Tíminn - 08.08.1975, Blaðsíða 8

8
TÍMINN
Föstudagur 8. ágúst 1975
„ÞÚ GETUR
SPILAÐ GOLF
ALLT FRÁ
SJÖ ÁRA
ALDRI TIL
ÞESS DAGS
AÐ ÞÚ
STÍGUR EKKI
LENGUR í
LAPPIRNAR"
— segir Björgvin Þorsteinsson, sem
nýlega varð íslandsmeistari í golfi
Björgvin Þorsteinsson
með
ungu
fólki
MEÐ UNGU FÓLKI hitti
Björgvin Þorsteinsson, ný-
bakaðan Islandsmeistara i golfi
fyrir skömmu, þar sem hann
var við vinnu sina á golfvellin-
um á Akureyri, en er Björgvin
vann sinn yfirburðasigur var
mótið haldið á Jaðarsvelli Golf-
klúbbs Akureyrar. Björgvin er
22 ára gamall, fæddur og
uppalinn á Akureyri. Hann hef-
ur getið sér gott orð sem snjall
golfleikari, en hann hefur fjór-
um sinnum orðið Islands-
meistari, eða 1971, 1972, 1973,
1974 og 1975. Fyrir utan golfið
stundar Björgvin laganám við
Háskóla tslands.
— Hvenær fékkstu fyrst áhuga
á Iþróttinni?
— Ætli ég hafi ekki verið átta
ára eða þar um bil þegar ég fékk
fyrst bakteriuna, en þar réð ef
til vill miklu, að ég bjó og bý enn
i nágrenni gamla vallarins, og
var þvi stutt að fara og fylgjast
með. Upphaflega varð ég að
notast við tvær kylfur, en siðar
þróaðist þetta upp I „kvenna-
sett” sem ég fékk tiu ára
gamall. Með þetta kvennasett
að vopni tók ég svo þátt I fyrstu
unglingakeppninni, sem haldin
var á Akureyri og vann hana.
Við spurðum hann um árang-
urinn i gegnum árin.
— Yfirleitt hefur mér gengið
vel. Siðan 1971 hef ég oröið fjór-
um sinnum Islandsmeistari I
karlaflokki, einu sinni efstur i
unglingaflokki, þrisvar var ég I
öðru sæti þar og I önnur skipti
einhvers staðar neðar. En siðan
Björgvin I keppni..
1964 hef ég tekið þátt I hverju
landsmóti, sem haldið hefur
verið og þá verið sjö sinnum I
unglingaflokki og fimm sinnum
i karlaflokki. Hins vegar var
árangur minn nú I ár á lands-
mótinu ekki til að hrósa mér af,
og má segja, að mótið hafi verið
illa spilað af öllum aðilum.
Menn komu út með óvenju-
mikinn höggafjölda, til dæmis
var ég með 16 höggum meira
núna en á Akureyrarmótinu i
fyrra. Hvað olli þessum lélega
árangri veit ég ekki, en það var
hvasst tvo mótsdagana, og eins
var alltof mikill fjöldi þátttak-
enda. Sjálfur er ég og var I
þolanlegri æfingu, og ekki verri
en oft áður.
Björgvin kvað það nauðsyn að
breyta fyrirkomulagi lands-
móta I framtiðinni, enda væri
ekki nema einn völlur, sem gæti
tekið á móti svipuðum fjölda og
var á Akureyri, en það er
Grafarholtsvöllur. Hins vegar
sagði hann að það færi eftir þvi
með hvaða hugarfari menn litu
á landsmót, hvort um alls-
herjarmót væri að ræða, þar
sem hver og einn einasti með-
limur golfklúbanna um allt land
gæti mætt, en mun eðlilegra
væri að klúbbarnir sendu
ákveðinn fjölda, sem
takmarkaðist af ákveðinni for-
gjöf. Aðspurður hvernig væri
bezt að koma þvi við, sagði
Björgvin, að þá yrðu klúbbarnir
að halda keppnir innan sinna
veggja og meðlimir kæmust
einfaldlega ekki á landsmót
nema með lágmarksgetu. En
Björgvin sagði engar reglur
gilda um slikt, svo sem þó
tiökaðist I öðrum íþróttagrein-
um.
— Ef slik forgjafarkeppni hefði
farið fram á undan þessu lands-
móti þá myndi fjöldi þátt-
takenda hafa verið um það bil
80 manns i karlaflokki, en þar
voru um 140 keppendur. Þá má
til dæmis geta þess, að þegar
fjöldinn er orðinn 170 manns —
eins og gerðist á Akureyri um
daginn — þá verður keppnis-
timinn langur. Hérna var keppt
frá þvi klukkan sex á morgnana
og langt fram á kvöld. Völlurinn
treðst einnig mikið og þá sér-
staklega i kringum holurnar, en
það gerir hann slæman til þess
að leika á honum. Þessi atriði
hafa ef. til vill hjálpað til að
draga niður árangur eins og
raun ber vitni.
— En er aðstaðan á Akureyri
nægjanlega góð?
— Við höfum hér að Jaðri niu
holu völl, er var vigður 1970.
Stöðugt hefur verið unnið að þvi
að bæta hann, og er hann nú i
dag orðinn allgóður. En það er
þörf á enn stærri velli og er i
bígerð að stækka hann um
helming og ná þannig sömu
vallarstærð og er I Grafarholti,
en þar eru nú átján holur.
Jaðarsvöllurinn tók við af
gamla golfvellinum sem er
sunnan við Elliheimilið, én sá
völlur var orðinn of litill og
ófullkominn. Golfklúbburinn
var heppinn i skiptum, sá gamli
var eignarland, og þegar hann
var keyptur fyrr á árum var
hann jafnvirði fimm ibúðar-
húsa. Völlurinn var orðinn fyrir
og höfðum við eignarskipti við
Akureyrarbæ á honum og Jaðri
og komum nokkuð vel út úr
þeim viðskiptum. Fjármagn
skortir hins vegar til að koma
nauðsynlegri stækkun áleiðis,
en með núverandi vallargjöld-
um og félagsgjöldum, stendur
golfklúbburinn ekki undir þeim
fjárhagslegu kvöðum, sem
óhjákvæmilega verða jafnhliða
framkvæmdunum. En áhugi
unglinga er sifellt að aukast, til
dæmis hafa gengið milli 30-40
piltar i klúbbinn nú i sumar,
sem ég held að ég megi segja að
sé mesta aukning sem orðið
hefur i einu frá upphafi. Þessi
aukning og þar með meiri
tekjur klúbbsins verður til þess,
að það hlýtur að veröa mun auð-
veldara að fjármagna stækkun
vallarins.
Barst nú talið að athyglis-
verðum einstaklingum meðal
unglinganna, og sagði Björgvin
að ekki virtist sem neinn einn
þeirra ætlaöi að skera sig sér-
staklega úr hópnum, sem stend-
ur, en það réðist hins vegar af
ýmsu hvernig einstaklingarnir
stæðu sig.
— Sumir spila einungis til að
hafa ánægju af þvi, og leggja
ekki mjög mikla rækt við
æfingar, en annars er það ákaf-
lega einstaklingsbundið hversu
snemma hæfileikarnir koma
fram. Einhver strákanna, sem
hafa spilað i eitt-tvö ár getur
skyndilega skotizt fram úr
hópnum og orðið mjög góður.
En til að auka áhugann enn
frekar var til dæmis á Akureyri
Englendingur, Tony Bacon að
nafni, er kenndi hér golf á
hverjum degi i vikutima frá þvi
klukkan tiu á morgnana til sjö á
kvöldin. Þetta ásamt fræðslu og
kennslu á vegum klúbbsins,
gerir sitt til að kveikja áhugann.
Þannig verð ég meö námskeið á
vegum golfklúbbsins og Æsku-
lýðsráðs nú á næstunni fyrir
unglinga.
— Hvað eyðir þú miklum tima I
æfingar?
— Það er ákaflega misjafnt, en
venjulega hætti ég i vinnunni
um klukkan fimm og fer þá
heim i mat, siðan liggur leiðin
upp á völl og þar er spilað
frameftir kvöldi. Hins vegar er
sá timi er gefst til æfinga stuttur
á hverju ári. Norðanlands er
það fjórir mánuðir en
Sunnlendingar hafa hálft árið til
að leika golfið. En þrátt fyrir að
við hér fyrir norðan erum bæði
færri og höfum skemmri tínia,
hefur það ekki komið i veg fyrir
það, að siðan 1943 hafa Akur-
eyringar átt fimmtán íslands-
meistara, og yfirleitt hafa
Akureyringar skipað sér I efstu
sætin á mótum. En i sambandi
við minar æfingar þá eru þær
ekki meiri en hjá öðrum, sem
stunda golf á annað borð. A
veturna æfi ég mig ekkert, en
aðstaða til æfinga innan húss er
lika litil og ónóg. Sumir berja
kúluna i netið allan liðlangan
veturinn, en til dæmis hef ég
einungis farið einu sinni I
iþróttahúsið á Akureyri til golf-
æfinga.
— Nú hefur þú oftar en einu
sinni verið valinn i lið sem keppt
hefur erlendis?
— Ég hef farið samtals fjórum
sinnum utan til keppni, á tvö
Evrópumót karla, eitt Norður-
landamót, og á eina Pierre
Robert-keppni i Sviþjóð”.
— Hvar hefur svo gengið bezt?
— Það var tvimælalaust á
Evrópumótinu i Portúgal 1973,
þar náði ég 75 höggum I undan-
rásunum, sem var ellefti besti
árangurinn I mótinu. En þetta
var flokkakeppni, og urðu Is-
lendingar næst síðastir að lok-
um, hins vegar gekk okkur bet-
ur I Evrópumóti, er haldið var á
trlandi I sumar, þar hafnaði Is-
land I fimmtánda sæti cg vorum
þar á undan þjóðum eins og
Finnum og Austurrikismönn-
um.
Björgvin kvað golfið eiga
sifellt meiri vinsældum að fagna
meðal fólks, og væri greinilegt
að sérstaklega unglingarnir
sæktu meir á golfvellina, enda
væri hægt ,,að leika golf frá sjö
ára aldri til þess dags, að varla
væri hægt að stiga lengur i
fæturna.” En golf er dýrt fyrir-
tæki, ef á að kaupa full-
komnustu ahöld strax i upphafi,
en Björgvin sagði nægjanlegt
fyrir byrjendur að kaupa hálf
sett eða kvennasett, sem er alls
ekki svo dýrt. En fullkomnasti
útbúnaður kostar langt yfir eitt
hundrað þúsund krónur og til
dæmis notar Björgvin eina
kylfu, sem kostar hvorki meira
né minna en sextán þúsund. Það
er heldur ekki kostnaðarsamt
að gerast kylfingur og leika á
Jaðarsvellinum. Fyrir unglinga
eru það 500 krónur, sem
greiðast sem félagsgjald, en
fullorðnir greiða 6000 fyrir þátt-
tökuna.
— En hver hefur veitt þér
harðasta keppni á þinum golf-
leikaraferli? — spurðum við
Björgvin að lokum.
— Mér er óhætt að fullyrða að
það sé Þorbjörn Kjærbo, en
hann hefur tvisvar verið i öðru
sæti á Islandsmóti, eða 1973 og
1974 — sagði Björgvin og var
þar með þotinn aftur i moldar-
gröftinn hjá Golfklúbbi Akur-
eyrar.
með
ungu
fólki