigalugit
SIK LO-llu qallunaat Kalaallit Nu-
naanni sulisitsisartut peqatigiiffi-
annik FADVIG-imik akissarsiat
pillugit isumaqatiginnissuteqaq-
qammerput taamaallaat sakkutoo-
qarfinnut marluusunut Maarmori-
limmilu piiaavimmut atuuttussan-
ngitsumik.
Isumaqatigiissummi nunaqavis-
sut tikisitallu akissarsiaasa atugas-
sarisaasalu assigiinnissaat tunnga-
vigineqarpoq. Isumaqatigiissutik-
kut qularnaarneqarpoq sapaatip a-
kunneranut nalunaaquttap akun-
nerini 50-ini sulisoqartassasoq, uki-
umut 200.000 — 207.000 kr-inik i-
sertitaqaataasartussanik. Sumin-
ngaanneersuuneq apeqqutaatinna-
gu.
Isumaqatigiissuteqarnermut tu-
nulequtaavoq naluneqanngimmat
suliffeqarfissuit nunani tamani su-
liaqartartut ukiuni kingullerpaani
Kalaallit Nunaannissaaq malun-
naateqaraluttuinnalersimanera.
Taamaaliornikkut »ineriartortit-
siviusunittaaq« sulisartutut suli-
suusartut sumeersuugaluartulluun-
niit akissarsiat atugassarititaasullu
eqqarsaatigalugit assigiimmik pine-
qartarnissaat qularnaarniarneqar-
poq.
Torersunik atugassaqartitaaneq
— Isumaqatigiissut uanga nammi-
neerlunga nuannaarutigilluinnar-
para, SIK-p siulittaasua Jens Ly-
berth oqarpoq. Tassuunakkut qal-
lunaat kalaallillu sulisartut suleqa-
tigiilluarsinnaanerat ersersinneqar-
poq. SIK-p siornali FADVIG suliat
pillugit isumaqatigiissuteqarfigisi-
mavaa, maannalu ilaasortavut i-
nassinnaalerpakka Jameson Landi-
mut suliffissarsioqqullugit. Isuma-
qatigiissummi tunngavigalugu ka-
laallit sulisartut pitsaasunik atugas-
saqartussanngorput.
Per Christensen FADVIG-imeer-
soq oqarpoq:
— Isumaqatigiissut peqatigiif-
finni marluusuni ilaasortanut a-
tuuttussaq FADVIG-imi naamma-
gisimaarparput. Ineriartortitsiviu-
suni suliassinneqartilluta sullissi-
nissatsinnut tunngavissaqalerpu-
gut. Isumaqarpugut angusaqarsi-
malluta tamatta naammagisimaar-
sinnaasatsinnik.
Niels Jørgen Hilstrøm LO-meer-
soq oqarpoq:
— LO-mi ilaasortatta ilarpassui
Kalaallit Nunaannut suliartortarsi-
mapput, nuannaarutigaarpullu
maanna naammaginartunik atu-
gassaqartitaasalissammata. LO-p
Kalaallit Nunaannut tunngatillugu
ataatsimiititaliaani anguniarsima-
varput SIK-p qanittumik suleqati-
gineqarnissaa, taamaaliornikkut i-
laasortatta soqutigisaat sulissutigi-
sinnaagatsigit.
Suleqatigiilluarnikkuttaaq SIK-
mi ilaasortat Danmarkimi suliffe-
qalersut pitsaasunik atugassaqar-
tarnissaat anguniartarsinnaavar-
put. Isumaqatigiissu tigisarpullu
tunngavigalugu paasivarput akerle-
riigata suleqatigiillutali ilaasorta-
vut pitsaanerpaamik sullittassallu-
git-
Ilaasortavut Jameson Landimi
sulisooqqaartut mikinngitsunik a-
jornartorsiutissaqartarsimapput.
Nalunngilara SIK-taaq taamatut a-
jornartorsiuteqartarsimasoq, ta-
matumunngalu pissutaavoq USA-
mi sulisitsiviit sulisartut peqatigiif-
fiinut inussiarnertuaannartanngin-
nerat. Uagut sulisartoqarnermik
qaatuusimasaqarluartugut taman-
na iluamik paasisinnaaneq ajorpar-
put.
— Isumaqatigiissut tunngaviga-
lugu ajornartorsiortoqalersillugu i-
korfartoqatigiilluarluta sulisarsin-
naalerpugut.
Sakkussaq pingaaruteqartoq
Isumaqatigiissut nutaaq immik-
koortortaqarpoq ilinniartitaaner-
mut tunngasumik. Taanna malillu-
gu sulisitsisut pisussaatinneqarput
ilinniartitsisarnissaminnut. Maan-
nami sulisartut sulitsisut akiligaan-
nik ilinniarfinnukartarsinnaaler-
put, sulisartullu peqatigiiffii ani-
ngaasartuutinik isumaginnittuu-
sassapput. SIK LO-lu ilinniartitaa-
nermut aningaasaateqarfeqaler-
put. Isumaqatigiissullu nutaaq ma-
lillugu sulisartut ilinniaqqittarsin-
naalerput akiliunneqarlutik.
Isumaqatigiissut nutaaq malillu-
gu nunaqavissut tikisitatulli pisin-
naatitaalerput taamalu suliartorlu-
tik angalanerat akilerneqartalis-
saaq.
— SIK-ip LO-llu taamatu suleqa-
tigiilernerisigut nunani tamani suli-
sitsivissuarnut sakkussaqarlualer-
pugut, Niels Jørgen Hilstrøm LO-p
Kalaallit Nunaannut ataatsimiitita-
liaaneersoq oqarpoq. Nunani ta-
mani sulisitsivissuit isumaqatigiis-
sut atsiorumanngippassuk oqarfi-
gissavagut: Ilaasortaannginnassi
isumaqatigiissuteqarfigisinnaan-
ngilassi. Mianersuunniarsinnaan-
ngilatsigit, piumagutta erngiinnar-
luinnaq suliumajunnaarfigissavat-
sigit.
— Sulisitsivissuit tungaannut as-
sigiissunik periaaseqartariaqarpu-
gut. Taamaaliunngikkutta illaati-
giinnarsinnaavaatigulluunniit.
Kalaallit Nunaanni suliffiutilli
akerlioqisut
SIK-p LO-p FADVIG-illu Kanger-
lussuarmi isumaqatigiinniarnerisa
nalaanni Kalaallit Nunaanni Sulif-
fiutillit Peqatigiiffiat taamatut isu-
maqatigiissuteqarnissamut mianer-
soqqussuteqarpoq oqarluni sanaar-
tornikkut illuliortiternikkullu ka-
laalinngorsaaneq annaaneqaru-
maartoq. Suliffiutillit Peqatigiif-
fiat isumaqarpoq kalaallit sulisar-
tut sulisartunut tikisitanut naller-
suussinnaanngitsut.
Suliffiutillit Peqatigiiffiat mia-
nersoqqusiitigaluni nalunaarpoq
SIK-p ilinniartitaanermut qaam-
marsaanermullu aningaasaateqar-
fianut peqataajunnaarluni. Tas-
suunalu annaaneqartussat 1 mio.
kr-it missaanniittut SIK-p ilaasor-
taasa namminneq akilertalissagaat.
— Suliffiutillit oqaatigaat isuma-
qatigiissuteqarnitsigut suliffeqar-
ferujussuit nunatsinni suliffinngu-
anut unammillersissinnaanngortis-
simagivut, Jens Lyberth oqarpoq.
Isumaqarpunga Suliffiutillit Peqa-
tigiiffiata pisimasut paatsoorsima-
gai. Peqatigiiffik neqeroorfigisi-
magaluarparput isumaqatigiinni-
arnerni najuuttitaqaqqullugu, taa-
maaliornikkut aamma Peqatigiif-
fik sunniuteqaqataasinnaanias-
sammat. Peqatigiiffiulli tamanna
kissaatigisimanngilaa isumaqati-
giinniarnermilu peqataatitaqaru-
masimanani, Jens Lyberth oqar-
poq.
— Isumaqarpunga Suliffiutillit
Peqatigiiffianni siulittaasoq Kaj
Schmidt uangalu paatsooqatigiissi-
masugut. Taamaattumik Kaj
Schmidt oqaloqatiserissamaarpa-
ra, isumaqarluinnarpungalu paase-
qatigiikkumaartugut, Jens Lyberth
naggasiivoq.
SULISARTUT ERINARSUUTAAT
Unammisitsineq
SULISARTUT HØJSKOLIAT 29. juli 1987 qulin
ngortorsiorluni nalliuttorsiussaaq. Taamaattumik
erinarsuutit »SULISARTUT ERINARSUUTAAT
— ARBEJDERSANGE« saqqummersinneqas
sapput. Erinarsuutit imaqassapput kalaalli-
suunik, nunanit avannarlerneersunik aamma
nunanit allanit tamaneersunik.
Unammisitsineq
SULISARTUT HØJSKOLIATA ujartor-
pai erinarsuutit erinarsoruminartut. Eri-
narsuutit imaqassapput inuiaqatigiinnut
tungassuteqartunik sulisartut angunia-
gaqarnerannut attuumassuteqartunik.
Erinarsuutit erinarsuutinut ilanngunne-
gartussat 500,- koruuninik akissarsissuti-
gineqassapput. Erinarsuutit ilaat nutaanik
erinnerneqartussat aammattaaq 500,- ko-
ruuninik akissarsissutigineqassapput.
Erinarsuutit erinaasalu nassiunneqarnissaan-
nut periarfissaq kingulleq tassaavoq 15. juni
1987. Erinarsuutit erinaallu bånd-imut immiun-
neqarsimasut uunga nassiunneqassapput,
SULISARTUT HØJSKOLIAT, BOKS 132, 3920
QAQORTOQ.
ARBEJDERSANGBOG
Konkurrence
SULISARTUT HØJSKOLIAT fylder 10 år den 29.
juli 1987. Derfor udgives sangbogen »SULISAR-
TUT ERINNARSUUTAT - ARBEJDER-
SANGE«. Sangbogen vil indeholde grønland-
ske, nordiske og internationale arbejder-
sange.
Konkurrence
SULISARTUT HØJSKOLEIAT efterlyser
sange, der er lette at synge. Sangene
skal beskæftige sig med samfundsfor-
hold set i relation til arbejderbevægel-
sens mål.
De sange, der optages til sangbogen, vil
blive honoreret med kr. 500,-. Såfremt
der i forbindelse med nogle af sangene
komponeres nye melodier honoreres med
yderligere kr. 500,- pr. melodi.
Sidste frist for indsendelse af sange incl.
melodi er 15. juni 1987. Sangene incl. me-
lodi på bånd skal sendes til SULISARTUT
HØJSKOLEIAT, BOX 132, 3920 QAQORTOQ.
SULISARTUT HØJSKOLIAT
BOX 132.3920 QAQORTOQ . TELEFON 38466