Fréttablaðið - 03.01.2006, Blaðsíða 53

27■■■■■■■■■■■■■■■■■■■■■■■■■■■■■■■■■■■■■■■■■■■■■■■ { heilsublaðið } ■■■■
Sífellt fleiri sitja heilu og hálfu
dagana fyrir framan tölvuskjá. Þeir
mega samt ekki gleyma því að taka
sér nokkurra mínútna hlé reglulega
til að hlífa augunum. Gott ráð til að
þjálfa augun er að nota hvert tæki-
færi sem gefst til að beina þeim að
einhverju í meiri fjarlægð en skján-
um og ná fókus.
Ef þreytu verður vart í augum
getur verið gott að leggja lófana
yfir augun í mínútu eða svo þannig
að ekkert ljós smjúgi í gegn, þrýsta
með þeim þéttingsfast á kinnbein og
enni og reyna að slaka á. Slík æfing
er mjög góð hvíld fyrir augun, sér-
staklega ef hún er gerð nokkrum
sinnum dag hvern.
Styrkur sjóntaugarinnar hefur
áhrif á sjónina. Það getur því verið
gott að þjálfa taugina með þar til
gerðum æfingum. Best er að ímynda
sér að horft sé á klukku. Fyrst er
litið eins langt upp í átt að 12 og
mögulegt er - það er nauðsynlegt
að finna teygjuna á sjóntauginni -
og heldur í nokkrar sekúndur. Því
næst er sjónum beint að tölunni 1 á
klukkunni og svo koll af kolli, allt-
af með viðkomu í miðri klukkunni
milli talna. Ef tími gefst má svo fara
öfugan hring að auki.
Nærsýnir ættu að reyna að lesa
án gleraugna ef þeir sjá sér það fært
án þess að lesefnið sé óþægilega
nálægt þeim. Ef það er gert ættu
þeir með tíð og tíma að geta lesið
úr æ meiri fjarlægð. Það sama gild-
ir um tölvunotkun.
Sólgleraugu eru ekki góð lausn
fyrir þá sem viðkvæmir eru fyrir
sólarljósi. Þvert á móti verða augun
viðkvæmari með því.
Þeim sem eru sérstaklega næmir
fyrir sólarljósi er bent á að sóla
reglulega á sér augun þegar þess
gefst kostur. Það felst í því að
snúa lokuðum augunum að sólinni
nokkra stund. Þetta dregur úr við-
kvæmni fyrir ljósi og getur skerpt
sjónina.
Hollráð fyrir sjónheilsu
Sjónkvillar eru vaxandi vandamál í samfélagi tölvu- og skjávinnu. Hér eru nokkur holl-
ráð í boði lækna fyrir þá sem vilja bæta sjónina eða viðhalda þeirri sem fyrir er.
Ef þreytan segir til sín er um að gera að
taka sér örlítið hlé frá augnálaginu.