Fréttablaðið - 03.01.2006, Blaðsíða 12

3. janúar 2006 ÞRIÐJUDAGUR12
nær og fjær
„ORÐRÉTT“
„Það er allt gott að frétta og diskókvöldið á annan
í jólum gekk vonum framar“ segir Margeir Ing-
ólfsson sem hefur gert garðinn frægan í glimmeri
og silkisloppi á diskókvöldum síðastliðin tíu ár.
„Stemmingin var kyngimönguð satt best að segja
og ég held að flestir hafi gengið fullnægðir út. Það
er alltaf gaman að fullnægja fólki,“ segir Margeir og
hlær. Þetta var í tíunda sinn sem Margeir stendur
að diskókvöldi milli jóla og nýárs, og í síðasta sinn.
Margeir segir margar ástæður fyrir því. „Ég held að
ég hafi fullklárað þetta tímabil, farið með það eins
langt og ég get. Hvort sem það er í klæðnaði, upp-
setningu, með því að gefa út Samúelblað eða með
gerð tónlistarmyndbands, eins og við gerðum núna
síðast.“ Það myndband má nálgast á heimasíðu
Margeirs, margeir.com. „Klassískt skilgreint diskó
er náttúrulega aflokað tímabil, ég hef ekki spilað
nýrri tónlist en frá miðjum níunda áratugnum á
þessum kvöldum, og nú held ég að ég sé kominn
með ágætis yfirsýn á tímabilið. Svo er tíu líka bara
góð tala.“
Margeir segist fyrst og fremst feginn að vera laus.
„Síðustu tvær, þrjár vikur hafa verið geðveiki í vinnu,
hvort sem það var í dagvinnunni eða við að undir-
búa kvöldið og markaðsefni. Ég er bara ferskur eftir
þetta og nýt þess að slaka á. Auðvitað hefur þetta
verið mjög gaman og ótrúlegt hve þessi litli brandari
vatt upp á sig. Það er aldrei að vita nema mér þyki
of vænt um karakterinn og konseptið til að sleppa
alveg af því hendinni, þó ég haldi ekki annað disk-
ókvöld. Hver veit, kannski verður bara bingókvöld á
næsta ári“.
Margeir hikar ekki spurður um framhaldið.
„Áframhaldandi partí, hvort sem er í hugbúnaðar-
gerð eða tónstússinu. Ég er bókaður nokkuð fram í
tíman, partyzone-kvöld á Nasa á næstunni og ef til
vill er ég á leiðinni til Parísar að spila seinna í janúar.
Svo sem alltaf nóg að gera.“
HVAÐ ER AÐ FRÉTTA? MARGEIR INGÓLFSSON, HLJÓÐHÖNNUÐUR OG FORRITARI
Diskótímabilinu nú lokið
„Þetta er óneitanlega ansi mikið,“
segir Margrét Sigfúsdóttir, skólastjóri
Hússtjórnarskólans í Reykjavík og
umsjónarmaður Alls í drasli á Skjá
einum um starfslokagreiðslur FL Group
til fyrrverandi forstjóra félagsins, þeirra
Sigurðar Helgasonar og Ragnhildar
Geirsdóttur. Samtals nema greiðslurn-
ar 291 milljón króna, Sigurður fær 161
milljón og Ragnhildur 130 milljónir.
„Mér finnst þetta ansi há fjárhæð,
sérstaklega fyrir unga manneskju sem
á allt lífið framundan í starfi, en það
gegnir kannski öðru máli um fólk sem
er að hætta að vinna,“ segir Margrét
og bætir við að hún haldi ró sinni yfir
málinu, ekki sé til neins að æsa sig
yfir því.
SJÓNARHÓLL
STARFSLOKAGREIÐSLUR
TVEGGJA FYRRVERANDI FOR-
STJÓRA FL GROUP
Ansi mikið
MARGRÉT SIGFÚSDÓTTIR SKÓLASTJÓRI
HÚSSTJÓRNARSKÓLANS
Já, alveg nákvæmlega
eins og aðrir laun-
þegar
„Hún er eins og aðrir
launþegar með ákveðinn
uppsagnarfrest, auk þess
sem ýmis hlunnindi koma
inn í samninginn.“
SKARPHÉÐINN BERG STEIN-
ARSSON, STJÓRNARFORMAÐUR
FL GROUP, UM RAGNHILDI
GEIRSDÓTTUR, FYRRVERANDI FOR-
STJÓRA, SEM FÆR 130 MILLJÓNIR
VEGNA STARFSFLOKA EFTIR FIMM
MÁNAÐA STARF.
Tali nú hver fyrir sig
„Þetta var árið þegar allir
tóku fimbullán út á húsnæð-
ið sitt en eyddu peningunum
því miður í vitleysu á borð
við jeppa og pallbíla.“
GUÐMUNDUR ANDRI THORSSON
RITHÖFUNDUR Í GREIN Í FRÉTTA-
BLAÐINU.
Samkvæmt niðurstöðum athugun-
ar á vef Útvarps Sögu fer Björn
Ingi Hrafnsson með sigur af hólmi
í prófkjöri Framsóknarflokksins
vegna borgarstjórnarkosninganna
í Reykjavík í vor. Mjótt er þó á
munum og fær Björn Ingi tæp 37
prósent atkvæða en Óskar Bergs-
son rúm 33 prósent. Anna Kristins-
dóttir fær svo rétt tæp 30 prósent
þeirra atkvæða sem greidd hafa
verið á vefnum vegna prófkjörs
Framsóknarflokks.
Niðurstöður vegna prófkjörs
Samfylkinginarinnar í Reykjavík
eru meira afgerandi; Stefán Jón
Hafstein hlýtur rétt tæp 50 pró-
sent atkvæða. Dagur B. Eggerts-
son fær rúm 33 prósent og Stein-
unn V. Óskarsdóttir rúm sautján
prósent.
Nú þegar liggur fyrir að Ólaf-
ur F. Magnússon verður í forystu
Frjálslynda flokksins, Svandís
Svavarsdóttir hjá VG og Vilhjálm-
ur Þ. Vilhjálmsson hjá Sjálfstæðis-
flokknum.
Á milli 80 og 90 atkvæði voru
greidd í hvorri könnun fyrir sig. ■
STEFÁN JÓN HAFSTEIN
BJÖRN INGI HRAFNSSON
Könnun á vef Útvarps Sögu á fylgi frambjóðenda:
Björn Ingi og Stefán
Jón í efstu sætunum
Eins og oft áður notuðu margir
áramótin til að hætta að reykja.
Lyfsalar víða um land segja mikið
hafa selst af nikotínlyfjum síð-
ustu daga síðasta árs en einstaka
merkti þó ekki aukningu.
Nikotíntyggjó selst lang mest
allra nikotínlyfja en talsvert úrval
er af vörum sem slá eiga á löngun
og fíkn. Nefúðar og plástrar selj-
ast næst mest en munnsogstölfur,
tungurótartöflur og innsogsstauk-
ar seljast minna.
Þær fréttir fengust úr Lyf og
heilsu í Kringlunni að nikotín-
lyf hefðu svo að segja selst upp á
gamlársdag og seldist þar einnig
mikið magn ýmiskonar lyfja sem
ætlað er að slá á timburmenn. ■
Margir drápu í um áramót:
Rífandi sala á
nikotínlyfjum
NIKOTÍNLYF Talsvert selst af lyfjum sem slá
á nikotínfíkn á þessum tíma árs.
Líf Chang Yu Tung tók
miklum stakkaskiptum í ág-
ústmánuði síðastliðnum. Þá
tók þessi 16 ára unglingur
saman föggur sínar á heim-
ili sínu á 13. hæð háhýsis
í Hong Kong og kom sér
norður til Raufarhafnar þar
sem hann stundar nú nám
í 10. bekk. Þar lærir hann
margt annað en námsbækur
kenna, til dæmis að taka
lífinu með ró.
„Ég var ákveðinn í að fara sem
skiptinemi til einhvers lands
sem væri alveg sérstakt,“ segir
Chang Yu Tung, sextán ára
skiptinemi frá Hong Kong sem
nú er búsettur á Raufarhöfn. „Ég
var hins vegar að velkjast í vafa
um það hvort ég ætti að fara til
Suður-Afríku, Egyptalands eða
Íslands. Eftir að hafa rætt það
með foreldrum mínum varð svo
Ísland ofan á. Þau vissu þó ekki
mikið um landið en þekktu þó
til skötunnar; höfðu ekki prófað
hana en vissu af þessum undar-
lega fiski sem lyktar enn und-
arlegar þegar Íslendingar elda
hann. Ég prófaði svo skötuna á
Þorláksmessu og get því stað-
fest það að hún lyktar undarlega
en bragðast alveg ágætlega,“
segir Chang.
En brá honum nokkuð í brún
þegar hann kom fyrst til Rauf-
arhafnar? „Já, ég vissi að þarna
byggju tæplega þrjú hundruð
manns en ég hafði ekki áttað
mig á því að þrjúhundruð manna
þorp væri svona rosalega lítið.
En fámennið hefur sína kosti því
undir lok fyrstu vikunnar var
ég búinn að kynnast nær öllum í
skólanum. En það voru ekki bara
viðbrigði að koma til Raufar-
hafnar því ég var undrandi á því
þegar ég kom til Reykjavíkur og
sá varla nokkra háa byggingu ef
frá eru taldar kirkjurnar. Ég hélt
að höfuðborg Íslands yrði aðeins
hærri og þéttari.“
En Chang þurfti einnig að
venjast hátterni fólksins á Fróni
og svo virðist sem aðlögunar-
hæfnin hafi ekki brugðist honum.
„Í Hong Kong er sífellt ys og
þys; fólkið fer geyst og unir sér
sjaldan hvíldar. Á Raufarhöfn
lærði ég hins vegar að slaka á og
að taka lífinu með ró. Hér taka
menn náminu til dæmis með
meira æðruleysi en viðgengst í
heimalandi mínu. En þó verð ég
að segja það að unglingarnir á
Raufarhöfn eru mun snarari en
landar mínir þegar partíhald er
annars vegar, en ekki meira um
það!“ segir Chang sem vonast
til þess að verða ekki of íslensk-
ur í háttum þegar heim verður
komið.
jse@frettabladid.is
Frá Hong Kong til Raufarhafnar
CHAN YU TUNG Það voru mikil
viðbrigði fyrir Chan að koma til
Íslands en kappinn er að sjóast.
DV skoðar starslokakónga og -drottningar
Milljón á
mánuði til
æviloka
án þess
að snerta
höfuðstólinn
DV2x15 2.1.2006 20:25 Page 1