Fréttablaðið - 28.11.2005, Qupperneq 12

28. nóvember 2005 MÁNUDAGUR
ÚTFÖR Í ÍRAN Íranskt barn ber sér á brjóst
í útför 110 óþekktra hermanna sem féllu
í stríðinu við Írak 1980-1988 í Teheran á
föstudag. Jarðneskar leifar „píslarvottanna“
fundust nýlega. MYND/AP
SKOÐANAKÖNNUN „Það er ljóst að
Samfylkingin þarf að gera mun
betur ef hún ætlar að auka líkur á
að geta sest í landsstjórnina eftir
næstu kosningar,“ segir Baldur
Þórhallsson, dósent í stjórnmála-
fræði við Háskóla Íslands, spurð-
ur út í niðurstöður skoðanakönn-
unar Fréttablaðsins á fylgi flokka
og trausti til stjórnmálamanna.
Baldur segir að það hljóti að
vera forystusveit Samfylking-
arinnar talsvert áhyggjuefni að
mælast aðeins með rúmlega 29
prósenta fylgi þrátt fyrir að vera
stærsti stjórnarandstöðuflokk-
urinn. „Það lítur út fyrir það að
Samfylkingin sé ekki að ná til
nýrra kjósenda, til dæmis á miðj-
unni,“ segir Baldur og bendir á að
á sama tíma virðist sem flokkur-
inn sé að tapa vinstrisinnuðum
kjósendum til Vinstri grænna.
Baldur segir Framsóknar-
flokkinn vera í erfiðri stöðu þar
sem hann mælist með mjög lítið
fylgi. „Á það ber þó að líta að í
tuttugu til þrjátíu ár hefur Fram-
sóknarflokkurinn jafnan mælst
með mun minna fylgi en hann fær
svo í kosningum. Það má gera ráð
fyrir þessu í næstu kosningum
einnig,“ segir Baldur.
Enda þótt ríkisstjórnin nái
ekki meirihluta í könnuninni hafa
Framsóknarflokkur og Sjálfstæð-
isflokkur tæplega fimmtíu pró-
senta fylgi. Baldur telur það geta
þýtt að stjórnin muni halda velli í
kosningum.
„Hér virðist fylgið vera að fær-
ast frá Samfylkingu til Vinstri
grænna,“ segir Indriði Haukur Ind-
riðason stjórnmálafræðingur. Hann
segir að 2,5 prósenta fylgistap Sjálf-
stæðisflokksins sé á mörkum þess
að vera marktæk breyting.
„Það er spurning hvort lánið
muni alltaf leika við Framsókn-
arflokkinn. Það er ekki víst að
Framsóknarflokkurinn geti treyst
á að koma betur út úr kosning-
um en skoðanakönnunum,“ segir
Indriði einnig. Mest áberandi að
hans mati er fylgistap Samfylk-
ingarinnar.
IMG Gallup framkvæmir kann-
anir um fylgi flokka á mánaðar
fresti og hefur fylgi Samfylking-
arinnar einnig dalað í þeim könn-
unum jafnt og þétt síðan í maí á
þessu ári.
„Þetta er stórt stökk hjá Geir
Haarde hvað varðar traust fólks
á honum. Það má engu að síður
spyrja sig hvers vegna hann
stökkvi ekki hærra í ljósi þess
að Sjálfstæðisflokkurinn mælist
með hartnær fjörutíu prósenta
fylgi,“ segir Baldur um mælingu
á trausti almennings til stjórn-
málamanna.
Hann segir að þótt Halldór
Ásgrímsson styrki stöðu sína sé
útkoman hvergi nærri nógu góð
fyrir hann. „Þetta spilar saman,
traust sem menn bera til for-
manns Framsóknarflokksins og
dræmt fylgi flokksins í könnun-
inni,“ segir Baldur.
saj@frettabladid.is
Fylgistap uggvæn-
legt fyrir Ingibjörgu
Stjórmálafræðingarnir Baldur Þórhallsson og Indriði Haukur Indriðason eru á
einu máli um að fylgistap Samfylkingarinnar í skoðanakönnun Fréttablaðsins
hljóti að vera flokknum áhyggjuefni. Halldór Ásgrímsson á erfitt uppdráttar.
BALDUR ÞÓRHALLSSON DÓSENT Baldur
segir að ef Samfylkingin ætli sér að ná
völdum þurfi hún að sýna mun betri
frammistöðu. FRÉTTABLAÐIÐ/HEIÐA
LEIKSKÓLAR Kristján Þór Júlí-
usson, bæjarstjóri á Akureyri,
afhenti síðastliðinn föstudag
öllum leikskólastjórum leikskól-
anna þrettán á Akureyri sér-
staka viðurkenningu fyrir fram-
úrskarandi faglegt starf og góða
þjónustu við bæjarbúa.
Samkvæmt skoðanakönnun
meðal foreldra leikskólabarna
sem gerð var að frumkvæði
skólanefndar Akureyrarbæjar í
janúar síðastliðnum eru 95 pró-
sent foreldra ánægð með leik-
skólana í bænum og 92 prósent
sögðu að skólarnir mættu þörf-
um barnanna.
„Niðurstöður úr lífskjara-
könnun sem IMG Gallup gerði
fyrir Akureyrarbæ eru sam-
hljóma. Þar sögðu 95,7 prósent
aðspurðra að þeir teldu að leik-
skólarnir veittu góða þjónustu og
78,5 prósent sögðu að það væri
auðvelt að fá leikskólapláss hér
á Akureyri,“ sagði Kristján Þór
við athöfn sem haldin var starfs-
mönnum leikskólanna til heiðurs
í Listasafninu á Akureyri. - kk
Akureyrarbær veitir leikskólastjórum bæjarins viðurkenningu:
Ánægja með skólana
GAMAN Í VINNUNNI Leikskólastjórarnir þrettán. Bæjarstjóri Akureyrar segir mikla grósku
og hugmyndaauðgi í leikskólastarfinu og að mikill mannauður sé fólginn í starfsfólki skól-
anna. FRÉTTABLAÐIÐ/KK
nóv.
‘04
jan.
‘05
feb. mars apríl maí júní júlí ágúst sept. okt. nóv.
FYLGI SAMFYLKINGAR SAMKVÆMT SKOÐANAKÖNNUNUM SÍÐASTA ÁRS
34%
35,2%35,1%
29,4%
31,2%
29%
30%
28%
KANNANIR FRÉTTABLAÐSINS
KANNANIR GALLUP
DANMÖRK Fimmti hver unglingur
í Danmörku fær send óumbeðin
smáskilaaboð í gegnum farsím-
ann sinn frá auglýsendum.
Þetta kemur fram í nýrri
skýrslu danska Neytendaráðs-
ins, sem kynnt var fyrir helgi.
Í skýrslunni kemur einnig fram
að fjöldi auglýsinga í kringum
barna- og fjölskylduefni í sjón-
varpi hafi aukist hlutfallslega
mikið síðustu ár.
Neytendamálaráðherra Dan-
merkur sagði í viðtali við dag-
blaðið Politiken á föstudag að ný
lög sem vernduðu börn og ungl-
inga fyrir auglýsingaáreiti væru
í vinnslu. ■
Lög til verndar börnum:
Auglýsendur
ofsækja börn
UPPLÝSINGATÆKNI Og Vodafone
kynnti á föstudag nýja þjónustu
fyrir farsímanotendur sem gerir
þeim kleift að spila tölvuleiki,
sækja fréttir og nálgast aðra
afþreyingu í gegnum símann
sinn í mun meira magni og betri
gæðum en áður hefur þekkst.
Þjónustan sem nefnist Voda-
fone live! var fyrst kynnt í Bret-
landi árið 2002. Þeir sem nýta sér
þjónustuna þurfa að borga fyrir
hana en fá ávallt upp á símaskjá-
inn hvað tiltekin þjónusta kostar.
„Þessi þjónusta er ný á Íslandi, nú
erum við ekki eingöngu að flytja
símtöl heldur alls konar afþrey-
ingu, leiki, tónlist, hringtóna og
fréttir,“ segir Björn Víglundsson,
markaðsstjóri Og Vodafone á
Íslandi. Til að nýta sér þjónustuna
þarf sérstaka gerð af farsímum
sem eru nýir á markaðnum. „Við
gerum fastlega ráð fyrir því að
þessi þjónusta eigi eftir að verða
vinsæl hér á landi, hún hefur notið
mikilla vinsælda í Evrópu þar
sem hún hefur verið kynnt,“ segir
Björn. - sk
Og Vodafone eykur þjónustu sína við viðskiptavini:
Aukin afþreying í farsímum
ÁRNI PÉTUR JÓNSSON Kynnti nýja þjónustu
farsímanotenda Og Vodafone á föstudag.
FRÉTTABLAÐIÐ/E.ÓL.