Atuagagdliutit - 04.06.1998, Qupperneq 17

GRØNLANDSPOSTEN
SISAMANNGORNEQ 4. JUNI 1998-17
Nukåka Hjørringimi kuisippoq, aana arnaata Vivi-p sarliarpaa. Simon Nielseniugaluup kui-
vaa, aamma taamani emgutsi kuivaa.
Nukåka blev døbt i Hjørring, her på armen af Mor Vivi. Det var afdøde Simon Nielsen, der
forestod handlingen, da han samtidig døbte et barnebarn.
Soorlu assersuutigalugu neri-
sassat. Suut tamarmik sukka-
qisumik ajornaatsumillu
naammassineqassapput. Neri-
sakka tamangajavimmik mi-
kroovenimut piareersagaap-
put. Amerikamiuk pitsaassu-
tsinut ilisimaatsuupput.
Uumaatsulerilluni
siunissi paasivaa
Amerikameereerami Nuum-
mut uteqqippoq, ilinniamer-
tuunngomiarfimmi atualer-
tussaalluni. Ilinniarnertuun-
ngorniarninili sivisunaan-
ngilaa. Fysik-imik atuartinne-
qarnerup siulliup kingorna
Nukåka-p paasivaa imminut
tulluutinngitsoq.
Taarsiullugu nipilersoqati-
giinnut assigiinngitsunut ator-
pai, soorlu New Simik, pi-
ngaartumillu illoqarfiup ra-
dioa Nuummiunut aallartisar-
mat, aallakaatitsivimmiittutut
sulilluni. Ukiorli ataaseq Nu-
natsinneereerluni allanik
sammisassarsiulerpoq. Dan-
markimi nipilersomermut isi-
ginnaartitsinermullu ilinniar-
fippassuit kajungemarput, 19-
inillu ukioqarluni Køben-
havniliarpoq.
- Københavnimut tikilluni
misigisaq immikkoorluinnar-
poq. Feeriaannarlunga maa-
niittarpunga, aallaqqaammul-
lu orpiit tupigeqaakka. Sik-
kerartarlutillu toqusarlutillu.
Tamakku USA-mi takoreera-
luarlugit aatsaat Danmark-
imut pigama taama iluamik
maluginialerpakka.
- Akerlianik Danmarkimi
ukiuunera nikallunganaqaaq.
Ukiuunera siulleq saperluin-
narpara. Aput sungiusima-
vara, maanili nillerlunilu suna
tamarmi qaserujuttoq. Maa-
nili najugaqarlunga nuanna-
raara. Maaniinnerami nuan-
narinngikkukku qaquguluun-
niit angerlarsinnaavunga, Nu-
kåka oqaluttuarpoq, assigiin-
ngisitsinermik misisaqarsi-
manngisaannartoq.
- Paarlattuanik maani qui-
assuartarneq paasiuminaat-
sippara. Qallunaat illaatigi-
sartagaat illarnassusiannik
paatsiveqartinngilakka. Ua-
ngalu illarnartunik oqaraa-
ngama aallat illarnassusia
paasisinnaanngilaat.
- Københavnimili Kalaallit
Illuuteqarput, aallaqqaam-
mullu atorluartaqaara. Kalaa-
lerpassuimmi Danmarkimut
nuuttut taamaattarput. Tassa-
ni ilinniartunut siunnersuis-
oqarpoq, ilinniartorpassuillu
allat ataatsimooqatigisinnaa-
sat.
Anguniakkat
anguneqartarput
Ukiut ingerlanerini Nukåka
erinarsorluni isiginnaartitsil-
lunilu pikkorissamemut arla-
linnut peqataasarsimavoq.
Tamakku ilutigitillugit pisuni
assigiinngitsunik erinarsor-
figalugillu isiginnaartitsiffigi-
sai arlalissuanngoreerput.
Nipilersoqatigiinni erinarsor-
tuusarpoq, radiomi aallakaa-
titani peqataasarpoq, katerisi-
maartunik oqaluttuusarpoq,
filmini Lysets Fljerte-mi
(Qaamarngup Uummataa)
aamma Vildspor-imi inuttaa-
qataavoq, erinarsuutigaluni
isiginnaartitsiutinerni peqa-
taalluni, vikingisut isiginnaar-
titseqataallu allarpassuamilu
peqataasarsimavoq.
Ataatsilli naammassinissaa
amigaatigaa. Tassa amerla-
suut maqaasillugu qilanaari-
saata naammassinissaa: nam-
mineq suliaminik kisimiilluni
cd-liassaa, taamaalilluni eri-
naginnera pisuni immikkuul-
larissuniinnaq tusarneqaan-
nartamani.
- Ilumoorpoq ukiuni mar-
lussunngulersunik immiussi-
neq ingerlareerpoq. Arlaannik
kipitinneqartuartarsimalluni.
Ukiuni kingullerni marlus-
sunni sammisassarpassuit so-
qutiginartut inuuninnik pi-
suunnguallaataasarsimapput.
Maannali naammassisariaqa-
lerpoq. Ukiaru nuusiaq naam-
massiniarlugu ilungersus-
saanga, Nukåka oqaluttuar-
poq, nipilersukkanilu eqqaa-
vai tassaasut nunarsuarmut
tamarmut tulluuttut. Allaat
immiussaq ilisarititsissutissaq
tulummut rock-imik nipiler-
sortartumut tusaamasarsuar-
mut Peter Gabriel-imut nassi-
ussimavaa, taanna London-
imi nuusiorfimmik »World
Music«-imik piginnittoq.
Tuluup erinarsortartup
Uummannameersup nipaa
nuannarissappagu tusamaar-
tussanut allanut ammaanne-
qariaannaavoq, qallunaanit/
kalaallinit amerlanerungaar-
tunik. Imaassinnaavoq tusaa-
masanngoriaannaq Køben-
havnimi nuannequtaaleru-
maartoq.
Qanorluunniit pisoqaralu-
arpat Londonimi aallaaveqar-
luni sulineq pitsaaquteqas-
saaq. Ukiunimi tulliuttuni a-
ngutaannilu uissanilu Nikolaj
Coster Waldau tassani aallaa-
veqassapput. Tassami Lon-
don København-ilu paarla-
kaallugit uteqattaarfiginia-
raanni isorartulaatsiarpoq.
Nunanili allani sammisaqar-
niameq Nukåka-mut itineru-
sumik siunertaqarpoq, patta-
gissamik plastikkimik akut-
toqatigiissaarutilimmik aal-
lartittoq.
- Suulluunniit piviusun-
ngunngitsoomissaannut uan-
nut ungasinngillat. Erinarsor-
tartoq Sting erinarsoqatiginis-
saa pileritsaakkukku suliniu-
tigissavara. Isumaqarluinnar-
punga suulluunniit pilerigisat
eqqarsaatigisartakkat angune-
qarsinnaasut. Sorusukkaannik
sapemanngilaq, Nukåka o-
qarpoq, ukiuni tulliuttuni ni-
pilersomerminik filmiliomer-
nillu aallussineruniartoq.
Isiginnaartitsisummit Inuit Barok Chok-imit, Nukåka
tupilaalluni.
Fra forestillingen Inuit Barok Chok, hvor Nukåka spiller
en tupilaq.
Uummannaq. Nukåka kivingasoq. Qalinili
qullulluarsimavai.
Uummannaq. Bukserne hænger lavt om bagen på
Nukåka. Til gengæld er de smøget godt opfor neden.
Nukåka (saamerleq) aqqaluanilu angummi inunngorfiani ”
Igalikumi.
Nukåka (til venstre) og lillebror Peter i fars fødebygd
Igaliku.
ASS./ FOTO: NAMMINEQ PIGISAQ/PRIVATFOTO